Ayush Students Strike: ୮ ଦଫା ନ୍ୟାଜଦାବି ନେଇ ୧୯ଦିନ ଧରି ରାଜ୍ୟର ୭ଟି ସରକାରୀ ଆୟୁଷ ମହାବିଦ୍ୟାଳୟ ର ଛାତ୍ର ଛାତ୍ରୀ ପ୍ରତିବାଦ କରିବା ପରେ ଗତ ନଭେମ୍ବର୨୪ ତାରିଖ ଠାରୁ ସାତ ଦିନ ଧରି ରାଜ୍ୟର ସାତୋଟି ସରକାରୀ ଆୟୁଷ ମହାବିଦ୍ୟାଳୟ ର ଛାତ୍ରଛାତ୍ରୀ କଲେଜ ବନ୍ଦ କରି ଧାରଣା ରେ ବସିଥିବା ବେଳେ ଗତ ରବିବାର ସନ୍ଧ୍ୟା ୫ ଟାରୁ ଏହି ଧାରଣାକୁ ଦିବା ରାତ୍ର ବ୍ୟାପକ କରି ସନ୍ଧ୍ୟା ୫ଟାରୁ ଧାରଣା ଦେଇଛନ୍ତି। ଏ ସମ୍ପର୍କରେ ମୁଖ୍ୟମନ୍ତ୍ରୀ ମୋହନ ମାଝୀ ଙ୍କୁ ସ୍ମାରକପତ୍ର ପ୍ରେରଣ କରିଛନ୍ତି।
ପୁରୀସ୍ଥିତ ଗୋପବନ୍ଧୁ ଆୟୁବେଦ ମହାବିଦ୍ୟାଳୟ,ଗଂଜାମ ଜିଲ୍ଲାର ଅଙ୍କୁସପୁର ସ୍ଥିତ କବିରାଜ ଅନନ୍ତ ତ୍ରିପାଠୀ ଶର୍ମା ଆୟୁର୍ବେଦ ମହାବିଦ୍ୟାଳୟ,ବଲାଙ୍ଗୀର ସରକାରୀ ଆୟୁର୍ବେଦ ମହାବିଦ୍ୟାଳୟ,ଭୁବନେଶ୍ୱର ସ୍ଥିତ ଡା ଅଭିଣ୍ୟ ଚନ୍ଦ୍ର ହୋମିଓପ୍ୟାଥିକ ଭେଷଜ ମହାବିଦ୍ୟାଳୟ, ବ୍ରହ୍ମପୁର ସ୍ଥିତ ବିଜୁ ପଟ୍ଟନାୟକ ହୋମିଓପ୍ୟାଥିକ ଭେଷଜ ମହାବିଦ୍ୟାଳୟ, ସମ୍ବଲପୁର ସ୍ଥିତ ଓଡ଼ିଶା ମେଡ଼ିକାଲ କଲେଜ ଅଫ ହୋମିଓପ୍ୟାଥିକ ଆଣ୍ଡ ରିସର୍ଚ୍ଚ, ରାଉରକେଲା ସ୍ଥିତ ଉତ୍କଳମଣୀ ହୋମିଓପ୍ୟାଥିକ ଭେଷଜ ମହାବିଦ୍ୟାଳୟ ର ଶତାଧିକ ଛାତ୍ରଛାତ୍ରୀ ତୀବ୍ର ଅସନ୍ତୋଷ ଓ ଖୋଭ ର ସହିତ ଏହି ଅହର୍ନିସି ଧାରଣା ରେ କଲେଜ ଗେଟ ପାଖରେ ଆଜି ସନ୍ଧ୍ୟାରେ ବସିରହିଛନ୍ତି।
ଧାରଣା ଦେଇଥିବା ଛାତ୍ର ଛାତ୍ରୀ ମାନେ ସ୍ୱାସ୍ଥ୍ୟ ମନ୍ତ୍ରୀ ଡା ମୁକେଶ ମହାଲିଙ୍ଗ ଓ ପଦସ୍ତ ଅଧିକାରୀ ଙ୍କ ମନୋମୁଖୀ କାର୍ଯ୍ୟ କୁ ନାପସନ୍ଦ କରି ତୀବ୍ର ଅସନ୍ତୋଷ ବ୍ୟକ୍ତ କରିବା ସହ ସମାଲୋଚନା କରିଛନ୍ତି।