Categories
ଆଞ୍ଚଳିକ

ଆନ୍ତର୍ଜାତିକ ମହିଳା ଦିବସରେ ଉର୍ମିଳାଙ୍କ କଳା ପ୍ରଦର୍ଶନୀ

ଭୁବନେଶ୍ୱର: ଆନ୍ତର୍ଜାତିକ ମହିଳା ଦିବସ ପାଳନ ଅବସରରେ ଭୁବନେଶ୍ୱର କ୍ଲବରେ ଉର୍ମିଳାଙ୍କ କଳା ପ୍ରଦର୍ଶନୀ ଅନୁଷ୍ଠିତ ହୋଇଯାଇଛି। ଯେହେତୁ ସାରା ବିଶ୍ୱରେ ମହିଳା ଏବଂ ମିଳିତ ଜାତିସଂଘ ମହିଳା ଦିବସକୁ ୮ ମାର୍ଚ୍ଚ, ୨୦୨୨ରେ ଏକ ସ୍ଥାୟୀ ଆସନ୍ତାକାଲି ପାଇଁ ଲିଙ୍ଗଗତ ସମାନତା ଥିମ୍ ସହିତ ପାଳନ କରେ। ସମ୍ମାନଜନକ ଭୁବନେଶ୍ୱର କ୍ଲବ ମଧ୍ୟ ମହିଳା ପ୍ରତିଭା ପ୍ରଦର୍ଶନ କରିଥିଲେ। ତାଙ୍କ କାର୍ଯ୍ୟ ସହିତ ନାରୀବାଦକୁ ପ୍ରତିଫଳିତ କରେ। ପୌରାଣିକ ପରି ସମସାମୟିକ ଥିମ୍ ଗୁଡ଼ିକ ମହିଳା ପ୍ରତିଭାକୁ ପ୍ରୋତ୍ସାହିତ କରିବା ପାଇଁ ଏହା ଏକ ଉପନ୍ୟାସ ଏବଂ ଏହା ମହିଳାମାନଙ୍କ ପାଇଁ ଏକ ବଡ଼ ଉତ୍ସାହ। ଯେଉଁମାନେ ପ୍ରାୟତଃ ଅଜ୍ଞାତ ହୋଇଯାଆନ୍ତି। କଳା ପ୍ରଦର୍ଶନୀରେ ଉପସ୍ଥିତ ଥିଲେ।

ଅନ୍ୟମାନଙ୍କ ମଧ୍ୟରେ ଆଇଏଏସ୍ ବିଶାଲ ଦେବ, ମହେନ୍ଦ୍ର ଗୁପ୍ତା, ଆଇଏଏସ୍ ସଞ୍ଜୟ ସିଂ, ଆଇଏସ୍ ଦିଲ୍ଲୀପ ରାଉତରାୟ, ନମ୍ରତା ତ୍ରିପାଠୀ, ୟୁସିସିଆଇର ସଭାପତି ବ୍ରହ୍ମା ମିଶ୍ର ଓ ଉପସଭାପତି ଏ.କେ. ଶାରଦା ଉପସ୍ଥିତ ଥିଲେ।

Categories
ଆଜିର ଖବର ବ୍ୟବସାୟ

ନୀତା ଅମ୍ବାନିଙ୍କ ପକ୍ଷରୁ ମହିଳାମାନଙ୍କ ପାଇଁ ସ୍ୱତନ୍ତ୍ର ପ୍ଲାଟଫର୍ମ “ହର-ସର୍କଲ୍‌’ର ହିନ୍ଦୀରେ ଶୁଭାରମ୍ଭ

ଭୁବନେଶ୍ୱର: ଆନ୍ତର୍ଜାତିକ ମହିଳା ଦିବସ ପରିପ୍ରେକ୍ଷୀରେ ରିଲାଏନ୍ସ ଫାଉଣ୍ଡେସନର ଚେୟାରପର୍ସନ (ଅଧ୍ୟକ୍ଷା) ନୀତା ଅମ୍ବାନି “ହର-ସର୍କଲ୍‌’ର ହିନ୍ଦୀ ଆପ୍‌କୁ ଉନ୍ମୋଚନ କରିଛନ୍ତି। ହର-ସର୍କଲ୍ ହେଉଛି ମହିଳାମାନଙ୍କ ଲାଗି ଏକ ବିଶିଷ୍ଟ ପ୍ଲାଟଫର୍ମ ଯାହା ମହିଳାମାନଙ୍କ ସଶକ୍ତୀକରଣ ଲାଗି କାର୍ଯ୍ୟ କରୁଛି। ବର୍ଷକ ପୂର୍ବରୁ ଉନ୍ମୋଚନ କରାଯାଇଥିବା ଏହି ପ୍ଲାଟଫର୍ମ ଏହାର ପ୍ରଥମ ବର୍ଷରେ ୪ କୋଟି ୨୦ ଲକ୍ଷରୁ ଅଧିକ ଲୋକଙ୍କ ନିକଟରେ ପହଂଚିପାରିଛି। ଏହା ହେଉଛି ଭାରତରେ ମହିଳାମାନଙ୍କ ମଧ୍ୟରେ ସବୁଠୁ ଦ୍ରୁତ ଗତିରେ ବୃଦ୍ଧି ପାଉଥିବା ଏକ ପ୍ଲାଟଫର୍ମ।

