Dharmendra’s Farmhouse: ଆଜି ପ୍ରଖ୍ୟାତ ଅବିନେତା ଧର୍ମେନ୍ଦ୍ରଙ୍କ ପରଲୋକ ହୋଇଯାଇଛି। ଯାହାକୁ ସାରା ଭାରତରେ ଶୋକର ଛାୟା ଖେଳିଯାଇଛି। ତାଙ୍କର ବିୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୋକ ପ୍ରକାଶ କରିଛନ୍ତି। ତେବେ ତାଙ୍କ ପରଲୋକ ପରେ ଏବେ ଚର୍ଚ୍ଚାରେ ଆସିଛି ଧର୍ମେନ୍ଦ୍ରଙ୍କ 100 ଏକର ପରିମିତ ଫାର୍ମ ହାଉସ। କାରଣ ଏହି ଫାର୍ମ ହାଉସକୁ ବେଶ ଭଲ ପାଉଥିଲେ ଧର୍ମେନ୍ଦ୍ର। ବହୁ ସମୟ ସେ ଏହି ଫାର୍ମ ହାଉସରେ କଟାଉଥିଲେ।
ମୁମ୍ବାଇ ବାହାରେ ଥିଲା ଲୋନାଭାଲା ଠାରେ ଧର୍ମେନ୍ଦ୍ରଙ୍କ ରହିଛି 100 ଏକର ଫାର୍ମ ହାଉସ। ଧର୍ମେନ୍ଦ୍ର ମୁମ୍ବାଇରେ ରହୁଥିଲେ ମଧ୍ୟ ସେ ବିଭିନ୍ନ ସମୟରେ ଏହି ଫାର୍ମ ହାଉସକୁ ଯାଇ ସମୟ କଟାନ୍ତି। ଏଥିରେ ସେ ବହୁ ଅତ୍ୟାଧୁନିକ ଜିନିଷ ସ୍ଥାପନା କରି ଏହି ଫାର୍ମ ହାଉସ ନିର୍ମାଣ କରିଛନ୍ତି। ଏହି ଭିତରେ ରହିଛି ଏକ ବିରାଟ ସୁଇମିଂ ପୁଲ। ଏହି ସୁଇମିଂ ପୁଲରେ ଗରମ ପାଣି ରହୁଥିବା ଆକ୍ବା ଥେରାପି ବ୍ୟବସ୍ଥା କରାଯାଇଛି।
ଏକ ଗଣମାଧ୍ୟମ ରିପୋର୍ଟ ଅନୁସାରେ ଧର୍ମେନ୍ଦ୍ର ଏହି ଫାର୍ମ ହାଉସକୁ ପ୍ରାୟ 17 କୋଟି ଟଙ୍କା ଦେଇ କିଣିଛନ୍ତି। ଏହାପରେ ସେ କୃଷି ପାଇଁ 88 ଲକ୍ଷ୍ୟ ଟଙ୍କା ଏବଂ ଅନ୍ୟାନ୍ୟ ବ୍ୟବସ୍ଥା ପାଇଁ ସେ 52 ଲକ୍ଷ ଟଙ୍କା ଖର୍ଚ୍ଚ କରିଛନ୍ତି। ସେହି ଫାର୍ମ ହାଉସ ନିକଟରେ ସେ ଏକ ରିସୋର୍ଟ ବ୍ୟବସାୟ କରିବା ପାଇଁ ଯୋଜନା ପ୍ରସ୍ତୁତ କରିଥିଲେ। ଏଥିପାଇଁ ସେ ବିଭିନ୍ନ ଏଜେନ୍ସି ସହିତ କଥାବାର୍ତ୍ତା କରିଥିଲେ। ଏଥିରେ 30 ଟି କଟେଜ ନିର୍ମାଣ କରିବା ପାଇଁ ନିଷ୍ପତି କରିଥିଲେ।
ସେହିପରି ଧର୍ମେନ୍ଦ୍ର ପ୍ରଥମେ ହୋଟେଲ ବ୍ୟବସାୟରେ ନିଜର କ୍ୟାରିୟର ଆରମ୍ଭ କରିଥିଲେ। ଏଥିରେ ସେ 2015 ମସିହାରେ ଦିଲ୍ଲୀରେ ଏକ ଢାବା ଖୋଲିଥିଲେ। ଯାହାର ନାମ ଥିଲା ଗରମ ଧରମ ଢାବା। ଏହାପରେ ସେ 2022 ମସିହାରେ ଆଉ ଏକ ଢାବା ଖୋଲିଥିଲେ ଯାହାର ନାମ ଥିଲା HI-Man। ସେହିପରି ସେ ବିଭିନ୍ନ ସୌଖିନ କାର କିଣିବାରେ ଆଗ୍ରହ ରଖିଥିଲେ ଧର୍ମେନ୍ଦ୍ର। ବର୍ତ୍ତମାନ ଧର୍ମେନ୍ଦ୍ରଙ୍କ ପାଖରେ ଭିନ୍ନ ଭିନ୍ନ ଦାମିକା କାର ମଧ୍ୟ ରହିଛି। ସେଗୁଡିକ ମଧ୍ୟରେ ରହିଛି Range Rover Evoque ଏବଂ Mercedes-Benz SL500।