Categories
ଆଜିର ଖବର ଜାତୀୟ ଖବର

କାନପୁରରେ ମର୍ମନ୍ତୁଦ ସଡକ ଦୁର୍ଘଟଣା, ଟ୍ରାକ୍ଟର ଓଲଟି ୨୬ ମୃତ, ପ୍ରଧାନମନ୍ତ୍ରୀଙ୍କ ଶୋକ

କାନପୁର: ଉତ୍ତରପ୍ରଦେଶର କାନପୁରରେ ଶ୍ରଦ୍ଧାଳୁଙ୍କୁ ନେଇ ଯାଉଥିବା ଟ୍ରାକ୍ଟର-ଟ୍ରଲି ଦୁର୍ଘଟଣାଗ୍ରସ୍ତ ହୋଇଛି। ଫଳରେ ଏପର୍ଯ୍ୟନ୍ତ ୨୬ ଜଣଙ୍କର ମୃତ୍ୟୁ ଘଟିଛି। ଏହି ଘଟଣାରେ ୨୮ ଜଣ ଆହତ ହୋଇଛନ୍ତି, ସେଥିମଧ୍ୟରୁ ତିନି ଜଣ ଡାକ୍ତରଖାନାରେ ମୃତ୍ୟୁ ବରଣ କରିଛନ୍ତି। ତଥାପି କିଛି ଲୋକଙ୍କ ଅବସ୍ଥା ଗୁରୁତର ରହିଛି। ସମସ୍ତେ ନବରାତ୍ରୀ ଅବସରରେ ଉନ୍ନାଓର ଚନ୍ଦ୍ରିକା ଦେବୀ ମନ୍ଦିର ଦର୍ଶନ କରିବା ପରେ କୋରଥା ଗ୍ରାମକୁ ଫେରୁଥିଲେ।

ମୃତକଙ୍କ ସମ୍ପର୍କୀୟଙ୍କ ପାଇଁ ରାଜ୍ୟ ସରକାର ପ୍ରତ୍ୟେକଙ୍କୁ ୨ ଲକ୍ଷ ଟଙ୍କା ଏବଂ ଆହତଙ୍କ ପାଇଁ ୫୦ ହଜାର ଟଙ୍କା ଅନୁକମ୍ପା ରାଶି ଘୋଷଣା କରିଛନ୍ତି। ଏହି ଦୁର୍ଘଟଣାରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଃଖ ପ୍ରକାଶ କରିଛନ୍ତି। ଏହି ଟ୍ରାକ୍ଟରରେ ୫୦ ରୁ ଅଧିକ ଲୋକ ଯାଉଥିଲେ।

Categories
ଆଜିର ଖବର ଖେଳ ଜାତୀୟ ଖବର

ଆଜି ପୁଣି ସଚିନ୍-ବ୍ରାଏନ୍ ଲାରା ହେବେ ମୁହାଁମୁହିଁ, ଜାଣନ୍ତୁ କେବେ ଏବଂ କେଉଁଠାରେ ଦେଖିବେ ମ୍ୟାଚ୍

ନୂଆଦିଲ୍ଲୀ: ଆଜି ରୋଡ ସେଫ୍ଟି ୱାର୍ଲ୍ଡ ସିରିଜରେ ଇଣ୍ଡିଆ ଲିଜେଣ୍ଡ୍ସ ସେମାନଙ୍କର ଦ୍ୱିତୀୟ ମ୍ୟାଚ୍ ଖେଳିବ। ଏହି ଦଳ କାନପୁରର ଗ୍ରୀନ୍ ପାର୍କ ଷ୍ଟାଡିୟମରେ ୱେଷ୍ଟଇଣ୍ଡିଜ୍ ଲିଜେଣ୍ଡ୍ସ ସହ ମୁହାଁମୁହିଁ ହେବ। ଉଭୟ ଦଳ ଏହି ସିଜନର ପ୍ରଥମ ମ୍ୟାଚ୍ ଜିତିଛନ୍ତି। ପ୍ରଥମ ମ୍ୟାଚରେ ଦକ୍ଷିଣ ଆଫ୍ରିକା ଲିଜେଣ୍ଡ୍ସକୁ ଇଣ୍ଡିଆ ଲିଜେଣ୍ଡ୍ସ ୬୧ ରନରେ ପରାସ୍ତ କରିଛି। ଅନ୍ୟପକ୍ଷରେ ବାଂଲାଦେଶ ଦଳକୁ ୱେଷ୍ଟଇଣ୍ଡିଜ୍ ଲିଜେଣ୍ଡ୍ସ ପରାସ୍ତ କରିଛି।

ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ହାତରେ ଇଣ୍ଡିଆ ଲିଜେଣ୍ଡ୍ସର ନେତୃତ୍ଵ। ଗତ ସିଜନରେ ମଧ୍ୟ ସଚିନ ଭାରତର ଅଧିନାୟକ ଥିଲେ। ସଚିନଙ୍କ ଅଧିନାୟକତ୍ୱରେ ଇଣ୍ଡିଆ ଲିଜେଣ୍ଡ୍ସ ପ୍ରଥମ ସିଜନରେ ଜିତିଥିଲା। ସଚିନଙ୍କ ସହ ଯୁବରାଜ ସିଂ, ସୁରେଶ ରାଇନା ଏବଂ ଇରଫାନ ପଠାନଙ୍କ ଭଳି ଷ୍ଟାରମାନେ ମଧ୍ୟ ଇଣ୍ଡିଆ ଲିଜେଣ୍ଡ୍ସରେ ନଜର ଆସିବେ। ଅନ୍ୟପକ୍ଷରେ ୱିଣ୍ଡିଜ୍ ଦଳର ଅଧିନାୟକ ବ୍ରିଆନ୍ ଲାରାଙ୍କ ହାତରେ ରହିବ। ଏହି ଦଳରେ ସୁଲେମାନ ବେନ, ଡାରେନ ପାୱେଲ ଏବଂ ଡୱେନ ସ୍ମିଥଙ୍କ ଭଳି ପୂର୍ବତନ ଖେଳାଳି ମଧ୍ୟ ନଜର ଆସିବେ।

ଏହି ମ୍ୟାଚ୍ କେବେ ଏବଂ କେଉଁଠାରେ ଦେଖିବେ?:

ରୋଡ ସେଫ୍ଟି ୱାର୍ଲ୍ଡ ସିରିଜର ଏହି ଷଷ୍ଠ ମ୍ୟାଚ୍ ଆଜି (ସେପ୍ଟେମ୍ବର ୧୪) ସନ୍ଧ୍ୟା ୭.୩୦ ରେ କାନପୁରର ଗ୍ରୀନ୍ ପାର୍କ ଷ୍ଟାଡିୟମରେ ଖେଳାଯିବ। ଏହି ମ୍ୟାଚ୍ ର ଲାଇଭ୍ ଟେଲିକାଷ୍ଟ ସ୍ପୋର୍ଟସ୍ -୧୮ ଚ୍ୟାନେଲରେ କରାଯିବ। ଏହା ସହିତ, ଏହି ମ୍ୟାଚର ଲାଇଭ୍ ଷ୍ଟ୍ରିମିଂ ଭୁତ ଆପରେ ମଧ୍ୟ ଦେଖିବାକୁ ମିଳେ।

ଇଣ୍ଡିଆ ଲିଜେଣ୍ଡ୍ସର ଖେଳାଳି:

ସଚିନ ତେନ୍ଦୁଲକର (ଅଧିନାୟକ), ସୁରେଶ ରାଇନା, ଯୁବରାଜ ସିଂ, ଇରଫାନ ପଠାନ, ୟୁସୁଫ ପଠାନ, ହରଭଜନ ସିଂ, ମୁନାଫ ପଟେଲ, ସୁବ୍ରମଣ୍ୟମ ବଦ୍ରିନାଥ, ଷ୍ଟୁଆର୍ଟ ବିନ୍ନି, ନମନ ଓଝା, ମନପ୍ରୀତ ଗୋନି, ପ୍ରଜ୍ଞା ଓଝା, ବିନୟ କୁମାର, ଅଭିମନ୍ୟୁ ମିଥୁନ।

Categories
ଆଜିର ଖବର ଖେଳ ଜାତୀୟ ଖବର

ଷ୍ଟୁଆର୍ଟ ବିନି ଏବଂ ୟୁସୁଫ ପଠାନଙ୍କ ଧୂଆଁଧାର ପାଳି: ଦକ୍ଷିଣ ଆଫ୍ରିକାକୁ ୨୧୮ ରନ୍ ର ଟାର୍ଗେଟ ଦେଲା ଇଣ୍ଡିଆ

