Tag: ଅଭିଯୁକ୍ତ ଗିରଫ

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: କୋଦଳା ଥାନା ଅନ୍ତର୍ଗତ କଞ୍ଚଣା ଛକରେ ଅବସ୍ଥିତ ଦ୍ଵିତୀକୃଷ୍ଣ ସାହୁଙ୍କ କୁକୁଡ଼ା ଫାର୍ମରେ ଗତ ଏପ୍ରିଲ ମାସରେ ବୋମାମାଡ ଘଟିଥିଲା। ଏହି ଘଟଣାରେ ଗତ ମେ ମାସରେ ମୁନା ଗୌଡ଼ ନାମକ ଅଭିଯୁକ୍ତ ଗିରଫ ହୋଇଥିବା ବେଳେ ଆଜି ଆଉ ଦୁଇ ଅଭିଯୁକ୍ତଙ୍କୁ ଗିରଫ କରି କୋଦଳା ପୋଲିସ କୋର୍ଟ ଚାଲାଣ କରିଛି।

ଘଟଣାରୁ ପ୍ରକାଶ ଯେ, ଗତ ଏପ୍ରିଲ ୧୭ ତାରିଖରେ ଅଭିଯୁକ୍ତ ୩ ଯୁବକ ଉକ୍ତ ଫାର୍ମର ମାଲିକ ଓ କର୍ମଚାରୀଙ୍କୁ ଦାଦା ବଟି ମାଗିଥିଲେ। ନହେଲେ ବୋମା ମାଡ଼ କରି ସମସ୍ତଙ୍କୁ ଉଡାଇଦେବୁ ବୋଲି କହି ପଳାଇଥିଲେ। କିନ୍ତୁ ପରେ ୧୯ ତାରିଖ ରାତିରେ ଉକ୍ତ ଯୁବକ ମାନେ ଫାର୍ମ ଉପରେ ବୋମାମାଡ କରି ଫେରାର ହୋଇଯାଇଥିଲେ।

ମାଲିକ କୋଦଳା ଥାନାରେ ଅଭିଯୋଗ କରିବା ପରେ ପୋଲିସ ଏତଲା ନଂ ୧୭୩/୩୩ ଅନୁଯାୟୀ ମାମଲା ରୁଜୁ କରି ଘଟଣାର ତଦନ୍ତ ଚଳାଇଥିଲେ। ତେବେ ଶୁକ୍ରବାର ଦିନ ସମସ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ଅଭିଯୁକ୍ତ ମାନଙ୍କ ଠାରୁ ପୋଲିସ ଗୋଟିଏ ପିସ୍ତଲ୍, ୬ ଟି ଗୁଳି, ଗୋଟିଏ ମୋଟରସାଇକେଲ ଓ କିଛି ମୋବାଇଲ ଫୋନ ଜବତ କରିଛି।

ଖୋର୍ଦ୍ଧା: ନିକଟରେ ଖୋର୍ଦ୍ଧା ଟାଉନ ଥାନା ମୁକୁନ୍ଦପ୍ରସାଦରେ ଗୋ ହତ୍ୟାକୁ ନେଇ ଉତ୍ତେଜନା ସୃଷ୍ଟି ହେବା ପରେ ଉପଜିଲ୍ଲାପାଳ ଦୀପ୍ତିରଞ୍ଜନ ସେଠିଙ୍କ ଅଧ୍ୟକ୍ଷତାରେ ଏକ ଶାନ୍ତି କମିଟି ଗଠନ କରାଯାଇଥିଲା। ଉକ୍ତ ଘଟଣାକୁ ନେଇ ଯଦି କୌଣସି ବ୍ୟକ୍ତି ଅଶାନ୍ତ ବାତାବରଣ ସୃଷ୍ଟି କରିବା ପାଇଁ ପୁନଶ୍ଚ କିଛି ଉତ୍ତେଜନା ମୂଳକ କାର୍ଯ୍ୟ କରେ ତେବେ ତାଙ୍କୁ ଆଇନ ଅନୁଯାୟୀ ଦଣ୍ଡିତ କରାଯିବ ବୋଲି ଶାନ୍ତି କମିଟିରେ ନିଷ୍ପତ୍ତି ହୋଇଥିଲା।

ତେବେ ଉକ୍ତ ଘଟଣାକୁ ନେଇ ଜଣେ ବ୍ୟକ୍ତି ନିଜ ଫେସବୁକ ଆକାଉଣ୍ଟରେ ଆପତ୍ତିଜନକ ପୋଷ୍ଟ କରି ପୋଲିସ ଦ୍ୱାରା ଗିରଫ ହୋଇଛନ୍ତି। ଅଭିଯୁକ୍ତ ଜଣକ ମୁକୁନ୍ଦପ୍ରସାଦ ଅଞ୍ଚଳର ହବିବ ଖାନ (୨୫) ବୋଲି ଜଣାପଡିଛି। ସେ ତାଙ୍କ ଫେସବୁକ ଆକାଉଣ୍ଟରେ ଧାର୍ମିକ ଭାବନା ତଥା ସାମ୍ପ୍ରଦାୟିକ ସମନ୍ୱୟକୁ ବାଧା ଦେବା ପରି ଅପମାନଜନକ ପୋଷ୍ଟ କରିଥିଲେ।

