Tag: ଆନ୍ଧ୍ରପ୍ରଦେଶ

ନୂଆଦିଲ୍ଲୀ: ଆଜିଠାରୁ ଆନ୍ଧ୍ରପ୍ରଦେଶରେ ଜିଲ୍ଲା ସଂଖ୍ୟା ବଢିଲା। ଏ ନେଇ ରାଜ୍ୟ ଜଗନ ସରକାର ଘୋଷଣା କରିଛନ୍ତି। ସେହି ଅନୁସାରେ ଆନ୍ଧ୍ରରେ ବର୍ତ୍ତମାନ ମୋଟ 26ଟି ଜିଲ୍ଲା ହେଲା। ପୂର୍ବରୁ ଏହି ରାଜ୍ୟରେ 13ଟି ଜିଲ୍ଲା ଥିଲା। ଏ ସଂପର୍କରେ ଗତ ଶନିବାର ଦିନ ରାଜ୍ୟ ସରକାରଙ୍କ ତରଫରୁ ଗେଜେଟ ନୋଟିଫିକେସନ କରାଯାଇଥିଲା। ଏଥିରେ ଉଲ୍ଲେଖ ଥିଲା କି ସୋମବାର ଦିନ ଏ ନେଇ ନୂଆ ମାନଚିତ୍ର ପ୍ରକାଶ ପାଇବ।

ଏ ନେଇ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ ପ୍ରସ୍ତୁତି କରିଥିଲେ। ସେଥିପାଇଁ ନୂଆଜିଲ୍ଲାରେ ଜିଲ୍ଲାପାଳ ଏବଂ ଏସପି ନିଯୁକ୍ତି ପାଇଁ ମଧ୍ୟ ଯୋଜନା କରାଯାଇଛି। ଫଳରେ ଏହି ରାଜ୍ୟରେ ବର୍ତ୍ତମାନ ଶାସନ ପରିଚାଳନା ସୁଗମ ହେବ ବୋଲି ଆଶା କରାଯାଉଛି।

ଆନ୍ଧ୍ରପ୍ରଦେଶର ନୂଆ 13 ଟି ଜିଲ୍ଲାର ସମ୍ପୂର୍ଣ୍ଣ ତାଲିକା

ବିଜୟାନଗରମ୍ ଜିଲ୍ଲାରୁ ମନିଆମ୍ ଜିଲ୍ଲା

ବିଶାଖାପାଟନମ୍ ଜିଲ୍ଲାରୁ ଆନାକାପାଲ୍ଲୀ ଜିଲ୍ଲା

ବିଶାଖାପାଟନମ୍ ଜିଲ୍ଲାରୁ ଆଲୁରୀ ସୀତାରାମ ରାଜୁ

ପୂର୍ବ ଗୋଦାବରୀ ଜିଲ୍ଲାରୁ କାକିନାଡା

ପୂର୍ବ ଗୋଦାବରୀ ଜିଲ୍ଲାରୁ କୋନାସିମା

ପଶ୍ଚିମ ଗୋଦାବରୀ ଜିଲ୍ଲାରୁ ଏଲୁରୁ

ଗୁଣ୍ଟୁର ଜିଲ୍ଲାରୁ ପାଲନାଡୁ

ଗୁଣ୍ଟୁର ଜିଲ୍ଲାରୁ ବାଣ୍ଟଲା

କୁର୍ନୁଲ୍ ଜିଲ୍ଲାରୁ ନନ୍ଦିଆଲ୍

ଅନନ୍ତପୁରରୁ ଶ୍ରୀ ସତ୍ୟ ସାଇ ଜିଲ୍ଲା

ଚିତ୍ତୋର ଜିଲ୍ଲାରୁ ଶ୍ରୀ ବାଲାଜୀ

କାଦାପା ଜିଲ୍ଲାରୁ ଅନ୍ନମୟ

କ୍ରିଷ୍ଣା ଜିଲ୍ଲାରୁ ଏନ ଟି ରାମା ରାଓ ଜିଲ୍ଲା

2019 ବିଧାନସଭା ନିର୍ବାଚନ ପାଇଁ ମତଦାନ ଅଭିଯାନ ସମୟରେ ରେଡ୍ଡୀ ପ୍ରତିଶ୍ରୁତି ଦେଇଥିଲେ ଯେ ତାଙ୍କ ଦଳ ଯଦି କ୍ଷମତାକୁ ଆସିବ ତେବେ ପ୍ରତ୍ୟେକ ଲୋକସଭା ନିର୍ବାଚନମଣ୍ଡଳୀକୁ ଜିଲ୍ଲା ଭାବେ ପରିଣତ କରିବ।

