Categories
ଆଜିର ଖବର ଜାତୀୟ ଖବର

ଜୁଲାଇ ୨୧ରେ ସର୍ବଦଳୀୟ ବୈଠକ ଡାକିଲେ କେନ୍ଦ୍ର ସରକାର

ନୂଆଦିଲ୍ଲୀ: ସଂସଦର ବଜେଟ୍ ଅଧିବେଶନ ପୂର୍ବରୁ କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ସଂସଦର ଉଭୟ ଗୃହରେ ରାଜନୈତିକ ଦଳର ନେତାମାନଙ୍କ ସହ ବୈଠକ କରିବେ। ୨୧ ଜୁଲାଇ, ୨୦୨୪ ପୂର୍ବାହ୍ନ ୧୧ଟାରେ ନୂଆଦିଲ୍ଲୀସ୍ଥିତ ସଂସଦ ଭବନ ଆନେକ୍ସର ମୁଖ୍ୟ କମିଟି କକ୍ଷରେ ସର୍ବଦଳୀୟ ବୈଠକ ଅନୁଷ୍ଠିତ ହେବ।

ସଂସଦର ବଜେଟ୍ ଅଧିବେଶନ ୨୨ ଜୁଲାଇ, ୨୦୨୪ରୁ ଆରମ୍ଭ ହେବ ଏବଂ ସରକାରୀ କାର୍ଯ୍ୟର ଆବଶ୍ୟକତା ଅନୁଯାୟୀ ଅଧିବେଶନ ୧୨ ଅଗଷ୍ଟ, ୨୦୨୪ରେ ଶେଷ ହୋଇପାରେ।

Categories
ବିଶେଷ ଖବର

ରାହୁଲ ଗାନ୍ଧିଙ୍କ ଭାଷଣ ସମୟରେ କ’ଣ କରୁଥିଲେ ସୋନିଆ!

ନୂଆଦିଲ୍ଲୀ: ବିରୋଧୀ ଦଳରେ ସବୁଠୁ ଆଗରେ ବସିଥିବା ସୋନିଆ ଗାନ୍ଧୀ ରାହୁଲଙ୍କ ଭାଷଣ ସମୟରେ ଏ ରାଜା, ସୁପ୍ରିୟା ସୁଲେ, କାନିମୋଝି ଓ ଅଧୀର ରଞ୍ଜନ ଚୌଧୁରୀଙ୍କ ସହ ପରାମର୍ଶ କରିଥିଲେ। ରାହୁଲଙ୍କ ଭାଷଣ ସମୟରେ ସୋନିଆ ଅନେକ ଥର ତାଳି ବଜାଉଥିବାର ମଧ୍ୟ ଦେଖିବାକୁ ମିଳିଥିଲା। ଶାସକ ଦଳରୁ ରାହୁଲଙ୍କ ଭାଷଣ ସମୟରେ ଶାସକ ଦଳ ପକ୍ଷରୁ ହଟ୍ଟଗୋଳ ହେବା ପରେ ସୋନିଆ ଗାନ୍ଧୀ କଂଗ୍ରେସ ସାଂସଦଙ୍କୁ ଜବାବ ଦେବାକୁ ଉତ୍ସାହିତ ଥିବା ଜଣାପଡ଼ିଥିଲା।

ରାହୁଲଙ୍କ ଭାଷଣ ପୂର୍ବରୁ ସୋନିଆ ଉପସ୍ଥିତ ଥିଲେ

ରାହୁଲଙ୍କ ଭାଷଣ ପୂର୍ବରୁ ସୋନିଆ ଗାନ୍ଧୀ ଗୃହରେ ଉପସ୍ଥିତ ଥିଲେ। ରାହୁଲ ବୁଧବାର ମଧ୍ୟାହ୍ନ ୧୨ଟା ୧୦ରେ ଭାଷଣ ଆରମ୍ଭ କରିଥିଲେ। ଏହି ସମୟରେ ସୋନିଆ ବିରୋଧୀ ଦଳ ନେତାଙ୍କ ସହ କଥା ବାର୍ତ୍ତା କରୁଥିବା ଦେଖିବାକୁ ମିଳିଥିଲା। ଯେତେବେଳେ ରାହୁଲ କହିବା ଆରମ୍ଭ କଲେ, ସେ ତାଙ୍କୁ ଉତ୍ସାହିତ କରୁଥିବା ପରି ମନେ ହେଉଥିଲା।

