ମୁମ୍ବାଇ : ସଡକ ସୁରକ୍ଷା ଅଭିଯାନ ପାଇଁ କ୍ରିକେଟ ପଡିଆକୁ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି ସଚିନ୍ ତେନ୍ଦୁଲକର ଏବଂ ବ୍ରାଏନ୍ ଲାରା ପଡିଆକୁ ଫେରୁଛନ୍ତି । କେବଳ ସଚିନ୍ ଏବଂ ଲାରା ନୁହନ୍ତି ବୀରେନ୍ଦ୍ର ସେହ୍ବାଗ, ଯୁବରାଜ ସିଂ, ଶିବନାରିନ୍ ଚନ୍ଦ୍ରପଲ୍ ଏବଂ ଡ୍ୟାରେନ୍ ଗଙ୍ଗା ମଧ୍ୟ ପଡିଆକୁ ଫେରୁଛନ୍ତି । ଭାରତୀୟ କିମ୍ବଦନ୍ତୀ ଦଳ ଏବଂ ଓ୍ବିଣ୍ଡିଜ୍ କିମ୍ବଦନ୍ତୀ ଦଳ ମଧ୍ୟରେ ଏହି ମ୍ୟାଚ୍ ଆସନ୍ତା କାଲି ଅନୁଷ୍ଠିତ ହେବ । ବୀରେନ୍ଦ୍ର ସେହ୍ବାଗ ଭାରତୀୟ ଦଳର ଅଧିନାୟକ ରହିଥିବା ବେଳେ ବ୍ରାଏନ୍ ଲାରା ଓ୍ବିଣ୍ଡିଜ୍ କିମ୍ବଦନ୍ତୀ ଦଳର ନେତୃତ୍ବ ନେବେ । ମୁମ୍ବାଇର ଓ୍ବାଙ୍ଖଡେ ଷ୍ଟାଡିୟମ୍ରେ ଅନୁଷ୍ଠିତ ହେବାକୁ ଥିବା ଏହି ମ୍ୟାଚ୍ର ସମସ୍ତ ଅର୍ଥ ସଡକ ସୁରକ୍ଷା ପାଇଁ ପ୍ରଦାନ କରାଯିବ ।
ଭାରତୀୟ କିମ୍ବଦନ୍ତୀ ଦଳ : ବୀରେନ୍ଦ୍ର ସେହ୍ବାଗ, ସଚିନ ତେନ୍ଦୁଲକର, ଯୁବରାଜ ସିଂ, ମହମ୍ମଦ କୈଫ, ଜାହିର ଖାନ, ସମୀର ଦିଘେ, ଇର୍ଫାନ ପଠାନ, ମୁନାଫ ପଟେଲ, ପ୍ରଜ୍ଞାନ ଓଝା, ମନପ୍ରୀତ ଗୋନି, ସଞ୍ଜୟ ବାଙ୍ଗର, ଆବି କୁରୁଭିଲା ଏବଂ ସାଇରାଜ ବାହାତୁଲେ ।
ଓ୍ବିଣ୍ଡିଜ୍ କିମ୍ବଦନ୍ତୀ ଦଳ : ବ୍ରାଏନ୍ ଲାରା, ଶିବନାରିନ୍ ଚନ୍ଦ୍ରପାଲ୍, ପେଡ୍ରୋ କଲିନ୍ସ,, ଡାରେନ୍ ଗଙ୍ଗା, ଟିନୋ ବେଷ୍ଟ, ସୁଲେମାନ ବେନ, ସାମୁଏଲ ବଦ୍ରି, କାର୍ଲ ହୁପର, ରିଡଲେ ଯାକବ, ଦିନାନାଥ ରାମନାରିନ୍, ରିକାର୍ଡୋ ପାୱେଲ, ଆଡାମ ସାନଫୋର୍ଡ, ଡାନଜା ହାୟାତ୍ । (ଏଜେନ୍ସି)