Categories
ଆଞ୍ଚଳିକ

ବାଲୁଗାଁ ମହାବିଦ୍ୟାଳୟର ଦର୍ଶନ ଶାସ୍ତ୍ର ବିଭାଗ ପକ୍ଷରୁ ସ୍ୱତନ୍ତ୍ର ଆଲୋଚନା ଚକ୍ର ଅନୁଷ୍ଠିତ

ସୀତାରାମ ଅଗ୍ରୱାଲ

ବାଲୁଗାଁ: ଆଜି ବାଲୁଗାଁ ମହାବିଦ୍ୟାଳୟର ଦର୍ଶନ ଶାସ୍ତ୍ର ବିଭାଗ ପକ୍ଷରୁ ଏକ ସ୍ୱତନ୍ତ୍ର ଆଲୋଚନା ଚକ୍ର ଅଧ୍ୟକ୍ଷା ବିନତି ମଞ୍ଜରୀ ରାଉତଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।  ବିଭାଗୀୟ ମୁଖ୍ୟ ଅଧ୍ୟାପକ ଡକ୍ଟର କୈଳାଶ ଚନ୍ଦ୍ର ମହାରଣା ପ୍ରାରମ୍ଭିକ ଅଭିଭାଷଣ ପ୍ରଦାନ କରିଥିଲେ। ଏହାପରେ ଜ୍ୟୋତି ବିଶ୍ୱାସଙ୍କ ଦ୍ୱାରା ଅତିଥି ପରିଚୟ ପ୍ରଦାନ ପରେ ମୁଖ୍ୟ ଅତିଥିଭାବେ ଯୋଗଦେଇ ଚେନ୍ନାଇସ୍ଥିତ ମାଡ୍ରାସ ବିକାଶ ଅଧ୍ୟୟନ କେନ୍ଦ୍ରର ପ୍ରଫେସର ଅନନ୍ତ କୁମାର ଗିରି ଛାତ୍ରଛାତ୍ରୀ ମାନଙ୍କୁ ଦର୍ଶନ ଶାସ୍ତ୍ରର ଉପଯୋଗିତା ଓ ଗ୍ରୀକ ଦାର୍ଶନିକ ମାନଙ୍କର ବିଶ୍ୱକୁ ଅବଦାନ ସମ୍ପର୍କରେ ଉଲ୍ଲେଖ କରି କହିଥିଲେ ଯେ, ଦର୍ଶନ ହେଉଛି ସର୍ବ ବିଦ୍ୟାର ଆଧାର ଓ ସକଳ ଜ୍ଞାନର ସମନ୍ୱୟ।

ଏଥି ସହିତ ମହାସରସ୍ବତୀଙ୍କ ବିଭାବ, ଦର୍ଶନ ଓ ଭାଷାର ନବ ଉନ୍ମେଷ ସମ୍ପର୍କରେ ଆଲୋଚନା କରିଥିଲେ।

ଏହି ଅବସରରେ ବିଭାଗ ପକ୍ଷରୁ ପ୍ରଫେସର ଗିରିଙ୍କୁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।  ପ୍ରାଧ୍ୟାପିକା ଡକ୍ଟର ଜୟନ୍ତୀ ସାମଲ, ଡକ୍ଟର ଲକ୍ଷ୍ମୀଧର ସୁବୁଦ୍ଧି, ଡକ୍ଟର ଅକ୍ଷୟ କୁମାର ମିଶ୍ର ପ୍ରମୁଖ ଏଥିରେ ଯୋଗଦେଇଥିଲେ। ସେମିନାର ସଂଯୋଜିକା ଅଧ୍ୟାପିକା ମନସ୍ବିନୀ ପଟ୍ଟନାୟକ ଧନ୍ୟବାଦ ଦେଇଥିଲେ। କାର୍ଯ୍ୟକ୍ରମକୁ ପରିଚାଳନା କରିଥିଲେ ସେମିନାର ସମ୍ପାଦିକା ସୁଶ୍ରୀ ଶିଖା ପରିଡା ଓ ବର୍ଷା ବିଶୋଇ।

Categories
ଆଜିର ଖବର ଜାତୀୟ ଖବର ବ୍ୟବସାୟ

ବେଙ୍ଗାଲୁରୁ ଓ ହାଇଦ୍ରାବାଦରେ ଜିଓ ଟ୍ରୁ-୫ଜି ସେବାର ଶୁଭାରମ୍ଭ

ଭୁବନେଶ୍ୱର/ମୁମ୍ବାଇ: ମୁମ୍ବାଇ, ଦିଲ୍ଲୀ, କୋଲକାତା, ଚେନ୍ନାଇ, ବାରାଣାସୀ ଏବଂ ନାଥଦ୍ୱାରାରେ ଜିଓ ଟ୍ରୁ-୫ଜି ସେବାର ସଫଳ ବିଟା ପରୀକ୍ଷଣ ଶୁଭାରମ୍ଭ ପରେ ରିଲାଏନ୍ସ ଜିଓ ପକ୍ଷରୁ ବେଙ୍ଗାଲୁରୁ ଓ ହାଇଦ୍ରାବାଦରେ ଟ୍ରୁ-୫ଜି ସେବାର ଶୁଭାରମ୍ଭ କରାଯାଇଛି । ଏହି ଦୁଇ ସହର ଭାରତର ସାଇବର ଓ ଡିଜିଟାଲ୍ ହବ ଭାବରେ ପରିଗଣିତ ହେଉଥିବାରୁ ଜିଓ ଟ୍ରୁ-୫ଜିର ପ୍ରକୃତ ପରୀକ୍ଷା ଏହି ସହରରେ ହେବ ।

