ନୂଆଦିଲ୍ଲୀ: ଆୟର୍ଲାଣ୍ଡ ଗସ୍ତରେ ଯାଉଥିବା ଟିମ୍ ଇଣ୍ଡିଆକୁ ବିସିସିଆଇ ଏକ ବିଶେଷ ଉପହାର ଦେଇଛି। ବାସ୍ତବରେ, ମାଲାହିଡରେ ଅନୁଷ୍ଠିତ ହେବାକୁ ଥିବା ଦୁଇ ମ୍ୟାଚ୍ ବିଶିଷ୍ଟ ସିରିଜ୍ ଯିବା ପୂର୍ବରୁ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱରେ ଭାରତର ଟି -୨୦ ଦଳକୁ ତିନି ଦିନିଆ ବିରତି ଦେବାକୁ ବିସିସିଆଇ ନିଷ୍ପତ୍ତି ନେଇଛି।
ପ୍ରକାଶ ଯୋଗ୍ୟ ଯେ, ରାହୁଲ ଦ୍ରାବିଡ, ଶ୍ରେୟାସ ଆୟର ଏବଂ ଋଷଭ ପନ୍ତ ଆଜି ଲଣ୍ଡନ ଯିବେ ଏବଂ ବିସିସିଆଇ ଚାହୁଁଛି ଯେ ଟି-୨୦ ବିଶେଷଜ୍ଞଙ୍କୁ ସଂକ୍ଷିପ୍ତ ବିରତି ଦିଆଯାଉ। ବିସିସିଆଇର ଏକ ସୂତ୍ରରୁ ପ୍ରକାଶ ଯେ, “ଆୟର୍ଲାଣ୍ଡ ବିପକ୍ଷ ଟି-୨୦ ସିରିଜ ପାଇଁ ମନୋନୀତ ହୋଇଥିବା ସମସ୍ତ ଖେଳାଳି ତିନି ଦିନିଆ ବିରତି ପରେ ଘରକୁ ଫେରିବେ। ଏହି ସିରିଜ୍ ପାଇଁ କୌଣସି ଜୈବିକ ସୁରକ୍ଷିତ ପରିବେଶ ସୃଷ୍ଟି ହେବ ନାହିଁ, କିନ୍ତୁ ଖେଳାଳିମାନେ ସେମାନଙ୍କ ପରିବାର ସହିତ ରହିବେ ନାହିଁ।” କିଛି ଖେଳାଳି ଆଇପିଏଲ୍ ପରଠାରୁ କ୍ରମାଗତ କ୍ରିକେଟ୍ ଖେଳୁଛନ୍ତି ଏବଂ ଏହା ଉପଯୁକ୍ତ ଯେ ସେମାନେ ଘରେ କିଛି ସମୟ ଅତିବାହିତ କରନ୍ତୁ।
ଜାଣିବାକୁ ମିଳିଛି ଯେ ଆୟର୍ଲାଣ୍ଡ ଯାଉଥିବା ଦଳର ସମସ୍ତ ସଦସ୍ୟ ଜୁନ୍ ୨୩ ତାରିଖରେ ନ୍ୟାସନାଲ କ୍ରିକେଟ୍ ଏକାଡେମୀ ଭିଭିଏସ୍ ଲକ୍ଷ୍ମଣ ଏବଂ ସପୋର୍ଟ ଷ୍ଟାଫଙ୍କ ସହ ମୁମ୍ବାଇରେ ଏକାଠି ହେବେ।
“ଲକ୍ଷ୍ମଣ ଏବଂ ଖେଳାଳିମାନେ ଜୁନ୍ ୨୩ ତାରିଖରେ ମୁମ୍ବାଇରେ ଏକାଠି ହେବେ ଏବଂ ପରଦିନ ସେମାନେ ଡବଲିନ୍ ଅଭିମୁଖେ ଯାତ୍ରା କରିବେ। ସେମାନେ ପୂର୍ବରୁ ସିରିଜ୍ ଖେଳୁଛନ୍ତି ତେଣୁଫର୍ମକୁ ଆସିବା ପାଇଁ ସମୟର ଆବଶ୍ୟକତା ପଡିବ ନାହିଁ। ଏହି ଦୁଇଟି ମ୍ୟାଚ୍ ବିଶିଷ୍ଟ ଏକ ସିରିଜ୍, ତେଣୁ ଖେଳାଳିଙ୍କୁ ଆଡଜଷ୍ଟ କରିବାକୁ ଅଧିକ ସମୟ ଦରକାର ନାହି। ”
ଜୁନ ୨୬ ତାରିଖ ଏବଂ ୨୮ତାରିଖରେ ମାଲହିଡରେ ଦୁଇଟି ଟି-୨୦ ମ୍ୟାଚ୍ ଖେଳିବା ପରେ ଦଳ ଟି-୨୦ ୱାର୍ମ ଅପ୍ ମ୍ୟାଚ୍ ପାଇଁ ଇଂଲଣ୍ଡ ଗସ୍ତରେ ଯିବେ। ଟେଷ୍ଟ ଦଳ ଗତ ବର୍ଷର ସିରିଜ୍ ‘ପଞ୍ଚମ ଟେଷ୍ଟ’ ଜୁଲାଇ ୧ ତାରିଖରୁ ୫ ତାରିଖ ପର୍ଯ୍ୟନ୍ତ ଏଡବଷ୍ଟନରେ ଖେଳିବେ।