ନୂଆଦିଲ୍ଲୀ: ରୋଡ ସେଫ୍ଟି ୱାର୍ଲ୍ଡ ସିରିଜ୍ ୨୦୨୨ ରେ କାନପୁରର ଗ୍ରୀନ୍ ପାର୍କ ଷ୍ଟାଡିୟମରେ ଇଣ୍ଡିଆ ଲିଜେଣ୍ଡ୍ସ ଏବଂ ଦକ୍ଷିଣ ଆଫ୍ରିକା ଲିଜେଣ୍ଡ୍ସ ମଧ୍ୟରେ ମ୍ୟାଚ୍ ଖେଳାଯାଉଛି। ଏହି ମ୍ୟାଚରେ ଇଣ୍ଡିଆ ଲିଜେଣ୍ଡ୍ସ ଟସ୍ ଜିତି ପ୍ରଥମେ ବ୍ୟାଟିଂ କରି ୨୧୭ ରନ୍ ସ୍କୋର କରିଥିଲା। ଭାରତ ପାଇଁ ଷ୍ଟୁଆର୍ଟ ବିନି ୪୨ ଟି ବଲରେ ୮୨ ରନ୍‌ ଏବଂ ୟୁସୁଫ ପଠାନ୧୫ ଟି ବଲରେ ୩୫ ରନର ଧୂଆଁଧାର ପାଳି ଖେଳି ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ। ବିନି ପାଞ୍ଚଟି ଚୌକା ଓ ୬ ଛକା ମାରିଥିବା ବେଳେ ୟୁସୁଫ ପଠାନ ଚାରିଟି ଛକା ଓ ଗୋଟିଏ ଚୌକା ମାରି ଦକ୍ଷିଣ ଆଫ୍ରିକା ଦଳକୁ ଏହି ମ୍ୟାଚ ଜିତିବା ପାଇଁ ୨୧୮ ରନ୍ ର ଲକ୍ଷ୍ୟ ଦେଇଥିଲେ।

ଇଣ୍ଡିଆ ଲିଜେଣ୍ଡ୍ସ ଅଧିନାୟକ ସଚିନ ତେନ୍ଦୁଲକର ଟସ୍ ଜିତି କାନପୁରର ଗ୍ରୀନ୍ ପାର୍କ ଷ୍ଟାଡିୟମରେ ଖେଳାଯାଉଥିବା ରୋଡ ସେଫ୍ଟି ୱାର୍ଲ୍ଡ ସିରିଜ୍ ର ପ୍ରଥମ ମ୍ୟାଚରେ ଦକ୍ଷିଣ ଆଫ୍ରିକା ଲିଜେଣ୍ଡ୍ସ ବିପକ୍ଷରେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରିବାକୁ ବାହାରିଥିବା ଇଣ୍ଡିଆ ଲିଜେଣ୍ଡ୍ସର ଆରମ୍ଭ ଆଶ୍ଚର୍ଯ୍ୟଜନକ ଥିଲା। ଏବଂ ପ୍ରଥମ ୱିକେଟ୍ ପାଇଁ ନମନ୍ ଓଝା ଏବଂ ସଚିନ୍ ତେନ୍ଦୁଲକର ୪୬ ରନ୍ ଭାଗିଦାରୀ କରିଥିଲେ। ଏହା ପରେ ଇଣ୍ଡିଆ ଲିଜେଣ୍ଡ୍ସ ଅଧିନାୟକ ସଚିନ ତେନ୍ଦୁଲକର ଆଉଟ ହୋଇଯାଇଥିଲା। ଏଥି ସହିତ ଦଳର ଦ୍ୱିତୀୟ ୱିକେଟ୍ ମଧ୍ୟ ୫୨ ରନ୍ ସ୍କୋରରେ ନମନ ଓଝାଙ୍କ ୱିକେଟ ଚାଲିଯାଇଥିଲା।

