Categories
ଆଜିର ଖବର ରାଜ୍ୟ ଖବର

ଆଇଏନଏସ ଚିଲିକାରେ ଓଡ଼ିଶା ଉପକୂଳ ସୁରକ୍ଷା ଉପରେ ୫ମ ଆପେକ୍ସ କମିଟି ସମୀକ୍ଷା ବୈଠକ ଅନୁଷ୍ଠିତ

ସୀତାରାମ ଅଗ୍ରୱାଲ

ଚିଲିକା: ଆଜି ପୂର୍ବାହ୍ନରେ ଓଡ଼ିଶାର ଉପକୂଳବର୍ତ୍ତୀ ଅଞ୍ଚଳର ସୁରକ୍ଷା ଉପରେ ୫ମ ଆପେକ୍ସ କମିଟିର ସମୀକ୍ଷା ବୈଠକ ଆଇଏନଏସ ଚିଲିକାରେ ଅନୁଷ୍ଠିତ ହୋଇଯାଇଛି। ଉପ-ଆଡମିରାଲ୍ ତଥା ଇଷ୍ଟର୍ନ ନାଭାଲ କମାଣ୍ଡ ମୁଖ୍ୟ ବିଶ୍ୱଜିତ୍ ଦାସଗୁପ୍ତା ଏବଂ ଓଡ଼ିଶା ମୁଖ୍ୟ ଶାସନ ସଚିବ ତଥା ମୁଖ୍ୟ ଉନ୍ନୟନ କମିଶନର ଆଇଏଏସ ସୁରେଶ ଚନ୍ଦ୍ର ମହାପାତ୍ରଙ୍କ ଯୁଗ୍ମ ଅଧ୍ୟକ୍ଷତାରେ ଉକ୍ତ ବୈଠକ ଅନୁଷ୍ଠିତ ହୋଇଥିଲା।

ଉକ୍ତ ବୈଠକରେ ଭାରତୀୟ ନୌସେନା, ଓଡିଶା ସରକାର, ତଟରକ୍ଷୀ,ଏସଆଇବି, ଆଇଟିଆର ବାଲେଶ୍ୱରର ମତ୍ସ୍ୟ ବିଭାଗ, କଷ୍ଟମ ବିଭାଗ ଏବଂ ପୁରୀ, ଧାମରା ଓ ଗୋପାଳପୁର ବନ୍ଦରର ପ୍ରତିନିଧିମାନେ ଯୋଗ ଦେଇଥିଲେ। ଓଡିଶାର ଉପକୂଳ ସୁରକ୍ଷା ପ୍ରସଙ୍ଗର ବାର୍ଷିକ ସମୀକ୍ଷା ନିମନ୍ତେ ଏହି ବୈଠକ ଡକାଯାଇଥିଲା।

ଗତ ସମୀକ୍ଷା ବୈଠକ ପରଠାରୁ ଆଜି ପର୍ଯ୍ୟନ୍ତ କରାଯାଇଥିବା ବିଭିନ୍ନ ସମସ୍ୟାର ସମାଧାନ, ବିକାଶ ତଥା ମୁଖ୍ୟ ସମସ୍ୟାଗୁଡିକ ବିଷୟରେ ବୈଠକରେ ଉପସ୍ଥାପନା କରାଯାଇଥିଲା।  ଉପକୂଳ ନିରାପତ୍ତା ବଢାଇବା ପାଇଁ ସାମୁଦ୍ରିକ ଡୋମେନରେ ଥିବା ବିଭିନ୍ନ ଚ୍ୟାଲେଞ୍ଜକୁ କିପରି ପୂରଣ କରାଯିବ ଏବଂ ନିକଟ ଭବିଷ୍ୟତରେ ନିଆଯିବାକୁ ଥିବା ବିଭିନ୍ନ ପଦକ୍ଷେପ ଗୁଡ଼ିକର ମଧ୍ୟ ଉକ୍ତ ବୈଠକରେ ବିଚାର କରାଯାଇଥିଲା।

ଓଡିଶାର ଉପକୂଳ ସୁରକ୍ଷାକୁ ମଜବୁତ କରିବା ନିମନ୍ତେ ଦେଖାଯାଉଥିବା ବିଭିନ୍ନ ସମସ୍ୟାର ସମାଧାନ ଉକ୍ତ ବୈଠକରେ ବାହାରିପାରିଛି, ଯାହାଦ୍ୱାରା ବୈଠକରେ ଯୋଗ ଦେଇଥିବା ବିଭିନ୍ନ ବିଭାଗର ପ୍ରତିନିଧିମାନଙ୍କ ମଧ୍ୟରେ ମଧ୍ୟ ସମନ୍ୱୟ ସୁଦୃଢ ହୋଇଥିବାର ଦେଖାଯାଇଛି।

