Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

କଂଗ୍ରେସର ସଭାପତି କିଏ ହେବ ସେ ନେଇ ବିଜେଡି ନେତାଙ୍କ ମତ ନେଲେ ରାହୁଳ ଗାନ୍ଧୀ

ଭୁବନେଶ୍ବର: ଓଡିଶା କଂଗ୍ରେସର ସଭାପତି କିଏ ହେବ, ସେ ନେଇ ଚାଲିଛି ଘଣ୍ଟାଚକଟା। ହେଲେ ଏହା ଭିତରେ ଏକ ବଡ ଖବର ଆସିଛି। ତାହା ହେଲା କିଏ କଂଗ୍ରେସ ସଭାପତି  ହେବ, ସେ ନେଇ ରାହୁଳ ଗାନ୍ଧୀ ବିଜେଡି ନେତାଙ୍କ ମତ ଲୋଡିଛନ୍ତି। ଏହା କୈଣସି ମିଛ କିମ୍ବା ଉଡା କଥା ନୁହେଁ। ଏ କଥା କହିଛନ୍ତ ଖୋଦ କଂଗ୍ରେସ ବିଧାୟକ ସୁରେଶ ରାଉତରାୟ।

ରାହୁଳ ଗାନ୍ଧୀଙ୍କୁ ଭେଟିବା ପାଇଁ ପୁରା ଓଡିଶା କଂଗ୍ରେସ ଟିମ ଦିଲ୍ଲୀ ଯାଇଥିଲେ। ସେଠାରୁ ଫେରିବା ପରେ ସୁର ରାଉତରାୟ ଏହି ବିସ୍ପୋରକ କଥା କହିଛନ୍ତି। ସେ କହିଛନ୍ତି ଯେ କଂଗ୍ରେସର ସଭାପତି କିଏ ହେବ ସେ ନେଇ ରାହୁଳ ଗାନ୍ଧୀ କେତେକ ବିଶିଷ୍ଠ ଲୋକଙ୍କ ମତ ନେଇଛନ୍ତି। ସେମାନଙ୍କ ଭିତରେ ଅଛନ୍ତି ବର୍ତ୍ତମାନ ଏବଂ ପୂର୍ବତନର ବିଜେଡି ନେତା।

ସୁର ରାଉତରାୟଙ୍କ କହିବା କଥା ହେଲା ରାହୁଳ ଗାନ୍ଧୀ ଓଡିଶାର ବିଜେଡି ନେତାଙ୍କ ସହିତ ଯୋଗାଯୋଗରେ ଅଛନ୍ତି। ସେଥିପାଇଁ ସେମାନଙ୍କ ମତ ନେଇଛନ୍ତି। ସେ କହିଛନ୍ତି ଯେ, ସଭାପତି କିଏ ହେବ ସେ ନେଇ ରାହୁଳ ଗାନ୍ଧୀ ବିଜେଡି ସାଂସଦ ଅଚ୍ୟୁତ ସାମନ୍ତ ଏବଂ ବିଧାୟକ ସୌମ୍ୟରଂଜନ ପଟ୍ଟନାୟକଙ୍କ ମତ ନେଇଛନ୍ତି। ତେବେ କଂଗ୍ରେସ ସଭାପତି ପାଇଁ ବିଜେଡି ନେତାଙ୍କ ମତ କଣ ଆବଶ୍ୟକ ବୋଲି ପଚାରିବାରୁ ସେ କିଛି କହି ନ ଥିଲେ।

ତେବେ ଏହାକୁ ନେଇ ବର୍ତ୍ତମାନ ରାଜ୍ୟ ରାଜନୀତିରେ ବେଶ ଚର୍ଚ୍ଚା ଚାଲିଛି। ସାଧାରଣରେ ପ୍ରଶ୍ନ ଉଠୁଛି ଯେ ତେବେ କଂଗ୍ରେସ ଦଳ କଣ ବିଜେଡି ନିୟନ୍ତ୍ରଣରେ ରହିଛି କି ? ପୂର୍ବରୁ ସୁର ରାଉତରାୟ କହିଥିଲେ ଯେ, କଂଗ୍ରେସ ସଭାପତି କିଏ ହେବ ତାହା ନବୀନ ପଟ୍ଟନାୟକ ନିର୍ଦ୍ଧାରଣ କରନ୍ତି। ଏହି କଥାକୁ ନେଇ ସେତେବେଳେ ବେଶ୍ ହଇଚଇ ସୃଷ୍ଟି ହୋଇଥିଲା।