ଏହା ଜାଣିବା ପରେ ଖୋର୍ଦ୍ଧା ଶିଳ୍ପାଞ୍ଚଳ ଫାଣ୍ଡି ଅଧିକାରୀ ବାସୁଦେବ ଜୟସିଂହ ନିଜଆଡୁ କେସ ନମ୍ବର ୪୭୦/୨୩, ଦଫା ୨୯୪, ୫୦୬, ୧୫୩ (କ) ରେ ମାମଲା ରୁଜୁ କରିଛନ୍ତି।

ଅନୁରୂପ ଭାବେ ଅଭିଯୁକ୍ତଙ୍କୁ ଧରିବା ପାଇଁ ଟାଉନ ଥାନା ଅତିରିକ୍ତ ଆଇଆଇସି ସ୍ନିଗ୍ଧାମୟୀ ବରାଳଙ୍କ ନେତୃତ୍ୱରେ ଏକ ଟିମ ଗଠନ କରାଯାଇଥିଲା। ବର୍ତ୍ତମାନ ଅଭିଯୁକ୍ତଙ୍କୁ ଗିରଫ କରାଯାଇ କୋର୍ଟଚାଲାଣ କରାଯାଇଛି।

ଯଦି କୌଣସି ବ୍ୟକ୍ତି ଧାର୍ମିକ ଭାବନାକୁ ଆଘାତ ଦେବା ତଥା ସାମ୍ପ୍ରଦାୟିକ ସମନ୍ୱୟକୁ ବାଧା ଦେବା ପରି କାର୍ଯ୍ୟ କରିବ ତାକୁ ଆଇନ ଅନୁଯାୟୀ ଦଣ୍ଡିତ କରାଯିବ ବୋଲି ତଦନ୍ତକାରି ଅଧିକାରିଣୀ ଶ୍ରୀମତୀ ବରାଳ କହିଛନ୍ତି।

କୁଜଙ୍ଗ: ଜଗତସିଂହପୁର ଜିଲ୍ଲା କୁଜଙ୍ଗ ଥାନା ଅଂଚଳର ଜନୈକା ନବମ ଶ୍ରେଣୀ ଛାତ୍ରୀକୁ ଏସିଡ ପକାଇ ମାରିଦେବା ଧମକ ହୋଇଛି। ଏହି ଘଟଣାରେ ମଙ୍ଗରାଜପୁର ଗ୍ରାମର ଜନୈକ ଯୁବକ ଗିରଫ ହୋଇଛି। ସେହିଭଳି ଅନ୍ୟ ଏକ ଘଟଣାରେ ଜନୈକା ନାବାଳିକାକୁ ଅପହରଣ ଅଭିଯୋଗରେ ଆଉ ଜଣେ ଯୁବକକୁ କୁଜଙ୍ଗ ପୋଲିସ ଗିରଫ କରିଥିବାର ଜଣାପଡିଛି।

ଘଟଣାରୁ ପ୍ରକାଶ ଯେ, କୁଜଙ୍ଗ ଥାନା ଅଂଚଳର ଜନୈକା ଛାତ୍ରୀକୁ ବଳପୂର୍ବକଭାବେ ବାହାହେବାପାଇଁ କହିବା, ମୋବାଇଲକୁ ଅଶ୍ଳୀଳ ବାର୍ତ୍ତା ପଠାଇବା ଓ ଶେଷରେ ଏସିଡ ପକାଇ ମାରିଦେବା ପାଇଁ ଧମକ ଦେଇଚାଲିଥିଲା। ଏହି ପ୍ରରିପ୍ରେକ୍ଷୀରେ ନାବାଳିକାଜଣଙ୍କ କୁଜଙ୍ଗ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ତତ୍ପର ହୋଇ ମଙ୍ଗରାଜପୁର ଗ୍ରାମର ଅଭିଯୁକ୍ତ ବାଦଲ ସାମଲ (୩୬)କୁ ଗିରଫ କରିଥିଲା।

ଅଭିଯୋଗକୁ ଭିତ୍ତିକରି ପୋଲିସ କେସ ନଂ୨୧୨/୨୩ରେ ମୋକଦ୍ଦମା ରୁଜୁ କରିଥିଲା। ବାଦଲ ଫେରାର ଥିବା ସମୟରେ କୁଜଙ୍ଗ ପୋଲସି ପାରାଦ୍ୱିପରୁ ଗିରଫ କରିବାରେ ସକ୍ଷମ ହୋଇଥିଲା।

ଅନୁରୁପଭାବେ ଏହି ଥାନା ଅଂଚଳର ଜଣେ ଚାନ୍ଦପୁର ଅଂଚଳର ଯୁବକ କୁଜଙ୍ଗ ଅଂଚଳର ଜନୈକା ୧୪ ବର୍ଷିୟା ନାବାଳିକା ପାଠ ପଢିବାକୁ ଯାଇଥିବା ବେଳେ ତାକୁ ଅପହରଣ କରିନେଇଥିଲା। ନାବାଳିକାଙ୍କ ବାପାଙ୍କ ଅଭିଯୋଗ ଅନୁସାରେ ପୋଲିସ କେସ ନଂ.୩୬୩/୨୩ରେ ମୋକଦ୍ଦମା ରୁଜୁ କରିଥିଲା। ଅପହରଣର ୪୮ଘଂଟା ମଧ୍ୟରେ ପୋଲିସ ଅପହରଣକାରୀ ଯୁବକ ଓ ଅପହୃତା ନାବାଳିକାକୁ ଉଦ୍ଧାର କରିଥିଲା। ନାବାଳିକାକୁ ତାର ପରିବାର ବର୍ଗଙ୍କୁ ହସ୍ତାନ୍ତର କରାଯାଇଥିଲା ବେଳେ ଅପହରଣକାରୀକୁ ଗିରଫ କରିଥିଲା।