Categories
ଆଜିର ଖବର ରାଜ୍ୟ ଖବର

ଆଜି ଚିଲିକା ଗସ୍ତ କଲେ ମନ୍ତ୍ରୀ, ବିଧାୟକ ଓ ବାଚସ୍ପତି: ଦେଖିଲେ ନୌସେନାର ସମରାଭ୍ୟାସ

ସୀତାରାମ ଅଗ୍ରୱାଲ

ଚିଲିକା: ଆଜି ଚିଲିକା ଗସ୍ତରେ ଆସି ଭୁବନେଶ୍ୱର ଫେରି ଯାଇଛନ୍ତି ଓଡ଼ିଶାର ବହୁ ମନ୍ତ୍ରୀ, ବିଧାୟକ ଓ ବାଚସ୍ପତି। ଓଟିଡିସି ପକ୍ଷରୁ ୪ ଟି ସ୍ୱତନ୍ତ୍ର ବସରେ ସକାଳୁ ବିଧାନସଭାରୁ ସମସ୍ତେ ଚିଲିକା ଅଭିମୁଖେ ବାହାରିଥିଲେ। ପୂର୍ବାହ୍ନରେ ବଡ଼କୁଳ ପାନ୍ଥନିବାସ ପହଞ୍ଚିବା କ୍ଷଣି ସେଠାରେ ସମସ୍ତଙ୍କୁ ଜିଲ୍ଲା ପ୍ରଶାସନ ଓ ଆଇଏନଏସ ଚିଲିକା ପକ୍ଷରୁ ଭବ୍ୟ ସ୍ୱାଗତ କରାଯାଇଥିଲା।

ଏହାପରେ ଆଇଏନଏସ ଚିଲିକାର ସ୍ୱତନ୍ତ୍ର ବୋଟରେ ମା’ କାଳିଜାଇଙ୍କ ଦର୍ଶନ ପାଇଁ ଯାଇଥିଲେ ବାଚସ୍ପତି, ମନ୍ତ୍ରୀ ଓ ବିଧାୟକମାନେ। ଦର୍ଶନ ସାରି ଆଇଏନଏସ ଚିଲିକା ବେସ କ୍ୟାମ୍ପରେ ପହଞ୍ଚିଥିଲେ ସମସ୍ତେ। ନୌସେନା ପକ୍ଷରୁ ସମସ୍ତଙ୍କୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ନୌସେନାରେ ତାଲିମରତ ପ୍ରଶିକ୍ଷାର୍ଥୀଙ୍କ ସହ ସାକ୍ଷାତ କରିଥିଲେ ମନ୍ତ୍ରୀ ବିଧାୟକ ଓ ବାଚସ୍ପତି। ପ୍ରଶିକ୍ଷାର୍ଥୀଙ୍କ ସମରାଭ୍ୟାସ ଦେଖିବା ପରେ ଆଇଏନଏସ ଚିଲିକା ପକ୍ଷରୁ ସମସ୍ତ ଅତିଥିଙ୍କୁ ଉପହାର ପ୍ରଦାନ କରାଯାଇଥିଲା ଏବଂ ବିଦାୟ ଦିଆଯାଇଥିଲା।

ସନ୍ଧ୍ୟାରେ ମନ୍ତ୍ରୀ, ବିଧାୟକ ଓ ବାଚସ୍ପତି ଭୁବନେଶ୍ୱର ଫେରିଯାଇଛନ୍ତି। ତେବେ ସେମାନଙ୍କ ଗସ୍ତ ସମୟରେ ଖୋର୍ଦ୍ଧା ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର, ଅତିରିକ୍ତ ଏସପି ସୁରେଶ କୁମାର ଦାସ, ବାଲୁଗାଁ ଏସଡିପିଓ ମାନସ ରଞ୍ଜନ ବାରିକଙ୍କ ସମେତ ବହୁ ସରକାରୀ ଏବଂ ପୋଲିସ ଅଧିକାରୀ ମାନେ ଉପସ୍ଥିତ ଥିଲେ।

Categories
ଆଜିର ଖବର ରାଜ୍ୟ ଖବର

ବଡ଼ ଜଙ୍ଗଲୀ ନିଆଁକୁ କାବୁ କଲା ଆଇଏନଏସ ଚିଲିକା ଅଗ୍ନିଶମ ବାହିନୀ

ସୀତାରାମ ଅଗ୍ରୱାଲ

ଚିଲିକା: ଆଇଏନଏସ ଚିଲିକା ଅଗ୍ନିଶମ ବାହିନୀ ନିକଟସ୍ଥ ଆଖୁପୋଖରା ଗ୍ରାମରେ ଏକ ବଡ଼ ଜଙ୍ଗଲୀ ନିଆଁକୁ ଆୟତ୍ତ କରିଛି। ସୋଲାପୋଖରୀରେ ଡ୍ୟୁଟିରେ ଥିବା ନାଭାଲ ସେଣ୍ଟ୍ରି ଶନିବାର ସନ୍ଧ୍ୟାରେ ଅଖୁପୋଖରା ଗ୍ରାମ ନିକଟସ୍ଥ ବୁଦାରେ ବଡ଼ ଅଗ୍ନିକାଣ୍ଡ ଘଟିଥିବାର ସୂଚନା ଦେଇଥିଲେ। ସୂଚନା ପାଇବା ପରେ, ଆଇଏନଏସ ଚିଲିକାରେ ଉକ୍ତ ଦିନ ଦାଇତ୍ୱରେ ଥିବା ଅଧିକାରୀ ଲିଉଟନାଣ୍ଟ କମାଣ୍ଡର ଅକ୍ଷୟ କୁମାର ସାହୁଙ୍କ ନେତୃତ୍ୱରେ ଏକ ଟିମ୍ ଘଟଣାସ୍ଥଳରେ ପହଞ୍ଚି ତୁରନ୍ତ ଅଧ ଘଣ୍ଟା ମଧ୍ୟରେ ଜଙ୍ଗଲ ନିଆଁକୁ ଆୟତ୍ତ କରିଥିଲା।

