Categories
ଆଜିର ଖବର ଧର୍ମ ରାଜ୍ୟ ଖବର

କୁମାର ପୂର୍ଣ୍ଣିମା, ଗଜଲକ୍ଷ୍ମୀ ପୂଜା ଉପଲକ୍ଷେ ମୁଖ୍ୟମନ୍ତ୍ରୀଙ୍କ ରାଜ୍ୟବାସୀଙ୍କୁ ଶୁଭେଚ୍ଛା

ଭୁବନେଶ୍ବର: ଆଜି ହେଉଛି ପବିତ୍ର କୁମାର ପୂର୍ଣ୍ଣିମା ଏବଂ ଗଜଲକ୍ଷ୍ମୀ ପୂଜା। ଆଜି ପୁର ପଲ୍ଲୀରେ ଏହି ଦୁଇ ଉତ୍ସବ ବେଶ ଧୂମଧାମରେ ପାଳନ କରାଯାଉଛି। କୁମାରୀମାନେ କୁମାର ପୂର୍ଣ୍ଣିମା ପାଳନ କରି ଚାନ୍ଦ ପୂଜା କରୁଛନ୍ତି। ସେହିପରି ପୂଜା କମିଟମାନେ ଆଜିଠାରୁ ମା ଗଜଲକ୍ଷ୍ମୀ ପୂଜା ଆରମ୍ଭ କରିଛନ୍ତି।

ଏହି ପବିତ୍ର ଦିନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ଏକ ଟୁଇଟ କରି ସେ କହିଛନ୍ତି ଯେ, ‘ପବିତ୍ର ଲକ୍ଷ୍ମୀପୂଜା ଓ କୁମାର ପୂର୍ଣ୍ଣିମା ଉପଲକ୍ଷେ ସମସ୍ତଙ୍କୁ ମୋର ଶୁଭେଚ୍ଛା ଓ ଅଭିନନ୍ଦନ ଜଣାଉଛି। ମା’ଙ୍କ କୃପାରୁ ସମସ୍ତଙ୍କ ଜୀବନ ସୁଖ ଓ ସମୃଦ୍ଧିରେ ପରିପୂର୍ଣ୍ଣ ହେଉ।’

Categories
ଆଜିର ଖବର ଧର୍ମ ରାଜ୍ୟ ଖବର ସଂସ୍କୃତି

ଆଜି ହେଉଛି କୁମାର ପୂର୍ଣ୍ଣିମା, ଏହାର ଶୁଭ ସମୟ କଣ ? ଏଥିରେ କଣ ଭୋଗ ହୁଏ ?

ଭୁବନେଶ୍ବର: ଅଶ୍ୱିନ ମାସର ଶୁକ୍ଲ ପକ୍ଷ ପୂର୍ଣ୍ଣିମାକୁ କୁମାର ପୂର୍ଣ୍ଣିମା ବା ଶରଦ ପୂର୍ଣ୍ଣିମା ବା ରାସ ପୂର୍ଣ୍ଣିମା କୁହାଯାଏ। ଜ୍ୟୋତିଷ ଶାସ୍ତ୍ରରେ ବିଶ୍ବାସ ରହିଛି ଯେ କେବଳ ଏହି ପୂର୍ଣ୍ଣିମାରେ ଚନ୍ଦ୍ର ଷୋଳ କଳାରେ ପରିପୂର୍ଣ୍ଣ ହୁଅନ୍ତି। ଚଳିତ ବର୍ଷ ଶରଦ ପୂର୍ଣ୍ଣିମା ବା କୁମାର ପୂର୍ଣ୍ଣିମା ଆସନ୍ତକାଲି ରବିବାର, ଅକ୍ଟୋବର ୯ ତାରିଖରେ ପଡୁଛି। କୁମାର ପୂର୍ଣ୍ଣିମା ଅଶ୍ୱିନ ମାସରେ ପଡୁଥିବାରୁ ଏହାକୁ ଅଶ୍ୱିନ ପୂର୍ଣ୍ଣିମା ମଧ୍ୟ କୁହାଯାଏ ।