ରିଜିଜୁଙ୍କ ଭାଷଣକୁ ସମାଲୋଚନା କଲେ ସୋନିଆ ଗାନ୍ଧୀ

ରାହୁଲ ଗାନ୍ଧିଙ୍କ ଭାଷଣ ସମୟରେ କେନ୍ଦ୍ରମନ୍ତ୍ରୀ କିରଣ ରିଜିଜୁ ଯେତେବେଳେ ପ୍ରତିବାଦରେ ଭାଷଣ ଦେବା ଆରମ୍ଭ କରିଥିଲେ ଏବଂ ତାଙ୍କ ମାଇକ୍ ଅନ୍ ହୋଇଥିଲା, ସେତେବେଳେ ସୋନିଆ ଗାନ୍ଧୀ କେବଳ ତୀବ୍ର ଶବ୍ଦରେ ଗୃହରେ ଠିଆ ହୋଇ ପ୍ରତିବାଦ କରିନଥିଲେ, ବରଂ ତାଙ୍କ ନିର୍ଦ୍ଦେଶରେ କଂଗ୍ରେସ ସମେତ ଅନେକ ଦଳର ସାଂସଦମାନେ ଓ୍ୱେଲକୁ ଆସି ହଙ୍ଗାମା କରିବା ଆରମ୍ଭ କରିଥିଲେ ।

ଇରାନୀଙ୍କ ଭାଷଣ ସମୟରେ ସୋନିଆ ମଧ୍ୟ ସକ୍ରିୟ ଥିଲେ

ତେବେ ସ୍ମୃତି ଇରାନୀଙ୍କ ଭାଷଣ ସମୟରେ ସୋନିଆ ଗାନ୍ଧୀ ଗୃହରେ ବସି କଂଗ୍ରେସ ସାଂସଦଙ୍କୁ ନିର୍ଦ୍ଦେଶ ଦେଉଥିଲେ । ସ୍ମୃତି ଇରାନୀଙ୍କ ଭାଷଣ ସମୟରେ ସୋନିଆ ଗାନ୍ଧିଙ୍କ ନିର୍ଦ୍ଦେଶରେ ଅନେକ ଥର କଂଗ୍ରେସ ସାଂସଦମାନେ ଗୃହରେ ଠିଆ ହୋଇ ସ୍ଲୋଗାନ ଦେଇଥିଲେ । ସୋନିଆ ଗାନ୍ଧିଙ୍କ ଅନୁରୋଧ ପରେ କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀ ମଧ୍ୟ ଠିଆ ହୋଇ ସ୍ମୃତି ଇରାନୀଙ୍କ ଭାଷଣକୁ ବିରୋଧ କରିଥିଲେ ।

ଭାରତ ଯୋଡ଼ୋ ଯାତ୍ରାରୁ ମଣିପୁର ହିଂସାକୁ ନେଇ ରାହୁଲଙ୍କ ଭାଷଣ

ଅନାସ୍ଥା ପ୍ରସ୍ତାବ ସମୟରେ ରାହୁଲ ଗାନ୍ଧି ଭାରତ ଯୋଡ଼ୋ ସହ ଭାଷଣ ଆରମ୍ଭ କରିଥିଲେ । ଏହାପରେ କଂଗ୍ରେସ ନେତା ମଣିପୁର ହିଂସାକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରିବା ଆରମ୍ଭ କରିଥିଲେ । ସେ ଅଭିଯୋଗ କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଣିପୁରକୁ ହିନ୍ଦୁସ୍ତାନର ଅଂଶ ଭାବନ୍ତି ନାହିଁ, ତେଣୁ ସେ ଏପର୍ଯ୍ୟନ୍ତ ସେଠାକୁ ଯାଇନାହାନ୍ତି ।