ନୂଆଦିଲ୍ଲୀ: ସରକାରୀ କର୍ମଚାରୀମାନଙ୍କୁ ଆନ୍ଧ୍ରପ୍ରଦେଶ ସରକାର ଏକ ବଡ ଉପହାର ଦେଇଛି। କର୍ମଚାରୀମାନଙ୍କ ଅବସର ବୟସକୁ ୬୦ ବର୍ଷରୁ ୬୨ ବର୍ଷକୁ ବୃଦ୍ଧି କରିବାକୁ ସରକାର ଏକ ନିର୍ଦ୍ଦେଶନାମା ଜାରି କରିଛି। ରାଜ୍ୟପାଳ ବିଶ୍ଵଭୂଷଣ ହରିଚନ୍ଦନ ଏହି ଅଧ୍ୟାଦେଶକୁ ଲାଗୁ କରିଛନ୍ତି। ବରିଷ୍ଠ କର୍ମଚାରୀଙ୍କ ଅଭିଜ୍ଞତା ଏବଂ ପାରଦର୍ଶୀତାକୁ ବ୍ୟବହାର କରିବା ଏବଂ ଆୟୁଷ ବୃଦ୍ଧି ଏବଂ ସାଧାରଣ ସ୍ୱାସ୍ଥ୍ୟ ଅବସ୍ଥାକୁ ଦୃଷ୍ଟିରେ ରଖି ସମସ୍ତ ସରକାରୀ କର୍ମଚାରୀଙ୍କ ପାଇଁ ବର୍ତ୍ତମାନର ବୟସ ୬୦ ରୁ ୬୨ ବର୍ଷକୁ ବୃଦ୍ଧି କରିବା ବୋଲି ଏକ ଗେଜେଟ୍ ବିଜ୍ଞପ୍ତିରେ ପ୍ରସ୍ତାବ ଦିଆଯାଇଛି। ”

ରାଜ୍ୟପାଳ ଆନ୍ଧ୍ରପ୍ରଦେଶର ଜନସାଧାରଣ ନିଯୁକ୍ତି (ରେଗୁଲେସନ୍ ଅଫ୍ ବୟ ଅଫ୍ ପେନ୍ସନ୍) (ସଂଶୋଧନ) ଅର୍ଡିନାନ୍ସ, ୨୦୨୨ ଘୋଷଣା କରିଛନ୍ତି। ଜାନୁୟାରୀ ୨୧ ତାରିଖରେ ଆନ୍ଧ୍ରପ୍ରଦେଶର ଜନ ନିଯୁକ୍ତି ଆଇନ ୧୯୮୪ ରେ ସଂଶୋଧନ ପ୍ରସ୍ତାବକୁ ରାଜ୍ୟ କ୍ୟାବିନେଟ ଅନୁମୋଦନ କରିଛି।

ଏହି ନିୟମରେ ରାଜ୍ୟପାଳ କହିଛନ୍ତି ଯେ, ଏହି ଅଧିନିୟମର ସଂଶୋଧନ ଜାନୁୟାରୀ ୧ ତାରିଖ ୨୦୨୨ ଠାରୁ କାର୍ଯ୍ୟକାରୀ ହେବ। ଅବସର ଆଇନକୁ ୫୮ ରୁ ୬୦ ବର୍ଷକୁ ବୃଦ୍ଧି କରି ୨୦୧୪ରେ ଏହି ଅଧିନିୟମରେ ପ୍ରଥମେ ସଂଶୋଧନ କରାଯାଇଥିଲା। ରାଜ୍ୟ ସରକାର ଅବସର ବୟସର ବୃଦ୍ଧିକୁ ଯଥାର୍ଥତା ଦେଇ କହିଛନ୍ତି ଯେ, ଏହା ୨୦୧୪ ତୁଳନାରେ ହାରାହାରି ଆୟୁଷରେ ଉଲ୍ଲେଖନୀୟ ଉନ୍ନତି ଆଣିଛି।

ସରକାରୀ କର୍ମଚାରୀଙ୍କ ଅବସର ବୟସ ବୃଦ୍ଧି କରାଯିବ ବୋଲି ନିକଟରେ ରାଜ୍ୟ ସରକାର ନିଷ୍ପତ୍ତି ନେଇଥିଲେ।

ନୂଆଦିଲ୍ଲୀ: ଆନ୍ଧ୍ରପ୍ରଦେଶରେ ହେବାକୁ ଥିବା ୨୦୨୪ ବିଧାନସଭା ନିର୍ବାଚନରେ ​​ଜିତିଲେ ରାଜ୍ୟବାସୀଙ୍କୁ ୭୦ ଟଙ୍କାରେ ମଦ ଦେବାକୁ ଭାରତୀୟ ଜନତା ପାର୍ଟି ପ୍ରତିଶୃତି ଦେଇଛି।