“ହର-ସର୍କଲ’ ହିନ୍ଦୀ ଆପ୍‌ର ଉନ୍ମୋଚନ ଅବସରରେ ନୀତା ଅମ୍ବାନି, ଅଧ୍ୟକ୍ଷା, ରିଲାଏନ୍ସ ଫାଉଣ୍ଡେସନ କହିଛନ୍ତି ଯେ, “ଯେକୌଣସି କ୍ଷେତ୍ର ଓ ଭାଷାର ମହିଳାମାନଙ୍କ ଲାଗି ହର-ସର୍କଲ୍ ହେଉଛି ଏକ ଉଦୀୟମାନ ପ୍ଲାଟଫର୍ମ। ମୁଁ ଚାହୁଛି ଆମର ଉପସ୍ଥିତି ଓ ସମର୍ଥନ ବିନା କୌଣସି ପ୍ରତିବନ୍ଧକରେ ଆଗକୁ ବଢ଼ିବା ଜାରି ରହୁ। ଅଧିକରୁ ଅଧିକ ମହିଳାମାନଙ୍କ ନିକଟରେ ସେମାନଙ୍କ ଭାଷାକୁ ପହଂଚାଇବା ଲାଗି ଆମେ ହର-ସର୍କଲ୍‌କୁ ହିନ୍ଦୀ ଭାଷାରେ ଉନ୍ମୋଚନ କରିଛୁ। ମୁଁ ଆଶା କରୁଛି ଯେ ବର୍ତମାନ ସୁଦ୍ଧା ଇଂରାଜୀ ପ୍ଲାଟଫର୍ମରେ ଯେତିକି ଭଲ ପାଇବା ଏହାକୁ ମିଳିଛି ହିନ୍ଦୀ ପ୍ଲାଟଫର୍ମରେ ମଧ୍ୟ ତାହା ମିଳିବ।’’

ହର-ସର୍କଲ୍ ଡିଜିଟାଲ୍ ନେଟ୍‌ୱର୍କକୁ ବ୍ୟବହାର କରି ହଜାର ହଜାର ମହିଳାମାନଙ୍କ ଲାଗି ସଠିକ୍ କ୍ୟାରିୟର ଓ ସୁଯୋଗ ସୁଯୋଗ ସୃଷ୍ଟି କରିଛି। ପେସାଦାର ମେକଅପ୍ ଆର୍ଟିଷ୍ଟ, ଫୁଡ ଷ୍ଟାଇଲିଷ୍ଟ, ଫିଟନେସ୍ ଟ୍ରେନର, ଡଗ୍‌୍ ଟ୍ରେନର, ରେଡିଓ ଜକି ଭଳି କ୍ୟାରିୟର ବିଷୟରେ ଏଥିରେ ବହୁତ ବଢ଼ିଆ ବିବରଣୀ ଉପଲବ୍ଧ ରହିଛି। ହର-ସର୍କଲ୍ ନେଟୱର୍କକୁ ୩୦,୦୦୦ ପଂଜୀକୃତ ଉଦ୍ୟୋଗୀଙ୍କ ସମର୍ଥନ ମଧ୍ୟ ମିଳିଛି।

ମହିଳାମାନଙ୍କ ସମ୍ପର୍କିତ ସାମଗ୍ରୀ ପ୍ରଦାନ କରିବା ଲାଗି ହର-ସର୍କଲ୍‌କୁ ଏକ ୱାନ୍‌-ଷ୍ଟପ୍ ଡେଷ୍ଟିନେସନ୍ ଭାବେ ପ୍ରସ୍ତୁତ କରାଯାଇଛି। ନେଟୱର୍କରେ ଯୋଡ଼ି ହୋଇଥିବା ମହିଳାମାନେ ସାର ଏଚ୍‌ଏନ୍ ରିଲାଏନ୍ସ ହସ୍ପିଟାଲ୍‌ର ଚିକିତ୍ସା ଓ ବିଶେଷଜ୍ଞ ନେଟ୍‌ୱର୍କ ଠାରୁ ମାନସିକ ସ୍ୱାସ୍ଥ୍ୟ, ଶାରିରୀକ ଫିଟନେସ୍ ଓ ଚର୍ମର ଦେଖାଶୁଣା ଓ ସ୍ତ୍ରୀ ରୋଗ ସମ୍ପର୍କିତ ପରାମର୍ଶ ନେଇପାରିବେ। ଏହି ସେବା ଦ୍ୱାରା ହଜାର ହଜାର ମହିଳା ଉପକୃତ ହୋଇଛନ୍ତି। ଫିଟନେସ୍ ଓ ପୁଷ୍ଟି, ପ୍ରଜନନ କ୍ଷମତା, ଗର୍ଭାବସ୍ଥାର ସହିତ ବିତିୟ ଆବଶ୍ୟକତା ପାଇଁ ପର୍ସନଲାଇଜଡ୍ ଆପ୍‌କୁ ୧.୫୦ ଲକ୍ଷ ଲୋକ ବ୍ୟବହାର କରିଛନ୍ତି।