ନାଭାଲ ଅଗ୍ନିଶମ ବାହିନୀର ଠିକ ସମୟରେ କାର୍ଯ୍ୟାନୁଷ୍ଠାନ ସ୍ୱରୂପ ଉକ୍ତ ନିଆଁକୁ ଆୟତ୍ତ କରାଯାଇଥିବାରୁ ଧନ ଜୀବନ ଏବଂ ସମ୍ପତ୍ତିର ବ୍ୟାପକ କ୍ଷତି ରୋକିବାରେ ଏହା ସହାୟକ ହୋଇପାରିଥିଲା। ଆଖୁପୋଖରାର ସ୍ଥାନୀୟ ଜନସାଧାରଣମାନେ ନାଭାଲ ଫାୟାର ବ୍ରିଗେଡ୍ରର ତୁରନ୍ତ ସହାୟତା ପାଇଁ ଆଇଏନଏସ ଚିଲିକାକୁ ଧନ୍ୟବାଦ ଜଣାଇଛନ୍ତି।

Categories
ଆଞ୍ଚଳିକ

ଆଇଏନଏସ ଚିଲିକା ପକ୍ଷରୁ ବାର୍ଷିକ ସାମ୍ବାଦିକ ବନ୍ଧୁମିଳନ

ସୀତାରାମ ଅଗ୍ରୱାଲ

ଚିଲିକା: ଖୋର୍ଦ୍ଧା ଜିଲ୍ଲା ବାଲୁଗାଁ ନିକଟସ୍ଥ ଆଇଏନଏସ ଚିଲିକା ପକ୍ଷରୁ ଏକ ବାର୍ଷିକ ସାମ୍ବାଦିକ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ନାଭାଲ ଅଫିସର ଇନଚାର୍ଜ (ଓଡିଶା) ଓ ଆଇଏନଏସ ଚିଲିକା କମାଣ୍ଡିଂ ଅଫିସର କୋମୋଡର ଏନ.ପି ପ୍ରଦୀପ ଙ୍କ ପ୍ରତ୍ୟକ୍ଷ ତତ୍ୱାବଧାନରେ ଉକ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ଏହି କାର୍ଯ୍ୟକ୍ରମରେ ଖୋର୍ଦ୍ଧା,ଟାଙ୍ଗୀ, ବାଣପୁର, ବାଲୁଗାଁ ଏବଂ ବ୍ରହ୍ମପୁର ଅଞ୍ଚଳର ୨୭ ଜଣ ସାମ୍ବାଦିକ ଯୋଗ ଦେଇଥିଲେ। ଆଇଏନଏସ ଚିଲିକା ପକ୍ଷରୁ ସମସ୍ତ ସାମ୍ବାଦିକ ମାନଙ୍କୁ ଷ୍ଟେସନ ପରିସରରେ ଭବ୍ୟ ସ୍ୱାଗତ କରାଯିବା ସହ ପରବର୍ତ୍ତୀ ସମୟରେ ନାଭାଲ ଅଧିକାରୀଙ୍କ ସଙ୍ଗେ ସାମ୍ବାଦିକ ମାନେ ମା’ କାଳିଜାଇ ମନ୍ଦିର ଦର୍ଶନକୁ ଯାଇଥିଲେ। ଏହା ପରେ ଆଇଏନଏସ ଚିଲିକାର ଅଫିସର୍ସ ମେସରେ ସାମ୍ବାଦିକମାନଙ୍କ ସହ ବାର୍ତ୍ତାଳାପ କରିଥିଲେ କମାଣ୍ଡିଂ ଅଫିସର କୋମୋଡର ଏନ.ପି ପ୍ରଦୀପ।

ଏହି ଅବସରରେ ଦୀର୍ଘ ଏକ ବର୍ଷ ମଧ୍ୟରେ ଆଇଏନଏସ ଚିଲିକା ପକ୍ଷରୁ କରାଯାଇଥିବା ବିଭିନ୍ନ କାର୍ଯ୍ୟକ୍ରମର ବିବରଣୀ ଗଣମାଧ୍ୟମ ପ୍ରତିନିଧିମାନଙ୍କ ସମ୍ମୁଖରେ ଉପସ୍ଥାପନ କରାଯାଇଥିଲା। ତେବେ ଆଇଏନଏସ ଚିଲିକାର ଉକ୍ତ ସମସ୍ତ କାର୍ଯ୍ୟକ୍ରମକୁ ରାଜ୍ୟ ତଥା ଦେଶର ଜନସାଧାରଣଙ୍କ ନିକଟରେ ପହଞ୍ଚାଇଥିବାରୁ ବନ୍ଧୁ ମିଳନରେ ଯୋଗଦେଇଥିବା ସମସ୍ତ ଗଣମାଧ୍ୟମ ପ୍ରତିନିଧିମାନଙ୍କୁ ଆଇଏନଏସ ଚିଲିକା ପକ୍ଷରୁ କୃତଜ୍ଞତା ଜ୍ଞାପନ କରାଯାଇଥିଲା।

ଏହା ସହିତ ସ୍ଥାନୀୟ ଗଣମାଧ୍ୟମର ଭୂୟାଁସୀ ପ୍ରଶଂସା କରିଥିଲେ କମାଣ୍ଡିଂ ଅଫିସର କୋମୋଡର ଏନ.ପି ପ୍ରଦୀପ। ଆଗକୁ ମଧ୍ୟ ଗଣମାଧ୍ୟମ ଓ ଆଇଏନଏସ ଚିଲିକାର ସମ୍ପର୍କ ଏହିପରି ଅତୁଟ ରହିବ ବୋଲି କହିଥିଲେ ଶ୍ରୀ ପ୍ରଦୀପ।

