Tag: ଖଲ୍ଲିକୋଟ ଥାନା

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅର୍ନ୍ତଗତ ମାଣିକପୁର ଗ୍ରାମରେ ବସନ୍ତ କୁମାର ପ୍ରଧାନ ନାମକ ଜଣେ ଯୁବକକୁ ହତ୍ୟା କରାଯାଇଛି। ହତ୍ୟା ଅଭିଯୁକ୍ତ ନାଗେଶ୍ଵର ଦିହୁଡି ନାମକ ଅପରାଧୀ ଘଟଣାସ୍ଥଳରୁ ଚମ୍ପଟ୍ ମାରିଥିବା ଜଣାପଡିଛି।ପୁର୍ବ ଶତୃତାକୁ ନେଇ ଅଭିଯୁକ୍ତ ନାଗେଶ୍ଵର ବସନ୍ତର ପଛପଟୁ ଆସି ଛୁରାମାଡ କରି ଚମ୍ପଟ୍ ମାରିଥିବା ବେଳେ ପରିବାର ଲୋକେ ବସନ୍ତକୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରିଥିଲେ। କିନ୍ତୁ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ।

ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଯୁବକର ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଛନ୍ତି। ଅନ୍ୟ ପକ୍ଷରେ ଗାଁ ରେ ସମ୍ବେଦନଶୀଳ ପରିସ୍ଥିତି ସୃଷ୍ଟି ହୋଇଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅର୍ନ୍ତଗତ ଗୋରାପଲ୍ଲୀ ଟୋଲ୍ ଗେଟ୍ ଠାରେ ଖଲ୍ଲିକୋଟ ପୋଲିସ ବିଭିନ୍ନ ଗାଡ଼ି ଯାଞ୍ଚ୍ ବେଳେ ଏକ “ଡିଜାଇର୍” କାର୍ କୁ ସନ୍ଦେହରେ ଯାଞ୍ଚ କରିଥିଲେ। ତା ଭିତରୁ ବହୁ ପରିମାଣର ରୁପା ଇଟା ରହିଛି ଓ ଦୁଇ ଜଣ ବ୍ୟକ୍ତିଙ୍କୁ ବାହାରକୁ ଆଣି ଯେରା କରିବା ବେଳେ ସେମାନେ ବ୍ରହ୍ମପୁରରୁ ରୂପା ନେଇ କଲିକତା ରେ ବ୍ୟବସାୟ କରୁଥିବା କହିଥିଲେ। ଯାହାକି ବିନା ଜି ଏସ୍ ଟି ରେ ଏହି ବ୍ୟବସାୟ କରୁଥିବା କହିଥିଲେ।

ପୋଲିସ ଗାଡି ଭିତରୁ ନଗଦ ୫ ଲକ୍ଷ ରୁ ଉର୍ଦ୍ଧ୍ବ ଟଙ୍କା ସହ ୮୮ କେଜି ରୁପା ଜବତ କରି ଜି ଏସ୍ ଟି ବିଭାଗକୁ ଖବର ଦେଇଥିଲେ ଓ ଖବର ପାଇ ଜି ଏସ୍ ଟି ଅଧିକାରୀ ଖଲ୍ଲିକୋଟ ଥାନା ରେ ପହଞ୍ଚି ଏହି ଠକେଇ ସଂକ୍ରାନ୍ତରେ ଯାଞ୍ଚ୍ ଚଳାଇଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଖଲ୍ଲିକୋଟ ଥାନା ଅଞ୍ଚଳରେ କୋକୁଆ ଭୟ ସୃଷ୍ଟି କରିଥିବା ଦୁର୍ଦାନ୍ତ ଅପରାଧୀ ପ୍ରଦୀପ କୁମାର ପରିଡ଼ାକୁ ଗିରଫ କରି କୋର୍ଟ ଚାଲାଣ କରିଛନ୍ତି ଖଲ୍ଲିକୋଟ ପୋଲିସ। ଯାହାକି ପୋଲିସ ବିଭାଗ ପାଇଁ ବଡ ସଫଳତା।