ଯଦିଓ ଭିଡିଓ ଓ ଲେଖା ବିଷୟବସ୍ତୁ ସମସ୍ତଙ୍କ ପାଇଁ ଉନ୍ମୁକ୍ତ ରହିଛି କିନ୍ତୁ ପ୍ଲାଟଫର୍ମର ନେଟୱର୍କର ଅଂଶ କେବଳ ମହିଳାମାନଙ୍କ ପାଇଁ ରହିଛି। ତେଣୁ ବିନା କୌଣସି ସଙ୍କୋଚରେ ସେମାନେ ବାନ୍ଧବୀ ଓ ବିଶେଷଜ୍ଞଙ୍କୁ ପ୍ରଶ୍ନ କରିପାରୁଛନ୍ତି। ହର-ସର୍କଲ୍‌ରେ ମହିଳାମାନଙ୍କ ପାଇଁ ଏକ ଗୋପନୀୟ ଚାଟ୍ ରୁମ୍ ରହିଛି ଯେଉଁଥିରେ ସେମାନେ ଅତ୍ୟନ୍ତ ବ୍ୟକ୍ତିଗତ ପ୍ରଶ୍ନ କରିପାରିବେ ଓ ଉତର ପାଇପାରିବେ। ଏହି ପ୍ଲାଟଫର୍ମରେ ରିଲାଏନ୍ସର ସ୍ୱାସ୍ଥ୍ୟ, ୱେଲ୍‌ନେସ୍‌, ଶିକ୍ଷା, ଉଦ୍ୟମିତା, ଫାଇନାନ୍ସ ଓ ନେତୃତ୍ୱ ବିଶେଷଜ୍ଞମାନେ ଉତର ଦେଉଛନ୍ତି। ଅପ୍‌ସ୍କିଲିଂ ଓ ନିଯୁକ୍ତି ସେକ୍ସନ ମହିଳାମାନଙ୍କ ଲାଗି ପେସାଦାର ଦକ୍ଷତା ଖୋଜିବାରେ ସହାୟକ ହେଉଛି। ଏହି ପ୍ଲାଟଫର୍ମରେ ବିଭିନ୍ନ ଡିଜିଟାଲ୍ ପାଠ୍ୟକ୍ରମକୁ ମଧ୍ୟ ହାସଲ କରାଯାଇପାରୁଛି।

Categories
ଆଞ୍ଚଳିକ

ଆନ୍ତର୍ଜାତିକ ମହିଳା ଦିବସ ଅବସରରେ ‘MOS LIVE’ର ଲୋକାର୍ପଣ

ଭୁବନେଶ୍ୱର: ମୁମ୍ବାଇରୁ ପ୍ରକାଶ ପାଉଥିବା ଓଡ଼ିଆ ସମ୍ବାଦପତ୍ର ମୁମ୍ବାଇ ଓଡ଼ିଆ ସମାଜର ଡ଼ିଜିଟାଲ ସଂସ୍କରଣ ‘MOS LIVE’ର ଲୋକାର୍ପଣ ହୋଇଯାଇଛି।

ଆନ୍ତର୍ଜାତିକ ମହିଳା ଦିବସ ଅବସରରେ ଉତ୍କଳ ସାମ୍ବାଦିକ ଭବନ, ଭୁବନେଶ୍ୱରଠାରେ ଆୟୋଜିତ ସମାରୋହରେ ଉପସ୍ଥିତ ଅତିଥିମାନଙ୍କ ଦ୍ୱାରା ‘MOS LIVE’ର ଲୋଗୋ ଉନ୍ମୋଚନ ପୂର୍ବକ ଆନୁଷ୍ଠାନିକ ଭାବେ ଶୁଭାରମ୍ଭ କରାଯାଇଛି।

ଦୀର୍ଘ ୧୨ ବର୍ଷ ହେବ ମୁମ୍ବାଇ ଓଡ଼ିଆ ସମାଜ ସମ୍ବାଦପତ୍ର ଯେଭଳି ମୁମ୍ବାଇ ଓଡ଼ିଶା ସହ ସାମାଜିକ, ସାଂସ୍କୃତିକ ଓ ଭାଗବତ ସମ୍ପର୍କ ବଜାୟ ରଖିଆସୁଛି, ସେହିଭଳି ଭାବେ ‘MOS LIVE’ ଡ଼ିଜିଟାଲ ଏସବୁକୁ ତ୍ୱରାନ୍ୱିତ କରିବାରେ କାମ କରିବ ବୋଲି ଏହାର ସମ୍ପାଦକ ଡଃ ବିପିନ ବିହାରୀ ମିଶ୍ର କହିଛନ୍ତି।

ଆନ୍ତର୍ଜାତିକ ମହିଳା ଦିବସ ଅବସରରେ ଏହାର ଶୁଭାରମ୍ଭ ହୋଇଥିବାରୁ ସମାଜର ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ୧୨ଜଣ ବିଶିଷ୍ଟ ମହିଳାଙ୍କୁ ଏହି ସମାରୋହରେ ସମ୍ବର୍ଦ୍ଧିତ କରାଯାଇଥିଲା।