ଅଶ୍ୱିନ୍ ଶୁକ୍ଲ ପକ୍ଷର ପୂର୍ଣ୍ଣିମା ଅର୍ଥାତ୍ କୁମାର ପୂର୍ଣ୍ଣିମା ଅକ୍ଟୋବର ୯ ତାରିଖ ରବିବାର ଦିନ ଭୋର ୩:୪୧ ରୁ ଆରମ୍ଭ ହେବ।  ପୂର୍ଣ୍ଣିମା ତିଥି ପରଦିନ ଅକ୍ଟୋବର ୧୦ ସୋମବାର ଦିନ ୨:୨୫ ରେ ଶେଷ ହେବ।

ଶାସ୍ତ୍ର ଅନୁଯାୟୀ, କୁମାର ପୂର୍ଣ୍ଣିମାରେ ଦେବୀ ଲକ୍ଷ୍ମୀ ତାଙ୍କ ବାହାନ ପେଚା ଉପରେ ପୃଥିବୀ ଭ୍ରମଣ କରି ତାଙ୍କ ଭକ୍ତମାନଙ୍କ ଦୁଃଖ ଦୂର କରିଥାନ୍ତି। ସେଥିପାଇଁ କୁମାର ପୂର୍ଣ୍ଣିମା ଦିନ ଗଜଲକ୍ଷ୍ମୀ ପୂଜା ମଧ୍ୟ କରାଯାଇଥାଏ।

ଏହି ଦିନରେ କେବଳ ଷୋହଳ କଳା ସହ ଚନ୍ଦ୍ର ଉଜ୍ଜ୍ୱଳ ହେବା ସହିତ ଏହାର କିରଣରେ କିଛି ଆରୋଗ୍ୟ ଗୁଣ ରହିଛି ଯାହା ଶରୀର ଏବଂ ଆତ୍ମାକୁ ପୋଷଣ କରିଥାଏ । ଏହା ମଧ୍ୟ ବିଶ୍ୱାସ କରାଯାଏ ଯେ କୁମାର ପୂର୍ଣ୍ଣିମା ଦିନ ଚନ୍ଦ୍ର କିରଣ ଅମୃତ ସମାନ ହୋଇଥାଏ। ତେଣୁ, ଏହି ଦିନ ଗାଈ କ୍ଷୀରରୁ ପ୍ରସ୍ତୁତ ଚାଉଳ ଖିରି ତିଆରି କରାଯାଏ ରାତିସାରା ଚନ୍ଦ୍ର ଆଲୋକରେ ରଖାଯାଇଥାଏ। ସକାଳେ, ଏହି ଖୀର ଖାଇ ପରିବାର ସଦସ୍ୟଙ୍କ ମଧ୍ୟରେ ପ୍ରସାଦ ଭାବରେ ବଣ୍ଟନ କରାଯାଏ।

Categories
ଧର୍ମ ବିଶେଷ ଖବର ରାଜ୍ୟ ଖବର

କୁମାର ପୂର୍ଣ୍ଣିମାରେ ଚନ୍ଦ୍ର କିରଣର ରହିଛି ବଡ ଗୁରୁତ୍ବ, କରନ୍ତୁ ଏହି କାମ ମିଳିବ ସଫଳତା

ଭୁବନେଶ୍ବର: ଅଶ୍ୱିନ ମାସର ଶୁକ୍ଲ ପକ୍ଷ ପୂର୍ଣ୍ଣିମାକୁ କୁମାର ପୂର୍ଣ୍ଣିମା ବା ଶରଦ ପୂର୍ଣ୍ଣିମା ବା ରାସ ପୂର୍ଣ୍ଣିମା କୁହାଯାଏ। ଜ୍ୟୋତିଷ ଶାସ୍ତ୍ରରେ ବିଶ୍ବାସ ରହିଛି ଯେ କେବଳ ଏହି ପୂର୍ଣ୍ଣିମାରେ ଚନ୍ଦ୍ର ଷୋଳ କଳାରେ ପରିପୂର୍ଣ୍ଣ ହୁଅନ୍ତି। ଚଳିତ ବର୍ଷ ଶରଦ ପୂର୍ଣ୍ଣିମା ବା କୁମାର ପୂର୍ଣ୍ଣିମା ଆସନ୍ତକାଲି ରବିବାର, ଅକ୍ଟୋବର ୯ ତାରିଖରେ ପଡୁଛି। କୁମାର ପୂର୍ଣ୍ଣିମା ଅଶ୍ୱିନ ମାସରେ ପଡୁଥିବାରୁ ଏହାକୁ ଅଶ୍ୱିନ ପୂର୍ଣ୍ଣିମା ମଧ୍ୟ କୁହାଯାଏ ।

