ପାଟନା: ନୀତୀଶ କୁମାର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି। ସେ ଲୋକଭବନ ଯାଇ ରାଜ୍ୟପାଳଙ୍କୁ ଇସ୍ତଫାପତ୍ର ପ୍ରଦାନ କରିଛନ୍ତି। ବିଜେପିରୁ ଜଣେ ମୁଖ୍ୟମନ୍ତ୍ରୀ ଏବଂ ଜେଡିୟୁରୁ ଦୁଇଜଣ ଉପମୁଖ୍ୟମନ୍ତ୍ରୀ ମନୋନୀତ ହୋଇପରାନ୍ତି।
ଚିରାଗ ପାସୱାନ କ’ଣ କହିଲେ?
ଚିରାଗ ପାସୱାନ କହିଛନ୍ତି ଯେ, ଆଜି ବିହାର ପାଇଁ ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଦିନ। ଗୋଟିଏ ଯୁଗର ଅନ୍ତ ଘଟିବ, ଏହା ଆମେ ଆଜି ଅନୁଭବ କରିବୁ। ଆମେ ସର୍ବଦା ତାଙ୍କ ଦ୍ୱାରା ପ୍ରଦର୍ଶିତ ପଥ ଅନୁସରଣ କରିବୁ। ବିରୋଧୀ ସର୍ବଦା ବ୍ୟକ୍ତିଗତ ମନ୍ତବ୍ୟ ଦେଇ ମୁଖ୍ୟମନ୍ତ୍ରୀଙ୍କୁ ଅସମ୍ମାନ କରିବାକୁ ଚେଷ୍ଟା କରିଛନ୍ତି। ଏହି ଲୋକମାନେ କେବଳ ରାଜନୀତି କରୁଛନ୍ତି ଏବଂ କେବେ ଶୁଭକାମନା ଦେଇପାରିବେ ନାହିଁ।
ଇସ୍ତଫା ପରେ ନୀତିଶ କୁମାର କ’ଣ କହିଲେ?
ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ନୀତିଶ କୁମାର କହିଛନ୍ତି ଯେ, ସେ ବିହାରରେ ନୂତନ ସରକାରଙ୍କୁ ପୂର୍ଣ୍ଣ ସମର୍ଥନ କରିବେ। ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରତି ମଧ୍ୟ କୃତଜ୍ଞତା ପ୍ରକାଶ କରିଛନ୍ତି।