କରାଚୀ : ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ଅବସରକୁ ନେଇ ବଡ ବୟାନ ଦେଇଛନ୍ତି ପାକିସ୍ତାନୀ ପେସର୍ ଶୋଏବ୍ ଅଖତର । 2019 ବିଶ୍ବକପ୍ ପରେ ଧୋନୀ ଅବସର ଗ୍ରହଣ କରିବା ଉଚିତ୍ ଥିଲା ବୋଲି ଅଖତର ମତ ଦେଇଛନ୍ତି । ଧୋନୀ ନିଜ ସମୟରେ ଭାରତୀୟ କ୍ରିକେଟର ସେବା କରିଛନ୍ତି । ବର୍ତ୍ତମାନ ତାଙ୍କର ସମୟ ଶେଷ ହୋଇ ଆସିଥିବାରୁ ଧୋନୀଙ୍କୁ ଅବସର ନେଇଯିବା ଉଚିତ୍ ବୋଲି ରାଓ୍ବଲପିଣ୍ଡି ଏକ୍ସପ୍ରେସ୍ ଶୋଏବ୍ ଅଖତର ପ୍ରକାଶ କରିଛନ୍ତି । 2019 ବିଶ୍ବକପ୍ ପରଠାରୁ ଧୋନୀ ଭାରତୀୟ ଦଳରେ ସ୍ଥାନ ପାଇନାହାନ୍ତି । ଏହା ସହିତ ଧୋନୀ ଘରୋଇ କ୍ରିକେଟ୍ ଏବଂ ଭାରତ ଏ ପାଇଁ ମଧ୍ୟ କ୍ରିକେଟ୍ ଖେଳୁ ନାହାନ୍ତି । ଆଇପିଏଲ୍ ଧୋନୀଙ୍କ ପାଇଁ ଅନ୍ତିମ ସୁଯୋଗ ରହିଥିବା ବେଳେ କରୋନା ଭାଇରସ୍ କାରଣରୁ ଆଇପିଏଲ୍ ଅନିର୍ଦ୍ଦିଷ୍ଟ ସମୟ ପର୍ଯ୍ୟନ୍ତ ବନ୍ଦ ରହିଥିବା ବେଳେ ଧୋନୀଙ୍କ କ୍ୟାରିୟରକୁ ନେଇ ଫ୍ୟାନ୍ ମାନେ ସନ୍ଦେହରେ ଅଛନ୍ତି । ତେବେ ଅଖ୍ତରଙ୍କ ଏହି ମନ୍ତବ୍ୟକୁ ଧୋନୀ ଫ୍ୟାନ୍ମାନେ ନାପସନ୍ଦ କରିଛନ୍ତି । (ଏଜେନ୍ସି)