ଏଥିସହିତ ରାଇନା ଏବଂ ଷ୍ଟୁଆର୍ଟ ବିନି ଇନିଂସକୁ ସମ୍ଭାଳି ୬୧ ରନର ଭାଗିଦାରୀ ଖେଳି ଦଳର ସ୍କୋରକୁ ୧୦୦ ରୁ ଅଧିକ ରନ ପର୍ଯ୍ୟନ୍ତ ପହଞ୍ଚାଇଥିଲେ। ୨୨ ବଲରେ ୩୩ ରନ୍ ସ୍କୋର କରିବା ପରେ ରାଇନା ଆଉଟ ହୋଇଯାଇଥିଲା। ସେପଟେ ଯୁବରଜ ସିଂହଙ୍କ ବ୍ୟାଟ କାମ କରିନଥିଲା। ଯୁବରାଜ ୮ ଟି ବଲରେ ମାତ୍ର ୬ ରନ କରି ପ୍ୟାଭିଲିୟନ ଫେରିଥିଲେ। କିନ୍ତୁ ଯୁବରାଜଙ୍କ ପରେ ୟୁସୁଫ ପଠାନ ଆସି ଷ୍ଟୁଆର୍ଟ ବିନିଙ୍କ ସହ ଦମଦାର ପାଳି ଖେଳିଥିଲେ। ଯାହାପରେ ଦଳର ସ୍କୋରକୁ ୨୧୭ ରନ ପର୍ଯ୍ୟନ୍ତ ପହଞ୍ଚାଇବାରେ ସକ୍ଷମ ହୋଇଥିଲେ।

Categories
ବିଶେଷ ଖବର

ଟ୍ରିପଲ ତଲାକର ଯନ୍ତ୍ରଣା ଭୋଗୁଥିବା ମହିଳାଙ୍କୁ ଭେଟିଲେ ପ୍ରଧାନମନ୍ତ୍ରୀ, କହିଲେ ଏଭଳି କଥା

କାନପୁର: ‘ନିଜ ଝିଅମାନଙ୍କୁ ଶିକ୍ଷିତ କରାନ୍ତୁ, ସେମାନଙ୍କର ଆତ୍ମବିଶ୍ୱାସ ବଢିବ’ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗତକାଲି କାନପୁରରେ ପ୍ରଧାନମନ୍ତ୍ରୀ ସ୍ଵନିଧି ଯୋଜନାର ହିତାଧିକାରୀ ଫରଜାନାଙ୍କୁ କହିଛନ୍ତି।

ଫରଜାନା କାନପୁରର କିଦବଇନଗରର ଅଧିବାସୀ। ସେ ପିଏମ ମୋଦୀଙ୍କୁ କହିଛନ୍ତି ଯେ, ତାଙ୍କ ସ୍ୱାମୀ ଚାରି ବର୍ଷ ପୂର୍ବେ ତାଙ୍କୁ ଟ୍ରିପଲ ତଲାକ ଦେଇଛନ୍ତି। ବର୍ତ୍ତମାନ ସେ ଏକ ଛୋଟ ଫାଷ୍ଟଫୁଡ୍ ସେଣ୍ଟର ଚଲାଉଛନ୍ତି। ଲକଡାଉନ ସମୟରେ ସେ ବର୍ତ୍ତମାନ ପ୍ରଧାନମନ୍ତ୍ରୀ ସ୍ଵନିଧି ଯୋଜନାରୁ ଋଣ ନେଇ ଦୋସା-ଇଡଲି ବିକ୍ରି କରନ୍ତି।

ଯେତେବେଳେ ଫରଜାନା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ ଫଟୋ ମାଗିଥିଲେ। ସେ ତାଙ୍କ ଦୋକାନରେ ଏହି ଫଟୋ ରଖିବେ ବୋଲି ପ୍ରଧାନମନ୍ତ୍ରୀ ମୋଦୀଙ୍କୁ କହିଥିଲେ। ଯାହା ପ୍ରଧାନମନ୍ତ୍ରୀ ମନା କରି ନଥିଲେ। ଏବଂ ତାଙ୍କ ମୁଣ୍ଡ ଉପରେ ହାତ ରଖି ଫଟୋ ନେଇଥିଲେ।