ଜିଓର ଟ୍ରୁ-୫ଜି ସେବା ପୂର୍ବରୁ ଛଅଟି ସହରରେ ଲକ୍ଷ ଲକ୍ଷ ଗ୍ରାହକଙ୍କ ଦ୍ୱାରା ବ୍ୟବହାର କରାଯାଉଛି ଏବଂ ସେମାନଙ୍କଠାରୁ ମିଳୁଥିବା ପ୍ରତିକ୍ରିୟା ବେଶ ସକାରାତ୍ମକ ରହିଛି । ଗ୍ରାହକମାନଙ୍କ ପ୍ରତିକ୍ରିୟା ଆଧାରରେ କଂପାନି ଏହାର ନେଟ୍‌ୱର୍କକୁ ନିୟମିତ ଭାବେ ମଜଭୁତ କରିବା କାର୍ଯ୍ୟ ଜାରି ରଖିଛି । ଜିଓ ନିଜର ଟ୍ରୁ-୫ଜି ସେବାକୁ ପର୍ଯ୍ୟାୟକ୍ରମେ ଶୁଭାରମ୍ଭ କରୁଛି, ଯଦ୍ୱାରା ଗ୍ରାହକମାନଙ୍କୁ ସର୍ବୋତ୍କୃଷ୍ଟ ଅନୁଭବ ମିଳିପାରିବ ।

ଜିଓ ପକ୍ଷରୁ କୁହାଯାଇଛି ଯେ ଗ୍ରାହକମାନେ ନିଜ ସ୍ମାର୍ଟଫୋନ୍‌ରେ ୫୦୦ ଏମ୍‌ବିପିଏସ୍‌ରୁ ୧ ଜିବିପିଏସ୍ ଭଳି ସ୍ପିଡ୍‌ରେ ଡାଟା ହାସଲ କରୁଛନ୍ତି ଏବଂ ଗ୍ରାହକମାନେ ବିପୁଳ ପରିମାଣର ଡାଟା ବ୍ୟବହାର କରୁଛନ୍ତି ।

କଂପାନି ମତରେ ଏହା ହେଉଛି ଭାରତର ଏକମାତ୍ର ଟ୍ରୁ-୫ଜି ନେଟ୍‌ୱର୍କ । ତାହାର ଭଲ ଦିଗଗୁଡ଼ିକ ହେଉଛି ଷ୍ଟାଣ୍ଡ୍‌-ଏଲୋନ୍ ୫ଜି ଆର୍କିଟେକ୍‌ଚର ନେଟ୍‌ୱର୍କ ଯାହାର ୪ଜି ନେଟ୍‌ୱର୍କ ଉପରେ ନିର୍ଭରଶୀଳତା ଶୂନ ଅଟେ । ଅର୍ଥାତ ଏହାକୁ ୪ଜି ନେଟ୍‌ୱର୍କ ଉପରେ ଆଦୌଁ ନିର୍ଭରଶୀଳ ରହିବାକୁ ପଡ଼ିବନି । କଂପାନି ପାଖରେ ୭୦୦ ମେଗାହର୍ଜ, ୩୫୦୦ ମେଗାହର୍ଜ ଏବଂ ୨୬ ଗିଗାହର୍ଜ ବ୍ୟାଣ୍ଡ୍‌ରେ ୫ଜି ସ୍ପେକ୍ଟ୍ରମ୍‌ର ସର୍ବବୃହତ ଏବଂ ଉତମ ମିଶ୍ରଣ ରହିଛି । କ୍ୟାରିୟର ଏଗ୍ରିଗେସନ କୌଶଳକୁ ବ୍ୟବହାର କରି ଜିଓ ଏହି ୫ଜି ଫ୍ରିକ୍ୟୁଏନ୍ସିଗୁଡ଼ିକର ଏକ ମଜଭୁତ “ଡାଟା ହାଇୱେ’ ପ୍ରସ୍ତୁତ କରୁଛି ।

ନଭେମ୍ବର ୧୦ ତାରିଖରୁ ବେଙ୍ଗାଲରୁରୁ ଏବଂ ହାଇଦ୍ରାବାଦରେ ଜିଓ ବ୍ୟବହାରକାରୀମାନଙ୍କୁ ଜିଓ ୱେଲକମ୍ ଅଫର ଅଧୀନରେ ଆମନ୍ତ୍ରଣ କରାଯିବା ପ୍ରକ୍ରିୟା ଆରମ୍ଭ କରାଯାଇଛି । ଏହି ଅଫରରେ ଗ୍ରାହକମାନେ ବିନା କୌଣସି ଅତିରିକ୍ତ ମୂଲ୍ୟରେ ୧ ଜିବିପିଏସ୍‌ରୁ ଅଧିକ ସ୍ପିଡ୍ ଏବଂ ଅସୀମିତ ୫ଜି ଡାଟା ପାଇପାରିବେ ।

Categories
ଅପରାଧ ଆଜିର ଖବର ରାଜ୍ୟ ଖବର

ଛଅ ମାସ ଧରି ନିଖୋଜ ଥିବା ନାବାଳିକାଙ୍କୁ ଚେନ୍ନାଇରୁ ଉଦ୍ଧାର କଲା ବାଣପୁର ପୋଲିସ

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳର ଜଣେ ନିଖୋଜ ନାବାଳିକାଙ୍କୁ ସୁଦୂର ଚେନ୍ନାଇରୁ ଉଦ୍ଧାର କରିଛି ପୋଲିସ। ଏ ନେଇ ଆଜି ଖୋର୍ଦ୍ଧା ଏସପି ସିଦ୍ଧାର୍ଥ କାଟାରିଆ ସୂଚନା ଦେଇଛନ୍ତି। ଉକ୍ତ ନାବାଳିକା ଜଣକ ଗତ ମାର୍ଚ୍ଚ ମାସରୁ ନିଖୋଜ ଥିବା ବେଳେ ପୋଲିସ ସେବେଠାରୁ ତାଙ୍କ ଅନୁସନ୍ଧାନ ଜାରି ରଖିଥିଲା।