ସୁଚନା ଅନୁଯାୟୀ ଜଣାପଡିଛି ଯେ, ଗିରଫ ପ୍ରଦୀପ ଜଣେ ରାଜ୍ୟ ସ୍ତରୀୟ ଅପରାଧୀ ଭାବେ ଗଣତି। ତାଙ୍କର ନାମରେ ଭୁବନେଶ୍ଵର ଝାରପଡ଼ା ଥାନା, ଖଲ୍ଲିକୋଟ ଥାନା ଓ କୋଦଳା ଥାନାରେ ଅନ୍ୟୁନ ୨୬ ଟି ମକଦ୍ଦମା ରୁଜୁ ହୋଇଛି। ସେଥିମଧ୍ୟରୁ ୪ ଟି ହତ୍ୟାକାଣ୍ଡ ସମେତ ଚୋରି, ଡକାୟତି, ଲୁଟ୍, ରାହାଜାନୀ ଓ ବଟି ଆଦାୟ ଭଳି ସଙ୍ଗୀନ ଅପରାଧ ରେକର୍ଡ଼ ରହିଛି।

ଏହି ଦିନକ ପୁର୍ବରୁ ସେ ଏକ ୯ ଏମ୍ ଏମ୍ ବନ୍ଧୁକ ଧରି ଖଲ୍ଲିକୋଟ ଥାନା ଅଞ୍ଚଳରେ ବୁଲୁଥିବା ବେଳେ ଖବର ପାଇ ପୋଲିସ ତାକୁ କାବୁ କରି ଥାନାରେ ଅଟକ ରଖି ଜେରା କରିବା ପରେ ଗିରଫ କରି କୋର୍ଟ ଚାଲାଣ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଖଲ୍ଲିକୋଟ ଥାନା ଅନ୍ତର୍ଗତ ସୋଳବନ୍ଧ ଗ୍ରାମରେ ମହିଳାଙ୍କୁ ଆକ୍ରମଣ କରି ଟଙ୍କା ଓ ଅଳଙ୍କାର ଲୁଟ ହୋଇଛି। ସୂଚନା ଅନୁଯାୟୀ ଆଦିକନ୍ଦ ତାରିଣୀ ନାମକ ଜଣେ ବ୍ୟକ୍ତିଙ୍କ ପଛପଟେ କବାଟ ଭାଙ୍ଗି ଲୁଟେରାମାନେ ଘରେ ପଶିଥିଲେ। ଘରେ ବୋହୁ ଶୋଇଥିବା ବେଳେ ବେକରୁ ମଙ୍ଗଳସୂତ୍ର ଛିଣ୍ଡାଇ ନେବାକୁ ଚେଷ୍ଟା‌ କରିଥିଲେ। କିନ୍ତୁ ସେ ପ୍ରତିବାଦ କରିବାରୁ ଲୁଟେରାମାନେ ଏକ ଧାରୁଆ ଅସ୍ତ୍ରରେ ତା ମୁଣ୍ଡକୁ ଶକ୍ତ ପ୍ରହାର ଦେବା ଫଳରେ ସେ ଗୁରୁତର ଆହତ ହୋଇ ତଳେ ପଡି ଯାଇଥିଲେ। ପରେ ଦୁର୍ବୃତ୍ତ ମାନେ ଘରେ ପଶି ଆଲମାରୀ ଭାଙ୍ଗି ୧୦ ତୋଳା ସ୍ବର୍ଣ୍ଣ ଅଳଙ୍କାର, ୧୦ ତୋଳା ରୁପା ଅଳଙ୍କାର ଓ ନଗଦ ୪୦ ହଜାର ଟଙ୍କା ଲୁଟି ନେଇ ଘଟଣାସ୍ଥଳରୁ ଚମ୍ପଟ ମାରିଥିଲେ। ଗୁରୁତର ଆହତ ମହିଳା ଜଣଙ୍କ ବର୍ତ୍ତମାନ ଖଲ୍ଲିକୋଟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।