Categories
ଆଞ୍ଚଳିକ

ରୋଟାରୀ ପକ୍ଷରୁ ଆନ୍ତର୍ଜାତିକ ମହିଳା ଦିବସ ପାଳନ

ଭୁବନେଶ୍ୱର: ଆନ୍ତର୍ଜାତିକ ମହିଳା ଦିବସ ଉପଲକ୍ଷେ ଏକ ଆଲୋଚନାଚକ୍ର ଆଜି ପୂର୍ବାହ୍ନରେ ଭୁବନେଶ୍ୱର ସତ୍ୟନଗରସ୍ଥିତ ହୋଟେଲ ପାର୍କ ପ୍ରିମିୟମଠାରେ ରୋଟାରୀ କ୍ଲବ ଭୁବନେଶ୍ୱର ସେଣ୍ଟ୍ରାଲ ପକ୍ଷରୁ ଶିକ୍ଷାବିତ୍ ଡଃ ନିବେଦିତା ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।

ଆଲୋଚନାଚକ୍ରରେ ଅଂଶଗ୍ରହଣ କରି ସେଣ୍ଟ ଜାଭିୟର ସତ୍ୟନଗର ସ୍କୁଲ୍‌ର ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ପଣ୍ଡା କହିଲେ ଯେ, ଆଜି ମଧ୍ୟ ସମାଜରେ ସ୍ତ୍ରୀ ପୁରୁଷର ଭେଦଭାବ ଯେଉଁ ମା’ ଜନ୍ମଦାତ୍ରୀ ତା’ଉପରେ ଅତ୍ୟାଚାର ଏବେବି ସର୍ବସମ୍ମୁଖରେ ହେଉଛି। ମା’ମାନେ ସର୍ବଂସହା ନହୋଇ ନିଜ ଅଧିକାରକୁ ସାବ୍ୟସ୍ତ କରିବାର ଆବଶ୍ୟକତା ରହିଛି।

ବିଶିଷ୍ଟ ବକ୍ତା ଆଡ଼ଭୋକେଟ ଶାନ୍ତନୁ କୁମାର ସାହୁ ମାତୃଜାତିର ବୈଶିଷ୍ଟ୍ୟ ଉପରେ ଆଲୋକପାତ କରିଥିଲେ। କାର୍ଯ୍ୟକ୍ରମରେ ସମାଜସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଡଃ ନିବେଦିତା ପଟ୍ଟନାୟକଙ୍କୁ କ୍ଲବର ସଭାପତି ଡଃ ଆର୍ଯ୍ୟକୁମାର ଜ୍ଞାନେନ୍ଦ୍ର ଉତ୍ତରୀୟ ଓ ସ୍ମୃତିଫଳକ ଦେଇ ସମ୍ବର୍ଦ୍ଧିତ କରିଥିଲେ। ରୋଟାରିୟାନ ଏଲୋରା ରାୟ ସ୍ୱାଗତ ଭାଷଣ ଓ ଲିଲିମା ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ। ଅନ୍ୟମାନଙ୍କ ମଧ୍ୟରେ ଶିକ୍ଷାବିତ୍ ତଥା ସମାଜସେବୀ ଡଃ ବଦ୍ରୀନାଥ ପଟ୍ଟନାୟକ, ମିତ୍ରା ରାୟ, କ୍ଲବର ସମ୍ପାଦକ ଜ୍ୟୋତିଶଙ୍କର ମହାନ୍ତି, ନୂତନ ଭାବେ ଗଠିତ ରୋଟାରୀ କ୍ଲବ ପୁରୀଧାମର ସଭାପତି ତୋଫାନ ମହାନ୍ତି ପ୍ରମୁଖ ଉପସ୍ଥିତ ଥିଲେ।

Categories
ଆଜିର ଖବର ମନୋରଂଜନ

ଆନ୍ତର୍ଜାତିକ ମହିଳା ଦିବସରେ ସୁସ୍ମିତା ଦାସଙ୍କ ନୂଆ ଗୀତ “ନାରୀ”

ଭୁବନେଶ୍ବର: ପୃଥିବୀ ଗୋଟେ ବନ୍ଧନ। ଏଠି ଗଛ ମାଟିରେ ବନ୍ଧା, ଚଢେଇ ବି ଆକାଶରେ, ମାଛ ପାଣିରେ ଆଉ ମୁଁ ନାରୀ ସଂସାରରେ। ନାରୀର ଏଇ ସଂସାରର ଯାତ୍ରା – କିଶୋର ରୁ ଯୌବନ, ଆଉ ଯୌବନରୁ ପରିପକ୍ଵ ବୟସ ଯାଏ ଏହି ଗୀତରେ ଉପସ୍ଥାପନା କରାଯାଇଛି।  ନୂଆ ମଣିଷକୁ ସଂସାରକୁ ଆଣେ ନାରୀ। ଜୀବନକୁ ପ୍ରତି ମୁହୁର୍ତ୍ତରେ ଉତ୍ସବରେ ପରିଣତ କରେ ନାରୀ। ଏହି ସଂସାରର ମର୍ମ ବୁଝେ ସେ। ଜୀବନର ଗଭୀର ଦର୍ଶନକୁ ନିଜ ଭିତରେ ଅନୁଭବ କରେ। ବନ୍ଧନ ଭିତରେ ରହି ମୁକ୍ତ ହବାର ସ୍ୱାଦ ଜଣେ ସେ। ନାରୀ ମନର ସେଇ ସବୁ ନରମ, ଗଭୀର, ମୁକ୍ତ, ପରିପକ୍ବ ଇଛାର ପ୍ରକାଶ କରାଯାଇଛି ଏହି ସଂଗୀତରେ।  ଯାହାକୁ ଆମେ ଆପଣମାନଙ୍କୁ ଭେଟି ଦଉଚୁ ଏଇ ଆନ୍ତର୍ଜାତିକ ମହିଳା ଦିବସରେ।