ପରିଶେଷରେ ସମସ୍ତ ସାମ୍ବାଦିକମାନେ କମାଣ୍ଡିଂ ଅଫିସରଙ୍କ ସହିତ ମଧ୍ୟାହ୍ନ ଭୋଜନ କରିଥିଲେ। ଉକ୍ତ କାର୍ଯ୍ୟକ୍ରମକୁ କମାଣ୍ଡର ପରିଚୟ କାଲରା ପରିଚାଳନା କରିଥିବା ବେଳେ ସର୍ଜନ କ୍ୟାପଟେନ ଏକେ ନାୟକ, କ୍ୟାପଟେନ ସଞ୍ଜୟ ତ୍ରିପାଠୀ, ପି.ଆର.ଓ କମାଣ୍ଡର ରାଜେଶ, କମାଣ୍ଡର କିରନ, ଡେପୁଟି ପି.ଆର.ଓ ବିନୋଦ ଚନ୍ଦ୍ର ମିଶ୍ର, ଲିଉଟନାଣ୍ଟ କମାଣ୍ଡର ଅକ୍ଷୟ ସାହୁ, ଲିଉଟନାଣ୍ଟ ମେଘା,ଲିଉଟନାଣ୍ଟ ଅରୁଣା ଆଦି ଉପସ୍ଥିତ ଥିଲେ।

Categories
ଆଜିର ଖବର ରାଜ୍ୟ ଖବର

ଆଇଏନଏସ ଚିଲିକାରେ ଭାରତୀୟ ନୌସେନା ଦିବସ ପାଳିତ

ସୀତାରାମ ଅଗ୍ରୱାଲ

ଚିଲିକା: ଆଜି ଆଇଏନଏସ ଚିଲିକାରେ ନୌସେନା ଦିବସ ପାଳିତ ହୋଇଯାଇଛି। ଏହି ଅବସରରେ ନାଭାଲ ଅଫିସର ଇନଚାର୍ଜ (ଓଡିଶା) ଓ ଆଇଏନଏସ ଚିଲିକା କମାଣ୍ଡିଂ ଅଫିସର କମ୍ରେଡ଼ ଏନ.ପି ପ୍ରଦୀପ ଷ୍ଟେସନର ଯୁଦ୍ଧ ମେମୋରିଆଲ ଠାରେ ପୁଷ୍ପମାଲ୍ୟ ଅର୍ପଣ କରି କର୍ତ୍ତବ୍ୟରେ ସର୍ବୋଚ୍ଚ ବଳିଦାନ ଦେଇଥିବା ନାବିକମାନଙ୍କୁ ସମ୍ମାନ ଜଣାଇଥିଲେ।

୧୯୭୧ ରେ ପାକିସ୍ତାନ ବିରୋଧରେ ଭାରତ ହାସଲ କରିଥିବା ନିର୍ଣ୍ଣାୟକ ବିଜୟ, ଯାହାକି ନୌସେନାର ଯୋଦ୍ଧାମାନଙ୍କ ଦ୍ୱାରା ପାକିସ୍ତାନର କରାଚି ଉପରେ ସାହସିକ କ୍ଷେପଣାସ୍ତ୍ର ଆକ୍ରମଣ ଦ୍ୱାରା ସମ୍ଭବ ହୋଇପାରିଥିଲା। ତେଣୁ ପ୍ରତିବର୍ଷ ଡିସେମ୍ବର ୦୪ ତାରିଖକୁ ନୌସେନା ଦିବସ ଭାବେ ପାଳନ କରାଯାଏ। ଦେଶ ପାଇଁ ସର୍ବୋଚ୍ଚ ବଳିଦାନ ଦେଇଥିବା ବୀର ସାହସୀ ଯୋଦ୍ଧାଙ୍କ ସମ୍ମାନରେ ଏବଂ ଦିବଂଗତଙ୍କ ଆତ୍ମାକୁ ଜାତିର କୃତଜ୍ଞତା ନିମନ୍ତେ ସମସ୍ତ ଗୁରୁତ୍ୱପୂର୍ଣ୍ଣ ଦିନରେ ଉକ୍ତ ଯୁଦ୍ଧ ମେମୋରିଆଲରେ ପୁଷ୍ପମାଲ୍ୟ ଅର୍ପଣ କରାଯାଇଥାଏ।

Categories
ଆଜିର ଖବର ରାଜ୍ୟ ଖବର

ଆଇଏନଏସ ଚିଲିକା ଦ୍ୱାରା ଅବସରପ୍ରାପ୍ତ ନାବିକମାନଙ୍କ ମିଳନ କାର୍ଯ୍ୟକ୍ରମ ଅନୁଷ୍ଠିତ

ସୀତାରାମ ଅଗ୍ରୱାଲ

ଚିଲିକା: ଆଜାଦୀ କା ଅମୃତ ମହୋତ୍ସବ, ସ୍ୱର୍ଣ୍ଣିମ ବିଜୟ ବର୍ଷ ଏବଂ ଆଗାମୀ ନୌସେନା ଦିବସ ପାଳନ ଅବସରରେ, ଆଇଏନଏସ ଚିଲିକା ଗତକାଲି ଭେଟେରାନ୍ ନାବିକ ଫୋରମ୍ (ଓଡିଶା) ର ସଦସ୍ୟମାନଙ୍କ ଏକ ଦିନିଆ ଭ୍ରମଣର ଆୟୋଜନ କରିଥିଲା।