ତେବେ ନିକଟରେ ନାବାଳିକା ଜଣକ ଚେନ୍ନାଇରେ ଥିବା ସୂଚନା ପାଇଥିଲା ପୋଲିସ। ତେଣୁ ଏସପିଙ୍କ ନିର୍ଦ୍ଦେଶକ୍ରମେ ଏବଂ ବାଲୁଗାଁ ଏସଡିପିଓ ମାନସ ରଞ୍ଜନ ବାରିକ ଓ ବାଣପୁର ଆଇଆଇସି ଜୟପ୍ରକାଶ ପରିଡାଙ୍କ ତତ୍ୱାବଧାନରେ ଏସଆଇ ଦେବସ୍ମିତା ବେହେରା ଓ ଏସଆଇ ଚନ୍ଦନ ଦାସଙ୍କ ମିଳିତ ନେତୃତ୍ୱରେ ଏକ ଟିମ ଗଠନ କରି ଚେନ୍ନାଇ ଗସ୍ତ କରିଥିଲେ।

ଆଜି ସମ୍ପୃକ୍ତ ନାବାଳିକାଙ୍କୁ ବାଣପୁର ଥାନା ଆଣିଥିବା ବେଳେ ତାଙ୍କର ବୟାନ ରେକର୍ଡ଼ ଓ ଡାକ୍ତରୀମାଇନା ହେବା ପରେ ପରିବାରବର୍ଗଙ୍କୁ ହସ୍ତାନ୍ତର କରାଯିବ ବୋଲି ଆଇଆଇସି ଶ୍ରୀ ପରିଡା କହିଛନ୍ତି।

Categories
ଆଜିର ଖବର ଖେଳ ଜାତୀୟ ଖବର

କୁଲଦୀପଙ୍କ ହ୍ୟାଟ୍ରିକ୍ ପରେ ପୃଥ୍ବୀ ଶ’ଙ୍କ ଚୌକା ଓ ଛକା ବର୍ଷା, ସାମସନଙ୍କ ନେତୃତ୍ଵରେ ସିରିଜ୍ ଜିତିଲା ଭାରତ

ନୂଆଦିଲ୍ଲୀ: ଚେନ୍ନାଇର ଏମ ଚିଦାମ୍ବରମ୍ ଷ୍ଟାଡିୟମରେ ଖେଳାଯାଇଥିବା ଦ୍ୱିତୀୟ ଅଣଆନୁଷ୍ଠାନିକ ଦିନିକିଆରେ ନ୍ୟୁଜିଲ୍ୟାଣ୍ଡ-ଏକୁ ଭାରତ-ଏ ପରାସ୍ତ କରିଛି। ଏହା ସହ ଭାରତ-ଏ ୩ ଟି ଦିନିକିଆ ସିରିଜରେ ୨-୦ ରେ ଅଗ୍ରଣୀ ହାସଲ କରିଛି। ସଞ୍ଜୁ ସାମସନଙ୍କ ନେତୃତ୍ୱରେ ଇଣ୍ଡିଆ ଏ ପ୍ରଥମ ଦିନିକିଆରେ ୭ ୱିକେଟ୍ ରେ ଜିତିଥିଲା। ତୃତୀୟ ମ୍ୟାଚ୍ ସେପ୍ଟେମ୍ବର ୨୭ ତାରିଖରେ ଚେନ୍ନାଇରେ ମଧ୍ୟ ଖେଳାଯିବ।

ଭାରତ-ଏ ବିଜୟରେ ଦୁଇ ଖେଳାଳି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଯେଉଁଠାରେ କୁଲଦୀପ ଯାଦବ ବଲରେ ପ୍ରାଧାନ୍ୟ ବିସ୍ତାର କରିଥିଲେ, ପୃଥ୍ବୀ ଶ’ ବ୍ୟାଟ୍ ରେ କମାଲ କରିଥିଲେ। କୁଲଦୀପ ହ୍ୟାଟ୍ରିକ୍ ସହ ମ୍ୟାଚ୍‌ରେ ୪ ୱିକେଟ୍ ନେଇଥିଲେ। ଏଥିସହିତ ଶ’ ଇଣ୍ଡିଆ-ଏ ଇନିଂସ ଆରମ୍ଭ କରି ମାତ୍ର ୨୬ ବଲରେ ଅର୍ଦ୍ଧଶତକ ହାସଲ କରିଥିଲେ। ସେ ୧୧ ଟି ଚୌକା ଓ ୩ ତି ଛକା ସହାୟତାରେ ୪୮ ବଲରେ ୭୭ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ଚଳିତ ବର୍ଷ ଅଣ୍ଡର-୧୯ ବିଶ୍ୱକପ ଜିତିଥିବା ଭାରତୀୟ ଦଳର ସଦସ୍ୟ ଥିବା ରାଜା ବାୱା ଏହି ମ୍ୟାଚରେ ଡେବ୍ୟୁ କରିଥିଲେ।

ନ୍ୟୁଜିଲ୍ୟାଣ୍ଡ-ଏ ଟସ୍ ଜିତି ମ୍ୟାଚ୍‌ରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଚାଡ ବୋଜ ଏବଂ ରଚିନ୍ ରବିନ୍ଦ୍ର ନ୍ୟୁଜିଲ୍ୟାଣ୍ଡ ଏ ପାଇଁ ପାଳି ଆରମ୍ଭ କରିଥିଲେ। କିନ୍ତୁ, ୩୨ ରନ୍ ସ୍କୋରରେ ଚାଡକୁ ଉମ୍ରାନ ମଲିକ ଆଉଟ କରିଥିଲେ। ଏହା ପରେ ଡେନ୍ କ୍ଲିଭର ମଧ୍ୟ ଶୀଘ୍ର ପ୍ୟାଭିଲିୟନ ଫେରିଥିଲେ। କିନ୍ତୁ, ରବିନ୍ଦ୍ର ଗୋଟିଏ ମୁଣ୍ଡରେ ଜମି ରହିଥିଲେ ଏବଂ ସେ ତାଙ୍କର ଅର୍ଦ୍ଧ ଶତକ ପୂରଣ କରିଥିଲେ। ତେବେ ୬୧ ରନର ବ୍ୟକ୍ତିଗତ ସ୍କୋରରେ ଋଷି ଧାୱନ ତାଙ୍କୁ ଆଉଟ କରିଥିଲେ।