କୁମାର ପୂର୍ଣ୍ଣିମାର ସମୟ

ଅଶ୍ୱିନ୍ ଶୁକ୍ଲ ପକ୍ଷର ପୂର୍ଣ୍ଣିମା ଅର୍ଥାତ୍ କୁମାର ପୂର୍ଣ୍ଣିମା ଅକ୍ଟୋବର ୯ ତାରିଖ ରବିବାର ଦିନ ଭୋର ୩:୪୧ ରୁ ଆରମ୍ଭ ହେବ।  ପୂର୍ଣ୍ଣିମା ତିଥି ପରଦିନ ଅକ୍ଟୋବର ୧୦ ସୋମବାର ଦିନ ୨:୨୫ ରେ ଶେଷ ହେବ।

ଶାସ୍ତ୍ର ଅନୁଯାୟୀ, କୁମାର ପୂର୍ଣ୍ଣିମାରେ ଦେବୀ ଲକ୍ଷ୍ମୀ ତାଙ୍କ ବାହାନ ପେଚା ଉପରେ ପୃଥିବୀ ଭ୍ରମଣ କରି ତାଙ୍କ ଭକ୍ତମାନଙ୍କ ଦୁଃଖ ଦୂର କରିଥାନ୍ତି। ସେଥିପାଇଁ କୁମାର ପୂର୍ଣ୍ଣିମା ଦିନ ଗଜଲକ୍ଷ୍ମୀ ପୂଜା ମଧ୍ୟ କରାଯାଇଥାଏ।

କୁମାର ପୂର୍ଣ୍ଣିମାର ମହତ୍ବ

ହିନ୍ଦୁ କ୍ୟାଲେଣ୍ଡରର ସବୁଠାରୁ ଧାର୍ମିକ ପୂର୍ଣ୍ଣ ଚନ୍ଦ୍ର ରାତି ମଧ୍ୟରୁ କୁମାର ପୂର୍ଣ୍ଣିମା ଅନ୍ୟତମ। ହିନ୍ଦୁ କ୍ୟାଲେଣ୍ଡରର ସବୁଠାରୁ ପ୍ରସିଦ୍ଧ ପୂର୍ଣ୍ଣିମା ମଧ୍ୟରୁ ଶରଦ ବା କୁମାର ପୂର୍ଣ୍ଣିମା ଅନ୍ୟତମ। ବିଶ୍ୱାସ କରାଯାଏ ଯେ ଶରଦ ପୂର୍ଣ୍ଣିମା ବର୍ଷର ଏକମାତ୍ର ଦିନ ଯେତେବେଳେ ଚନ୍ଦ୍ର ସମସ୍ତ ଷୋହଳ କଳା ସହିତ ଆସନ୍ତି।

ହିନ୍ଦୁ ଧର୍ମରେ, ପ୍ରତ୍ୟେକ ମାନବ ଗୁଣ ଏକ ନିର୍ଦ୍ଦିଷ୍ଟ ସମୟ ସହିତ ଜଡିତ ଏବଂ ଷୋହଳ କଳା ହେଉଛି ବିଭିନ୍ନ କଳାର ମିଶ୍ରଣ ଏକ ଆଦର୍ଶ ମାନବ ବ୍ୟକ୍ତିତ୍ୱ ସୃଷ୍ଟି କରେ। ଭଗବାନ କୃଷ୍ଣ ହିଁ ସମସ୍ତ ଷୋହଳ କଳା ସହିତ ଜନ୍ମ ହୋଇଥିଲେ ଏବଂ ଭଗବାନ ବିଷ୍ଣୁଙ୍କର ସମ୍ପୂର୍ଣ୍ଣ ଅବତାର ଥିଲେ। ଭଗବାନ ରାମ କେବଳ ବାର କଳା ସହିତ ଜନ୍ମ ହୋଇଥିଲେ।

