ମେଲବର୍ଣ୍ଣ: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଅନୁଷ୍ଠିତ ଦ୍ଵିତୀୟ ଟେଷ୍ଟକୁ ନିଜ ନାମରେ କରିଛି ଅଜିଙ୍କ୍ୟ ବାହିନୀ। ଏହି ଟେଷ୍ଟ ଚତୁର୍ଥ ଦିନରେ ଭାରତ ୮ ୱିକେଟ ରେ ବିଜୟ ହୋଇ ସିରିଜକୁ ୧-୧ ରେ ବରାବର କରିଛି।
ଗତକାଲି ଅଷ୍ଟ୍ରେଲିଆ ୬ ୱିକେଟରେ ୧୩୩ ରନରୁ ଖେଳ ଆରମ୍ଭ କରି ୨୦୦ ରନରେ ସମସ୍ତ ୱିକେଟ ହରାଇଥିଲା। ଭାରତକୁ ୭୦ ରନର ବିଜୟ ଲକ୍ଷ ଥିଲା ବେଳେ ଦଳ ୨ ୱିକେଟ ହରାଇ ବିଜୟ ହାସଲ କରିଛି। ଭାରତ ପକ୍ଷରୁ ଯଶପ୍ରିତ ବୁମରାହ ୪ ୱିକେଟ ଅକ୍ତିଆର କରିଥିଲା ବେଳେ ରବିଚନ୍ଦ୍ରନ ଅଶ୍ଵିନୀ ୩ ଟି ହାସଲ କରିଥିଲେ। ସେହିପରି ଏହି ଟେଷ୍ଟରେ ପଦାର୍ପଣ କରିଥିବା ଶୁବମାନ ଗିଲ ୩୬ ବଲରେ ୩୫ ରନ କରି ଅପରାଜିତ ଥିଲା ବେଳେ ଅଧିନାୟକ ଅଜିଙ୍କ୍ୟ ରାହାଣେ ୨୭ ରନ କରି ଦଳକୁ ବିଜୟ କରାଇଥିଲେ।