ଯେତେବେଳେ ରାଚିନ୍ ଆଉଟ୍ ହୋଇଥିଲେ, ନ୍ୟୁଜିଲ୍ୟାଣ୍ଡ-ଏ ୩ ୱିକେଟ୍ ହରାଇ ୧୦୬ ରନ୍ କରିଥିଲା। ଏହା ପରେ ଜୋ କାର୍ଟର ୮୦ ବଲରେ ୭୨ ରନର ଇନିଂସ ଖେଳିଥିଲେ। ସେ ମଧ୍ୟମ ଏବଂ ନିମ୍ନ କ୍ରମରେ କୌଣସି ବ୍ୟାଟ୍ସମ୍ୟାନଙ୍କ ଠାରୁ ସମର୍ଥନ ପାଇନଥିଲେ। ଚାଇନାମ୍ୟାନ ସ୍ପିନର କୁଲଦୀପ ଯାଦବ ହ୍ୟାଟ୍ରିକ୍ ନେଇ ନ୍ୟୁଜିଲ୍ୟାଣ୍ଡ ଏ ବ୍ୟାଟିଂକ୍ରମକୁ ସମ୍ପୂର୍ଣ୍ଣ ଭାଙ୍ଗି ଦେଇଥିଲେ।

ଅନ୍ତିମ ତିନିଟି ବଲରେ ଲୋଗାନ୍ ୱାନ୍ ବିକ, ଜୋ ୱାକର ଅରେର ଏବଂ ଜ୍ୟାକବ ଡଫିଙ୍କୁ ଆଉଟ କରି କୁଲଦୀପ ନ୍ୟୁଜିଲ୍ୟାଣ୍ଡ ଏ ଇନିଂସର ୪୭ ତମ ଓଭରରେ ନିଜର ହ୍ୟାଟ୍ରିକ୍ ପୂରଣ କରିଥିଲେ। ନ୍ୟୁଜିଲ୍ୟାଣ୍ଡ-ଏ ଦଳ ସମ୍ପୂର୍ଣ୍ଣ ୫୦ ଓଭର ଖେଳି ପାରି ନଥିଲା ଏବଂ ୪୭ ଓଭରରେ ୨୧୯ ରନ୍ କରି ସମସ୍ତ ୱିକେଟ ହରାଇଥିଲା। ୧୦ ଓଭରରେ ୫୧ ରନ୍ ଦେଇ କୁଲଦୀପ ଯାଦବ ୪ ୱିକେଟ୍ ନେଇଥିଲେ। ତାଙ୍କ ବ୍ୟତୀତ ଋଷି ଧାୱନ ମଧ୍ୟ ୨ ଟି ୱିକେଟ୍ ନେଇଥିଲେ।

Categories
ଅପରାଧ ଆଜିର ଖବର ଜାତୀୟ ଖବର ସିନେମା

ଝୁଲନ୍ତା ଅବସ୍ଥାରେ ତାମିଲ ଅଭିନେତ୍ରୀ ଦୀପାଙ୍କ ମୃତଦେହ ଉଦ୍ଧାର

ଚେନ୍ନାଇ: ସେପ୍ଟେମ୍ବର ୧୮ ତାରିଖରେ ଚେନ୍ନାଇର ଭୀରୁଗମ୍ବାକ୍କମ ମଲ୍ଲିକା ଭେନ୍ୟୁରେ ତାମିଲ ଅଭିନେତ୍ରୀ ପାଉଲିନ୍ ଜେସିକା (ଦୀପା) ଙ୍କୁ ତାଙ୍କ ଭଡା ଫ୍ଲାଟରେ ମୃତଦେହ ମିଳିଛି। ତାଙ୍କ ମୃତଦେହ ଝୁଲୁଥିବା ଦେଖିବାକୁ ମିଳିଛି। ନିକଟରେ ମୁକ୍ତିଲାଭ କରିଥିବା ତାମିଲ ଚଳଚ୍ଚିତ୍ର ‘ବୈଧା’ରେ ମୁଖ୍ୟ ଭୂମିକାରେ ଦୀପା ପ୍ରମୁଖ ଭୂମିକା ଗ୍ରହଣ କରିଥିଲେ। ଏହା ବ୍ୟତୀତ ସେ ଅନେକ ତାମିଲ ଚଳଚ୍ଚିତ୍ର ଏବଂ ସିରିଏଲରେ କାମ କରିଥିଲେ। ସେ ଆନ୍ଧ୍ରପ୍ରଦେଶର ମୂଳ ବାସିନ୍ଦା ଥିଲେ। ଏହି ଲୋକପ୍ରିୟ ଅଭିନେତ୍ରୀ ରବିବାର ତାଙ୍କ ଆପାର୍ଟମେଣ୍ଟରେ ଝୁଲୁଥିବା ଦେଖିବାକୁ ମିଳିଥିଲା।

ତାଙ୍କ ମୃତ୍ୟୁ ବିଷୟରେ ପଡୋଶୀମାନେ କୋୟମ୍ବେଡୁ ପୋଲିସକୁ ସୂଚନା ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ସରକାରୀ ମେଡିକାଲ କଲେଜ ଏବଂ ହସ୍ପିଟାଲକୁ ବ୍ୟବଚ୍ଛେଦ ପାଇଁ ପଠାଇଥିଲା। ପରେ ଅଭିନେତ୍ରୀଙ୍କ ସମ୍ପର୍କୀୟଙ୍କୁ ସୂଚନା ଦିଆଯାଇଥିଲା ଏବଂ ତାଙ୍କ ମୃତଦେହ ଆନ୍ଧ୍ରପ୍ରଦେଶକୁ ପଠାଯାଇଥିଲା।