ଏହି ଅବସରରେ କମୋରେଡ଼ ଏନପି ପ୍ରଦୀପ, ନାଭାଲ ଅଫିସର ଇନଚାର୍ଜ (ଓଡିଶା) ଏବଂ କମାଣ୍ଡିଂ ଅଫିସର ଆଇଏନଏସ ଚିଲିକା ଏବଂ ବିନ୍ଦୁ ପ୍ରଦିପ, ସଭାପତି ଏନଡବ୍ଲୁଡବ୍ଲୁଏ, ଚିଲିକାର ୧୨୦ ଜଣ ନାଭାଲ ଭେଟେରାନ ଏବଂ ସେମାନଙ୍କ ପରିବାରକୁ ମିଶାଇ ସମୁଦାୟ ୨୯୦ ଜଣ ସଦସ୍ୟଙ୍କୁ ସ୍ୱାଗତ କରିଥିଲେ। ଏହି ଭେଟେରାନ୍ ମାନଙ୍କୁ ଉକ୍ତ ସମ୍ମାନଜନକ ପ୍ରତିଷ୍ଠାନରେ ସେମାନଙ୍କର ଗୌରବମୟ ସମୟର ପ୍ରଶିକ୍ଷଣର ସ୍ମୃତି ଏବଂ ଅଭିଜ୍ଞତାକୁ ଉପଭୋଗ କରିବାର ସୁଯୋଗ ଦିଆଯାଇଥିଲା। ଦେଶ ତଥା ଭାରତୀୟ ନୌସେନା ପ୍ରତି ସେମାନଙ୍କର ନିସ୍ୱାର୍ଥପର ସେବାର ଏକ ସ୍ୱୀକୃତି ଭାବରେ ଏହା ଭେଟେରାନମାନଙ୍କ ପାଇଁ ଏକ ଭାବୁକ ମୁହୂର୍ତ୍ତ ଥିଲା।

ଏହି ଅବସରରେ ବର୍ତ୍ତମାନର ପିଢ଼ିର ପ୍ରଶିକ୍ଷକ, ନାବିକ, ଅଧିକାରୀ ଏବଂ ସେମାନଙ୍କ ପରିବାର ସହିତ ଭେଟେରାନମାନେ ସେମାନଙ୍କ ସେବା ସମୟର ଅନୁଭୂତିକୁ ପରିପ୍ରକାଶ କରିବାସହ ବିଭିନ୍ନ ଆଲୋଚନା କରିଥିଲେ। ଏହି ଅବସରରେ ପେନ୍‌ସନ୍‌, କଲ୍ୟାଣ ଯୋଜନା, ଇସିଏଚଏସ.ଓ ଭେଟେରାନମାନଙ୍କ ପାଇଁ କ୍ୟାଣ୍ଟିନ ସେବା ସମ୍ବନ୍ଧୀୟ ସମସ୍ୟାର ସମାଧାନ ପାଇଁ ଏକ ସୁବିଧା କେନ୍ଦ୍ର ପ୍ରତିଷ୍ଠା କରାଯାଇଥିଲା।

ତେବେ ଉକ୍ତ କାର୍ଯ୍ୟକ୍ରମଟି ଏକ ବଡ଼ ସଫଳ କାର୍ଯ୍ୟକ୍ରମ ଭାବେ ପରିଗଣିତ ହେବା ସହ “ଅତୀତ” ଓ “ବର୍ତ୍ତମାନ” ମଧ୍ୟରେ ଏକ ସେତୁ ରୂପକ ପ୍ରଭାବଶାଳୀ ପ୍ଲାଟଫର୍ମ ଭାବରେ ପ୍ରମାଣିତ ହୋଇପାରିଥିଲା।

Categories
ଆଜିର ଖବର ରାଜ୍ୟ ଖବର

ଆଇଏନଏସ ଚିଲିକା ନିକଟରେ ସଡ଼କ ଦୁର୍ଘଟଣା: ଅଜଣା ଗାଡ଼ି ଧକ୍କାରେ ବ୍ୟକ୍ତି ମୃତ

ସୀତାରାମ ଅଗ୍ରୱାଲ

ବାଲୁଗାଁ: ଅଜଣା ଟ୍ରକ ଧକ୍କାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି। ଦୁର୍ଘଟଣା ଘଟାଇଥିବା ଟ୍ରକଟି ଫେରାର ହୋଇଯାଇଥିବା ସୂଚନା ରହିଛି। ଖୋର୍ଦ୍ଧା ଜିଲ୍ଲା ନାଭାଲ ଫାଣ୍ଡି ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥରେ ଏଭଳି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଯାଇଛି।

ସୂଚନା ମୁତାବକ ବାଲୁଗାଁ ଥାନା ଅନ୍ତର୍ଗତ ନିମାଇଁମଲ ଗ୍ରାମର ମାଧବ ସ୍ୱାଇଁ (୫୫) ପେସାରେ ଜଣେ ମେକାନିକ। ମାଧବ ଆଜି ସନ୍ଧ୍ୟା ୭ ଘଟିକାରେ ମେକାନିକ କାମ ସାରି ନିଜ ସ୍କୁଟିରେ ଘରକୁ ଫେରୁଥିବା ବେଳେ ଆଇଏନଏସ ଚିଲିକା ଛକ ନିକଟରେ ଏକ ଅଜଣା ଟ୍ରକ ତାଙ୍କୁ ପଛପଟୁ ଧକ୍କା ଦେଇ ଫେରାର ହୋଇଯାଇଥିଲା।