ସେତିକି ନୁହେଁ ସୁର ରାଉତରାୟ ବିଜେଡି ନେତାଙ୍କ ସହିତ ଆଉ କେତେକ ଅଣ କଂଗ୍ରେସ ନେତାଙ୍କ ନାମ ମଧ୍ୟ କହିଲେ। ସେମାନେ ହେଲେ ପୂର୍ବତନ କେନ୍ଦ୍ରମନ୍ତ୍ରୀ ବ୍ରଜ ତ୍ରିପାଠୀ ଏବଂ ପୂର୍ବତନ ସାଂସଦ ତଥାଗତ ଶତପଥୀ। ଏହି ଦୁଇଜଣଙ୍କର ମଧ୍ୟ କଂଗ୍ରେସ ସଭାପତି କିଏ ହେବ ସେ ନେଇ ମତ ନିଆଯାଇଥିଲା।

ଏଥିରୁ ସ୍ପଷ୍ଟ ହୋଇଛି ଯେ, କଂଗ୍ରେସ ନିଜ ସଭାପତି ନିଜେ ବାଛିବାର କ୍ଷମତା ନାହିଁ। ଫଳରେ ରାହୁଳ ଗାନ୍ଧୀ ଅନ୍ୟ ନେତାଙ୍କ ଉପରେ ନିର୍ଭର କରୁଛନ୍ତି। ତେବେ ଏହାକୁ ନେଇ ଉଭୟ କଂଗ୍ରେସ ଏବଂ ବିଜେଡି ଶିବିରରେ ବେଶ୍ ଚର୍ଚ୍ଚା ଚାଲିଛି।

Categories
ଆଜିର ଖବର ରାଜ୍ୟ ଖବର

ସାଂସଦ ପ୍ରଫେସର ଅଚ୍ୟୁତ ସାମନ୍ତଙ୍କ ଦ୍ୱାରା ବ୍ରହ୍ମପୁରରେ ଅନୁଷ୍ଠିତ ହେଲା କନ୍ୟାକିରଣ କାର୍ଯ୍ୟକ୍ରମ

