କନ୍ଦର୍ପ ବେହେରା
ରେଢ଼ାଖୋଲ: ନାକଟିଦେଉଳ ଥାନା ଅନ୍ତର୍ଗତ ଗୋଧିଢିପ ଛକରେ ଦେଶୀ ମଦ ପାଉଚ ନେଇ ଯାଉଥିବା ଜଣେ ବ୍ୟକ୍ତିକୁ ଗ୍ରାମବାସୀ ମାନେ ଅଟକ ରଖି ପୋଲିସ ପାଖରେ ଜିମା ଦେଇଥିବା ଜଣା ପଡିଛି। ସୂଚନାରୁ ପ୍ରକାଶ ଯେ, ମାରୱାଡି ମୁଣ୍ଡା ଗ୍ରାମର ଶଙ୍କର ନାଏକ ନିଜ ଟିଭିଏସ ମୋପେଡ ଗାଡ଼ିରେ ଗୋଟିଏ ବସ୍ତାରେ ମଦ ପାଉଚ ନେଇ ଯାଉଥିବା ବେଳେ ଗୋଧିଢିପ ଛକରେ ଗ୍ରାମବାସୀ ମାନେ ଅଟକାଇ ପୋଲିସକୁ ଖବର ଦେଇଥିଲେ।
ଖବର ପାଇ ପୋଲିସ ପହଂଚି ଭର୍ତ୍ତୀ ଥିବା ବସ୍ତାରେ ମଦ ପାଉଚ ସହ ଶଙ୍କରକୁ ଗିରଫ କରି ଥାନାକୁ ନେଇଯାଇଥିଲେ। ତେବେ ପୋଲିସ ଶଙ୍କର ନାମରେ ଆଗରୁ ଥାନାରେ ଥିବା ୱାରେଣ୍ଟ ସହ ବେଆଇନ ଭାବେ ନେଇଯାଉଥିବା ୨୦୦ପାଉଚ ଲିଟର ମଦ ଜବତ କରି ଆଜି ତାକୁ କୋର୍ଟ ଚାଲାଣ କରିଥିବା ପୋଲିସ ପ୍ରକାଶ କରିଛି।
ଅପରପକ୍ଷେ ସରାପାଲି ପଂଚାୟତକୁ ମଦମୁକ୍ତ ଅଞ୍ଚଳ କରିବାପାଇଁ ପ୍ରୟାସ ଜାରିରହିବ ବୋଲି ସ୍ଥାନୀୟ ସରପଞ୍ଚ ଶିବାନୀ ବାରିକ ପ୍ରକାଶ କରିଅଛନ୍ତି।