ନୂଆଦିଲ୍ଲୀ: ଆଗାମୀ ଦିନରେ ଭାରତୀୟ କ୍ରିକେଟ୍ ଦଳରେ ଅନେକ ପରିବର୍ତ୍ତନ ହେବାକୁ ଯାଉଛି। ଟି-୨୦ ଆନ୍ତର୍ଜାତୀୟରୁ ରୋହିତ ଶର୍ମାଙ୍କ ଅଧିନାୟକତ୍ୱ ଛୁଟି ସ୍ଥିର ହୋଇଛି। ଏହା ସତ୍ତ୍ୱେ ୨୦୨୩ ବିଶ୍ୱକପ ପର୍ଯ୍ୟନ୍ତ ଦିନିକିଆ ଏବଂ ଟେଷ୍ଟ ଟିମ୍ ରେ ଭାରତୀୟ ଦଳର ନେତୃତ୍ଵ ନେବା ପାଇଁ ରୋହିତଙ୍କ ଉପରେ ଚୟନକର୍ତ୍ତାମାନେ ନିର୍ଭର କରିବେ। ଖବର ଅନୁଯାୟୀ, ଶ୍ରୀଲଙ୍କା ବିପକ୍ଷ ଟି-୨୦ ଏବଂ ଦିନିକିଆ ସିରିଜ୍ ପୂର୍ବରୁ ହାର୍ଦ୍ଦିକ ପାଣ୍ଡ୍ୟାଙ୍କୁ ଭାରତର ଟି-୨୦ ଅଧିନାୟକ ଭାବରେ ନିଯୁକ୍ତ କରାଯାଇପାରେ।
