ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆପତ୍ତିଜନକ ପୋଷ୍ଟର ଲଗାଇବା ସଂପର୍କରେ ଦିଲ୍ଲୀ ପୋଲିସ ୧୦୦ ଟି ଏଫ୍ଆଇଆର୍ ପଞ୍ଜିକରଣ କରିଛି। ଖବର ଅନୁଯାୟୀ, ଏହି ପୋଷ୍ଟରରେ ଲେଖାଥିଲା ଯେ, ମୋଦୀ ହଟାଅ ଦେଶକୁ ବଞ୍ଚାଅ। ଦିଲ୍ଲୀ ପୋଲିସର ସ୍ୱତନ୍ତ୍ର ସିପି ଦୀପେନ୍ଦ୍ର ପୃଥକ୍ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ଆପତ୍ତିଜନକ ପୋଷ୍ଟର ଲଗାଯାଇଛି, ଯେଉଁଥିରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ସେ କହିଛନ୍ତି ଯେ, ଏହି (ଆପତ୍ତିଜନକ) ପୋଷ୍ଟରରେ ପ୍ରିଣ୍ଟିଂ ପ୍ରେସ ବିଷୟରେ କୌଣସି ସୂଚନା ନାହିଁ।
ସ୍ଵତନ୍ତ୍ର ସିପି ଦୀପେନ୍ଦ୍ର ପୃଥକ୍ ଗଣମାଧ୍ୟମକୁ କହିଛନ୍ତି ଯେ, ଏପର୍ଯ୍ୟନ୍ତ ୬ ଜଣଙ୍କୁ ଗିରଫ କରାଯାଇଛି। ପ୍ରକାଶ ଯେ, ଏହି ପୋଷ୍ଟରଗୁଡିକର ଲିଙ୍କ୍ ଆମ୍ ଆଦମୀ ପାର୍ଟି ସହିତ ଜଡିତ। ଦୀପେନ୍ଦ୍ର ପୃଥକ୍ କହିଛନ୍ତି ଯେ, ଆମ୍ ଆଦମୀ ପାର୍ଟିର କାର୍ଯ୍ୟାଳୟ ଛାଡିବା ମାତ୍ରେ ଏକ ଭ୍ୟାନକୁ ପୋଲିସ ଅଟକାଇଥିଲା, ଯେଉଁଥିରୁ ଅନେକ ପୋଷ୍ଟର ଜବତ କରାଯାଇଥିଲା ଏବଂ ଘଟଣାସ୍ଥଳରେ କିଛି ଗିରଫ ମଧ୍ୟ କରାଯାଇଥିଲା। ସେ କହିଛନ୍ତି ଯେ, ପ୍ରିଣ୍ଟିଂ ପ୍ରେସ୍ ଆକ୍ଟ ଏବଂ ସମ୍ପତ୍ତି ଅପବ୍ୟବହାର ଅଧିନିୟମ ଅନୁଯାୟୀ ଏକ ଏଫ୍ଆଇଆର୍ ପଞ୍ଜିକୃତ ହୋଇଛି।