ହେମାଙ୍ଗ ପ୍ରସାଦ ରାଉଳ
 ବ୍ରହ୍ମପୁର: ଜାତୀୟ କନ୍ୟା ଦିବସ ଅବସରରେ ବ୍ରହ୍ମପୁର ଠାରେ ଶିକ୍ଷାବିତ୍ ତଥା ସାଂସଦ ପ୍ରଫେସର ଅଚ୍ୟୁତ ସାମନ୍ତଙ୍କ ଦ୍ୱାରା ପ୍ରତିଷ୍ଠିତ କଳିଙ୍ଗ ଇନିଷ୍ଟିଚ୍ୟୁଟ୍ ଅଫ୍ ସୋସିଆଲ୍ ସାଇନ୍ସ ପକ୍ଷରୁ କନ୍ୟାକିରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ସଚେତନତା ଅଭିଯାନ ମାଧ୍ୟମରେ ବାଲ୍ୟ ବିବାହ, ମାନବ ଚାଲାଣ, ମହିଳାଙ୍କ ପ୍ରତି ଅତ୍ୟାଚାର ବିରୋଧରେ ବିଭିନ୍ନ କାର୍ଯ୍ୟକ୍ରମ କରିବା ସହ କନ୍ୟା ସନ୍ତାନଙ୍କୁ ଉପଯୁକ୍ତ ଶିକ୍ଷା, ପୋଷଣ, ସୁରକ୍ଷା ଆଦି ପ୍ରଦାନ ପାଇଁ ୨୦୧୮ ମସିହାରୁ କନ୍ୟା କିରଣ ଅଭିଯାନ ମାଧ୍ୟମରେ ପ୍ରତିବର୍ଷ ଏହି କାର୍ଯ୍ୟକ୍ରମ ହୋଇ ଆସୁଛି।
ଏହି କ୍ରମରେ ବ୍ରହ୍ମପୁର ନୀଳକଣ୍ଠନଗର ସରସ୍ୱତୀ ଶିଶୁ ବିଦ୍ୟା ମନ୍ଦିର ପରିସରରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି। କଳିଙ୍ଗ ଟିଭି ଦକ୍ଷିଣ ଓଡ଼ିଶା ମୁଖ୍ୟ ପ୍ରକାଶ ପଟ୍ଟନାୟକଙ୍କ ସଂଯୋଜନାରେ ଅନୁଷ୍ଠିତ ସଭାରେ ଖଲିକୋଟ ସ୍ୱୟଂଶାସିତ ମହାବିଦ୍ୟାଳୟର ଅଧ୍ୟକ୍ଷା ପ୍ରଫେସର ଉତମା ଜେନା, ଏମକେସିଜି ମେଡ଼ିକାଲ କଲେଜ ଫାର୍ମୋକୋଲୋଜି ବିଭାଗୀୟ ମୁଖିଆ ପ୍ରଫେସର ଜୟନ୍ତୀପ୍ରଭା ବେହରା, ମେଡିସିନ୍ ବିଭାଗର ଏସୋସିଏଟ୍ ପ୍ରଫେସର ଡ. ଉମା ଶଙ୍କର ମିଶ୍ର, ସମାଜସେବୀ ଆର୍‌. ସୁନନ୍ଦା ଚୌଧୁରୀ, ପୋକ୍ସୋ କୋର୍ଟର ସ୍ୱତନ୍ତ୍ର ସରକାରୀ ଓକିଲ ନାରାୟଣ ପଣ୍ଡା, ନୀଳକଣ୍ଠନଗର ସରସ୍ୱତୀ ଶିଶୁ ବିଦ୍ୟା ମନ୍ଦିରର ଅଧ୍ୟକ୍ଷ ମୋହନ ରାଓ ପ୍ରମୁଖ ଅତିଥି ରୂପେ ଯୋଗଦାନ କରିଥିଲେ।
ଡ଼. ସାମନ୍ତଙ୍କ ଦ୍ୱାରା ପ୍ରତିଷ୍ଠିତ ବିଭିନ୍ନ ଅନୁଷ୍ଠାନ କିପରି ନାରୀ ମାନଙ୍କ ସୁରକ୍ଷା ପ୍ରଦାନ ସହ ସେମାନଙ୍କୁ ବିଭିନ୍ନ କ୍ଷେତ୍ରରେ ଜାତୀୟ ଓ ଆନ୍ତର୍ଜାତୀୟ ସ୍ତରରେ ପହଂଚାଇ ପାରୁଛି ତାର ବର୍ଣ୍ଣନା କରିବା ସହ ଅତିଥି ମାନେ ଏଥି ପାଇଁ ଶ୍ରୀ ସାମନ୍ତଙ୍କୁ କୃତଜ୍ଞତା ଜଣାଇଥିଲେ। ଆଜିର ନାରୀ ଆଉ ଅବଳା କି ଦୁର୍ବଳା ନୁହଁ, ପୁରୁଷ ପ୍ରାଧ୍ୟାନ୍ୟ ସମାଜରେ ସବୁ କ୍ଷେତ୍ରରେ ସେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛି। ନାରୀ ବିନା ପରିବାର ଅଧୁରା। ଏଣୁ ଆଜିର ଦିବସରେ କନ୍ୟା ମାନଙ୍କୁ ସଂକଳ୍ପବଦ୍ଧ ହୋଇ ନିଜ ପଥରେ ଆଗେଇ ଯିବାକୁ ଅତିଥି ମାନେ ଆହ୍ୱାନ ଜଣାଇଥିଲେ।
ଏହି ଅବସରରେ ଗତ ମେଟ୍ରିକ୍ ପରୀକ୍ଷାରେ ଜିଲ୍ଲାରେ ସର୍ବୋଚ୍ଚ ନମ୍ବର ରଖିଥିବା ମଧୁସ୍ମିତା ବେହେରା ଓ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ସର୍ବୋଚ୍ଚ ନମ୍ବର ରଖିଥିବା ଶୁଭଲକ୍ଷ୍ମୀ ପାଢ଼ୀଙ୍କୁ କିସ୍ ପକ୍ଷରୁ ପ୍ରଦତ ମାନପତ୍ର ଓ ପୁଷ୍ପଗୁଚ୍ଛ ଅତିଥି ମାନେ ପ୍ରଦାନ କରିଥିଲେ। ପ୍ରଭାତ କୁମାର ସ୍ୱାଇଁ ମାନପତ୍ର ପଠ କରିଥିବା ବେଳେ ଶିବ ଶଙ୍କର ସାହୁ, ସରୋଜ କୁମାର ମିଶ୍ର, ପ୍ରିୟମ୍ବଦା ଓ ଶ୍ରୀକାନ୍ତ ମିଶ୍ର ସଭା ପରିଚାଳନାରେ ସହଯୋଗ କରିଥିଲେ। ଶେଷରେ କିସ୍ ଡ. ସିମାଂଚଳ ବେହେରା ଧନ୍ୟବାଦ ଅର୍ପଣ କରିଥିଲେ।