ନୂଆଦିଲ୍ଲୀ: ନିକଟରେ ପାକିସ୍ତାନ କ୍ରିକେଟ୍ ଦଳର ଫର୍ମ ଆଦୌ ଭଲରେ ଚାଲିନାହିଁ। ଏହି ଦଳର ଅବସ୍ଥା ଏତେ ଖରାପ ଯେ, ଷ୍ଟାଡିୟମରେ ବସିଥିବା ପ୍ରଶଂସକମାନେ ମଧ୍ୟ ନିଜ ଖେଳାଳିଙ୍କୁ ଦୁର୍ବ୍ୟବହାର କରିବା ଆରମ୍ଭ କରି ଦେଇଛନ୍ତି। ଏଭଳି ଏକ ଘଟଣାର ଭିଡିଓ ସୋସିଆଲ ମିଡିଆରେ ଖୁବ ଶୀଘ୍ର ଭାଇରାଲ ହେଉଛି। ବାସ୍ତବରେ, ଏହି ସମୟରେ ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ଟି-୨୦ ସିରିଜ ଚାଲିଛି। ଆଫଗାନିସ୍ତାନ ପ୍ରଥମ ଥର ପାଇଁ ଟି-୨୦ ସିରିଜରେ ପାକିସ୍ତାନକୁ ପରାସ୍ତ କରିଛି। ଏହି ସିରିଜର ପ୍ରଥମ ଦୁଇଟି ମ୍ୟାଚ୍ ଜିତି ପାକିସ୍ତାନ ଠାରୁ ଆଫଗାନିସ୍ତାନ ସିରିଜ୍ ଛଡାଇନେଇଛି।
୨୦୦୯ ରେ ଟି-୨୦ ବିଶ୍ୱକପ ଜିତିଥିବା ଏବଂ ୨୦୨୨ ରେ ଟି-୨୦ ବିଶ୍ୱକପ ଫାଇନାଲରେ ପ୍ରବେଶ କରିଥିବା ପାକିସ୍ତାନ ଦଳ ଆଫଗାନିସ୍ତାନ ଠାରୁ ହାରିଯାଇଛି। ଏହି ପରାଜୟକୁ ପାକିସ୍ତାନୀ ଖେଳାଳି ତଥା ପ୍ରଶଂସକମାନେ ମଧ୍ୟ ବରଦାସ୍ତ କରିପାରୁନାହାଁନ୍ତି। ଦ୍ୱିତୀୟ ଟି-୨୦ ମ୍ୟାଚ୍ ସମୟରେ ଜଣେ ପାକିସ୍ତାନୀ ପ୍ରଶଂସକ ପାକିସ୍ତାନୀ ବ୍ୟାଟ୍ସମ୍ୟାନ୍ ଆଜାମ ଖାନଙ୍କୁ ମଧ୍ୟ ଦୁର୍ବ୍ୟବହାର କରିଛନ୍ତି। ଭାଇରାଲ୍ ଭିଡିଓରେ ପାକିସ୍ତାନୀ ପ୍ରଶଂସକଙ୍କ ଦ୍ୱାରା ଆଜମ ଖାନଙ୍କୁ ଗାଳି ଦେଉଥିବା ସ୍ପଷ୍ଟ ଭାବରେ ଶୁଣାଯାଉଛି। ବାସ୍ତବରେ, ଦ୍ୱିତୀୟ ଟି-୨୦ ମ୍ୟାଚରେ ଆଜାମ ଖାନ ୪ ଟି ବଲରେ ମାତ୍ର ଗୋଟିଏ ରନ୍ କରି ଖେଳୁଥିଲେ। ପରେ ରସିଦ ଖାନ ଏକ ଦ୍ରୁତ ବଲ ବୋଲିଂ କରିଥିଲେ, ଯାହାକୁ ଆଜାମ ଖାନ ବୁଝିପାରିନଥିଲେ ଏବଂ ବଲ ସିଧା ତାଙ୍କ ପ୍ୟାଡରେ ବାଜିଥିଲା। ଅମ୍ପାୟାର ତାଙ୍କୁ LBW ଘୋଷଣା କରିଥିଲେ। ଏହା ପରେ ପ୍ରଶଂସକମାନେ ତାଙ୍କ ଭାରୀ ଶରୀରକୁ ପରିହାସ କରିଥିଲେ ଏବଂ ତାଙ୍କୁ ଦୁର୍ବ୍ୟବହାର ମଧ୍ୟ କରିଥିଲେ।
This Man In crowed 😂😂😂 is not happy with Azam Khan!!!!
Abusing Azam Khan on his Eating habit 😂😂 can anyone translate the signs #AzamKhan#PakvsAfg pic.twitter.com/GZKdh3JHGO— Muhammad Ahmad Durrani (@MAhmad9253) March 26, 2023
ଉଲ୍ଲେଖ ଯୋଗ୍ୟ ଯେ, ଦଳରେ ମହମ୍ମଦ ରିଜୱାନଙ୍କ ଅନୁପସ୍ଥିତି ଯୋଗୁଁ ପାକିସ୍ତାନ ଦଳ ଆଜାମ ଖାନଙ୍କୁ ୱିକେଟ୍ କିପର ବ୍ୟାଟ୍ସମ୍ୟାନ୍ ଭାବରେ ଦଳରେ ସାମିଲ କରିଛି। କିନ୍ତୁ ଗତ ଦୁଇଟି ଟି-୨୦ ମ୍ୟାଚରେ ପୁରା ପାକିସ୍ତାନ ଦଳ ଫ୍ଲପ ବୋଲି ପ୍ରମାଣିତ ହୋଇଛି। ପ୍ରଥମ ଟି-୨୦ ମ୍ୟାଚରେ ପାକିସ୍ତାନ ଦଳ ମୋଟ ୨୦ ଓଭରରେ ୯ ୱିକେଟ ହରାଇବା ପରେ ମାତ୍ର ୯୨ ରନ ସ୍କୋର କରିବାରେ ସକ୍ଷମ ହୋଇଥିଲା। ଯାହା ଆଫଗାନିସ୍ତାନ ଦଳ ୬ ୱିକେଟରେ ଜିତିଥିଲା। ଏହା ପରେ ଦ୍ୱିତୀୟ ମ୍ୟାଚରେ ପାକିସ୍ତାନ ଦଳ ଟିକେ ଭଲ ବ୍ୟାଟିଂ କରିଥିଲା କିନ୍ତୁ ତଥାପି ୨୦ ଓଭରରେ ମାତ୍ର ୧୩୦ ରନ୍ ସ୍କୋର କରିବାରେ ସଫଳ ହୋଇଥିଲା ଏବଂ ଆଫଗାନିସ୍ତାନ ଦଳ ୭ ୱିକେଟ୍ ରେ ମ୍ୟାଚ୍ ଜିତି ସିରିଜ୍ ଜିତିଥିଲା। ବର୍ତ୍ତମାନ ଏହି ଦୁଇ ଦଳର ଶେଷ ଟି-୨୦ ମ୍ୟାଚ୍ ଆଜି ସନ୍ଧ୍ୟାରେ ଶାରଜାଠାରେ ଖେଳାଯିବ।