ତେଣୁ ଶରଦ ପୂର୍ଣ୍ଣିମା ଦିନ ଭଗବାନ ଚନ୍ଦ୍ରଙ୍କୁ ପୂଜା କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ। ନବ ବିବାହିତ ମହିଳାମାନେ, ଯେଉଁମାନେ ପୁରା ବର୍ଷ ବ୍ରତ ପାଳନ କରିବାକୁ ଶପଥ କରନ୍ତି, ସେମାନେ ଏହି ପୂର୍ଣ୍ଣିମା ଦିନରୁ ବ୍ରତ ଆରମ୍ଭ କରନ୍ତି । ଗୁଜୁରାଟରେ ଶରଦ ପୂର୍ଣ୍ଣିମା ଶାରଦ ପୁଣମ୍ ଭାବରେ ଅଧିକ ଜଣାଶୁଣା।

କୁମାର ପୂର୍ଣ୍ଣିମାରେ କରନ୍ତୁ ଏହି କାମ

ଏହି ଦିନରେ କେବଳ ଷୋହଳ କଳା ସହ ଚନ୍ଦ୍ର ଉଜ୍ଜ୍ୱଳ ହେବା ସହିତ ଏହାର କିରଣରେ କିଛି ଆରୋଗ୍ୟ ଗୁଣ ରହିଛି ଯାହା ଶରୀର ଏବଂ ଆତ୍ମାକୁ ପୋଷଣ କରିଥାଏ । ଏହା ମଧ୍ୟ ବିଶ୍ୱାସ କରାଯାଏ ଯେ କୁମାର ପୂର୍ଣ୍ଣିମା ଦିନ ଚନ୍ଦ୍ର କିରଣ ଅମୃତ ସମାନ ହୋଇଥାଏ। ତେଣୁ, ଏହି ଦିନ ଗାଈ କ୍ଷୀରରୁ ପ୍ରସ୍ତୁତ ଚାଉଳ ଖିରି ତିଆରି କରାଯାଏ ରାତିସାରା ଚନ୍ଦ୍ର ଆଲୋକରେ ରଖାଯାଇଥାଏ। ସକାଳେ, ଏହି ଖୀର ଖାଇ ପରିବାର ସଦସ୍ୟଙ୍କ ମଧ୍ୟରେ ପ୍ରସାଦ ଭାବରେ ବଣ୍ଟନ କରାଯାଏ।

Categories
ଅପରାଧ ଆଜିର ଖବର ରାଜ୍ୟ ଖବର

ଟାଙ୍ଗୀ: ସୁନା ଚେନ୍ ନମିଳିବାରୁ ନବ ବିବାହିତାକୁ ତଣ୍ଟି ଚିପି ହତ୍ୟା କରିଥିବା ଅଭିଯୋଗ, ୩ ଅଟକ

ସୀତାରାମ ଅଗ୍ରୱାଲ

ଟାଙ୍ଗୀ: କୁମାର ପୂର୍ଣ୍ଣିମାରେ ଅଘଟଣ ଘଟିଛି। ସୁନା ଚେନ୍ ଦାବି କରି ନବ ବିବାହିତାକୁ ତଣ୍ଟି ଚିପି ହତ୍ୟା କରିଥିବା ଅଭିଯୋଗ ହୋଇଛି। ଥାନାରେ ଏତଲା ପରେ ପୋଲିସ୍ ର କାର୍ଯ୍ୟାନୁଷ୍ଠାନ ଆରମ୍ଭ ହୋଇଛି। ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଜରିପଡା ଚିଲିକା ସାହିରେ ଏଭଳି ଏକ ଅବାବନୀୟ ଘଟଣା ଘଟିଯାଇଛି।