ସ୍ଥାନୀୟ ଲୋକେ ବାଲୁଗାଁ ଅଗ୍ନିଶମ ବାହିନୀକୁ ଖବର ଦେବାରୁ ଅଗ୍ନିଶମ ଅଧିକାରୀ ନିତ୍ୟାନନ୍ଦ ଜେନା ଦୁର୍ଘଟଣାସ୍ଥଳରେ ତୁରନ୍ତ ପହଞ୍ଚି ମାଧବଙ୍କୁ ଗୁରୁତର ଅବସ୍ଥାରେ ବାଲୁଗାଁ ମେଡିକାଲରେ ଭର୍ତ୍ତି କରିଥିଲେ। କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ତେବେ ନାଭଲ ଫାଣ୍ଡି ପୋଲିସ ଫେରାର ଗାଡିକୁ ଖୋଜିବାରେ ଲାଗିପଡିଛି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଆଇଏନଏସ ଚିଲିକା ପରିଦର୍ଶନ କଲା ପ୍ରତିରକ୍ଷା ସଂପର୍କିତ ସଂସଦୀୟ ସ୍ଥାୟୀ କମିଟି

ସୀତାରାମ ଅଗ୍ରୱାଲ

ଚିଲିକା: ସଂସଦର ଷ୍ଟାଣ୍ଡିଂ କମିଟି ଅଫ ଡିଫେନ୍ସ (ଏସସିଓଡ଼ି ) ଆଜି ଭାରତୀୟ ନୌସେନାର ପ୍ରତିଷ୍ଠିତ ପ୍ରାରମ୍ଭିକ ନାବିକ ତାଲିମ ଅନୁଷ୍ଠାନ ଆଇଏନଏସ ଚିଲିକା ପରିଦର୍ଶନ କରିଛନ୍ତି। ପ୍ରତିରକ୍ଷା ନିମନ୍ତେ ପ୍ରତିରକ୍ଷା ନୀତିର ତଦାରଖ ତଥା ପ୍ରତିରକ୍ଷା ମନ୍ତ୍ରାଳୟ ନିଷ୍ପତ୍ତି ଗ୍ରହଣ ଉଦ୍ଦେଶ୍ୟରେ ଭାରତୀୟ ସଂସଦ ଦ୍ୱାରା ଗଠିତ ସଂସଦର ମନୋନୀତ ସଦସ୍ୟଙ୍କ ଏକ ବିଭାଗ ସମ୍ବନ୍ଧୀୟ ଷ୍ଟାଣ୍ଡିଂ କମିଟି ହେଉଛି ଉକ୍ତ ‘ସଂସଦୀୟ ଷ୍ଟାଣ୍ଡିଂ କମିଟି ଅଫ ଡିଫେନ୍ସ’।

ଏକ ମିଳିତ ବିଶ୍ୱସନୀୟ ତଥା ଯୁଦ୍ଧ ପ୍ରସ୍ତୁତ ନୌସେନାର ବୃହତ ଲକ୍ଷ୍ୟ ହାସଲ ଦିଗରେ ସ୍ଥାପିତ ଉନ୍ନତ ପ୍ରଶିକ୍ଷଣ ସୁବିଧା ଉପରେ ଏକ ପ୍ରେରଣା ସହିତ ଭାରତୀୟ ନୌସେନାର ସାଂପ୍ରତିକ ବିକାଶର ସମୀକ୍ଷା କରିବାକୁ ଏହି ଟିମ୍ ଲକ୍ଷ ନେଇ ଆସିଥିଲା। ଆଇଏନଏସ ଚିଲିକା ହେଉଛି ଭାରତୀୟ ନୌସେନାର ଏକମାତ୍ର ପ୍ରାରମ୍ଭିକ ଟ୍ରେନିଂ ପ୍ରତିଷ୍ଠାନ, ଯାହାକି ବାର୍ଷିକ ୬୬୦୦ରୁ ଅଧିକ ସାମୁଦ୍ରିକ ଯୋଦ୍ଧାଙ୍କୁ ନିଯୁକ୍ତି ଦେଇଥାଏ।

ଏସସିଓଡ଼ି ଅଧ୍ୟକ୍ଷ ତଥା ମାନ୍ୟବର ସାଂସଦ ଜୁଏଲ ଓରାମଙ୍କ ନେତୃତ୍ୟରେ କମିଟିକୁ ଅତ୍ୟାଧୁନିକ କୌଶଳର ବୈଷୟିକ ପ୍ରଗତି ଦୃଷ୍ଟିରୁ ପ୍ରତିରକ୍ଷା କର୍ମଚାରୀଙ୍କ ପାଇଁ ପ୍ରଶିକ୍ଷଣର ନବୀକରଣ ବିଷୟରେ ଏସସିଓଡ଼ି କୁ ଅବଗତ କରାଇବା ପାଇଁ ଏକ ଉପସ୍ଥାପନା କରାଯାଇଥିଲା। ଯୁଗ୍ମ ସଚିବ (ନୌସେନା) ଏମଓଡ଼ି ଏବଂ ମୁଖ୍ୟ କର୍ମଚାରୀ ଅଧିକାରୀ(ତାଲିମ୍), ମୁଖ୍ୟାଳୟ ସାଉଥ ନାଭାଲ କମାଣ୍ଡ,କୋଚି ସହିତ କମାଣ୍ଡିଙ୍ଗ ଅଫିସର ଆଇଏନଏସ ଚିଲିକାଙ୍କ ସହ କମିଟି ସଦସ୍ୟଙ୍କ ଆଲୋଚନା ପରେ ଏହି ଉପସ୍ଥାପନା କରାଯାଇଥିଲା।

