ପୁରୀ, ଆଜି ଭାରତ ପାଇଁ ଏକ ଗର୍ବ ଓ ଗୌରବର ବିଷୟ। କାରଣ ହେଲା ଆଜି ଭାରତକୁ ଏକ ସ୍ବର୍ଣ୍ଣ ପଦକ ମିଳିଛି। ଜାଭେଲିନ ଥ୍ରୋ ରେ ଭାରତୀୟ ଖେଳାଳୀ ନୀରଜ ଚୋପ୍ରା ଏହି ଗୌରବ ଆଣିଛନ୍ତି। ସେଥିପାଇଁ ସାରା ଦେଶରୁ ତାଙ୍କୁ ଅଭିନନ୍ଦନ ଦିଆଯାଉଛି।
ଏପରି କ୍ଷେତ୍ରରେ ପ୍ରତିଷ୍ଠିତ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ତାଙ୍କ କଳା ମାଧ୍ୟମରେ ନୀରଜଙ୍କୁ ଅଭିନନ୍ଦନ କରିଛନ୍ତି। ଖୁବ କମ ସମୟ ମଧ୍ୟରେ ସୁଦର୍ଶନ ଏହି ଆକର୍ଷଣୀୟ କାଳ କରିବାରେ ସକ୍ଷମ ହୋଇଛନ୍ତି। ସେ ତାଙ୍କ କଳାର ଠିକ ମଧ୍ୟ ଭାଗରେ ଏକ ସ୍ବର୍ଣ୍ଣ ପଦକର ସ୍ଥାପତ୍ୟ ନିର୍ମାଣ କରିଛନ୍ତି। ଏଥିସହିତ ନୀରଜ ଚୋପ୍ରାଙ୍କର ଏକ ସୁନ୍ଦର ପ୍ରତିଛବି ମଧ୍ୟ ନିର୍ଣାଣ କରିଛନ୍ତି। ଏଥିରେ ନୀରଜ ଜାଭେଲିନ ଧରି ଥ୍ରୋ କରୁଥିବାର ପରିଲକ୍ଷିତ ହୋଇଛି।