ଭୁବନେଶ୍ବର: ଆସନ୍ତାକାଲି ଝାରସୁଗୁଡା ଉପନିର୍ବାଚନ ପାଇଁ ପ୍ରଚାରର ଶେଷ ତାରିଖ। କାରଣ ଆସନ୍ତା ଦଶ ତାରିଖରେ ଏହି ଉପନିର୍ବାଚନ ପାଇଁ ଭୋଟ ଗ୍ରହଣ ହେବ। ଆଉ ମାତ୍ର ଗୋଟିଏ ଦିନ ବାକି ଥିବାରୁ ସବୁ ଦଳ ପ୍ରଚାରକୁ ଜୋରଯାର କରି ଦେଇଛନ୍ତି।
ଆଜି ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଚାର ମଇଦାନକୁ ଓହ୍ଲାଇବେ। ଏଥିପାଇଁ ଦଳ ତରଫରୁ ବ୍ୟାପକ ପ୍ରସ୍ତୁତି କରାଯାଇଛି। ନବୀନ ଅମିଲିପାଲିଠାରେ ବିଶାଳ ଜନ ସମାବେଶକୁ ଉଦବୋଧନ ଦେବେ। ନବୀନ ଆଜି ଅପରହ୍ନରେ ଭୁବନେଶ୍ବରରୁ ସ୍ବତନ୍ତ୍ର ବିମାନରେ ଝାରସୁଗୁଡା ଯାଇ ସେଠାରୁ ସଭାସ୍ଥଳକୁ ଯିବେ।
ସେହିପରି ଆଜି ଦିନରେ ବିଜେପି ନେତା ତଥା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ମଇଦାନକୁ ଓହ୍ଲାଇବେ। ସେ ପ୍ରାର୍ଥୀ ଟଙ୍କଧରଙ୍କୁ ଧରି ବିଭିନ୍ନ ସ୍ଥାନରେ ସଭାକରିବେ ବୋଲି ନିଷ୍ପତି ହୋଇଛି। ଫଳରେ ଆଜି ଝାରସୁଗୁଡା ମଇଦାନ ପୁରା ଦୁଲୁକିବ ବୋଲି ଜଣାପଡିଗଲାଣି।