ମାତୃଭୂମି ପାଇଁ ନିଜ ଜୀବନକୁ ବାଜି ଲଗାଇ ସର୍ବୋଚ୍ଚ ବଳିଦାନ ଦେଇଥିବା ଆଇଏନଏସ ଚିଲିକାର ଦୃଷ୍ଟାନ୍ତ ମୂଳକ ଆଲୁମିନିକୁ ସ୍ମରଣ କରି ଏସସିଓଡ଼ି ସଦସ୍ୟ ମାନେ ଯୁଦ୍ଧ ସ୍ମାରକ ‘ପ୍ରେରଣା ସ୍ଥଳ’ରେ ପତିତ ନାବିକ ମାନଙ୍କୁ ପ୍ରଣାମ କରିଥିଲେ। ପରେ ସେମାନେ ବିଭିନ୍ନ ତାଲିମ ସୁବିଧା, ଏବଂ ପ୍ରଶିକ୍ଷାର୍ଥୀମାନଙ୍କ ରହିବା ସ୍ଥାନ ପରିଦର୍ଶନ କରିଥିଲେ। ସାମୁଦ୍ରିକ ଯୋଦ୍ଧା ହେବାପାଇଁ କ୍ୟାଡ଼େଟ ମାନଙ୍କୁ ତାଲିମ ଦେବାରେ ଭାରତୀୟ ନୌସେନା ଦ୍ୱାରା ନିଆଯାଇଥିବା ପ୍ରୟାସକୁ ଏସସିଓଡ଼ି ସଦସ୍ୟମାନେ ପ୍ରଶଂସା କରିଥିଲେ।

Categories
ଆଜିର ଖବର ରାଜ୍ୟ ଖବର

କମୋଡର ଋତୁରାଜଙ୍କ ଠାରୁ ଆଇଏନଏସ ଚିଲିକା କମାଣର ପଦଭାର ସମ୍ଭାଳିଲେ କମୋଡର ଏନପି ପ୍ରଦୀପ

ଭୁବନେଶ୍ବର: ୨୬ ଜାନୁଆରୀ ୨୦୨୧ ଦିନ ଏକ ସମାରୋହ ପରେଡରେ କମୋଡର ଏନପି ପ୍ରଦୀପ ଭାରତୀୟ ନୌସେନାର ପ୍ରାରମ୍ଭିକ ନାବିକ ପ୍ରଶିକ୍ଷଣ ପ୍ରତିଷ୍ଠାନ ଆଇଏନଏସ ଚିଲିକାର କମାଣ ଏବଂ ନୌସେନା ଅଧିକାରୀ ଓଡିଶାର ଦାୟିତ୍ୱ କମୋଡର ଋତୁରାଜ ସାହୁଙ୍କ ଠାରୁ ଗ୍ରହଣ କରିଛନ୍ତି।

ଆଇଏନଏସ ଚିଲିକାର ଅଧିକାରୀ ଗଣ ଓ ନାବିକମାନେ କମୋଡର ଋତୁରାଜ ସାହୁଙ୍କ ୨୨ ମାସର କାର୍ଯ୍ୟକାଳ ଶେଷରେ ଏକ ପାରମ୍ପାରିକ ସମାରୋହରେ ବିଦାୟ ଦେଇଥିଲେ। କମୋଡର ଋତୁରାଜ ସାହୁ ଖୁବ୍ ଶୀଘ୍ର କୋଲକାତାର ଆଇଏନଏସ ନେତାଜୀ ସୁବାଷର କମାଣ ଓ ନୌସେନା ଅଧିକାରୀ (ପଶ୍ଚିମ ବଙ୍ଗ) ର ଦାୟିତ୍ଵ ଗ୍ରହଣ କରିବେ।

କମୋଡର ଏନପି ପ୍ରଦୀପ ଯେ କି କେରଳର ଭାଡାନାମକୁରୁସିରୁ ଅସିଛନ୍ତି। ସେ ଜାତୀୟ ପ୍ରତିରକ୍ଷା ପ୍ରତିଷ୍ଠାନ (ଖଡଗ ବଲସା) ର ପୁରତନ ଛାତ୍ର। ଏହି ଅଧିକାରୀ ୧୯୯୨ ମସିହାରେ ଭାରତୀୟ ନୌସେନାରେ ଜାହାଜପଥ ପ୍ରଦର୍ଶକ ଓ ଦିଗ ବିଶେଷଜ୍ଞ ଭାବେ ଭାରତୀୟ ନୌସେନାରେ ଯୋଗଦାନ କରିଥିଲେ।

ଦୀର୍ଘ ୨୯ ବର୍ଷର ନୌସେନା ସେବା ସମୟରେ ଏହି ଅଧିକାରୀ ନୌସେନା ଜାହାଜ ରାଜପୁତ, ରଣଜିତ, କୀର୍ପାନରେ ଜାହାଜ ପଥପ୍ରଦର୍ଶକ ଅଧିକାରୀ ରୂପେ ଏବଂ ଭାରତୀୟ ନୌସେନା ଜାହାଜ ବିନାଶ, କେଶରୀ ଏବଂ ଗଙ୍ଗାରେ କମାଣ ଅଧିକାରୀ ରୂପେ କାର୍ଯ୍ୟ କରିଛନ୍ତି।