ବିଭିନ୍ନ ସରକାରୀ ଯୋଜନାର ୨୫ ହିତାଧିକାରୀଙ୍କ ମଧ୍ୟରୁ ଫରଜାନା ଅନ୍ୟତମ। ସେ ପିଏମ ମୋଦୀଙ୍କୁ କହିଛନ୍ତି, ଆପଣଙ୍କ ଯୋଗୁଁ ମୁଁ ମୋର ଦୁଇ ଝିଅଙ୍କୁ ଶିକ୍ଷିତ କରିବାକୁ ସକ୍ଷମ ଅଟେ। ମୁଁ ଚାହୁଁଛି ମୋ ଝିଅମାନେ ଭଲ ପଢନ୍ତୁ। ମୁଁ ଅନେକ ଖରାପ ଦିନ ଦେଖିଛି। ମୋ ସ୍ଵାମୀ କେବଳ ଟ୍ରିପଲ୍ ତଲାକ୍ କହିଥିଲେ ଏବଂ ମୋତେ ମୋର ଦୁଇ ଝିଅଙ୍କ ସହିତ ଘରୁ ବାହାରକୁ ଯିବାକୁ ପଡିଲା। ମୋର ମାମଲା ଏବେ ବି କୋର୍ଟରେ ଅଛି।

ଫରଜାନା ପିଏମ ମୋଦୀଙ୍କୁ କହିଛନ୍ତି ଯେ, ପୂର୍ବରୁ ସେ ଏମ୍ବ୍ରୋଡେରୀ କାମ କରୁଥିଲେ ଏବଂ ସେଠାରେ ଏକ ରେଷ୍ଟୁରାଣ୍ଟରେ କାମ କରିବାବେଳେ ସେ ଦକ୍ଷିଣ ଭାରତୀୟ ଖାଦ୍ୟ ରାନ୍ଧିବା ଶିଖିଥିଲେ। ବର୍ତ୍ତମାନ ସେ ନିଜେ ଏକ ଛୋଟ ରେଷ୍ଟୁରାଣ୍ଟ ଚଳାଉଛନ୍ତି।

Categories
ଆଜିର ଖବର ଖେଳ ଜାତୀୟ ଖବର

୨୪ ଘଣ୍ଟା ମଧ୍ୟରେ ଟିମ୍ ଇଣ୍ଡିଆକୁ ଦ୍ୱିତୀୟ ଝଟକା, ନ୍ୟୁଜିଲ୍ୟାଣ୍ଡ ପରେ ପାକିସ୍ତାନ ପହଞ୍ଚାଇଲା କ୍ଷତି

ନୂଆଦିଲ୍ଲୀ: କାନପୁରରେ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଇଥିବା ଟେଷ୍ଟ ସିରିଜର ପ୍ରଥମ ମ୍ୟାଚ୍ ଡ୍ର ରହିଥିଲା। ନ୍ୟୁଜିଲ୍ୟାଣ୍ଡର ଦ୍ୱିତୀୟ ଇନିଂସରେ ୯ ୱିକେଟ୍ ହାସଲ କରିବା ସତ୍ତ୍ୱେ ଟିମ୍ ଇଣ୍ଡିଆ ବିଜୟରୁ ବଞ୍ଚିତ ହୋଇଛି। ଏଜାଜ ପଟେଲ ଏବଂ ରଚିନ୍ ରବିନ୍ଦ୍ରଙ୍କ ଯୋଡି ଟିମ୍ ଇଣ୍ଡିଆ ଏବଂ ବିଜୟ ମଧ୍ୟରେ କାନ୍ଥ ଭାବରେ ଠିଆ ହୋଇଥିଲା। ଖେଳର ପଞ୍ଚମ ଦିନରେ ଶେଷ ଅଧିବେଶନରେ ଚମତ୍କାର ବୋଲିଂ କରି ବିଜୟ ଆଡକୁ ଗତି କରୁଥିବାରୁ ଏହା ଭାରତୀୟ ଦଳ ପାଇଁ ଏକ ଶକ୍ତ ଧକ୍କା ଥିଲା। କିନ୍ତୁ ଏହାପରେ ପାକିସ୍ତାନ ଦଳ ମଧ୍ୟ ଭାରତୀୟ କ୍ରିକେଟ୍ ଦଳକୁ କ୍ଷତି ପହଞ୍ଚାଇଛି। ୨୪ ଘଣ୍ଟା ପରେ ମଧ୍ୟ ଭାରତୀୟ କ୍ରିକେଟ୍ ଦଳକୁ ପାକିସ୍ତାନ କ୍ଷତି ପହଞ୍ଚାଇଛି।