ଅଭିଯୋଗ ମୁତାବକ, ୪/୫ ମାସ ତଳେ ଟାଙ୍ଗୀ ଥାନା କୁହୁଡି ଗ୍ରାମର ଦଣ୍ଡପାଣୀ ମହାପାତ୍ରଙ୍କ ଝିଅ ମୀନତୀ ଜରିପଡା ଚିଲିକା ସାହିର ଗଂଗାଧର ଉଦଣ୍ଡରାୟଙ୍କ ପୁତ୍ର ତୋଫାନ୍ ଉଦଣ୍ଡ ରାୟଙ୍କୁ ବିବାହ କରିଥିଲେ। ତେବେ ଅଧିକ ଯୌତୁକ ଦାବି କରି ତୋଫାନଙ୍କ ପରିବାର ଲୋକେ ମୀନତୀଙ୍କୁ ମାନସିକ ଏବଂ ଶାରୀରିକ ନିର୍ଯ୍ୟାତନା ଦେଇଆସୁଥିଲେ। ଏନେଇ ମୀନତୀଙ୍କ ବାପ ଘର ଲୋକେ ଜରିପଡାରେ ପହଂଚି ତୋଫାନଙ୍କୁ ବାରମ୍ବାର ବୁଝାଶୁଝା କରିଆସୁଥିଲେ।

ହେଲେ ଗତ ୩ ଦିନ ତଳେ ମୀନତୀଙ୍କ ବାପ ଘର ପକ୍ଷରୁ ମୀନତୀ ଓ ତାଙ୍କ ସ୍ୱାମୀ ତୋଫାନଙ୍କ ପାଇଁ କୂମାରପୂର୍ଣ୍ଣିମା ଭାର ପଠାଇ ଥିଲେ। ତେବେ ଗତ କାଲି ରାତିରେ ମୀନତିଙ୍କୁ ବାପ ଘରୁ ସୁନା ଚେନ୍ ଆଣିବା ପାଇଁ ଦାବି କରିଥିଲେ। ତେବେ ଏଥିରେ ବିଫଳ ହେବାରୁ ଶାଶୁ ଘର ଲୋକେ ମୀନତିଙ୍କ ତଣ୍ଟି ଚିପି ମାରି ଦେଇଥିବା ମୀନତୀଙ୍କ ବାପ ଘର ଲୋକେ ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ଟାଙ୍ଗୀ ଆଇଆଇସି ବିଜୟ କୁମାର ମଲିକଙ୍କ ନିର୍ଦ୍ଦେଶ କ୍ରମେ କେସ ନମ୍ବର ୪୦୩/୨୧ରେ ଏକ ମାମଲା ରୁଜ୍ଜୁ କରାଯିବା ସହ  ଶାଶୁ, ଶ୍ୱଶୁର ଓ ସ୍ୱାମୀଙ୍କୁ ଅଟକ ରଖି ପୋଲିସ୍ ତଦନ୍ତ ଚଳାଇଛି।

ତେବେ ବର୍ତ୍ତମାନ ଘଟଣାସ୍ଥଳରେ ଖୋର୍ଦ୍ଧା ସାଇଣ୍ଟିଫିକ ଟିମ, ବାଲୁଗାଁ ଏସଡ଼ିପିଓ ମାନସ ରଞ୍ଜନ ବାରିକ, ଟାଙ୍ଗି ଆଇଆଇସି ବିଜୟ ମଲ୍ଲିକ ଆଦି କାର୍ଯ୍ୟନିର୍ବାହୀ ମାଜିଷ୍ଟ୍ରେଟଙ୍କ ଉପସ୍ଥିତିରେ ତଦନ୍ତ ଜାରି ରଖିଥିବାବେଳେ ଶବ ବ୍ୟବଚ୍ଛେଦ ରିପୋର୍ଟ ଆସିଲାପରେ ମୃତ୍ୟୁର କାରଣ ଜଣା ପଡ଼ିବ ବୋଲି ଆଇଆଇସି ଶ୍ରୀ ମଲ୍ଲିକ ସୂଚନା ଦେଇଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଜୁଆ ନଖେଳିବା ପାଇଁ ଚାନ୍ଦପୁର ପୋଲିସର ଅଭିନଵ ଉପାୟ: ସଚେତନତା ବାର୍ତ୍ତା ମାଧ୍ୟମରେ ଦେଲା ଚେତାବନୀ

