ନୂଆଦିଲ୍ଲୀ: ବ୍ରିକ୍ସର ଦୁଇ ଦଶନ୍ଧି ପୂର୍ତ୍ତି ଅବସରରେ, ନୂଆଦିଲ୍ଲୀଠାରେ ଆୟୋଜିତ ୧୮ତମ ବ୍ରିକ୍ସ ଶିଖର ସମ୍ମିଳନୀକୁ ସ୍ମରଣୀୟ କରିବା ଉଦ୍ଦେଶ୍ୟରେ ୧୨ ସେପ୍ଟେମ୍ବର ୨୦୨୬ରେ ଦୁଇଟି ସ୍ମାରକ ଡାକ ଟିକଟ ଉନ୍ମୋଚନ କରାଯାଇଛି।
“BRICS: Two Decades of Cooperation, 2006–2026” (ବ୍ରିକ୍ସ: ସହଯୋଗର ଦୁଇ ଦଶନ୍ଧି, ୨୦୦୬-୨୦୨୬) ଲେଖା ଥିବା ଏହି ସ୍ମାରକ ଡାକ ଟିକଟଗୁଡ଼ିକ ଆଲୋଚନା ଓ ସହଯୋଗର ଏକ ମୂଲ୍ୟବାନ ମଞ୍ଚ ଭାବେ ବ୍ରିକ୍ସର ବିକାଶକୁ ପ୍ରତିଫଳିତ କରୁଛି।
ଏହି ଦୁଇଟି ଡାକ ଟିକଟରେ “Building for Resilience, Innovation, Cooperation and Sustainability” (ସ୍ଥିରତା, ନବସୃଜନ, ସହଯୋଗ ଓ ସ୍ଥାୟୀତ୍ୱ ପାଇଁ ନିର୍ମାଣ) ଶୀର୍ଷକ ବିଷୟବସ୍ତୁ ଅଧୀନରେ ଭାରତର ୨୦୨୬ ବ୍ରିକ୍ସ ଅଧ୍ୟକ୍ଷତାର ପ୍ରାଥମିକତାଗୁଡ଼ିକୁ ମଧ୍ୟ ପ୍ରତିଫଳିତ କରାଯାଇଛି।
ପ୍ରଥମ ଡାକ ଟିକଟରେ ପାରସ୍ପରିକ ସମ୍ମାନ, ବୁଝାମଣା ଓ ଏକତାର ଭାବନା ସହିତ ଏକ ମଞ୍ଚ ଭାବେ ବ୍ରିକ୍ସର ଆବିର୍ଭାବକୁ ପ୍ରତିଫଳିତ କରାଯାଇଛି। ଦ୍ୱିତୀୟ ଡାକ ଟିକଟରେ ବ୍ରିକ୍ସର ଲୋଗୋ ସହିତ ଭାରତର ଅଧ୍ୟକ୍ଷତା ପଛରେ ରହିଥିବା ‘ମାନବିକତା ପ୍ରଥମ’ ଓ ‘ଜନକୈନ୍ଦ୍ରିକ’ ଦୃଷ୍ଟିକୋଣକୁ ପ୍ରଦର୍ଶିତ କରାଯାଇଛି।