ବାସ୍ତବରେ ସିରିଜର ପ୍ରଥମ ଟେଷ୍ଟ ମ୍ୟାଚରେ ବାଂଲାଦେଶକୁ ପରାସ୍ତ କରିବା ପରେ ପାକିସ୍ତାନ ବିଶ୍ୱ ଟେଷ୍ଟ ଚାମ୍ପିଅନସିପ (ଡବ୍ଲୁଟିଏସି) ର ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ପହଞ୍ଚିଛି। ପୂର୍ବରୁ କାନପୁର ଟେଷ୍ଟ ଡ୍ର ହେବା ପରେ ଟିମ୍ ଇଣ୍ଡିଆ ଦ୍ୱିତୀୟ ସ୍ଥାନରେ ଥିଲା, କିନ୍ତୁ ବର୍ତ୍ତମାନ ଭାରତ ତିନି ନମ୍ବରକୁ ଚାଲିଯାଇଛି। ୧୨ ପଏଣ୍ଟ ସହ ପଏଣ୍ଟ ଟେବୁଲରେ ଶ୍ରୀଲଙ୍କା ପ୍ରଥମ ସ୍ଥାନରେ ଅଛି। ଏଥି ସହିତ ପାକିସ୍ତାନରେ ୨୪ ଏବଂ ଭାରତରେ ୩୦ ପଏଣ୍ଟ ରହିଛି। ଫଳାଫଳ ପ୍ରତିଶତ ଦୃଷ୍ଟିରୁ ପାକିସ୍ତାନ ଏବଂ ଭାରତଠାରୁ ଶ୍ରୀଲଙ୍କା ଆଗରେ ରହିଛି, ଯେଉଁ କାରଣରୁ ଏହା ଏକ ନମ୍ବରରେ ରହିଛି।

ଟିମ୍ ଇଣ୍ଡିଆ ପାଇଁ ନ୍ୟୁଜିଲ୍ୟାଣ୍ଡ ସିରିଜ୍ ଗୁରୁତ୍ୱପୂର୍ଣ୍ଣ:

୫ ଟି ମ୍ୟାଚ୍ ପରେ ୩୦ ପଏଣ୍ଟ ସହ ଭାରତୀୟ ଦଳ ତୃତୀୟ ସ୍ଥାନରେ ରହିଛି। କାନପୁର ଟେଷ୍ଟ ଡ୍ର ହେବା ପରେ ଉଭୟ ଭାରତ ଏବଂ ନ୍ୟୁଜିଲ୍ୟାଣ୍ଡ ପ୍ରତ୍ୟେକ ୪ ପଏଣ୍ଟ ପାଇଥିଲେ। ଚାମ୍ପିୟନଶିପ୍‌ର ନୂଆ ସିଜନରେ ମାତ୍ର ଗୋଟିଏ ମ୍ୟାଚ୍ ପରେ ନ୍ୟୁଜିଲାଣ୍ଡ ୪ ପଏଣ୍ଟ ସହିତ ୫ ନମ୍ବର ସ୍ଥାନରେ ରହିଛି। ୱେଷ୍ଟଇଣ୍ଡିଜ୍ ଦଳ ଚତୁର୍ଥ ସ୍ଥାନରେ, ୬ ନମ୍ବରରେ ଇଂଲଣ୍ଡ ଏବଂ ୭ ନମ୍ବରରେ ବାଂଲାଦେଶ। ଅଷ୍ଟ୍ରେଲିଆ, ଆଫଗାନିସ୍ତାନ ଭଳି ଦଳ ନୂଆ ସିଜନରେ ଏପର୍ଯ୍ୟନ୍ତ କୌଣସି ମ୍ୟାଚ୍ ଖେଳି ନାହାଁନ୍ତି, ଯେଉଁଥିପାଇଁ ସେମାନେ ପଏଣ୍ଟ ଟେବୁଲରେ ସ୍ଥାନ ପାଇନାହାଁନ୍ତି।