ଏହି ଘଟଣାରେ ଉଭୟ ଯୁବକଙ୍କୁ କୋର୍ଟଚାଲଣ କରାଗଲାପରେ ସେମାନଙ୍କ ଜାମିନ ନାମାଞ୍ଜୁର ହୋଇଯିବାରୁ ବିଚାର ବିଭାଗୀୟ ହାଜତକୁ ପଠାଇ ଦିଆ ଯାଇଥିବାର ଥାନା ଅଧିକାରୀ ରଶ୍ମିରଂଜନ ଦାଶଙ୍କ ଠାରୁ ପ୍ରକାଶ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: କୋଦଳା ଥାନା ଅନ୍ତର୍ଗତ କାଳିମେଘି ଗ୍ରାମର ସଙ୍ଗୀତା ସ୍ବାଇଁ ନାମ୍ନୀ ଜଣେ ମହିଳା ଗତ ୧୮ ତାରିଖ ରାତିରେ ଘରେ ଶୋଇଥିବା ବେଳେ କିଛି ଦୁର୍ବୃତ୍ତ ଘରର କବାଟ ଭାଙ୍ଗି ଘରେ ପଶି ତାଙ୍କ କାଠ ଆଲମାରୀ ଭାଙ୍ଗି ତା ଭିତରେ ଥିବା ନଗଦ ୩୮ ହଜାର ଟଙ୍କା ଓ ବହୁ ସୁନା ଅଳଙ୍କାର ଚୋରି କରିଥିବା କୋଦଳା ଥାନାରେ ଅଭିଯୋଗ କରିଥିଲେ। କୋଦଳା ପୋଲିସ ଏତଲା ଗ୍ରହଣ କରି କେଶ୍ ନଂ ୩୩୯/୨୩ ଅନୁଯାୟୀ ମାମଲା ରୁଜୁ କରି ଥିଲେ ଓ ଗଞ୍ଜାମ ଏସ୍ ପି ଙ୍କ ନିର୍ଦ୍ଦେଶକ୍ରମେ ପୁରୁଷୋତ୍ତମ ପୁର ଏସ୍ ଡି ପି ଓ ଙ୍କ ତତ୍ବାବଧାନରେ କୋଦଳା ପୋଲିସ ଟିମ ଗଠନ କରି ଅନୁସନ୍ଧାନ ଆରମ୍ଭ କରିଥିଲେ ଓ ବିଭିନ୍ନ ସ୍ଥାନରେ ଚଢାଉ କରି କୋଦଳା ଥାନା ଅନ୍ତର୍ଗତ ମାରୁଡିପଲ୍ଲୀ ଗ୍ରାମର ଜଗା ପାତ୍ର, ରାଜୁ ପାତ୍ର ଓ ଜାପାନ ପାତ୍ର ସମେତ ଖୋର୍ଦ୍ଧା ଜିଲ୍ଲା ବୋଲଗଡ଼ ଥାନା ଅନ୍ତର୍ଗତ ଶ୍ରୀରାମ ପୁର ଗ୍ରାମର ଟୁକୁନା ନାୟକ ନାମକ ଯୁବକ କୁ ଉଠେଇ ଆଣି ଥାନାରେ ଜେରା କରିଥିଲେ। ଏହି ସମୟରେ ସେମାନେ ଚୋରି କରିଥିବା ରାଜି ହୋଇ ଥିଲେ।

ଏତଦବ୍ୟତୀତ ବଡ଼ ଖରିଡା ଗ୍ରାମର ଡାକ୍ତରଖାନାରୁ କମ୍ପ୍ୟୁଟର ଓ ପ୍ରିଣ୍ଟର ମେସିନ ସମେତ କବିସୂର୍ଯ୍ୟ ନଗର ଥାନା ଅଞ୍ଚଳର ବିଭିନ୍ନ ସ୍ଥାନରେ ଚୋରି କରିଥିବା ରାଜି ହୋଇ ଥିଲେ। ଏହି ଜେରା ସମୟରେ ପୋଲିସ ଉକ୍ତ ୪ ଜଣ ଅଭିଯୁକ୍ତଙ୍କ ଠାରୁ ବହୁ ସୁନା ଅଳଙ୍କାର, ରୁପା ଅଳଙ୍କାର, ନଗଦ ୫୦ ହଜାର ଟଙ୍କା ଓ କମ୍ପ୍ୟୁଟର ଓ ପ୍ରିଣ୍ଟର ମେସିନ ଜବତ କରିଛନ୍ତି ଓ ଆଜି ସେମାନଙ୍କୁ କୋର୍ଟ ଚାଲାଣ କରିଛନ୍ତି।