ଏତଦବ୍ୟତୀତ ଲୁଟେରାମାନେ ସେହି ଗ୍ରାମର ଅନ୍ୟ ଏକ ଘରେ ମଧ୍ୟ ସେହିଭଳି ଚୋରି କରି ଫେରାର ହୋଇଯାଇଥିବା ଜଣାପଡିଛି। ଏହିଭଳି ପରିସ୍ଥିତିରେ ଗାଁ ଲୋକେ ଆତଙ୍କିତ ଅବସ୍ଥାରେ ଥିବା ବେଳେ ପୋଲିସ କିଭଳି ପଦକ୍ଷେପ ନେଉଛନ୍ତି, ଗାଁ ଲୋକେ ଚାହିଁ ବସିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଖଲ୍ଲିକୋଟ ଥାନା ସୁମଣ୍ଡଳ ଗ୍ରାମରେ ଏକ ଅଘଟଣ ଘଟି ଜଣେ ଯୁବକ ଗୁରୁତର ଅବସ୍ଥାରେ ଡ଼ାକ୍ତରଖାନାରେ ଚିକତ୍ସିତ ହେଉଥିବା ଜଣାପଡିଛି।
ଘଟଣାରୁ ଜଣାପଡିଛି ଯେ, ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ କଂସାମାରୀ ଗ୍ରାମର ସୁନୀଲ କୁମାର ସାହୁ ନାମକ ଜଣେ ଯୁବକ ଖଲ୍ଲିକୋଟ ଥାନା ଅନ୍ତର୍ଗତ ସୁମଣ୍ଡଳ ଗ୍ରାମର ଜଣେ ୨୧ ବର୍ଷିୟା ଯୁବତୀକୁ ଏକତରଫା ଭଲପାଉଥଲା ଓ ଗତକାଲି ଯୁବକ ଜଣକ ଉକ୍ତ ଯୁବତୀଙ୍କୁ ଦେଖା କରିବା ପାଇଁ କୋୖଣସି କାରଣରୁ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିବାରୁ ଯୁବକ ଜଣକ ନିଜ ପକେଟ୍ ରେ ଧରିଥିବା ଏକ ଛୁରୀ ବାହାର କରି ନିଜ ପେଟର ଦୁଇଟି ସ୍ଥାନରେ ଭୁଷି ଅଚେତ ହୋଇଯାଇଥିଲା।

ଘଟଣାସ୍ଥଳରେ ପହଞ୍ଚି କିଛି ଲୋକ ସୁନୀଲ କୁ ଚିକିତ୍ସା ପାଇଁ ଖଲ୍ଲିକୋଟ ସ୍ବାସ୍ଥ୍ୟ କେନ୍ଦ୍ରକୁ ପଠାଇ ଥିଲେ। କିନ୍ତୁ ଯୁବକର ଅବସ୍ଥା ଗୁରୁତର ହେବାରୁ ତାକୁ ଅଧିକ ଚିକିତ୍ସା ପାଇଁ ବ୍ରହ୍ମପୁର ବଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଓ ଖବର ପାଇ ପୋଲିସ ବଡ ଡାକ୍ତରଖାନାରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୁଣି ସନ୍ଦେହରେ ସହଦେବ ପ୍ରଧାନ ନାମକ ଜଣେ ବ୍ୟକ୍ତିଙ୍କୁ ଗ୍ରାମର କିଛି ଲୋକ ଖୁଣ୍ଟରେ ବାନ୍ଧି ଆକ୍ରମଣ କରିଥିବା ଅଭିଯୋଗ ହୋଇଛି। ଅଭିଯୋଗ ପରେ ପୋଲିସ ପହଞ୍ଚି ସହଦେବଙ୍କୁ ସେଠାରୁ ଉଦ୍ଧାର କରିଛି। ଖଲ୍ଲିକୋଟ ଥାନା ଅନ୍ତର୍ଗତ ଚିକିଲି ପଞ୍ଚାୟତ କଲେଞ୍ଜିପଲୀ ଗ୍ରାମରେ ଏଭଳି ଘଟଣା ସାମ୍ନାକୁ ଆସିଛି।