ଘରୋଇ ସିରିଜରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଭାରତୀୟ ଦଳ ଜିତିବା ଆବଶ୍ୟକ। କାରଣ ଏହା ପରେ ଭାରତକୁ ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ଖେଳିବାକୁ ପଡିବ। ଟିମ୍ ଇଣ୍ଡିଆ ମୁମ୍ବାଇ ଟେଷ୍ଟ ଜିତି ୧୨ ପଏଣ୍ଟ ପାଇବାକୁ ଚେଷ୍ଟା କରିବ। ଟିମ୍ ଇଣ୍ଡିଆ ବିଶ୍ୱ ଟେଷ୍ଟ ଚାମ୍ପିଅନସିପରେ ଏପର୍ଯ୍ୟନ୍ତ ୫ ଟି ମ୍ୟାଚ୍ ଖେଳିଛି। ଏଥିମଧ୍ୟରୁ ସେ ୨ ଟିରେ ଜିତି ଗୋଟିଏରେ ହାରିଛି। ଦୁଇଟି ମ୍ୟାଚ୍ ଡ୍ର ହୋଇଛି। ନୂତନ ଚାମ୍ପିଅନସିପରେ ଟିମ୍ ଇଣ୍ଡିଆର ଏହା ହେଉଛି ଦ୍ୱିତୀୟ ଟେଷ୍ଟ ସିରିଜ୍। ପେନାଲ୍ଟି ଓଭର ବୋଲିଂ ହୋଇଥିବାରୁ ଭାରତ ମଧ୍ୟ ଦୁଇଟି ପଏଣ୍ଟ ହରାଇଛି। ଏହା ହେଉଛି ବିଶ୍ୱ ଟେଷ୍ଟ ଚାମ୍ପିଅନସିପ୍ ର ଦ୍ୱିତୀୟ ସିଜନ୍। ଯେକୌଣସି ଟେଷ୍ଟର ବିଜୟ ପାଇଁ ୧୨ ପଏଣ୍ଟ, ଡ୍ର ପାଇଁ ୪ ପଏଣ୍ଟ, ଡ୍ର ପାଇଁ ୬ ପଏଣ୍ଟ ଏବଂ ପରାଜୟ ପାଇଁ କୌଣସି ପଏଣ୍ଟ ପ୍ରଦାନ କରାଯାଇ ନାହିଁ।

Categories
ଆଜିର ଖବର ରାଜ୍ୟ ଖବର

ଗ୍ୟାଙ୍ଗଷ୍ଟର ବିକାଶ ଦୁବେ ନିହତ

କାନପୁର: ଉତ୍ତର ପ୍ରଦେଶର ଗ୍ୟାଙ୍ଗଷ୍ଟର ବିକାଶ ଦୁବେ ଏନ୍‌କାଉଣ୍ଟରରେ ନିହତ ହୋଇଥିବା ସୂଚନା ମିଳିଛି। ଗତକାଲି ମଧ୍ୟପ୍ରଦେଶ ଉଜୈନରୁ ବିକାଶକୁ ଗିରଫ କରିଥିଲା ପୁଲିସ୍‌। ବିକାଶ ଉଜୈନର ମହାକାଳ ମନ୍ଦିର ଦର୍ଶନ ପାଇଁ ଯାଇଥିବା ବେଳେ ପୁଲିସ୍‌‌ ତାଙ୍କୁ ଗିରଫ କରିଥିଲା।

ସୂଚନା ଅନୁସାରେ, ଏକ ଗାଡ଼ିରେ ବିକାଶକୁ ଉତ୍ତରପ୍ରଦେଶ ଏସ୍‌ଟିଏଫ୍‌‌ ମଧ୍ୟପ୍ରଦେଶରୁ କାନପୁର ଆଣୁଥିବା ବେଳେ କାନପୁର ଟୋଲ୍‌ ପ୍ଲାଜାରୁ 25 କିଲୋମିଟର ଦୂରରେ ଗାଡ଼ିଟି ରାସ୍ତାକଡ଼କୁ ଓଲଟି ପଡ଼ିଥିଲା। ଏହାପରେ ବିକାଶ ଘଟଣାସ୍ଥଳରୁ ପୋଲିସ୍‌ର ବନ୍ଧୁକ ଛଡାଇ ଖସି ପଳାଇବାକୁ ଉଦ୍ୟମ କରିଥିଲା। ଏହି ସମୟରେ ପୁଲିସ୍ ବିକାଶକୁ ଏନ୍‌କାଉଣ୍ଟର କରିଥିବା ସୂଚନା ମିଳିଛି। ଏଥିରେ ବିକାଶ ନିହତ ହୋଇଥିବା ଜଣାପଡ଼ିଛି।