ଉକ୍ତ ଚୋରି ଘଟଣାରେ ପୋଲିସ ଜବତ କରିଥିବା ସୁନା ଅଳଙ୍କାରକୁ ଏତଲାକାରୀ ତଥା ହିତାଧିକାରୀ ସଙ୍ଗୀତା ସ୍ବାଇଁଙ୍କୁ ପୋଲିସ ହସ୍ତାନ୍ତର କରିଛି। ଯାହା ଫଳରେ ଏତଲାକାରୀ ସଙ୍ଗୀତା, ସରପଞ୍ଚ ଥାନା ଅଧିକାରୀ ଉମାକାନ୍ତ ସାହୁଙ୍କୁ ଧନ୍ୟବାଦ ଅର୍ପଣ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ କିଛି ଦିନ ତଳେ ଗୋଳନ୍ଥରା ଥାନା ଅଞ୍ଚଳରୁ ଜନୈକା ନାବାଳିକାକୁ ଅପହରଣ କରାଯାଇଥିଲା। ନାବାଳିକାଙ୍କ ପିତାଙ୍କ ଠାରୁ ଏତଲା ଗ୍ରହଣ କରିବା ପରେ ଗୋଳନ୍ଥରା ପୋଲିସ ଛାନବିନ୍ ଚଳାଇଥିଲା। ଏହାପରେ ଦୁଇ ଯୁବକଙ୍କୁ ପୋଲିସ ଆଣି ଥାନାରେ ଜେରା କରିଥିଲା। ଫଳରେ ନିକଟସ୍ଥ ହରଡଙ୍ଗ ଗ୍ରାମର ଜେ ହରି ରେଡ୍ଡୀ ନାମକ ଜଣେ ଯୁବକ ଘରେ ଚଢ଼ାଉ କରି ନବମ ଶ୍ରେଣୀରେ ପାଠ ପଢୁଥିବା ନାବାଳିକାକୁ ଉଦ୍ଧାର କରିବା ସହ ଘଟଣାରେ ସଂପୃକ୍ତ ଆଉ ଜଣେ ଯୁବକ ସୋରଳ ଗ୍ରାମର ମୋହନ ରେଡ୍ଡୀ ନାମକ ଜଣେ ଯୁବକଙ୍କୁ ଗିରଫ କରାଯାଇଥିଲା। ବର୍ତ୍ତମାନ ଉଦ୍ଧାର ନାବାଳିକାକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିବା ଥାନା ଅଧିକାରୀଙ୍କ ଠାରୁ ପ୍ରକାଶ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ ବୁଧବାର ଦିନ ପୋଲସରା ବ୍ଳକ ଅଫିସ ଛକ ଗୁଳିକାଣ୍ଡ ଘଟଣାର ମୁଖ୍ୟ ଅଭିଯୁକ୍ତ ପ୍ରଶାନ୍ତ ବେହେରାଙ୍କୁ ପୋଲିସ ଗିରଫ କରିଛି। ପ୍ରଶାନ୍ତଙ୍କୁ ହିଞ୍ଜିଳି ଥାନା ଅଞ୍ଚଳରୁ ଗିରଫ କରି ଏତଲା ନଂ ୪୦୭/୨୩ ଅନୁଯାୟୀ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି।

ଅଭିଯୁକ୍ତ ପ୍ରଶାନ୍ତଙ୍କ ଠାରୁ ଗୋଟିଏ ପିସ୍ତଲ, ୨୩ ଟି ଗୁଳି ଓ ଗୋଟିଏ ଛୁରୀ ଜବତ୍ କରିଛି ପୋଲିସ। ଏତଦବ୍ୟତୀତ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ଗୋଟିଏ ରକ୍ତଭିଜା ଚାଦର ଓ ପୋଷାକ ଜବତ୍ କରି ଘଟଣାର ତଦନ୍ତ ଆରମ୍ଭ କରିଛି।

ଉଲ୍ଲେଖ ଯୋଗ୍ୟ ଯେ, ପୋଲସରା ବ୍ଳକ ଅଫିସ ଛକରେ ଗୁଳିକାଣ୍ଡ ଘଟି ଖଲ୍ଲିକୋଟ ଥାନା ଅନ୍ତର୍ଗତ କୁମୁଣ୍ଡ ଗ୍ରାମର ବିଜୟ ବେହେରାଙ୍କ ବିୟୋଗ ହୋଇଥିବା ବେଳେ ଝିଅ ଗାୟତ୍ରୀ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଥିଲେ।

ବାଲିପଦର ଫାଣ୍ଡି ଅନ୍ତର୍ଗତ ଝୋଲରୀ ଗ୍ରାମର ପ୍ରଶାନ୍ତ ବେହେରା ନିଜ ଶଳାର ଶ୍ଵଶୁର ବିଜୟଙ୍କୁ ଗୁଳି ଚଳାଇ ହତ୍ୟା କରିଥିବା ଅଭିଯୋଗ ହୋଇଥିଲା। ଖବର ପାଇ ପୋଲିସ ଘଟଣାସ୍ଥଳରେ ପହଂଚି ମୃତ ଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିଲା ଏବଂ ଆହତଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରିଥିଲା।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗଞ୍ଜାମ ଜିଲ୍ଲା କୋଦଳା ସହର ରେଞ୍ଜର ବଙ୍ଗଳା ସାହିରେ ଘଟିଥିବା ସିରିଜ୍ ବୋମାମାଡ ଘଟଣାର ମୁଖ୍ୟ ଅଭିଯୁକ୍ତ ଜଗା ରାଉଳକୁ ଗିରଫ କରି କୋଦଳା ପୋଲିସ କୋର୍ଟ ଚାଲାଣ କରିଛି।

ଅଭିଯୁକ୍ତ ଜଗା ଖଲିକୋଟ ଥାନା ଅନ୍ତର୍ଗତ ନୁଆ ଫସୁଲା ଗ୍ରାମର ଯୁବକ। ତାଙ୍କ ନାମରେ ପୁର୍ବରୁ ଖଲିକୋଟ ଓ ଅନ୍ୟାନ୍ୟ ଥାନା ମାନଙ୍କରେ କିଛି ଅପରାଧ ଅଭିଯୋଗରେ ସେ ଅଭିଯୁକ୍ତ ଅଟନ୍ତି। ତାଙ୍କର ସନ୍ଧାନ ପାଇ କୋଦଳା ଥାନା ଅଧିକାରୀ ଉମାକାନ୍ତ ସାହୁ ଅନ୍ୟ କିଛି କର୍ମଚାରୀ ସହ ତାଙ୍କୁ କାବୁ କରିଥିଲେ।