କଣ୍ଠଶିଳ୍ପୀ ସୁସ୍ମିତା ଦାସ କଣ୍ଠଦାନ କରିଥିବାବେଳେ ସ୍ୱର ସଂଯୋଜନା କରିଛନ୍ତି ସୁମିତ ଦୀକ୍ଷିତ, ଗୀତିକାର ଅଛନ୍ତି ବିୟତପ୍ରଜ୍ଞା ତ୍ରିପାଠୀ। ବାଦ୍ୟ ଯନ୍ତ୍ରରେ ଅଛନ୍ତି ସନ୍ଦୀପ ସାହୁ, ସୀମା, ତାଇ, ହାପି, ଜୟଶ୍ରୀ, ପଦ୍ମ, କସ୍ତୁରୀ। ମିଟୁସ୍ ମ୍ୟୁଜିକ ପକ୍ଷରୁ ପ୍ରସ୍ତୁତ କରାଯାଇଥିବା ବେଳେ କଟକର ଜେସିକେ ଷ୍ଟୁଡ଼ିଓ ରେ ରେକର୍ଡ କରାଯାଇଛି ବୋଲି କ୍ରିଏଟିଭ ମୁଖ୍ୟ ପ୍ରଣୟ ଜେଠୀ ସୂଚନା ଦେଇଛନ୍ତି।

ମ୍ୟୁଜିକ ଭିଡିଓରେ ଅଭିନେତ୍ରୀ ଅନୁ ଚୌଧୁରୀ, କୁକିସ୍, ପିହୁ ଓ କଣ୍ଠଶିଳ୍ପୀ ସୁସ୍ମିତା ଦାସ ପ୍ରମୁଖ ଅଭିନୟ କରୁଛନ୍ତି।

Categories
ଆଜିର ଖବର ରାଜ୍ୟ ଖବର

ଆନ୍ତର୍ଜାତିକ ମହିଳା ଦିବସ ପରିପ୍ରେକ୍ଷୀରେ ସୋଆରେ ସ୍ୱତନ୍ତ୍ର ଉତ୍ସବ ଆୟୋଜିତ

ଭୁବନେଶ୍ୱର: ଶିକ୍ଷା ଓ ଅନୁସନ୍ଧାନ (ସୋଆ)ରେ ଆନ୍ତର୍ଜାତିକ ମହିଳା ଦିବସ ପରିପ୍ରେକ୍ଷୀରେ ସୋମବାର ଏକ ସ୍ୱତନ୍ତ୍ର ଉତ୍ସବ ଆୟୋଜିତ ହୋଇଯାଇଛି। ସୋଆର ଉପସଭାପତି ଶାଶ୍ୱତୀ ଦାସ ଓ ପ୍ରତିଷ୍ଠାତା ସଦସ୍ୟା କୁମାରୀ ଉପାସନା ନାୟକ ଏହି କାର୍ଯ୍ୟକ୍ରମରେ ସ୍ୱତନ୍ତ୍ର ଅତିଥି ଭାବେ ଯୋଗ ଦେଇଥିଲେ।

ଚଳିତ ବର୍ଷ ମହିଳା ଦିବସର ପ୍ରସଙ୍ଗ ‘Gender equality today for a sustainable tomorrow’ (ଲିଙ୍ଗଗତ ସମାନତା, ଆଜି ଓ ଆଗାମୀ କାଲି ନିମନ୍ତେ) ଉପରେ ମତ ରଖି ଶ୍ରୀମତୀ ଦାସ କହିଥିଲେ ଯେ, ନାରୀ ବର୍ତ୍ତମାନ ଆଉ ଅବଳା ଦୁର୍ବଳା ନୁହେଁ। ତେବେ ନାରୀ ପୁରୁଷ ମଧ୍ୟରେ ସମାନତା ଆଣିବା ଓ ନାରୀକୁ ସମ୍ମାନ ଦେବା ସମ୍ପର୍କରେ ପରିବାରରେ ପିଲାମାନଙ୍କୁ ଶିକ୍ଷା ଦେବା ଜରୁରୀ ବୋଲି ସେ କହିଥିଲେ।

ସେହିପରି ପ୍ରତିଷ୍ଠାତା ସଦସ୍ୟା କୁମାରୀ ନାୟକ ନାରୀମାନେ ପରସ୍ପରକୁ ସମ୍ମାନ ଦେବା ଦେଇ ଗୁରୁତ୍ୱାରୋପ କରିଥିଲେ। ନାରୀଟିଏ ଗୃହିଣୀ ହେଉ ବା କର୍ମଜୀବି ଏହା ତାଙ୍କର ନିଜସ୍ୱ ନିଷ୍ପତି। ତେଣୁ ଏଭଳି କ୍ଷେତ୍ରରେ କେହି କାହାର ଜୀବନଶୈଳୀକୁ ଆକ୍ଷେପ କିମ୍ବା ଅସମ୍ମାନ କରିବା ଉଚିତ୍ ନୁହେଁ ବୋଲି କୁମାରୀ ନାୟକ ମତ ରଖିଥିଲେ।

