ନୂଆଦିଲ୍ଲୀ: ଆଜି ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଚାଲିଥିବା ୩ ଟି ଦିନିକିଆ ସିରିଜର ଶେଷ ମ୍ୟାଚ୍ ଖ୍ରୀଷ୍ଟଚର୍ଚ୍ଚରେ ଖେଳାଯିବ। ଏହାପୂର୍ବରୁ ସିରିଜର ଦ୍ୱିତୀୟ ମ୍ୟାଚ୍ ବର୍ଷା ହେତୁ ଧୋଇ ହୋଇଯାଇଥିଲା। ପ୍ରଥମ ଦିନିକିଆରେ ନ୍ୟୁଜିଲ୍ୟାଣ୍ଡ ଟିମ୍ ଇଣ୍ଡିଆକୁ ୭ ୱିକେଟରେ ପରାସ୍ତ କରିଛି। ଏହିପରି ନ୍ୟୁଜିଲ୍ୟାଣ୍ଡ ସିରିଜରେ ୧-୦ରେ ଆଗରେ ଅଛି। ସିରିଜକୁ ସମାନ କରିବା ଉଦ୍ଦେଶ୍ୟରେ ଭାରତୀୟ ଦଳ ଶେଷ ମ୍ୟାଚରେ ପଡିଆକୁ ଓହ୍ଳାଇବ। ଏଥି ସହିତ ନ୍ୟୁଜିଲ୍ୟାଣ୍ଡ ଶେଷ ମ୍ୟାଚ୍ ଜିତି ସିରିଜ ହାତେଇବାକୁ ଚାହିଁବ।
ଲାଇଭ୍ ବ୍ରୋଡକାଷ୍ଟ ଏବଂ ଷ୍ଟ୍ରିମିଂ ଏଠାରେ ଦେଖନ୍ତୁ:
ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଶେଷ ମ୍ୟାଚ୍ ଖ୍ରୀଷ୍ଟଚର୍ଚ୍ଚରେ ଖେଳାଯିବ। ଦୁଇ ଦଳ ମଧ୍ୟରେ ଏହି ମ୍ୟାଚ୍ ଭାରତୀୟ ସମୟ ସକାଳ ୭ ଟାରୁ ଆରମ୍ଭ ହେବ। ଆମାଜନ ପ୍ରାଇମରେ ଏହି ମ୍ୟାଚର ଲାଇଭ୍ ଷ୍ଟ୍ରିମିଂ ହେବ। ଏହା ବ୍ୟତୀତ ପ୍ରଶଂସକମାନେ ମ୍ୟାଚ୍ ର ଲାଇଭ୍ ପ୍ରସାରଣକୁ ଡିଡି ଫ୍ରି ଡିସରେ ଦେଖିପାରିବେ। ଏହି ମ୍ୟାଚ୍ ଡିଡି ସ୍ପୋର୍ଟସରେ ସିଧା ପ୍ରସାରଣ ହେବ। ବାସ୍ତବରେ, ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଚାଲିଥିବା ୩ ଟି-୨୦ ମ୍ୟାଚ୍ ସିରିଜର ଲାଇଭ୍ ଷ୍ଟ୍ରିମିଂ ଆମାଜନ ପ୍ରାଇମରେ କରାଯାଇଥିଲା, କିନ୍ତୁ ଡିଡି ସ୍ପୋର୍ଟସରେ ସିଧା ପ୍ରସାରଣ କରାଯାଇ ନଥିଲା।
ତୃତୀୟ ଦିନିକିଆ ପାଇଁ ଟିମ୍ ଇଣ୍ଡିଆର ସମ୍ଭାବ୍ୟ ଏକାଦଶ:
ଶିଖର ଧାୱନ (ଅଧିନାୟକ), ଶୁଭମାନ ଗିଲ, ଶ୍ରେୟାସ ଆୟର, ଋଷଭ ପନ୍ତ (ୱିକେଟ କିପର), ସୂର୍ଯ୍ୟକୁମାର ଯାଦବ, ଦୀପକ ହୁଡା, ୱାଶିଂଟନ ସୁନ୍ଦର, ଦୀପକ ଚହର, ଉମରନ ମଲିକ, ଅର୍ଶଦୀପ ସିଂ/ଶାର୍ଦ୍ଦୁଲ ଠାକୁର, ୟୁଜଭେନ୍ଦ୍ର ଚହଲ/କୁଲଦୀପ ଯାଦବ
ତୃତୀୟ ଦିନିକିଆ ପାଇଁ ନ୍ୟୁଜିଲ୍ୟାଣ୍ଡର ସମ୍ଭାବ୍ୟ ଏକାଦଶ:
କେନ୍ ୱିଲିୟମସନ (ଅଧିନାୟକ), ମାଇକେଲ ବ୍ରେସୱେଲ, ଡେରି ମିଚେଲ, ଜିମି ନିଶମ, ମିଚେଲ ସାଣ୍ଟନର୍, ଫିନ୍ ଆଲେନ୍, ଡ୍ଵେନ କନୱେ, ଟମ ଲାଥମ, ଗ୍ଲେନ ଫିଲିପ୍ସ, ଲକି ଫର୍ଗୁସନ, ମ୍ୟାଟ ହେନେରୀ, ଏଡମ ମିଲନେ, ଟିମ ସାଉଦି।