ଜେରା କରିବା ପରେ କେଶ୍ ନଂ ୩୧୬/୨୩ ଅନୁଯାୟୀ ମାମଲା ରୁଜୁ କରି ତାଙ୍କୁ କୋର୍ଟ ଚାଲାଣ କରିଥିଲେ। ଅଭିଯୁକ୍ତ ଜଗା ଠାରୁ ପୋଲିସ ଗୋଟିଏ ଖଣ୍ଡା ଓ ୫ ଟି ଜୀବନ୍ତ ବୋମା ଜବତ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗଞ୍ଜାମ ଜିଲ୍ଲା ନିମଖଣ୍ଡି ଥାନା ଅନ୍ତର୍ଗତ ହୁଗୁଳାପଟା ଗ୍ରାମର ଲବ ସ୍ଵାଇଁ ନାମରେ ଜଣେ ଯୁବକଙ୍କୁ ନାବାଳିକା ଦୁଷ୍କର୍ମ ମାମଲାରେ ନିମଖଣ୍ଡି ଥାନା ପୋଲିସ ପୋକ୍ସ ଆଇନ ଅନୁଯାୟୀ ଗିରଫ କରିଛି।

ଘଟଣାରୁ ପ୍ରକାଶ ଯେ, ଜନୈକା ନାବାଳିକା ଗାଁ ର ଗୋଟିଏ ଭୋଜି ଖାଇବାକୁ ଯାଇଥିବା ବେଳେ ଅଭିଯୁକ୍ତ ଲବ ମୋବାଇଲ ଫୋନରେ ବିଭିନ୍ନ କାର୍ଯ୍ୟକ୍ରମ ଦେଖାଇବାକୁ କହି ଘର ଛାତ ଉପରକୁ ନେଇ କୌଶଳ କ୍ରମେ ଦୁଷ୍କର୍ମ କରିଥିଲା। ଏହି ବିଷୟରେ ନାବାଳିକା ଜଣକ ତାଙ୍କ ମାଁ କୁ କହିବାରୁ ମାଁ ପୋଲିସରେ ଏତଲା ଦେଇଥିଲେ। ଏତଲା ଗ୍ରହଣ କରି ପୋଲିସ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ ୨୮ ତାରିଖ ରାତିରେ ବଡ଼ବଜାର ଥାନା ଅନ୍ତର୍ଗତ ଜଗବନ୍ଧୁ ସାହିରେ ମାଲୁ ମହାନ୍ତି ନାମକ ଜଣେ ସଫେଇ କର୍ମଚାରୀଙ୍କୁ ବୋମାମାଡ ହୋଇଥିଲା। ହେଲେ ଫେରାର ହୋଇ ଯାଇଥିବା ଅଭିଯୁକ୍ତଙ୍କୁ ପୋଲିସ ଗିରଫ କରିଛି।

ଘଟଣାରୁ ପ୍ରକାଶ ବଡ଼ବଜାର ଅଞ୍ଚଳର ଡି ଅରୁଣ ରେଡି ଓ ଆହତ ମାଲୁ ମଧ୍ୟରେ କୌଣସି କାରଣରୁ ଶତ୍ରୁତା ଥିଲା। ଘଟଣା ଦିନ ମାଲୁଙ୍କୁ ରାସ୍ତାରୁ ହଟିବା ପାଇଁ ସେ ନିଜ ଘର ପାଖରେ ଥିବା ବେଳେ ଅରୁଣ ତାଙ୍କ ଉପରକୁ ବୋମାମାଡ କରି ଫେରାର ହୋଇଯାଇଥିଲା। ସୌଭାଗ୍ୟ ବଶତଃ ବୋମାଟି ମାଲୁଙ୍କ ଗୋଡ଼ ପାଖରେ ପଡି ଫୁଟିଯାଇଥିଲା। ଫଳରେ ମାଲୁଙ୍କ ଗୋଡ଼ରେ ଗଭୀର ଆଘାତ ଲାଗିଥିଲା।

ସେ ବର୍ତ୍ତମାନ ଚିକିତ୍ସିତ ହେଉଛନ୍ତି। ଖବର ପାଇ ପୋଲିସ ଏକ ମାମଲା ରୁଜୁ କରି ଘଟଣାର ଅନୁସନ୍ଧାନ ଚଳାଇ ମୁଖ୍ୟ ଅଭିଯୁକ୍ତ ଅରୁଣଙ୍କୁ ଗିରଫ କରି କୋର୍ଟ ଚାଲାଣ କରିଛି।

ଖୋର୍ଦ୍ଧା: ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ସାରୁଅ ଅଞ୍ଚଳରୁ ଆଜି ଜିଲ୍ଲା ଅବକାରୀ ବିଭାଗ ବିପୁଳ ପରିମାଣରେ ଗଞ୍ଜେଇ ଜବତ କରିବା ସହ ୫ ଜଣ ଅଭିଯୁକ୍ତଙ୍କୁ ଗିରଫ କରିଛି।  ଅଭିଯୁକ୍ତମାନେ ହେଲେ ବିହାର ରାଜ୍ୟର ଧର୍ମେନ୍ଦ୍ର କୁମାର (୩୨), ସନ୍ତୋଷ କୁମାର (୩୨), ଚନ୍ଦନ ପାଶୱାନ (୩୦), ରାଧେଶ୍ୟାମ ପାଶୱାନ (୫୮) ଏବଂ ଉମାଶଙ୍କର ରାମ (୪୭)।