ରାହୁଲ ଗାନ୍ଧିଙ୍କ ଭାଷଣ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି

ସୋନିଆ ଗାନ୍ଧି ରାହୁଲଙ୍କ ଭାଷଣରେ ଟେବୁଲ ବାଡ଼େଉଥିବା ଦେଉଥିବା ଦେଖିବାକୁ ମିଳିଥିଲା ତ କେତେବେଳେ ଅଧୀର ରଞ୍ଜନ ଚୌଧୁରୀ ଓ ଗୌରବ ଗୋଗୋଇଙ୍କ ଜରିଆରେ ରାହୁଲଙ୍କୁ ତାଙ୍କ ବାର୍ତ୍ତା ପହଞ୍ଚାଉଥିବା ଦେଖିବାକୁ ମିଳିଥିଲା। ବାସ୍ତବରେ ରାହୁଲ ୪ ମାସ ପରେ ଲୋକସଭାରେ ଭାଷଣ ଦେଉଥିବାରୁ ସୋନିଆ କୌଣସି ରିସ୍କ ନେବାକୁ ଚାହୁଁନଥିଲେ।

୧୩୭ ଦିନ ପରେ ଲୋକସଭାରେ ଭାଷଣ ଦେଲେ ରାହୁଲ ଗାନ୍ଧି

ସଂସଦରୁ ଅଯୋଗ୍ୟ ଘୋଷଣା ହେବାରୁ ରାହୁଲ ଗତ ୪ ମାସ ହେଲା ସଂସଦରୁ ଦୂରରେ ଥିଲେ। କିନ୍ତୁ ସୁପ୍ରିମକୋର୍ଟ ତାଙ୍କ ଦୁଇ ବର୍ଷର ଦଣ୍ଡାଦେଶ ଉପରେ ରୋକ୍ ଲଗାଇବା ପରେ ତାଙ୍କ ସଦସ୍ୟତା ପୁନରୁଦ୍ଧାର କରାଯାଇଥିଲା। ରାହୁଲ ତାଙ୍କ ଭାଷଣରେ ପ୍ରଧାନମନ୍ତ୍ରୀ ମୋଦିଙ୍କ ଠାରୁ ବିଜେପିକୁ କଡ଼ା ସମାଲୋଚନା କରିଛନ୍ତି।

Categories
ଆଜିର ଖବର ଜାତୀୟ ଖବର

Big Breaking: କେନ୍ଦ୍ର ମନ୍ତ୍ରୀମଣ୍ଡଳରେ ଅଦଳ ବଦଳ, ହଟିଲେ ଆଇନ୍ ମନ୍ତ୍ରୀ

ନୂଆଦିଲ୍ଲୀ: ଆଜି ହଠାତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେନ୍ଦ୍ର ମନ୍ତ୍ରୀମଣ୍ଡଳରେ ଛୋଟ ଧରଣ ଅଦଳ ବଦଳ କରିଛନ୍ତି। ଏହି ପରିପ୍ରେକ୍ଷୀରେ ସେ ଆଇନ ମନ୍ତ୍ରୀ କିରଣ ରିଜିଜୁଙ୍କଠାରୁ ଆଇନ ବିଭାଗ କାଢି ନିଆଯାଇଛି। ବର୍ତ୍ତମାନ ଆଇନ ବିଭାଗକୁ ରାଷ୍ଟ୍ରମନ୍ତ୍ରୀ ଅର୍ଜୁନ ରାମ ମେଘବାଲଙ୍କୁ ପ୍ରଦାନ କରାଯାଇଛି। ସେ ନିଜ ବିଭାଗ ସହିତ ଆଇନ ବିଭାଗକୁ ସ୍ବାଧୀନ ଭାବେ ତୁଲାଇବେ ବୋଲି କୁହାଯାଇଛି।

ସେହିପରି କିରଣ ରିଜିଜୁଙ୍କୁ କେବଳ ଆର୍ଥ ସାଇନସ ବିଭାଗର ମନ୍ତ୍ରୀ ଭାବେ ଦାୟିତ୍ବ ଦିଆଯାଇଛି। ଏହି ବିଭାଗର ଦାୟିତ୍ବରେ ଥିଲେ ମନ୍ତ୍ରୀ ଜିତେନ୍ଦ୍ର ସିଂ। ଏ ନେଇ ଆଜି ରାଷ୍ଟ୍ରପତି ଭବନରୁ ବିଜ୍ଞପ୍ତି ପ୍ରକାଶ ପାଇଛି। ତେବେ ହଠାତ ପ୍ରଧାନମନ୍ତ୍ରୀ ମୋଦୀ ଏପରି କାହିଁକି କଲେ ସେ ନେଇ କିଛି ଜଣାପଡି ନାହିଁ।