ସୂଚନା ଅନୁଯାୟୀ, ସହଦେବ ପ୍ରଧାନ ନାମକଙ୍କୁ ଉକ୍ତ ଗ୍ରାମର କିଛି ଲୋକ ଖୁଣ୍ଟରେ ବାନ୍ଧି ଆକ୍ରମଣ କରୁଥିଲେ। ପରିବାର ଲୋକଙ୍କ ଠାରୁ ଖବର ପାଇ ଖଲ୍ଲିକୋଟ ପୋଲିସ ଘଟଣାସ୍ଥଳରେ ପହଞ୍ଚି ସହଦେବଙ୍କୁ ଉଦ୍ଧାର କରିବା ସହ ସେହି ଗ୍ରାମର ମଦନ ପ୍ରଧାନ, ନନ୍ଦି ପ୍ରଧାନ, ବିଦେଶୀ ପ୍ରଧାନ, ନାରାୟଣ ପ୍ରଧାନ, ଅମିନ ପ୍ରଧାନ, ଟୁକୁନା ପ୍ରଧାନ ଓ ମୋହନ ପ୍ରଧାନ ପ୍ରମୁଖ ୭ ଜଣ ଅଭିଯୁକ୍ତଙ୍କୁ ସହଦେବଙ୍କ ଏତଲାକୁ ଭିତ୍ତି କରି ପୋଲିସ ଗିରଫ କରି କୋର୍ଟ ଚାଲାଣ କରିଛି।

ଘଟଣାରୁ ପ୍ରକାଶ ଯେ, ବିଦେଶୀ ପ୍ରଧାନଙ୍କ ପୁତ୍ର ଶୁକମୁନି ପ୍ରଧାନ କିଛି ଦିନ ତଳେ ଜ୍ୱର ରୋଗରେ ଆକ୍ରାନ୍ତ ହୋଇ ମୃତ୍ୟୁବରଣ କରିଥିଲେ। ଏହି ଭଳି ପରିସ୍ଥିତିରେ ସହଦେବ ପ୍ରତ୍ୟେକ ଦିନ ଗ୍ରାମର ରାଘବ ଦାସ ମଠକୁ ଯିବା ଆସିବା ଦେଖି ସେ ହିଁ ତା ପୁଅକୁ ଗୁଣି କରି ମାରିଛି ବୋଲି ତାଙ୍କ ଉପରେ ସନ୍ଦେହ କରିଥିଲେ। ସହଦେବ ମନ୍ଦିରଙ୍କୁ ଯିବା ବେଳେ ଉକ୍ତ ସମସ୍ତ ଅଭିଯୁକ୍ତଙ୍କ ସହଯୋଗରେ ତାକୁ ଖୁଣ୍ଟରେ ବାନ୍ଧି ଆକ୍ରମଣ କରିଥିଲେ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ପୋଲିସ ପେଟ୍ରୋଲିଂ କରୁଥିବା ସମୟରେ ଖଲ୍ଲିକୋଟ ବଡ ଘାଟିରେ ଏକ ଅଖା ବୋଝେଇ ଗାଡ଼ିକୁ ସନ୍ଦେହ କରି ଅଟକାଇ ଥିଲେ। କିନ୍ତୁ ଗାଡ଼ିର ଚାଳକ ସେଠାରୁ ତୁରନ୍ତ ଗାଡ଼ି ଛାଡ଼ି ଚାଲିଯାଇଥିଲେ। ଯାହା ଫଳରେ ପୋଲିସର ସନ୍ଦେହ ବଢ଼ିଥିଲା। ଗାଡ଼ିରୁ ଅଖା ବାହାର କରି ଦେଖିଲା ବେଳକୁ ସେଥିରେ ବିପୁଳ ପରିମାଣର ଗଞ୍ଜେଇ ମିଳିଲା।

