ଅକଲ୍ୟାଣ୍ଡ: ଇଡେନ ପାର୍କରେ ଶୁକ୍ରବାର ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଟି-୨୦ ସିରିଜର ଚତୁର୍ଥ ମ୍ୟାଚ୍ ଅନୁଷ୍ଠିତ ହେବ। ଶ୍ରେୟସ ଆୟରଙ୍କ ନେତୃତ୍ୱାଧୀନ ଟିମ୍ ଇଣ୍ଡିଆ ୩-୦ ରେ ଅଜେୟ ଅଗ୍ରଣୀ ନେଇ ସାରିଛି। ଏବେ ନ୍ୟୁଜିଲ୍ୟାଣ୍ଡ ପାଇଁ ଏହା ସମ୍ମାନ ରକ୍ଷା ଲଢେଇ, ଭାରତ ପାଇଁ କ୍ଲିନ୍ ସ୍ୱିପ୍ ସୁଯୋଗ।
ବୈଭବ ସୂର୍ଯ୍ୟବଂଶୀଙ୍କୁ ବାହାର କରିବା କଷ୍ଟ
ସବୁଠୁ ବଡ ପ୍ରଶ୍ନ, ଯଦି ଇଶାନ କିଶନ ଫିଟ୍ ହୁଅନ୍ତି ତେବେ ପ୍ଲେଇଂ-୧୧ ରୁ କିଏ ବାଦ୍ ପଡିବେ? କ’ଣ ବୈଭବ ସୂର୍ଯ୍ୟବଂଶୀଙ୍କୁ ବାହାରେ ବସିବାକୁ ପଡିବ? ବୈଭବ ଗତ ମ୍ୟାଚରେ ୪୫ ରନର ଚମତ୍କାର ଇନିଂସ ଖେଳିଥିଲେ, ଅଭିଷେକ ଶର୍ମାଙ୍କ ସହ ୧୩୩ ରନର ଓପନିଂ ପାର୍ଟନରଶିପ୍ କରିଥିଲେ। ଦୁହେଁ ୫ ଓଭରରେ ୧୦୦ ରନ ପୂରା କରି ରେକର୍ଡ ସୃଷ୍ଟି କରିଥିଲେ।
ଇଶାନ କିଶନଙ୍କ ଫିଟନେସ୍ ଅପଡେଟ୍
ପ୍ରଥମ ମ୍ୟାଚରେ ଡାହାଣ ଜଙ୍ଘରେ ଲୋ-ଗ୍ରେଡ୍ ଆଡକ୍ଟର ଷ୍ଟ୍ରେନ୍ ଯୋଗୁଁ ଇଶାନ ବ୍ୟାଟିଂ କରିପାରିନଥିଲେ। BCCI କହିଥିଲା ସେ ତୃତୀୟ ଟି-୨୦ ପୂର୍ବରୁ ସମ୍ପୂର୍ଣ୍ଣ ଫିଟ୍ ନୁହଁନ୍ତି। ଚତୁର୍ଥ ମ୍ୟାଚ ପୂର୍ବରୁ କୌଣସି ଅଫିସିଆଲ ବୟାନ ଆସିନି, କିନ୍ତୁ ଅକଲ୍ୟାଣ୍ଡରେ ନେଟ୍ ରେ ବ୍ୟାଟିଂ ଅଭ୍ୟାସ କରିଛନ୍ତି, ଅର୍ଥାତ୍ ଫିଟ୍ ହେଉଥିବା ଦେଖାଯାଉଛନ୍ତି।
ତେବେ ସମ୍ଭାବନା ଅଛି ଯେ, ସିରିଜ ଜିତି ସାରିଥିବାରୁ BCCI ଇଶାନଙ୍କୁ ନେଇ ତରବର ହେବ ନାହିଁ, ଚତୁର୍ଥ ମ୍ୟାଚରେ ବୈଭବଙ୍କୁ ହିଁ ସୁଯୋଗ ମିଳିପାରେ।
କ୍ରାଇଷ୍ଟଚର୍ଚ୍ଚରୁ ଓ୍ବେଲିଂଟନ ଯାଏଁ ବିଜୟ ଯାତ୍ରା
ଭାରତ କ୍ରାଇଷ୍ଟଚର୍ଚ୍ଚରେ ପ୍ରଥମ ଓ ଦ୍ୱିତୀୟ T20 ଜିତିଥିଲା, ଓ୍ବେଲିଂଟନରେ ୧୯୯ ରନର ଲକ୍ଷ୍ୟକୁ ୪୦ ବଲ୍ ବାକି ଥାଇ ହାସଲ କରି ସିରିଜ କବଜା କରିଥିଲା।
ଭାରତର ସମ୍ଭାବ୍ୟ ପ୍ଲେଇଂ-୧୧:
ବୈଭବ ସୂର୍ଯ୍ୟବଂଶୀ, ଅଭିଷେକ ଶର୍ମା, ସଞ୍ଜୁ ସାମସନ୍ (ୱିକେଟକିପର), ଶ୍ରେୟସ ଆୟର (ଅଧିନାୟକ), ତିଳକ ବର୍ମା, ନମନ ଧୀର, ଅକ୍ସର ପଟେଲ, ନୀତିଶ କୁମାର ରେଡ୍ଡୀ, ଭୁବନେଶ୍ୱର କୁମାର, ଅର୍ଶଦୀପ ସିଂହ, ପ୍ରିନ୍ସ ଯାଦବ।