ଶୁକ୍ରବାର ଦିନ କାନପୁରରେ 8 ଜଣ ପୁଲିସ୍‌ କର୍ମୀଙ୍କୁ ହତ୍ୟା କରିବା ପରେ ବିକାଶ ଫେରାର ଥିଲା। ଗୁରୁବାର ସକାଳେ ପୁଲିସ୍‌ ଏନକାଉଣ୍ଟରରେ  ବିକାଶ ଦୁବେଙ୍କ ଦୁଇ ସହକର୍ମୀ ନିହତ ହୋଇଥିଲେ। ପୁଲିସ୍‌ ତାର 2 ଜଣ ସହଯୋଗୀଙ୍କୁ ଏନ୍‌କାଉଣ୍ଟର କରି ମାରି ଦେବା ପରେ ବିକାଶ ଜୀବନ ବଞ୍ଚାଇବାକୁ ଆତ୍ମସମର୍ପଣ କରିବା ପାଇଁ ଚେଷ୍ଟା କରୁଥିଲା। କାଲି ବିକାଶ ଉଜୈନର ମହାକାଳ ମନ୍ଦିର ଦର୍ଶନ ପାଇଁ ଯାଇଥିବା ବେଳେ ପୋଲିସ୍‌ ତାଙ୍କୁ ଗିରଫ କରିଥିଲ ।

ଏନ୍‌କାଉଣ୍ଟରରେ ବିକାଶ ଦୁବେର ମୃତ୍ୟୁ ହୋଇଥିବାର ସୂଚନା ରହିଛି । ଲାଲା ଲାଜପତ ରାୟ ହସ୍ପିଟାଲକୁ ବିକାଶର ଶବକୁ ନିଆଯାଇଛି । ଏହି ଏନକାଉଣ୍ଟରରେ  କିଛି ପୋଲିସ୍‌ କର୍ମୀମାନେ ଆହତ ହୋଇଥିବାର ସୂଚନା ରହିଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ସରକାରୀ ବାଳିକା ସୁରକ୍ଷା ଗୃହରେ 7 ନାବାଳିକା ଗର୍ଭବତୀ : ଯୋଗୀ ସରକାରଙ୍କୁ ଟାର୍ଗେଟ କଲେ ପ୍ରିୟଙ୍କା

କାନପୁର : ଉତ୍ତରପ୍ରଦେଶ କାନପୁର ଜିଲ୍ଲାରେ ରାଜ୍ୟ ସରକାରୀ ବାଳିକା ସୁରକ୍ଷା ଗୃହରେ ରହୁଥିବା 57 ନାବାଳିକାଙ୍କ ମଧ୍ୟରୁ 7ଜଣ ଗର୍ଭବତୀ ହୋଇଥିବାର ସୂଚନା ରହିଛି । ଏହି ସାତ ଜଣଙ୍କ ମଧ୍ୟରୁ ଜଣେ ଏଚଆଇଭି ଗ୍ରସ୍ତ ହୋଇଥିବାର ସୂଚନା ରହିଛି। ଏହି ଖବର ଆସିବା ପରେ ସ୍ଥାନୀୟ ପ୍ରଶାସନରେ ହଇଚଇ ସୃଷ୍ଟି ହୋଇଛି। ଏତଦ୍‌ବ୍ୟତୀତ ଏଠାରେ ରହିଥିବା 57 ଜଣ ନାବାଳିକାମାନେ କରୋନା ସଂକ୍ରମିତ ହୋଇଥିବାର ମଧ୍ୟ ସୂଚନା ରହିଛି । ତେବେ ଏନେଇ କାନପୁର  ଜିଲ୍ଲାଧିକାରୀ ବ୍ରହ୍ମାଦେବ ରାମ ତିଓ୍ବାରୀ କହିଛନ୍ତି ଯେ, ଏହି ବାଳିକାମାନେ ଏହି ସୁରକ୍ଷା ଗୃହକୁ ଆସିବା ପୂର୍ବରୁ ଗର୍ଭବତୀ ଥିଲେ । ସଂକ୍ରମିତ ହୋଇଥିବା ପାଞ୍ଚଜଣଙ୍କ ମଧ୍ୟରୁ ଦୁଇଜଣଙ୍କୁ ଲାଲା ଲାଜପତ ରାୟ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ଅନ୍ୟ ତିନି ଜଣ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି। ତେବେ ଏହି ଘଟଣାକୁ ନେଇ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧି ଭଦ୍ରା ଯୋଗୀ ସରକାରଙ୍କୁ ସମାଲୋଚନା କରିଛନ୍ତି । (ଏଜେନ୍ସି)