ମେଲବୋର୍ଣ୍ଣ : ଅନ୍ତର୍ଜାତୀୟ ମହିଳା ଦିବସରେ ବିଶ୍ବକପ୍ ଫାଇନାଲ୍ରେ ଅଷ୍ଟ୍ରେଲିଆର ମୁକାବିଲା କରିବାକୁ ଯାଉଛି । ପ୍ରଥମ ଥର ଫାଇନାଲ୍ରେ ପ୍ରବେଶ କରିଥିବା ହରମନ୍ପ୍ରୀତ୍ କୌର୍ଙ୍କ ଭାରତୀୟ ଦଳ 4 ଥର ଚାମ୍ପିୟନ୍ ଅଷ୍ଟ୍ରେଲିଆର ମୁକାବିଲା କରିବ । ଗ୍ରୁପ୍ ପର୍ଯ୍ୟାୟର ପ୍ରଥମ ମ୍ୟାଚ୍ରେ ଭାରତ ବିଜୟୀ ହୋଇଥିବାରୁ ଭାରତ ଏହି ମ୍ୟାଚ୍ରେ ଫେବ୍ରିଟ୍ । ମାତ୍ର ଘରୋଇ ପରିବେଶ ଏବଂ ଦର୍ଶକଙ୍କ ସମ୍ମୁଖରେ ଅଷ୍ଟ୍ରେଲିଆକୁ ହେୟ ମନେ କରିବା ଅନୁଚିତ୍ । ଉଭୟ ଦଳ ପରସ୍ପରକୁ 19 ଥର ଭେଟିଥିବା ବେଳେ ଭାରତ 6ଟି ଏବଂ ଅଷ୍ଟ୍ରେଲିଆ 13ଟି ମ୍ୟାଚ୍ରେ ବିଜୟୀ ହୋଇଛି । ଭାରତ ପକ୍ଷରୁ ବ୍ୟାଟିଂରେ ଶେଫାଳି ବର୍ମା ଏବଂ ବୋଲିଂରେ ପୁନମ ଯାଦବ ଚମତ୍କାର ପ୍ରଦର୍ଶନ କରିଥିବା ବେଳେ ଅଧିନାୟିକା ହରମନପ୍ରୀତ୍ କୌର୍ ଏବଂ ସ୍ମୃତି ମାନ୍ଧନାଙ୍କ ବ୍ୟାଟ୍ ଶାନ୍ତ ରହିଛି । ଉଭୟ ଏହି ମ୍ୟାଚ୍ରେ ଭଲ ପ୍ରଦର୍ଶନ କରିବା ନେଇ ଆଶା କରାଯାଉଛି ।