ନୟାଗଡ଼/ଚାନ୍ଦପୁର: ଜୁଆ ଖେଳନ୍ତୁ ନାହିଁ କି କାହାକୁ ଖେଳିବା ପାଇଁ ପ୍ରୋତ୍ସାହନ ଦିଅନ୍ତୁ ନାହିଁ। ଜୁଆ ଖେଳ ଦ୍ୱାରା ପରିବାର ସର୍ବସ୍ୱାନ୍ତ ହୋଇଯାଏ। ଯଦି କିଏ ଜୁଆ ଖେଳୁଛି ତେବେ ଆମକୁ ଖବର ଦିଅନ୍ତୁ।  ଏପରି କିଛି ସଚେତନତାର ବାର୍ତ୍ତା ଦେଉଥିବା ଦେଖିବାକୁ ମିଳିଛି ନୟାଗଡ଼ ଜିଲ୍ଲା ଚାନ୍ଦପୁର ଅଞ୍ଚଳରେ।

ଖୋଦ ଚାନ୍ଦପୁର ଆଇଆଇସି ରଶ୍ମିରଞ୍ଜନ ଦାସଙ୍କ ନେତୃତ୍ୱରେ ଚାନ୍ଦପୁର ଥାନା ଅଞ୍ଚଳରେ ଚାଲିଛି ଏପରି ପ୍ରଚାର। ପୋଲିସ କର୍ମଚାରୀ ମାନେ ହାତରେ ଡାକବାଜି ଯନ୍ତ୍ର ଧରି ବୁଲି ବୁଲି କରୁଛନ୍ତି ପ୍ରଚାର। ତେବେ ଆଗକୁ କୁମାର ପୂର୍ଣ୍ଣିମା ଥିବାବେଳେ ଚାନ୍ଦପୁର ଅଞ୍ଚଳରେ କେତେକ ଜୁଆଡ଼ି ସକ୍ରିୟ ହୋଇଉଠିଥିବାର ଖବର ପାଇଛି ପୋଲିସ। ତେଣୁ ଆଗୁଆ ପଦକ୍ଷେପ ସ୍ୱରୂପ ଚାନ୍ଦପୁର ପୋଲିସ ଆଜି ଏପରି ଏକ ଅଭିନଵ ଉପାୟ ହାତକୁ ନେଇଛି।

ଡାକବାଜି ଯନ୍ତ୍ର ଦ୍ୱାରା ଚାନ୍ଦପୁର ଅଞ୍ଚଳରେ ସଚେତନତା ପ୍ରଚାର ଅଭିଯାନକୁ ବ୍ୟାପକ କରିଛନ୍ତି ଆଇଆଇସି। ଜୁଆ ଖେଳ ଠୁ ଦୁରେଇ ରୁହନ୍ତୁ ଏବଂ ଯଦି କେଉଁ ବ୍ୟକ୍ତି ଜୁଆ ଖେଳେ କିମ୍ବା ଖେଳିବା ପାଇଁ ଅନ୍ୟମାନଙ୍କୁ ପ୍ରୋତ୍ସାହନ ଦିଅନ୍ତି, ତେବେ ତୁରନ୍ତ ଉକ୍ତ ସୂଚନା ଚାନ୍ଦପୁର ଥାନାରେ ଦେବାକୁ ଜନସାଧାରଣଙ୍କୁ ଅନୁରୋଧ କରିଛନ୍ତ ଆଇଆଇସି ଶ୍ରୀ ଦାସ।

ସେହିପରି ଭାବେ ଯଦି କୌଣସି ବ୍ୟକ୍ତି ଜୁଆ ଖେଳୁଥିବା ବେଳେ ଧରାପଡନ୍ତି, ତେବେ ତାଙ୍କ ଉପରେ ଆଇନ ଅନୁଯାୟୀ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଆଇଆଇସି କହିଛନ୍ତି।

ସୂଚନା ଥାଉକି ଚାନ୍ଦପୁର ଅଞ୍ଚଳକୁ ଜୁଆ ମୁକ୍ତ କରିବା ପାଇଁ ଗତ ବର୍ଷରୁ ପ୍ରୟାସ ଜାରି ରଖିଛନ୍ତି ଆଇଆଇସି ଶ୍ରୀ ଦାସ। ଏହି ପରିପ୍ରେକ୍ଷୀରେ ଗତ ବର୍ଷ କୁମାର ପୂର୍ଣ୍ଣିମାରେ ୧୫ ଜଣ ଜୁଆଡ଼ିଙ୍କୁ ଚାନ୍ଦପୁର ପୋଲିସ ଗିରଫ ମଧ୍ୟ କରିଥିଲା। ତେବେ ଚାନ୍ଦପୁର ପୋଲିସର ଉକ୍ତ ଆଗୁଆ ପଦକ୍ଷେପକୁ ଅଞ୍ଚଳ ବାସି ସ୍ବାଗତ କରିବା ସହ ଭୁୟସୀ ପ୍ରଶଂସା କରିଛନ୍ତି।

