ଭୁବନେଶ୍ବର: ଆସନ୍ତାମାସ ଜାନୁୟାରୀ 13 ତାରିଖରେ ହେବ ପୁରୁଷ ହକି ବିଶ୍ବ କପ୍। ଏହି ବିଶ୍ବ ମହାକୁମ୍ଭ ଉଭୟ ରାଉରକେଲା ଏବଂ ଭୁବନେଶ୍ବରରେ ଆୟୋଜିତ ହେବ। ସେଥିପାଇଁ ଉଭୟ ସହରକୁ ସଜେଇ ଦିଆଯାଉଛି। କାନ୍ଥ ପାଚେରୀ ସବୁ ବିଭିନ୍ନ ଚିତ୍ରରେ ଚିତ୍ରିତ କରାଯାଉଛି।
ସେହିପରି ଲୋକଙ୍କ ମଧ୍ୟରେ ଏହି ଆଗ୍ରହ ମଧ୍ୟ ସୃଷ୍ଟି ହେବାରେ ଲାଗିଛି। ଭୁବନେଶ୍ବରର ବିଭିନ୍ନ ଗଳିକନ୍ଦିରେ ଦେଖିବାକୁ ମିଳିଛି ଏହି ଖେଳପ୍ରତି ଆଗ୍ରହ। ପିଲାମାନେ ହକି ଷ୍ଟିକ ଧରି ଖେଳୁ ଥିବା ବେଳେ ମହିଳାମାନେ ବିଭିନ୍ନ ଚିତା ତଥା ଝୋଟି ଆଙ୍କିବାରେ ବ୍ୟସ୍ତ ରହିଛନ୍ତି। ଭୁବନେଶ୍ବରର ବିଭିନ୍ନ ୱାର୍ଡର ମହିଳାମାନେ ହକିକୁ ନେଇ ଭିନ୍ନ ଭିନ୍ନ ଥିମରେ ଏହି ଚିତ୍ର ଅଙ୍କନ କରିଛନ୍ତି।