ପୋଲିସ କହିଛି ଯେ, ଲୋକପ୍ରିୟ ଅଭିନେତ୍ରୀ ପାଉଲିନ୍ ଜେସିକାଙ୍କ ଆତ୍ମହତ୍ୟାକୁ ଆମେ ସବୁ ଦିଗରୁ ଯାଞ୍ଚ କରୁଛୁ ଏବଂ ସିସିଟିଭିର ସାହାଯ୍ୟ ନେଉଛୁ।

Categories
ଆଜିର ଖବର ଖେଳ ଜାତୀୟ ଖବର

ଆଜି ଚେନ୍ନାଇରେ ୪୪ ତମ ଚେସ୍ ଅଲିମ୍ପିଆଡର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଚେନ୍ନାଇର ଜେଏଲ୍‌ଏନ୍ ଇନଡୋର ଷ୍ଟାଡିୟମରେ ଆୟୋଜିତ ହେବାକୁ ଥିବା ଭବ୍ୟ ଉଦଘାଟନୀ କାର୍ଯ୍ୟକ୍ରମରେ ୪୪ ତମ ଚେସ୍ ଅଲିମ୍ପିଆଡ୍ ର ଶୁଭାରମ୍ଭ କରିବେ। କେନ୍ଦ୍ର କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ ଅନୁରାଗ ଠାକୁର ମଧ୍ୟ ଏହି କାର୍ଯ୍ୟକ୍ରମରେ ଯୋଗଦେବେ।

ପ୍ରଧାନମନ୍ତ୍ରୀ ଜୁନ ୧୯, ୨୦୨୨ ରେ ନୂଆଦିଲ୍ଲୀର ଇନ୍ଦିରା ଗାନ୍ଧୀ ଜାତୀୟ ଷ୍ଟାଡିୟମରେ ପ୍ରଥମ ଥର ପାଇଁ ଚେସ ଅଲିମ୍ପିଆଡ ଟର୍ଚ୍ଚ ରିଲେର ମଧ୍ୟ ଶୁଭାରମ୍ଭ କରିଥିଲେ। ଏହି ଟର୍ଚ୍ଚ ଯାତ୍ରା ସ୍ୱିଜରଲ୍ୟାଣ୍ଡ ସ୍ଥିତ ଏଫ୍‍ଆଇଡିଇ ମୁଖ୍ୟ କାର୍ଯ୍ୟାଳୟକୁ ଯିବା ପୂର୍ବରୁ ୪୦ ଦିନରେ ୨୦,୦୦୦ କିଲୋମିଟର ଯାତ୍ରାରେ ୭୫ ଟି ପବିତ୍ର ସ୍ଥାନ ଅତିକ୍ରମ କରି ମହାବଲିପୁରମରେ ଶେଷ ହୋଇଥିଲା।

ଚେନ୍ନାଇରେ ଜୁଲାଇ ୨୮ ରୁ ଅଗଷ୍ଟ ୯, ୨୦୨୨ ପର୍ଯ୍ୟନ୍ତ ୪୪ ତମ ଚେସ୍ ଅଲିମ୍ପିଆଡ୍ ଅନୁଷ୍ଠିତ ହେଉଛି।  ୧୯୨୭ ମସିହାରୁ ଆୟୋଜିତ ଏହି ସମ୍ମାନଜନକ ପ୍ରତିଯୋଗିତା ପ୍ରଥମ ଥର ପାଇଁ ଭାରତରେ ଏବଂ ୩୦ ବର୍ଷ ପରେ ଏସିଆରେ ଆୟୋଜିତ ହେଉଛି । ୧୮୭ ଟି ଦେଶକୁ ନେଇ ଆୟୋଜିତ ଯେକୌଣସି ଚେସ ଅଲିମ୍ପିଆଡ଼ରେ ଏହା ସବୁଠାରୁ ବଡ ଅଂଶଗ୍ରହଣ ହେବ। ୬ ଟି ଦଳରେ ୩୦ ଜଣ ଖେଳାଳିଙ୍କୁ ନେଇ ପ୍ରତିଯୋଗିତାରେ ଭାରତ ମଧ୍ୟ ସର୍ବ ବୃହତ ଦଳ ଭାବେ ଯୋଗ ଦେଉଛି।

Categories
ଆଜିର ଖବର ଖେଳ ଜାତୀୟ ଖବର

ଟସ୍ ଜିତିଲେ ଏମଏସ ଧୋନି; ଚେନ୍ନାଇର ବଡ ପରିବର୍ତ୍ତନ, ଜାଣନ୍ତୁ ଉଭୟ ଦଳର ପ୍ଲେଇଂ ଏକାଦଶ

ନୂଆଦିଲ୍ଲୀ: ମୁମ୍ବାଇର ବ୍ରେବୋର୍ନ ଷ୍ଟାଡିୟମରେ ଖେଳାଯାଉଥିବା ଆଇପିଏଲ୍ ୨୦୨୨ ର ୬୮ ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସର ଅଧିନାୟକ ଏମଏସ ଧୋନି ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି। ରାଜସ୍ଥାନ ରୟାଲ୍ସ ଦଳ ପ୍ରଥମେ ବୋଲିଂ କରିବ।

ଚେନ୍ନାଇ ସୁପର କିଙ୍ଗ୍ସ ଏକାଦଶ ଖେଳାଳି- ରୁତୁରାଜ ଗାଇକେ=ୱାଡ, ଡିଭନ୍ କନୱେ, ମୋଇନ୍ ଅଲି, ଅମ୍ବାତି ରାୟଡୁ, ଏନ ଜଗଦୀସନ, ଏମଏସ ଧୋନି (କ୍ୟାପଟେନ ଏବଂ ୱିକେଟ୍ କିପର), ମିଚେଲ ସାଣ୍ଟନର୍, ପ୍ରଶାନ୍ତ ସୋଲାଙ୍କି, ସିମରଜିତ ସିଂ, ମଥିଶା ପଥରିନା ଏବଂ ମୁକେଶ ଚୌଧୁରୀ।