ନିମନ୍ତ୍ରିତ ଅତିଥିମାନେ କାର୍ଯ୍ୟକ୍ରମକୁ ପ୍ରଦୀପ ପ୍ରଜ୍ୱଳନ କରି ଶୁଭାରମ୍ଭ କରିଥିଲେ ଓ ମହିଳା ଦିବସ ପରିପ୍ରେକ୍ଷୀରେ ସ୍ୱତନ୍ତ୍ର କେକ କାଟି ଉତ୍ସବକୁ ପାଳନ କରିଥିଲେ।

ଏହି ଅବସରରେ ସୋଆର ପରୀକ୍ଷା ନିୟନ୍ତ୍ରକ ପ୍ରଫେସର ମଞ୍ଜୁଳା ଦାସ, ଆଡିଏସ୍ ଡିନ୍ ପ୍ରଫେସର ନୀତା ମହାନ୍ତି, ସୋଆ ପ୍ରାଚୀନର ମୁଖ୍ୟ ଡଃ ଗାୟତ୍ରୀବାଳା ପଣ୍ଡା, ପ୍ରଫେସର ମୀରା ଦାସ, ପ୍ରଫେସର ସଂଘମିତ୍ରା ନାୟକ, ପ୍ରଫେସର ରେଣୁ ଶର୍ମା, ପ୍ରଫେସର ତୃପ୍ତି ସ୍ୱର୍ଣ୍ଣକାର, ପ୍ରଫେସର ସ୍ୱୟଂପ୍ରଭା ଦାଶ, ପ୍ରଫେସର ସୁଜାତା ମିଶ୍ର, ପ୍ରଫେସର ସ୍ନିଗ୍ଧା ପଟ୍ଟନାୟକ, ଜଏଂଟ ରେଜିଷ୍ଟ୍ରାର ପ୍ରଫେସର ମଧୁବ୍ରତା ଦାସ, ପ୍ରଫେସର ସ୍ମିତା ମହାପାତ୍ର, ପ୍ରଫେସର ଅନିତା ପଣ୍ଡା ଓ ସୋଆ କମ୍ୟୁନିଟି ରେଡ଼ିଓର ଇନ୍‌ଚାର୍ଜ ହନି ପଟ୍ଟନାୟକଙ୍କ ସମେତ ସୋଆର ବିଭିନ୍ନ ଅନୁଷ୍ଠାନର ବରିଷ୍ଠ ମହିଳା କାର୍ଯ୍ୟକର୍ତ୍ତା ଏବଂ ପ୍ରମେୟ ଓ ନ୍ୟୁଜ୭ ର ମହିଳା ସାମ୍ବାଦିକାମାନେ ଯୋଗ ଦେଇଥିଲେ।

Categories
ଆଞ୍ଚଳିକ

ବାଲୁଗାଁରେ ଆନ୍ତର୍ଜାତିକ ମହିଳା ଦିବସ: ମୁଖ୍ୟ ଅତିଥି ଭାବେ ଯୋଗ ଦେଲେ ପୂର୍ବତନ ବିଧାୟକ ରଘୁନାଥ ସାହୁ

ସୀତାରାମ ଅଗ୍ରୱାଲ

ବାଲୁଗାଁ: ଆଜି ଆନ୍ତର୍ଜାତିକ ମହିଳା ଦିବସ। ଏହି ପରିପ୍ରେକ୍ଷୀରେ ଖୋର୍ଦ୍ଧା ଜିଲ୍ଲା ବାଲୁଗାଁ ଏନ.ଏ.ସି ର ସମସ୍ତ ମହିଳା ସଂଘଗୁଡିକର ମିଳିତ ଆନୁକୁଲ୍ୟରେ ଉକ୍ତ ଦିବସ ମହା ସମାରୋହରେ ପାଳିତ ହୋଇଯାଇଅଛି। ଏନ୍ଏସିର ପ୍ରାୟ ଦେଢ ହଜାରରୁ ଉର୍ଦ୍ଧ୍ଵ ମହିଳାମାନେ ସ୍ଥାନୀୟ ଶ୍ରୀ ଶ୍ରୀ ଉମାମହେଶ୍ୱର ଦେବଙ୍କ କଲ୍ୟାଣମଣ୍ଡପ ଠାରେ ଏକତ୍ରିତ ହୋଇ ଉକ୍ତ ଦିବସ ପାଳନ କରଥିଲେ। ମହିଳା ମାନଙ୍କ ଦ୍ୱାରା ଏକ ବିରାଟ ସାଧାରଣ ସଭାର ଆୟୋଜନ କରାଯାଇଥିଲା।

ଉକ୍ତ ସଭାରେ ମୁଖ୍ୟ ଅତିଥି ଭାବେ ଚିଲିକା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ରଘୁନାଥ ସାହୁ ଯୋଗ ଦେଇଥିଲେ। ମୁଖ୍ୟ ବକ୍ତାରୂପେ ପ୍ରଜାପତି ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ବାଲୁଗାଁ ଶାଖାର ମୁଖ୍ୟ ଭଉଣୀ ବି. କେ ସରିତା ଯୋଗ ଦେଇଥିବାବେଳେ ସମ୍ମାନିତ ଅତିଥିରୂପେ ବାଲୁଗାଁ ଏନ୍ଏସି ର କାର୍ଯ୍ୟନିର୍ବାହୀ ଅଧିକାରୀଣୀ ଆକୃତି ଗୋଏଙ୍କା ଯୋଗଦେଇଥିଲେ।