ସେମାନଙ୍କ ନିକଟରୁ ଅବକାରୀ ବିଭାଗ ୫୬ କେଜି ଗଞ୍ଜେଇ ଏବଂ ନକଦ ୫୦ ହଜାର ଟଙ୍କା ଜବତ କରିଛି। ସମସ୍ତ ଅଭିଯୁକ୍ତମାନଙ୍କୁ ଆଜି କୋର୍ଟଚାଲାଣ କରାଯାଇଛି। ଉକ୍ତ ଚଢ଼ାଉରେ ଜିଲ୍ଲା ଅବକାରୀ ମୋବାଇଲ ଇନ୍ସପେକ୍ଟର ନୀଳିମା ଜୟନ୍ତୀ ସ୍ୱାଇଁ, ଅବକାରୀ ମୋବାଇଲ ଏସଆଇ ରୋହିତ ଦଣ୍ଡସେଣ, ବାଲୁଗାଁ ଅବକାରୀ ଅଧିକାରୀ ବି. ମନୋଜ କୁମାର ଏବଂ ବାଲୁଗାଁ, ଖୋର୍ଦ୍ଧା ଅବକାରୀ ଥାନା ଓ ଜିଲ୍ଲା ମୋବାଇଲ ଟିମ ର ଅନ୍ୟ କର୍ମଚାରୀ ମାନେ ସାମିଲ ଥିଲେ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବାଲିଗୁଡା ଥାନା ଅନ୍ତର୍ଗତ ବୁଡାଗୁଡା ଗ୍ରାମ ପଞ୍ଚାୟତ ଗେରେଙ୍ଗାକିଆ ଗ୍ରାମରେ ଗତ ମାର୍ଚ୍ଚ ମାସରେ ପୁର୍ବ ଶତୃତାରୁ ପାଉଲ୍ ପ୍ରଧାନ ନାମକ ଜଣେ ଖ୍ରୀଷ୍ଟ ଧର୍ମାବଲାମ୍ବୀ ବ୍ୟକ୍ତିଙ୍କୁ ଉକ୍ତ ଗ୍ରାମର ଚାରି ଭାଇ ହତ୍ୟା କରିଥିଲେ। ଗାଁ ସ୍କୁଲ ନିକଟସ୍ଥ ଏକ ପୋଲ ତଳୁ ଗ୍ରାମବାସୀ ତାଙ୍କ ମୃତ ଦେହ ଉଦ୍ଧାର କରିଥିଲେ। ଏବଂ ପରିବାର ଲୋକଙ୍କ ସହଯୋଗରେ ଗ୍ରାମ ଶ୍ମଶାନରେ ସମାଧି ଦେଇଥିଲେ। କିନ୍ତୁ ପାଉଲଙ୍କ ମୃତ ଏକ ସୁପରିକଳ୍ପିତ ହତ୍ୟା ବୋଲି ତାଙ୍କ ସ୍ତ୍ରୀ ସନ୍ଦେହ କରୁଥିଲେ।

ସ୍ତ୍ରୀ ଶ୍ରୀକଲା ଏହି ବିଷୟରେ କେରଳରେ ରହୁଥିବା ପୁଅକୁ ସବୁ କଥା କହିବା ପରେ ପୁଅ ଗାଁ କୁ ଆସି ପରିବାର ଓ ବନ୍ଧୁମାନଙ୍କ ସହ ଆଲୋଚନା କରିଥିଲେ। କିନ୍ତୁ କୌଣସି ସମାଧାନ ନହେବାରୁ ଏହି ମାସ ୨୨ ତାରିଖରେ ପୁଅ ସଞ୍ଜିରାମ ପ୍ରଧାନ ବାଲିଗୁଡା ଥାନାରେ ଅଭିଯୋଗ କରିଥିଲେ।

ଅଭିଯୋଗକୁ ଭିତ୍ତି କରି ପୋଲିସ ଏତଲା ନଂ ୧୩୪/୨୦୨୩ ରେ ଏକ ମକଦ୍ଦମା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲେ। ପୋଲିସ ଅନୁସନ୍ଧାନ କରିବା ପରେ ଜାଣିବାକୁ ପାଇଲେ ଯେ, ଗତ ମାର୍ଚ୍ଚ ୧୪ ତାରି ରେ ଗାଁ ରେ କେଢୁ ଯାତ୍ରା ଅନୁଷ୍ଠିତ ହୋଇଥିଲା ଓ ଉକ୍ତ ଯାତ୍ରା ପୋଢ ବଳି ଦିଆଯାଇଛି।

ଏହି ଅବସରରେ ଅଭିଯୁକ୍ତ ୪ ଭାଇ ପୁର୍ଣ୍ଣ ପ୍ରଧାନ, ଟୁଣିଆ ପ୍ରଧାନ, ଡୁଣି ପ୍ରଧାନ ଓ ବିନ୍ଦୁ ପ୍ରଧାନ ପ୍ରମୁଖ ପୋଢ ମାଂସ ଖାଇବାକୁ ଡାକି ଆଣି ଗାଁ ସ୍କୁଲ ନିକଟରେ ନିର୍ଦ୍ଧୁମ ମାଡ଼ ମାରି ପୋଲ ତଳେ ପକାଇ ଦେଇଥିଲେ। ପରେ ଗାଁ ଲୋକେ ଦେଖି ଶବକୁ ଉଦ୍ଧାର କରିଥିଲେ। ଶୁଣିବାକୁ ମିଳୁଛି ଧର୍ମାନ୍ତରୀକରଣ, ପୁର୍ବ ଶତ୍ରୁତା ଓ ଜମିବାଡ଼ି ଗଣ୍ଡଗୋଳକୁ ନେଇ ଏହି ହତ୍ୟାକାଣ୍ଡ ଘଟିଥିବା ଆଲୋଚନା ହେଉଛି।

