ରାଉରକେଲା : ରାଉରକେଲାରେ ସବୁଠୁ ବଡ ହକି ଷ୍ଟାଡିୟମ୍ ହେବ । ଦେଶର ସବୁଠୁ ବଡ ହକି ଷ୍ଟାଡିୟମ୍ ନିର୍ମାଣ ନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଶ୍ବସ୍ତରୀୟହକି ଷ୍ଟାଡିୟମ୍ ନିର୍ମାଣ ହେବ । ଏ ସମ୍ପର୍କରେ ମୁଖ୍ୟମନ୍ତ୍ରୀ ଆଜି ଏକ ଭିଡିଓ ବାର୍ତ୍ତା ଜରିଆରେ ଘୋଷଣା କରିଛନ୍ତି । ବିପିୟୁଟି କ୍ୟାମ୍ପସ୍ରେ ହେବ ହକି ଷ୍ଟାଡିୟମ୍। ରାଉରକେଲାରେ ନୂତନ ଇଣ୍ଟରନ୍ୟାସନାଲ୍ ହକି ଷ୍ଟାଡିୟମ୍ 20,000 ହଜାରରୁ ଅଧିକ ଲୋକେ ବସି ମ୍ୟାଚ୍ ଦେଖିପାରିବେ । ଏଥିରେ ଅନେକ ଆଧୁନିକ ବ୍ୟବସ୍ଥା ରହିବ । ସୁନ୍ଦରଗଡ ହେଉଛି ହକିର ଗଡ । ଏଠାରୁ ଦିଲ୍ଲୀପ ତିର୍କି ଓ ସୁନୀତା ଲାକ୍ରାଙ୍କ ବିଶ୍ବବିଖ୍ୟାତ ଖେଳାଳୀ ଆସିଛନ୍ତି। 2023ରେ ପୁରୁଷ ବିଶ୍ବ ହକି ପ୍ରତିଯୋଗିତା କରିବ ଓଡ଼ିଶା । ଏହି ହକି ବିଶ୍ୱ କପ୍ ରାଜ୍ୟର ଦୁଇଟି ଜାଗା ଭୁବନେଶ୍ୱର ଏବଂ ରାଉରକେଲାରେ ଆୟୋଜିତ ହେବ । ଏହି ଅବସରରେ ସାରା ବିଶ୍ବ ହକିର ବୃହତ୍ ଷ୍ଟାଡିୟମ୍କୁ ଦେଖିବ ବୋଲି ନବୀନ ପଟ୍ଟନାୟକ କହିଛନ୍ତି ।
Tags: ନବୀନ ପଟ୍ଟନାୟକ, ହକି ଷ୍ଟାଡିୟମ୍