ମଙ୍ଗଳବାର ଦିନ ଏକ ସାଧାରଣ ସଭାରେ ଦଳର ରାଜ୍ୟ ୟୁନିଟ୍ ମୁଖ୍ୟ ସୋମୁ ଭୀରରାଜୁ ମୁଖ୍ୟମନ୍ତ୍ରୀ ଜଗନ୍ ମୋହନ ରେଡ୍ଡୀଙ୍କ ନେତୃତ୍ୱାଧୀନ ୱାଇଏସଆର କଂଗ୍ରେସ ସରକାର ଏବଂ ବିରୋଧୀ ତେଲୁଗୁ ଦେଶମ ପାର୍ଟିକୁ ନିନ୍ଦା କରିଛନ୍ତି। ସେ କହିଛନ୍ତି ଯେ, ବିପୁଳ ସମ୍ବଳ ଏବଂ ଦୀର୍ଘ ଉପକୂଳବର୍ତ୍ତୀ ସତ୍ତ୍ୱେ ରାଜନୈତିକ ଶକ୍ତିଗୁଡିକ ରାଜ୍ୟ ବିକାଶ କରିବାରେ ବିଫଳ ହୋଇଛନ୍ତି।

ରାଜ୍ୟରେ ମହଙ୍ଗା ମଦ ଦରକୁ ନେଇ ପରୋକ୍ଷରେ ଭୀରରାଜୁ କହିଛନ୍ତି ଯେ, ରାଜ୍ୟରେ ଏକ କୋଟି ଲୋକ ମଦ ପାନ କରନ୍ତି। ଆପଣ ବିଜେପିକୁ ଏକ କୋଟି ଭୋଟ ଦିଅନ୍ତୁ ଆମେ ଆପଣଙ୍କୁ ୭୦ ଟଙ୍କାରେ ମଦ ଦେବୁ। ଯଦି ଭଲ ରାଜସ୍ୱ ରହିବ, ଆମେ ଏହାକୁ ମାତ୍ର ୫୦ ଟଙ୍କାରେ ଦେବୁ।

ରାଜ୍ୟ ସରକାରଙ୍କ ଡାଇରେକ୍ଟ ବେନିଫିଟ ସ୍କିମ ବିଷୟରେ ବିଜେପି ନେତା କହିଛନ୍ତି ଯେ, ଗୋଟିଏ ମାସ ମଧ୍ୟରେ ଜଣେ ବ୍ୟକ୍ତି ହାରାହାରି ୧୨ ହଜାର ଟଙ୍କା ମୂଲ୍ୟର ମଦ ପିଉଛନ୍ତି। ଜଗନ୍ ମୋହନ ରେଡ୍ଡୀ ଏହି ସମସ୍ତ ଟଙ୍କା ସଂଗ୍ରହ କରୁଛନ୍ତି। ଏବଂ ଏହାକୁ ଯୋଜନା ନାମରେ ଲୋକଙ୍କ ପାଖକୁ ଫେରାଇ ଦେଉଛନ୍ତି।

ହାଇଦ୍ରାବାଦ, ଗୋଦାବରୀ ଓ କ୍ରିଷ୍ଣା ନଦୀର ଗୋଟିଏ ବି ବିନ୍ଦୁ ଜଳ ତେଲାଙ୍ଗାନା ହରାଇବାକୁ ଚାହେଁ ନାହିଁ। ଯେତେ ଯାହା କରିବାକୁ ହେଉ ପଛେ ତେଲାଙ୍ଗାନା ସରକାର କରିବାକୁ ପ୍ରସ୍ତୁତ। ଏ କଥା କହିଛନ୍ତି ତେଲାଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ। ଗତକାଲି ରାଜ୍ୟ ସରକାରଙ୍କ ଏକ ଉଚ୍ଚ ସ୍ତରୀୟ ବୈଠକ କରାଯାଇ ଏହି ନିଷ୍ପତି ନିଆଯାଇଛି। ଏ ନେଇ ତେଲାଙ୍ଗାନାର ମୁଖ୍ୟ ଶାସନ ସଚିବ କେନ୍ଦ୍ର ଜଳ ସଂପଦ ବିଭାଗକୁ ଚିଠି ଲେଖି ଜଣାଇ ଦେଇଛନ୍ତି। ତୁରନ୍ତ କେନ୍ଦ୍ର ଉଚ୍ଚସ୍ତରୀୟ ବୈଠକ କରି ଏହା ନିଷ୍ପତି କରୁ ବୋଲି ଚିଠିରେ ଉଲ୍ଲେଖ କରାଯାଇଛି।

ଆନ୍ଧ୍ର ପ୍ରଦେଶ ଦୁଇଭାଗ ହେବା ପରେ ବର୍ତ୍ତମାନ ଏହି ଦୁଇ ରାଜ୍ୟ ମଧ୍ୟରେ ନଦୀ ଜଳ ନେଇ ବିବାଦ ଲାଗି ରହିଛି। ଆନ୍ଧ୍ର ପ୍ରଦେଶ ନଦୀ ଜଳ ଉପରେ ଆଧିପତ୍ୟ ବିସ୍ତାର କରୁଛି ବୋଲି ପୂର୍ବରୁ ତେଲାଙ୍ଗାନା କହିଆସୁଛି। ବର୍ତ୍ତମାନ ଏହାର ସମାଧାନ ନ ହେଲେ ତେଲାଙ୍ଗାନା ଆନ୍ଦୋଳନାତ୍ମକ ପନ୍ଥା ଅବଲମ୍ବନ କରିବ ବୋଲି ଘୋଷଣା କରିଛି।