ଖଲ୍ଲିକୋଟ/ବାଲୁଗାଁ: ଜମି ଦେବାକୁ କହି ୧୫ ଲକ୍ଷ ଟଙ୍କା ଠକି ନେଇଥିବା ଅଭିଯୁକ୍ତକୁ ଗିରଫ କରିଛି ଖଲ୍ଲିକୋଟ ପୁଲିସ। ସୂଚନା ଅନୁଯାୟୀ, ବାଲୁଗାଁ ଘୁମୁଶର ପଦର ଗ୍ରାମର ମୁରଲୀଧର ତରେଇ ଖଲ୍ଲିକୋଟ ଥାନା ଲଙ୍ଗଳେଶ୍ୱର ଗ୍ରାମର ଲକ୍ଷ୍ମୀନାରାୟଣ ସାହୁଙ୍କ ପରିବାର ସହ ପ୍ରଥମେ ସୁସମ୍ପର୍କ ସ୍ଥାପନ କରିଥିଲେ। ପରେ ଲକ୍ଷ୍ମୀନାରାୟଣଙ୍କୁ ମୁରଲୀଧର କହିଥିଲେ ଯେ, ମୋର ପୁଅ ଇଞ୍ଜିନିୟରିଂ ପାଠ ପଢ଼ିବ ଏବଂ ଝିଅ ବିବାହ କରିବା ପାଇଁ ଟଙ୍କା ଦରକାର ଅଛି। ମୋର ଗୋଟିଏ ଜାଗା ଅଛି, ଟଙ୍କା ଦେଲେ ତୁମ ନାମରେ ରେଜିଷ୍ଟ୍ରି କରିଦେବି ବୋଲି ମୁରଲୀଧର ତରେଇ କହିଥିଲେ। ତାଙ୍କ କଥାରେ ବିଶ୍ୱାସ କରି ଲକ୍ଷ୍ମୀନାରାୟଣ ମାର୍ଚ୍ଚ ୧୩ ତାରିଖ ୨୦୨୧ରେ ଚୁକ୍ତି କରି ୧୫ ଲକ୍ଷ ଟଙ୍କା ଦେଇଥିଲେ। ତା’ପରଠାରୁ ଜମି ରେଜିଷ୍ଟ୍ରେସନ କରିବାକୁ କହିଲେ ନାନା ବାହାନା ଦେଖାଇ ସମୟ ଗଡ଼ାଇ ଚାଲିଲେ ମୁରଲୀଧର।

ଗ୍ରାମର କିଛି ଭଦ୍ରବ୍ୟକ୍ତିଙ୍କୁ ସାଙ୍ଗରେ ନେଇ ଲକ୍ଷ୍ମୀନାରାୟଣ ବାଲୁଗାଁ ମୁରଲୀଧରଙ୍କ ଗ୍ରାମକୁ ଯାଇଥିଲେ। ସେଠାରେ ପରିବାର ଲୋକେ ନାନା ଧମକ ଦେଇ ଗାଁରୁ ତଡ଼ିଦେଲେ। ଶେଷରେ ଅନ୍ୟ ଉପାୟ ନପାଇ ଭେଜିପୁଟ ଫାଣ୍ଡିରେ ଏତଲା ଦାଖଲ କରିଥିଲେ ଲକ୍ଷ୍ମୀନାରାୟଣ।

ଅଭିଯୋଗ ପାଇ ଖଲ୍ଲିକୋଟ ଥାନାରେ କେସ୍ ନଂ-୩୪୪/୨୦୨୩ରେ ମାମଲା ରୁଜୁ ହୋଇଥିଲା। ଆଇଆଇସି ଜଗନ୍ନାଥ ମଲ୍ଲିକଙ୍କ ନିର୍ଦ୍ଦେଶକ୍ରମେ ଭେଜିପୁଟ ଫାଣ୍ଡି ଅଧିକାରୀ ଦେବାଶିଷ ମିଶ୍ର ଘଟଣାର ତଦନ୍ତ ଆରମ୍ଭ କରିଥିଲେ। ଏତଲା ଦାଖଲ ହେବାର ମାତ୍ର ୪ ଘଣ୍ଟା ପରେ ବାଲୁଗାଁ ଘୁମୁସର ପଦର ଗ୍ରାମକୁ ପୁଲିସ ଯାଇଥିଲେ। ସେଠାରେ ପରିବାର ଲୋକଙ୍କ ପ୍ରବଳ ବିରୋଧ ସତ୍ତ୍ୱେ କୌଶଳ କ୍ରମେ ମୁରଲୀଧର ତରେଇକୁ ଫାଣ୍ଡି ଅଧିକାରୀ ଦେବାଶିଷ ମିଶ୍ର ଉଠାଇ ଆଣିଥିଲେ। ପରେ ଅଭିଯୁକ୍ତ ମୁରଲୀଧର ତରେଇକୁ ବିଭିନ୍ନ ଦଫାରେ ଗିରଫ କରି କୋର୍ଟ ଚାଲାଣ କରିଛି ପୁଲିସ।