ସମସ୍ତ ଅତିଥିମାନେ ମହିଳା ସଶକ୍ତିକରଣ ଉପରେ ଆଲୋକପାତ କରିବା ସହ କରୋନା କଟକଣାକୁ ମାନି ଚଳିବା ପାଇଁ ମହିଳାମାନଙ୍କୁ ପରାମର୍ଶ ଦେଇଥିଲେ। ଅନ୍ୟମାନଙ୍କ ମଧ୍ୟରେ ବାଲୁଗାଁ ସମବାୟ ସମିତିର ପୂର୍ବତନ ଅଧ୍ୟକ୍ଷ ଲଳିତ ମୋହନ ମିଶ୍ର, ଚିଲିକା ବ୍ଲକ ସାଂସଦ ପ୍ରତିନିଧି ରମେଶ ମହାପାତ୍ର, ବାଣପୁର ବ୍ଲକ ବିଜେଡି ସମ୍ପାଦକ ସୁକାନ୍ତ ଭୋଳ, ବିଜୁ ଛାତ୍ର ଜନତା ଦଳର ଖୋର୍ଦ୍ଧା ଜିଲ୍ଲା ସମ୍ପାଦକ ସୁଧାଂଶୁ ଶେଖର ପରିଡା, ସୁକାନ୍ତ ମାଝୀ, ଅକ୍ଷୟ ରଣସିଂହ ଏବଂ ଯୁବ ସଂଗଠକ ରଂଜିତ ସାହୁ ଆଦି ଉପସ୍ଥିତ ଥିଲେ।

Categories
ଫଟୋ ଖବର

ଆନ୍ତର୍ଜାତିକ ମହିଳା ଦିବସ ପୂର୍ବରୁ ‘ଜୟ ଓଡ଼ିଶା’ ପକ୍ଷରୁ ଯୁବତୀଙ୍କ ମଟର ସାଇକେଲ ରାଲି

ଆନ୍ତର୍ଜାତିକ ମହିଳା ଦିବସ ପୂର୍ବରୁ ‘ଜୟ ଓଡ଼ିଶା’ ପକ୍ଷରୁ ଯୁବତୀଙ୍କ ମଟର ସାଇକେଲ ରାଲି, ସହିଦ ନଗର ଦୁର୍ଗା ମଣ୍ଡପରୁ ମହିଳା ଥାନାରେ ପହଁଚିଥିଲା ବାଇକ ରାଲି। ମହିଳା ପୋଲିସଙ୍କୁ ସମ୍ବର୍ଦ୍ଧନା ଦେଲା ‘ଜୟ ଓଡ଼ିଶା’।

Categories
ଆଜିର ଖବର ଜାତୀୟ ଖବର ବ୍ୟବସାୟ ରାଜ୍ୟ ଖବର

ରିଲାଏନ୍ସ ଜୁଏଲ୍‌ସ ପକ୍ଷରୁ ନୂଆ କଲେକ୍ସନ ‘ଆଦିରା’ ସହିତ ଆନ୍ତର୍ଜାତିକ ମହିଳା ଦିବସ ପାଳନ

ଭୁବନେଶ୍ୱର/ମୁମ୍ବଇ: ଭାରତର ଅଗ୍ରଣୀ ତଥା ବିଶ୍ୱସନୀୟ ଜୁଏଲାରୀ ବ୍ରାଣ୍ଡ୍ ରିଲାଏନ୍ସ ଜୁଏଲ୍‌ସ ମହିଳାମାନଙ୍କର ଅଦମ୍ୟ ବିଚାରାଧାରାକୁ ପାଳନ କରିବା ପାଇଁ ଏକ ଅନନ୍ୟ ପେଣ୍ଡେଂଟ୍ ବା ଲକେଟ୍ ପ୍ରଚଳନ କରିଛି। ଏହି ପେଣ୍ଡେଂଟ୍ ଡିଜାଇନ ଅପୂର୍ବ ବ୍ୟକ୍ତିତ୍ୱ ଭାବଧାରାକୁ ପ୍ରଦର୍ଶନ କରୁଛି ଯାହା ଆଶା, ସାହସ ଏବଂ ଧୈର୍ଯ୍ୟର ପ୍ରତୀକ ହେବା ସହିତ ସମସ୍ତ ପ୍ରତିକୂଳ ପରିସ୍ଥିତି ସତ୍ତ୍ୱେ ଆଗକୁ ବଢୁଥିବା ମହିଳାଙ୍କ ପାଇଁ ସମ୍ମାନ ପ୍ରଦର୍ଶନ କରୁଛି। ଏହି ଡିଜାଇନ ମହିଳାମାନଙ୍କର ଆଭାକୁ ପ୍ରଦର୍ଶିତ କରୁଛି ଯିଏ ମଜଭୁତ ଏବଂ ଆତ୍ମୀୟତାର ଭାବଧାରାକୁ ନିରନ୍ତର ପ୍ରେରଣା ଦିଅନ୍ତି, ବିକଶିତ କରନ୍ତି ଏବଂ ଆପଣେଇଥାନ୍ତି। ପୁରାଣ ବର୍ଣ୍ଣିତ ପକ୍ଷୀର ରମଣୀୟ ଡିଜାଇନକୁ ପ୍ରଦର୍ଶିତ କରୁଥିବା ଏହି ପେଣ୍ଡେଂଟ୍ ଝଲମଲ କରୁଥିବା ହୀରା ସହିତ ୧୪ କାରାଟ ସୁନାରେ ପ୍ରସ୍ତୁତ କରାଯାଇଛି ଏବଂ ଏହା ଆପଣଙ୍କ ନିଜସ୍ୱ ଷ୍ଟାଇଲକୁ ଅଧିକ ପରିପୂରକ କରିବା ପାଇଁ ଆପଣଙ୍କ ଜୁଏଲାରୀ ସମ୍ଭାର ସହିତ ସଂଯୋଗ କରିବାକୁ ଏକ ଉପଯୁକ୍ତ ବସ୍ତୁ ହୋଇଛି । ଏହାକୁ ଉଭୟ ଫର୍ମାଲ ଏବଂ କାଜୁଆଲ ପୋଷାକ ସହିତ ପିନ୍ଧାଯାଇପାରିବ।