Categories
ଜାତୀୟ ଖବର ବିଶେଷ ଖବର

ଆଜି ରାତିରେ ଦେଖାଯିବ ନୀଳଜହ୍ନ, ପୁଣି ଦେଖିବା ପାଇଁ ଅପେକ୍ଷା କରିବାକୁ ପଡିବ ୧୯ ବର୍ଷ, ଜାଣନ୍ତୁ ଏହା କଣ

ଭୁବନେଶ୍ବର, ଆଜି ହେଉଛି କୁମାର ପୂର୍ଣ୍ଣିମା ବା ଶରତ ପୂର୍ଣ୍ଣିମା। ସାରା ଦେଶରେ ଏହି ପୂର୍ଣ୍ଣିମାକୁ ବେଶ୍ ଧୂମଧାମରେ ପାଳନ କରାଯିବ। ବିଶ୍ବାସ ରହିଛି ଯେ, କୁମାର ପୂର୍ଣ୍ଣିମା ଚନ୍ଦ୍ର କିରଣ ଅମୃତ ବର୍ଷା କରିଥାଏ। ପଞ୍ଚଙ୍ଗ ଅନୁଯାୟୀ, ଏଥର ପୂର୍ଣ୍ଣିମା ତିଥୀ ୩୦ ଅକ୍ଟୋବର ଦିନ ୫.୪୭ ରୁ ପରଦିନ ୩୧ ତାରିଖ ରାତି ୮.୨୧ ପର‌୍ୟ୍ୟନ୍ତ ରହିବ। ହେଲେ ଅକ୍ଟୋବର ୩୦ ତାରିଖରେ ଦେଶର ଏକ ବଡ଼ ଭାଗରେ କୁମାର ପୂର୍ଣ୍ଣିମା ବା ଶରତ ପୂର୍ଣ୍ଣିମା ପାଳନ କରାଯାଇଛି।

ଅକ୍ଟୋବର ୩୧ ଦିନ ମଧ୍ୟ ଅତ୍ୟନ୍ତ ସ୍ୱତନ୍ତ୍ରତା ରହିଛି। ଏହି ଦିନ ଆକାଶରେ ବ୍ଲୁ ମୁନ୍ ବା ନୀଳ ଚନ୍ଦ୍ର ଦେଖାଯିବ। ଅର୍ଥାତ୍ ଚନ୍ଦ୍ର ସମ୍ପୂର୍ଣ୍ଣ ରୂପେ ନୀଳ ରଙ୍ଗରେ ଦେଖାଯିବ। ଜ୍ୟୋତିର୍ବିଜ୍ଞାନୀ ମାନଙ୍କ ପାଇଁ ଏହି ମୁହୂର୍ତ୍ତଗୁଡ଼ିକ ମଧ୍ୟ ବିଶେଷ ଗୁରୁତ୍ବ ବହନ କରେ। ଏହା ଉପରେ ଅଧିକ ଅଧ୍ୟୟନ ପାଇଁ ନାସା ସହିତ ବିଭିନ୍ନ ସଂସ୍ଥା ମଧ୍ୟ ଅନେକ ପ୍ରସ୍ତୁତ କରିଛିନ୍ତି।