ସୀତାରାମ ଅଗ୍ରୱାଲ

ବାଣପୁର: ଗତକାଲି ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଘଟିଥିବା ଜଘନ୍ୟ ହତ୍ୟାକାଣ୍ଡର ଅଭିଯୁକ୍ତଙ୍କୁ ଆଜି ଗିରଫ କରିଛି ପୋଲିସ। ଏ ନେଇ ବାଣପୁର ଆଇଆଇସି ଏକ ପ୍ରେସ ବିଜ୍ଞପ୍ତି ଜରିଆରେ ସୂଚନା ଦେଇଛନ୍ତି।

ଅଭିଯୁକ୍ତ ଜଣକ ହେଉଛନ୍ତି ଭୀମପୁର ଗ୍ରାମର ସତ୍ୟ ନାୟକଙ୍କ ପୁତ୍ର ବସନ୍ତ ନାୟକ (୪୬)।  ତାଙ୍କୁ ନିଜ ଗ୍ରାମରୁ ଗିରଫ କରିଛି ପୋଲିସ। ହତ୍ୟାରେ ବ୍ୟବହୃତ ହୋଇଥିବା କାତିକୁ ମଧ୍ୟ ଜବତ କରିଛି ପୋଲିସ।

ସୂଚନା ଥାଉକି ଗତକାଲି ରାତିରେ ଭୀମପୁର ଗ୍ରାମ ହରିଜନ ସାହିର ରବୀନ୍ଦ୍ର ନାୟକ ଏବଂ ତାଙ୍କ ସାନ ଭାଇଙ୍କୁ ଘରେ ପଶି ମଦ୍ୟପ ଅବସ୍ଥାରେ ଅଭିଯୁକ୍ତ ବସନ୍ତ କାତିରେ ଚୋଟ ପକାଇଥିଲେ, ଯାହା ଫଳରେ ରବୀନ୍ଦ୍ରଙ୍କ ମୃତ୍ୟୁ ଘଟିଥିଲା। ଏହାପରେ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ଆଜି ପୋଲିସ ହାତରେ ଗିରଫ ହୋଇଛନ୍ତି।

ତେବେ ପ୍ରାଥମିକ ତଦନ୍ତରୁ ଏହା ପୂର୍ବ ଶତ୍ରୁତା ନେଇ ହୋଇଥିବା ଆଇଆଇସି ଜୟପ୍ରକାଶ ପରିଡ଼ା କହିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ ଏପ୍ରିଲ ୨୮ ତାରିଖ ରେ ଦୁଇ ଭଉଣୀ ବ୍ରହ୍ମପୁର ବୁଢ଼ୀ ଠାକୁରାଣୀ ଦେଖିବାକୁ ଶ୍ରୀରାମ ନଗରର ନିଜ ସମ୍ପର୍କୀୟଙ୍କ ଘରକୁ ଆସିଥିଲେ। କିନ୍ତୁ ଉକ୍ତ ଦୁଇ ଭଉଣୀ ଘରକୁ ନଫେରିବାରୁ ପରିବାର ଲୋକେ ବଡ଼ବଜାର ଥାନାରେ ଅଭିଯୋଗ କରିଥିଲେ।

ଅଭିଯୋଗକୁ ଭିତ୍ତି କରି ପୋଲିସ ଅନୁସନ୍ଧାନ କରି ଚମାଖଣ୍ଡି ଥାନା ଅନ୍ତର୍ଗତ ଚମାଖଣ୍ଡି ଛକରେ ଉକ୍ତ ଦୁଇ ଜଣ ଭୁବନେଶ୍ୱର ଯିବା ପାଇଁ ଯୋଜନା କରୁଥିବା ବେଳେ ପୋଲିସ ସେମାନଙ୍କୁ ଉଦ୍ଧାର କରିଥିଲେ ଓ ନାବାଳିକା ଦ୍ଵୟଙ୍କୁ ପୃଥକ୍ ଭାବେ ଜେରା କରିବା ପରେ ଦୁଇ ଜଣ ଯୁବକ ସେମାନଙ୍କୁ କାର୍ ଯୋଗେ ବ୍ରହ୍ମପୁରରୁ ଆଣି ଚମାଖଣ୍ଡି ଗାଁ ଭିତରେ ଥିବା ଏକ କୁକୁଡ଼ା ଫାର୍ମରେ ରଖି ଦୁଷ୍କର୍ମ କରିଥିଲେ ବୋଲି ଥାନା ଓ ଅଦାଲତରେ ବୟାନ ଦେଇଥିଲେ।

ପରବର୍ତ୍ତୀ ସମୟରେ ପୋଲିସ ଛାନଭିନ୍ କରି ଦୁଇ ଅପହୃତା ଶିତଳାପଲୀ ଗ୍ରାମର ମଣ୍ଟୁ ସେଠୀ ଓ ନିମଖଣ୍ଡି ଥାନା ଅନ୍ତର୍ଗତ ଲକ୍ଷ୍ମୀ ନାରାୟଣ ପୁର ଗ୍ରାମର ତୋଫାନ ସେଠୀ ନାମକ ଦୁଇ ଯୁବକଙ୍କୁ ଆଣି ଜେରା କରିବା ପରେ ଉକ୍ତ ନାବାଳିକା ଓ ଏହି ଯୁବକକୁ ଡ଼ାକ୍ତରୀ ମାଇନା କରିବା ପରେ ଯୁବକ ଦ୍ବୟଙ୍କୁ କୋର୍ଟ ଚାଲାଣ କରିଛନ୍ତିି।