“ରିଲାଏନ୍ସ ଜୁଏଲ୍‌ସରେ ଆମେ ଦୃଢଭାବରେ ବିଶ୍ୱାସ କରୁ ଯେ, ମହିଳାମାନେ ସର୍ବଦା ଶକ୍ତି ଓ ସହନଶୀଳତାର ପ୍ରତୀକ ହୋଇ ରହିଆସିଛନ୍ତି। ସେମାନେ ହେଉଛନ୍ତି ସେହି ସ୍ତମ୍ଭ, ଯିଏ ସେମାନେ ସମ୍ମୁଖୀନ ହେଉଥିବା ସମସ୍ତ ଆହ୍ୱାନମୂଳକ ପରିସ୍ଥିତି ସତ୍ତ୍ୱେ ଆପଣଙ୍କୁ ଆପଣଙ୍କ ଜୀବନର ସବୁକ୍ଷେତ୍ରରେ ନିରନ୍ତର ସମର୍ଥନ ଦେଇଥାନ୍ତି। ଏହି ଆନ୍ତର୍ଜାତିକ ମହିଳା ଦିବସରେ ଆମେ ସ୍ୱତନ୍ତ୍ର ଭାବରେ ଡିଜାଇନ କରାଯାଇଥିବା ଏହି ପେଣ୍ଡେଂଟ୍ ଜରିଆରେ ଏହି ତତ୍ତ୍ୱକୁ ପ୍ରଦର୍ଶନ କରି ମହିଳାମାନଙ୍କ ଭାବଧାରାକୁ ପାଳନ କରିବାକୁ ଚାହିଁଥିଲୁ। ଧ୍ୱଂସସ୍ତୁପ ମଧ୍ୟରୁ ଉଠି ଛିଡାହେଉଥିବା ଏହି ପୁରାଣବର୍ଣ୍ଣିତ ପକ୍ଷୀର ବିଶେଷତାକୁ ମନମଧ୍ୟରେ ରଖି ଆମର କଲେକ୍ସନ ‘ଆଦିରା’ ସମସ୍ତ ପ୍ରତିକୂଳ ପରିସ୍ଥିତିରେ ଦୃଢ ଭାବରେ ଛିଡା ହେଉଥିବା ମଜଭୁତ ଓ ଶକ୍ତିଶାଳୀ ମହିଳାମାନଙ୍କ ପାଇଁ ଏକ ଗୁଣଗାନକାରୀ କବିତା ଭଳି ହୋଇଛି।”

ଏହି କଲେକ୍ସନ ଓଡିଶାର ବିଭିନ୍ନ ସହରରେ ରହିଥିବା ରିଲାଏନ୍ସ ଜୁଏଲ୍‌ସ ଶୋରୁମ୍ ସମେତ ସମଗ୍ର ଭାରତରେ ଥିବା ରିଲାଏନ୍ସ ଜୁଏଲ୍ସ ଆଉଟ୍‌ଲେଟଗୁଡିକରେ ଉପଲବ୍ଧ ହେଉଛି। ଏଥିସହିତ ଚଳିତ ବର୍ଷ ମହିଳା ଦିବସ ପାଳନ ଅବସରରେ ଜଣେ ରିଲାଏନ୍ସ ଜୁଏଲ୍ସ ସୋ’ରୁମଗୁଡିକରେ ସୁନା ଅଳଙ୍କାର ଗଢା ମଜୁରୀ ଉପରେ ୨୦ ପ୍ରତିଶତ ଏବଂ ହୀରା ଅଳଙ୍କାର ମୂଲ୍ୟ ଉପରେ ୨୦ ପ୍ରତିଶତ ପର୍ଯ୍ୟନ୍ତ ସ୍ୱତନ୍ତ୍ର ରିହାତି ପାଇପାରିବେ।

(ସୀମିତ ଅବଧି ଅଫର ଏବଂ ସର୍ତ୍ତାବଳୀ ପ୍ରଯୁଜ୍ୟ)