ନୂଆଦିଲ୍ଲୀ: ଭାରତ ଏବଂ ପାକିସ୍ଥାନ ମଧ୍ୟରେ ଥିବା ଲାଇନ୍ ଅଫ୍ କଣ୍ଟ୍ରୋଲ୍ (LoC) ରେ ଅନୁପ୍ରବେଶ କରିବାକୁ ଚାହୁଁଥିବା ଆତଙ୍କବାଦୀଙ୍କୁ ନିନ୍ଦା କରି ଆମେରିକା ଗୁରୁବାର ଦିନ କଣ୍ଟ୍ରୋଲ୍ ଲାଇନ୍ ର ଉଭୟ ପାର୍ଶ୍ୱରେ ଥିବା ତିକ୍ତତାକୁ ଦୂର କରିବାକୁ ଏବଂ ୨୦୦୩ର ଅସ୍ତ୍ରବିରତି ଚୁକ୍ତିକୁ ଫେରିବାକୁ ଆହ୍ଵାନ କରିଛି।
ଆମେରିକାର ବୈଦେଶିକ ବିଭାଗର ମୁଖପାତ୍ର ନେଡ ପ୍ରାଇସ ଦୈନିକ ସାମ୍ବାଦିକ ସମ୍ମିଳନୀରେ ଜଣେ ସାମ୍ବାଦିକଙ୍କୁ କହିଛନ୍ତି ଯେ, ଜମ୍ମୁ କାଶ୍ମୀରରେ କାର୍ଯ୍ୟକଳାପ ଉପରେ ଆମେ ତୀକ୍ଷ୍ଣ ନଜର ରଖିଛୁ। ଏହି ଅଞ୍ଚଳ ସମ୍ବନ୍ଧରେ ଆମର ନୀତିରେ କୌଣସି ପରିବର୍ତ୍ତନ ହୋଇନାହିଁ। ୨୦୦୩ ଅସ୍ତ୍ରବିରତି ଚୁକ୍ତିନାମାକୁ ପାଳନ କରି ନିୟନ୍ତ୍ରଣ ରେଖାରେ ବିବାଦ ହ୍ରାସ କରନ୍ତୁ।”
ଏକ ପ୍ରଶ୍ନର ଉତ୍ତରରେ ନେଡ୍ ପ୍ରାଇସ୍ କହିଛନ୍ତି ଯେ, ଆମେ ଆତଙ୍କବାଦୀଙ୍କୁ ନିନ୍ଦା କରୁଛୁ ଯେଉଁମାନେ ନିୟନ୍ତ୍ରଣ ରେଖାରେ ଅନୁପ୍ରବେଶ କରିବାକୁ ଚାହୁଁଛନ୍ତି।