ଅନେକ ଭାବିଥାନ୍ତି ଯେ ବ୍ଲୁ ମୁନ ଅର୍ଥ ହେଲା ଚନ୍ଦ୍ର ନୀଳ ଦେଖାଯିବେ। ହେଲେ ପ୍ରକୃତରେ ତାହା ନୁହେଁ। ଭାରତୀୟ ଧର୍ମ ଗ୍ରନ୍ଥ ଏବଂ ପଞ୍ଚଙ୍ଗ ଅନୁଯାୟୀ, ଗୋଟିଏ ମାସରେ ଗୋଟିଏ ପୂର୍ଣ୍ଣିମା ଏବଂ ଗୋଟିଏ ଅମାବାସ୍ୟା ପଡିଥାଏ। ହେଲେ ବେଳେବେଳେ ଏହା ହୁଏ ଯେ ମାସରେ ଦୁଇଥର ପୂର୍ଣ୍ଣିମା ପଡିଯାଏ। ଯାହା ଚଳିତ ୨୦୨୦ ଅକ୍ଟୋବରରେ ଦେଖାଯାଇଛି। ଏହି ମାସର ପ୍ରଥମ ତାରିଖରେ ପୂର୍ଣ୍ଣିମା ଥିଲା ଏବଂ ବର୍ତ୍ତମାନ ଦ୍ୱିତୀୟ ପୂର୍ଣ୍ଣିମା ୩୦ ଅକ୍ଟୋବର କିମ୍ବା ୩୧ ଅକ୍ଟୋବରରେ ଅଛି। ସେଥିପାଇଁ ଦ୍ୱିତୀୟ ପୂର୍ଣ୍ଣିମାର ଚନ୍ଦ୍ରକୁ ବ୍ଲୁ ମୁନ କୁହାଯାଇ ଥାଏ। ପରବର୍ତ୍ତି ବ୍ଲୁ ମୁନ୍ ୨୦୩୯ ମସିହାରେ ଅର୍ଥାତ ୧୯ ବର୍ଷ ପରେ ଆସିବ।

ବିଶେଷଜ୍ଞଙ୍କ ଅନୁଯାୟୀ ଏଥର ନୀଳ ଚନ୍ଦ୍ର ଅତ୍ୟନ୍ତ ସ୍ୱତନ୍ତ୍ର ଏବଂ ଗୁରତ୍ବ ବହନ କରେ। ଚଳିତ ବର୍ଷ ଅକ୍ଟୋବର ୩୧ ରେ ଦୁର୍ଲଭ ଯୋଗ ଫିଟିଛି। ଏହି ଦିନଟି ପୂର୍ଣ୍ଣିମା ଅର୍ଥାତ୍ ଶରତ ପୂର୍ଣ୍ଣିମା ସାରା ଦେଶରେ ପାଳନ କରାଯିବ। ଖ୍ରୀଷ୍ଟିୟାନ ଧର୍ମରେ ଏହି ଦିନଟିକୁ ହାଲୋଏନ୍ ଭାବେ ମଧ୍ୟ ପାଳନ କରାଯାଉଛି।

ଇଂରାଜୀ କ୍ୟାଲେଣ୍ଡର ଅନୁଯାୟୀ, ପ୍ରତିବର୍ଷ ୩୧ ଅକ୍ଟୋବରରେ ହାଲୋଏନ୍ ପାଳନ କରାଯାଏ। ଏହା ଅମଳର ଶେଷ ଦିନ ବୋଲି ବିଶ୍ୱାସ କରାଯାଏ। ଏହା ପରେ ଶୀତଦିନ ଆରମ୍ଭ ହୁଏ। ଅନେକ ଦେଶ ଏହାକୁ ଏକ ପର୍ବ ଭାବରେ ପାଳନ କରିଥାନ୍ତି। ଆଜି ବି ହାଲୋଏନ୍ ପାର୍ଟି ଅନୁଷ୍ଠିତ ହୁଏ। କେତେକ ସ୍ଥାନରେ ଲୋକମାନେ ଭୂତ ପୋଷାକ ପିନ୍ଧି ବାହାରକୁ ଯାଆନ୍ତି। ଏହା ପଛରେ ଏକ ବିଶ୍ୱାସ ଅଛି ଯେ ଏହି ଦିନ ଆତ୍ମାମାନେ ​​ସକ୍ରିୟ ହୋଇ ଲୋକଙ୍କୁ ବିବ୍ରତ କରିଥାନ୍ତି। ଆତ୍ମାକୁ ଦୂରେଇ ରଖିବା ପାଇଁ ଲୋକମାନେ ଭୂତ ପୋଷାକ ପିନ୍ଧନ୍ତି ଏବଂ ଭୟଭୀତ ଚେହେରା ସହିତ ବୁଲନ୍ତି।