ପୋଲିସ ଉକ୍ତ ଗାଡିକୁ ଥାନାକୁ ନେଇ ଉପରେ ଅଖା ଖାଲି କରି ଦେଖିଲା ବେଳକୁ ତା ଭିତରେ ବହୁତ ଅଖାରେ ଗଞ୍ଜେଇ ଭର୍ତ୍ତି ରହିଥିଲା। ତତକ୍ଷଣାତ୍ ଥାନା ଅଧିକାରୀ ତହସିଲଦାରଙ୍କୁ ଜଣାଇଥିଳା ଓ ତହସିଲଦାରଙ୍କ ଉପସ୍ଥିତିରେ ଉକ୍ତ ଗଞ୍ଜେଇକୁ ଓଜନ କରାଯାଇଥିଲା। ଯାହାର ପରିମାଣ ୮୩୦ କିଲୋ ଓ ଆନୁମାନିକ ୧୦ ଲକ୍ଷ ଟଙ୍କା ହେବ ବୋଲି ଜଣାପଡିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ପୋଲସରା ବ୍ଳକ ଅଫିସ ଛକରେ ଗୁଳିକାଣ୍ଡ ଘଟି ଖଲ୍ଲିକୋଟ ଥାନା ଅନ୍ତର୍ଗତ କୁମୁଣ୍ଡ ଗ୍ରାମର ବିଜୟ ବେହେରାଙ୍କ ବିୟୋଗ ହୋଇଥିବା ବେଳେ ଝିଅ ଗାୟତ୍ରୀ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।

ଘଟଣାରୁ ପ୍ରକାଶ ଯେ, ବାଲିପଦର ଫାଣ୍ଡି ଅନ୍ତର୍ଗତ ଝୋଲରୀ ଗ୍ରାମର ପ୍ରଶାନ୍ତ ବେହେରା ନିଜ ଶଳାର ଶ୍ଵଶୁର ବିଜୟଙ୍କୁ ଗୁଳି ଚଳାଇ ହତ୍ୟା କରିଥିବା ଜଣାପଡିଛି। କାରଣ ଅସ୍ପଷ୍ଟ। ଖବର ପାଇ ପୋଲିସ ଘଟଣାସ୍ଥଳରେ ପହଂଚି ମୃତ ଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ଓ ଆହତଙ୍କୁ ଚିକିତ୍ସା ପାଇଁ ପଠାଇଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଖଲ୍ଲିକୋଟ ଥାନା ଅନ୍ତର୍ଗତ ବିକ୍ରମ ପୁର ଗ୍ରାମର ଦୀପକ୍ ପାହାଣ ନାମକ ଜଣେ ଯୁବକକୁ ବୈଦ୍ୟନାଥ ପୁର ଥାନା ପୋଲିସ୍ ଗିରଫ କରି କୋର୍ଟ ଚାଲାଣ କରିଛି।

ସୁଚନା ଥାଉକି ଦୀପକ୍ କମାପଲ୍ଲୀ ଠାରେ ଏକ ଭଡ଼ା ଘରେ ରହୁଥିବା ବେଳେ ଜନୈକା ନାବାଳିକା ସହ ପରିଚୟ ହୋଇଥିଲା ଓ ଧିରେ ଧିରେ ସମ୍ପର୍କ ବଢ଼ି ଚାଲିଥିଲା। ଏହା ମଧ୍ୟରେ ନାବାଳିକା ଜଣକ ନିଜ ମାମୁଁ ଘର ଲାଞିପଲି ଯାଇଥିଲା ବେଳେ କୌଶଳ କ୍ରମେ ଦୀପକ୍ ତାକୁ କୌଣସି ଏକ ସ୍ଥାନକୁ ନେଇ ଦୁଷ୍କର୍ମ କରିଥିଲା। ପୀଡ଼ିତା ନାବାଳିକା ଜଣକ ଏହି ବିଷୟରେ ପରିବାର ଲୋକଙ୍କୁ ଜଣାଇବା ପରେ ପରିବାର ଲୋକେ ବୈଦ୍ୟନାଥ ପୁର ଥାନା ରେ ଅଭିଯୋଗ କରିଥିଲେ ଓ ଅଭିଯୋଗକୁ ଭିତ୍ତି କରି ପୋଲିସ ପୀଡ଼ିତାର ବୟାନ ରେକର୍ଡ କରିଥିଲେ ଓ ଉଭୟଙ୍କୁ ଡ଼ାକ୍ତରୀ ମାଇନା କରିବା ପରେ ଅଭିଯୁକ୍ତ ଦୀପକ୍ କୁ ଗିରଫ କରି କୋର୍ଟ ଚାଲାଣ କରିଛି।