ରାଜସ୍ଥାନ ରୟାଲ୍ସ ଏକାଦଶ ଖେଳାଳି: ଯଶସ୍ୱୀ ଜୟସ୍ଵାଲ, ଜୋସ୍ ବଟଲର, ସଞ୍ଜୁ ସାମସନ (କ୍ୟାପଟେନ ଏବଂ ୱିକେଟ୍ କିପର), ଦେବଦତ୍ତ ପାଡିକ୍କାଲ, ଶିମ୍ରନ୍ ହେଟମିୟର, ରିୟାନ୍ ପରାଗ, ରବିଚନ୍ଦ୍ରନ୍ ଅଶ୍ୱିନ୍, ଟ୍ରେଣ୍ଟ ବୋଲ୍ଟ, ପ୍ରସିଦ୍ଧ କୃଷ୍ଣ, ୟୁଜଭେନ୍ଦ୍ର ଚହଲ, ଓବେଦ ମ୍ୟାକକୋଇ।

Categories
ଅପରାଧ ବିଶେଷ ଖବର

ଦିଲ୍ଲୀରୁ ମୁମ୍ବାଇ ପର୍ଯ୍ୟନ୍ତ କଂଗ୍ରେସ ନେତା କାର୍ତ୍ତି ଚିଦାମ୍ବରମଙ୍କ ୯ ଟି ସ୍ଥାନରେ ସିବିଆଇର ଚଢାଉ

ନୂଆଦିଲ୍ଲୀ: କେନ୍ଦ୍ରୀୟ ଅନୁସନ୍ଧାନ ଏଜେନ୍ସି (ସିବିଆଇ) ଆଜି ପୂର୍ବାହ୍ନରୁ ପୂର୍ବତନ କେନ୍ଦ୍ର ମନ୍ତ୍ରୀ ପି ଚିଦାମ୍ବରମଙ୍କ ପୁଅ ତଥା କଂଗ୍ରେସ ନେତା କାର୍ତ୍ତି ଚିଦାମ୍ବରମଙ୍କ ବିଭିନ୍ନ ସ୍ଥାନରେ ଚଢାଉ କରୁଛି। କାର୍ତ୍ତିଙ୍କ ଘର ଏବଂ କାର୍ଯ୍ୟାଳୟ ସମେତ ସିବିଆଇ ଅନେକ ସ୍ଥାନରେ ଚଢାଉ କରିଛି। ସୂଚନାନୁସାରେ ୨୦୧୦-୧୪ ମଧ୍ୟରେ କାରବାର ଏବଂ ଟଙ୍କା ଫେରସ୍ତ ଅଭିଯୋଗରେ ସିବିଆଇ କାର୍ତ୍ତି ଚିଦାମ୍ବରମଙ୍କ ବିରୋଧରେ ଏକ ନୂଆ ମାମଲା ରୁଜୁ କରିଛି। ମୁମ୍ବାଇ, ଦିଲ୍ଲୀ ଏବଂ ତାମିଲନାଡୁର ସାତୋଟି ସ୍ଥାନରେ ଚଢାଉ ଜାରି ଚାଲିଛି।

ସିବିଆଇ ସୂତ୍ରରୁ ପ୍ରକାଶ ଯେ, କାର୍ତ୍ତି ଚିଦାମ୍ବରମ ଏବଂ ତାଙ୍କ ସହଯୋଗୀଙ୍କ ବିରୋଧରେ ବିଭିନ୍ନ ଅପରାଧିକ ବିଭାଗ ଅଧୀନରେ ଏକ ମାମଲା ରୁଜୁ ହୋଇଛି। ତାଙ୍କ ପ୍ରଭାବରେ ଚୀନ୍ କମ୍ପାନୀର ଲୋକଙ୍କୁ ଭିସା ଦିଆଯାଇଥିଲା। ଏହି ଭିସା ପାଇଁ କାର୍ତ୍ତି ୫୦ ଲକ୍ଷ ଟଙ୍କା ନେଇଥିବାର ଅଭିଯୋଗ ରହିଛି। ସେତେବେଳେ ତାଙ୍କ ପିତା କେନ୍ଦ୍ର ଗୃହମନ୍ତ୍ରୀ ଥିଲେ। ଏହି ମାମଲା ୨୦୧୧ ମସିହାରେ ହୋଇଛି। ତେବେ ସିବିଆଇ ଚଢାଉ ପରେ କାର୍ତ୍ତି ଚିଦାମ୍ବରମ୍ କେନ୍ଦ୍ରୀୟ ଅନୁସନ୍ଧାନ ଏଜେନ୍ସିକୁ ଟାର୍ଗେଟ କରିଛନ୍ତି। ସେ ଟ୍ୱିଟ୍ କରି କହିଛନ୍ତି ଯେ, ଏହି ଚଢାଉ କେତେଥର ହୋଇଛି, ମୁଁ ଗଣିବାକୁ ଭୁଲିଗଲି। ଏହା ନିଶ୍ଚିତ ଭାବରେ ଏକ ରେକର୍ଡ ହେବ।

Categories
ଆଜିର ଖବର ଖେଳ ଜାତୀୟ ଖବର

ଆଇପିଏଲ୍-୨୦୨୧: ଦର୍ଶକଙ୍କୁ ମିଳିଲା ଅନୁମତି, ମୁମ୍ବାଇ ଏବଂ ଚେନ୍ନାଇ ମଧ୍ୟରେ ଖେଳାଯିବ ପ୍ରଥମ ମ୍ୟାଚ

ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ ର ୧୪ ତମ ସଂସ୍କରଣର ଦ୍ୱିତୀୟ ପର୍ଯ୍ୟାୟ ଆରମ୍ଭ ପୂର୍ବରୁ ଦର୍ଶକଙ୍କ ପାଇଁ ଏକ ଖୁସି ଖବର ଆସିଛି। ସେପ୍ଟେମ୍ବର ୧୯ ତାରିଖରୁ ସଂଯୁକ୍ତ ଆରବ ଏମିରେଟ୍ସ (ୟୁଏଇ) ରେ ଆରମ୍ଭ ହୋଇଥିବା ଆଇପିଏଲ୍ ୨୦୨୧ ର ଦ୍ୱିତୀୟ ପର୍ଯ୍ୟାୟରେ ଦର୍ଶକଙ୍କୁ ଷ୍ଟାଡିୟମକୁ ଆସିବାକୁ ଅନୁମତି ଦିଆଯାଇଛି। ଇଣ୍ଡିଆନ୍ ପ୍ରିମିୟର ଲିଗର ଆୟୋଜକମାନେ ଏହି ସୂଚନା ଦେଇଛନ୍ତି।

ପ୍ରଶଂସକମାନେ ସେପ୍ଟେମ୍ବର ୧୬ ତାରିଖରୁ ଅନଲାଇନରେ ମ୍ୟାଚ୍ ଟିକେଟ୍ କିଣିବାକୁ ସକ୍ଷମ ହେବେ। ଆଇପିଏଲ୍ ର ଅଫିସିଆଲ୍ ୱେବସାଇଟ୍ (www.iplt20.com) ରୁ ଟିକେଟ କ୍ରୟ କରାଯାଇପାରିବ।

ଉଲ୍ଲେଖ ଯୋଗ୍ୟ ଯେ, ଦ୍ୱିତୀୟାର୍ଦ୍ଧରେ ଆଇପିଏଲର ୩୧ ଟି ମ୍ୟାଚ୍ ଖେଳାଯିବ, ଯାହା ଦୁବାଇ, ଶାରଜା ଏବଂ ଆବୁଧାବିରେ ସୀମିତ ଦର୍ଶକଙ୍କ ସହିତ ଖେଳାଯିବ। ଏହି ସମୟରେ କୋଭିଡ ପ୍ରୋଟୋକଲ ଏବଂ ୟୁଏଇ ସରକାରଙ୍କ ନିୟମ ପାଳନ କରାଯିବ।

ଆଇପିଏଲ୍ ୨୦୨୧ ର ଦ୍ୱିତୀୟାର୍ଦ୍ଧରେ, କୋଭିଡ୍ ପ୍ରୋଟୋକଲ୍ ପରେ ଦୁବାଇ, ଆବୁଧାବି ଏବଂ ଶାରଜାରେ ଦର୍ଶକଙ୍କୁ ମ୍ୟାଚ୍ ଦେଖିବାକୁ ଅନୁମତି ଦିଆଯାଇଛି। ତେବେ କେତେ ପ୍ରତିଶତ ଦର୍ଶକ ଷ୍ଟାଡିୟମରେ ପ୍ରବେଶ କରିବେ ସେନେଇ କିଛି କୁହାଯାଇ ନାହିଁ।

କରୋନା କାରଣରୁ ପ୍ରଥମ ପର୍ଯ୍ୟାୟ ସ୍ଥଗିତ ରଖାଯାଇଥିଲା:

ଆଇପିଏଲ-୨୦୨୧ କିଛି ଖେଳାଳି କରୋନା ସଂକ୍ରମିତ ହେବା ପରେ ପ୍ରଥମ ପର୍ଯ୍ୟାୟ ସ୍ଥଗିତ ରଖାଯାଇଥିଲା। ଆଇପିଏଲ୍ ୨୦୨୧ ନିଜେ ଏପ୍ରିଲରେ ଆରମ୍ଭ ହୋଇଥିଲା। କିନ୍ତୁ ଖେଳାଳିମାନେ ସଂକ୍ରମିତ ହେବା ପରେ ଏହାକୁ ସ୍ଥଗିତ ରଖାଯାଇଥିଲା। ବର୍ତ୍ତମାନ ଟୁର୍ଣ୍ଣାମେଣ୍ଟ ସେପ୍ଟେମ୍ବର ୧୯ ତାରିଖରୁ ପୁଣି ଥରେ ଆରମ୍ଭ ହେବ।

ପ୍ରଥମ ମ୍ୟାଚ୍ ମୁମ୍ବାଇ ଏବଂ ଚେନ୍ନାଇ ମଧ୍ୟରେ ଖେଳାଯିବ:

ଆସନ୍ତୁ ଆପଣଙ୍କୁ କହିବାକୁ ଗଲେ ୟୁଏଇରେ ଖେଳାଯିବାକୁ ଥିବା ଆଇପିଏଲ୍ ୨୦୨୧ ର ଦ୍ୱିତୀୟ ପର୍ଯ୍ୟାୟର ପ୍ରଥମ ମ୍ୟାଚ୍ ଚେନ୍ନାଇ ସୁପର କିଙ୍ଗସ୍ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯିବ। ଆଇପିଏଲ୍ ୨୦୨୧ର ଅବଶିଷ୍ଟ ୩୧ ଟି ମ୍ୟାଚ୍ ଦ୍ୱିତୀୟ ପର୍ଯ୍ୟାୟରେ ଖେଳାଯିବ। ଲିଗ୍ ର ଅନ୍ତିମ ମ୍ୟାଚ୍ ଅକ୍ଟୋବର ୧୫ ତାରିଖରେ ଖେଳାଯିବ।

