ଭୁବନେଶ୍ବର: ଆଇପିଏଲ-୨୦୨୧ ରେ ଖେଳିବା ପାଇଁ ଓଡିଶା କ୍ରିକେଟ ଆସୋସିଏସନ ୬ ଜଣ ଓଡିଆ ଖେଳାଳିଙ୍କ ନାମ ସୁପାରିସ କରିଛି। ସେହି ପାଞ୍ଚ ଜଣଙ୍କ ନାମ ହେଲା ରାଜେଶ ଧୂପର, ଶୁଭ୍ରାଂଶୁ ସେନାପତି, ପପୁ ରାୟ, ରାଜେଶ ମହାନ୍ତି, ତାରିଣୀ ସ, ଗୌରବ ଚୌଧୁରୀ।
ସୂଚନା ଯୋଗ୍ୟ ଯେ, ଆଇପିଏଲ ର ୧୪ ତମ ସଂସ୍କରଣ ଆସନ୍ତା ଏପ୍ରିଲ ୧୧ ତାରିଖ ଠାରୁ ଆରମ୍ଭ ହେବ। ଏହି ଟୁର୍ଣ୍ଣାମେଣ୍ଟ ଜୁନ ମାସ ୬ ତାରିଖ ପର୍ଯ୍ୟନ୍ତ ଚାଲିବ। ଉଦଘାଟନୀ ମ୍ଯାଚ ମୁମ୍ବାଇ ଇଣ୍ଡିଆନ୍ସ ଏବଂ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଅନୁଷ୍ଠିତ ହେବ। ଏହା ପୂର୍ବରୁ ଫେବୃୟାରୀ ୧୧ ତାରିଖ ଠାରୁ ଖେଳାଳି ନିଲାମୀ ପ୍ରକ୍ରିୟା ଆରମ୍ଭ କରାଯିବ। ତେଣୁ ସମସ୍ତ ଫ୍ରାଞ୍ଚାଇଜମାନଙ୍କୁ ଏହି ତାରିଖ ପୂର୍ବରୁ କେଉଁ ଖେଳାଳିଙ୍କୁ ଦଳରେ ରଖିବେ ଏବଂ ବାହାର କରିବା ନେଇ ତାଲିକା ପ୍ରଦାନ କରିବେ ବୋଲି ବିସିସିଆଇ ନିର୍ଦ୍ଦେଶ ଦେଇଛି।