ତାଙ୍କର ଅନ୍ୟ ନିଯୁକ୍ତି ମଧ୍ୟରେ ଏନଡିଏରେ ସ୍କାଡନ କମାଣ୍ଡର, ନୌସେନା ଅପରେଶନର ଯୁଗ୍ମ ନିର୍ଦ୍ଦେଶକ (ନେଟ ଆସେସମେଣ୍ଟ କକ୍ଷ) ଏମଡିସିସି କମାଣ ଅପରେସନ ଅଧିକାରୀ (ଦକ୍ଷିଣ ନୌସେନା କମାଣ) କପ୍ତାନ କାର୍ଯ୍ୟଶୈଳୀ ସ୍ଥାନୀୟ କାର୍ଯ୍ୟଦଳ (ପଶ୍ଚିମ) ଏବଂ କମୋଡର (ଯୋଜନା) ପୂର୍ବାଞ୍ଚଳ ନୌସେନା କମାଣ ଭାବରେ କାର୍ଯ୍ୟ କରିଛନ୍ତି।

ସେ ମଧ୍ୟ ଶ୍ରୀଲଙ୍କାରେ ନୌସେନା ସମୁଦ୍ର ଜାହାଜ ସମ୍ଭନ୍ଧିତ ପ୍ରତିଷ୍ଠାନ ସଂସ୍ଥା ତ୍ରିକୋମାଲୀ ରେ ପ୍ରଶିକ୍ଷକ ଭାବେ କୁଟନୈତିକ କାର୍ଯ୍ୟ ସମ୍ପାଦନ କରିଛନ୍ତି।

Categories
ଆଜିର ଖବର ଆଞ୍ଚଳିକ

ଆଇଏନଏସ ଚିଲିକାର ପ୍ରଶିକ୍ଷାର୍ଥୀଙ୍କ ପାଠ୍ୟକ୍ରମ ସମାପନ ସମାରୋହ,କର୍ତ୍ତବ୍ୟ ପରାୟଣ ହେବାକୁ ଆହ୍ବାନ

ସୀତାରାମ ଅଗ୍ରୱାଲ

ଚିଲିକା, ଆଇଏନଏସ ଚିଲିକାର ପ୍ରଶିକ୍ଷାର୍ଥୀ ମାନଙ୍କ ପାଠ୍ୟକ୍ରମ ସମାପନ ସମାରୋହ ଆଜି ଅନୁଷ୍ଠିତ ହୋଇଯାଇଛି। ଭାରତୀୟ ନୌସେନା ତଟରକ୍ଷୀ ବାହିନୀ ପ୍ରଶିକ୍ଷାାର୍ଥୀମାନଙ୍କ ଏହି ପ୍ରଶିକ୍ଷଣ ସମାରୋହକୁ ଆଇଏନଏସ ଚିଲିକାର ଅଧିକାରୀ କମୋଡର ରୁତୁରାଜ ସାହୁ ନୀରିକ୍ଷକ ଅଧିକାରୀ ଭାବେ ନୀରିକ୍ଷଣ କରି ଯୋଗ୍ୟ ପ୍ରଶିକ୍ଷାର୍ଥୀମାନଙ୍କୁ ମେଡାଲ ଓ ଟ୍ରଫି ପ୍ରଦାନ କରିଥିଲେ। ନିରିକ୍ଷିତ ଅଧିକାରୀ ତାଙ୍କ ଭାଷଣରେ ସ୍ନାତ୍ତକ ପ୍ରଶିକ୍ଷାର୍ଥୀମାନଙ୍କୁ ଅଭିନନ୍ଦନ ଜଣାଇ ଭାରତୀୟ ନୌସେନାର ମୂଳ କର୍ତ୍ତବ୍ୟ ବଜାୟ ରଖି ଆଗକୁ ସମ୍ମାନ ଓ ସାହସର ସହିତ କାମ କରିବାକୁ ଆହ୍ବାନ ଦେଇଥିଲେ। ଏହି ଅବସରରେ ସେ କରୋନା କାରଣରୁ ସମାରୋହରେ ଉପସ୍ଥିତ ହୋଇ ପାରିନଥିବା ପ୍ରଶିକ୍ଷାର୍ଥୀମାନଙ୍କର ପିତାମାତାଙ୍କୁ ବି ଅଭିନନ୍ଦନ ଜଣାଇଥିଲେ।

ଅଭିଷେକ ସିଂହ ବରିଷ୍ଠ ସେକେଣ୍ଡାରୀ ରିକୃଟ୍, ଏମ.ଡି.ରାଓ ନାବିକ (ସାଧାରଣ ଡ୍ୟୁଟି) ଭାରତୀୟ ନୌସେନା ଏବଂ ତଟରକ୍ଷୀ ବାହିନୀ ପକ୍ଷରୁ ଶ୍ରେଷ୍ଠ ବିବେଚିତ ହୋଇଥିଲେ। ପାଠ୍ୟକ୍ରମ ଉତ୍ସବ ଶେଷରେ ସମସ୍ତଙ୍କ ପାଇଁ ଏକ ଚା ଭୋଜିର ଆୟୋଜନ କରାଯାଇଥିଲା। ଏହି ଅବସରରେ ଆଇଏନଏସ ଚିଲିକାର ପତ୍ରିକା ଅଙ୍କୁର ଉନ୍ମୋଚିତ ହୋଇଥିଲା।