Categories
ଆଜିର ଖବର ଖେଳ ଜାତୀୟ ଖବର

ଫର୍ମକୁ ଫେରିଲେ ରୋହିତ ଶର୍ମା: ପ୍ରଥମ ଦିନ ଶେଷ ସୁଦ୍ଧା ଇଂଲଣ୍ଡ ବିପକ୍ଷରେ ଭାରତ ୩୦୦/୬

ଚେନ୍ନାଇ: ଦ୍ଵିତୀୟ ଟେଷ୍ଟର ପ୍ରଥମ ଦିନ ଶେଷ ସୁଦ୍ଧା ଭାରତ ୬ ୱିକେଟ ହରାଇ ଇଂଲଣ୍ଡ ବିପକ୍ଷରେ ୩୦୦ ରନ ସଂଗ୍ରହ କରିଛି। ଟସ ଜିତି ଘରୋଇ ଦଳ ପ୍ରଥମେ ବ୍ୟାଟିଂ ଆରମ୍ଭ କରିଥିଲା। ପ୍ରାରମ୍ଭିକ ବ୍ୟାଟ୍ସମ୍ୟାନ ଶୁଭମାନ ଗିଲ କୌଣସି ରନ କରିବା ପୂର୍ବରୁ ଓଲ୍ଲୀ ଷ୍ଟୋନଙ୍କ ବଲରେ ଏଲବିଡବ୍ଲୁ  ଆଉଟ ହୋଇଥିଲେ। ତାଙ୍କ ସ୍ଥାନ ପୂରଣ କରିବାକୁ ଚେତେଶ୍ଵର ପୂଜାରା ପଡ଼ିଆକୁ ଆସିଥିଲେ। ହେଲେ ସେ ଜ୍ୟାକ ଲିଚଙ୍କ ବଲରେ ମାତ୍ର ୨୧ ରନ କରି ଆଉଟ ହୋଇଯାଇଥିଲେ। ପରେ ଅଧିନାୟକ ବିରାଟ କୋହଲୀ ବ୍ୟାଟିଂରେ ବିଫଳ ହୋଇ ଶୂନ୍ୟରେ ଆଉଟ ହୋଇଥିଲେ।

ଭାରତ ୮୬ ରନରେ ୩ ଟି ୱିକେଟ ହରାଇ ବିପଦରେ ପଡିଥିବା ବେଳେ ପ୍ରାରମ୍ଭିକ ବ୍ୟାଟ୍ସମ୍ୟାନ ରୋହିତ ଶର୍ମା ଏବଂ ଅଜିଙ୍କ୍ୟ ରାହାଣେ ଦଳ ପାଇଁ ୧୬୨ ରନ ଯୋଡ଼ିଥିଲେ। ରୋହିତ ୧୬୧ ରନରେ ଜ୍ୟାକ ଲିଚଙ୍କ ବଲରେ ଏବଂ ଅଜିଙ୍କ୍ୟ ମୋଇନ ଅଲିଙ୍କ ବଲରେ ଆଉଟ ହୋଇ ପ୍ୟାଭିଲିଅନ ଫେରିଥିଲେ।

ପ୍ରଥମ ଦିବସ ଖେଳ ଶେଷ ସୁଦ୍ଧା ୱିକେଟ କିପର ରିଷଭ ପନ୍ତ  ୩୩ ରନ ଏବଂ ଅକ୍ସର ପଟେଲ ୫ ରନ କରି ବ୍ୟାଟିଂ ଜାରି ରଖିଛନ୍ତି। ତା’ ପୂର୍ବରୁ ରବିଚନ୍ଦ୍ରନ ଅଶ୍ଵିନୀ ମାତ୍ର ୧୩ ରନ କରି ଜୋ ରୁଟଙ୍କ ବଲରେ ଆଉଟ ହୋଇଯାଇଥିଲେ।

ଇଂଲଣ୍ଡ ପକ୍ଷରୁ ଜ୍ୟାକ ଲିଚ ଏବଂ ମୋଇନ ଅଲି ୨ ଟି ଲେଖାଏଁ ୱିକେଟ ଅକ୍ତିଆର କରିଥିବା ବେଳେ ଓଲ୍ଲୀ ଷ୍ଟୋନ ଏବଂ ଜୋ ରୁଟ ୧ ଟି ଲେଖାଏଁ ୱିକେଟ ହାସଲ କରିଛନ୍ତି।

Categories
ଆଜିର ଖବର ଖେଳ ଜାତୀୟ ଖବର

ପ୍ରଥମ ଟେଷ୍ଟ: ୨୨୭ ରନରେ ଭାରତକୁ ହରାଇଲା ଭ୍ରମଣକାରୀ ଇଂଲଣ୍ଡ ଦଳ

ଚେନ୍ନାଇ: ଭାରତ-ଇଂଲଣ୍ଡ ମଧ୍ୟରେ ଚାଲିଥିବା ପ୍ରଥମ ଟେଷ୍ଟରେ ଭ୍ରମଣକାରୀ ଦଳ ବିଜୟ ଲାଭ କରିଛି। ଇଂଲଣ୍ଡ ପ୍ରଥମ ଇନିଂସରେ ୫୭୮ ରନ ସଂଗ୍ରହ କରିଥିଲା। ଜବାବରେ ବିରାଟ ବାହିନୀ ପ୍ରଥମ ଇନିଂସରେ ମାତ୍ର ୩୩୭ ରନ କରିବାକୁ ସକ୍ଷମ ହୋଇଥିଲା। ଫଳରେ ଇଂଲଣ୍ଡ ଦଳ ପ୍ରଥମ ଇନିଂସରେ ୨୪୧ ରନରେ ଅଗ୍ରଣୀ ରହିଥିଲା।

ଭାରତକୁ ଫାଲୋଅନ ନ ଦେଇ ଇଂଲଣ୍ଡ ଦ୍ଵିତୀୟ ଇନିଂସରେ ବ୍ୟାଟିଂ ଆରମ୍ଭ କରିଥିଲା। ଦ୍ଵିତୀୟ ଇନିଂସରେ ଇଂଲଣ୍ଡ ମାତ୍ର ୧୭୮ ରନରେ ସମସ୍ତ ୱିକେଟ ହରାଇଥିଲା ଏବଂ ଭାରତକୁ ବିଜୟ ପାଇଁ ୪୨୦ ରନର ଲକ୍ଷ୍ୟ ଦେଇଥିଲା। ହେଲେ ଭାରତ ଆଜି ପଞ୍ଚମ ଦିନରେ ସମସ୍ତ ୱିକେଟ ହରାଇ ୧୯୨ ରନରେ ସୀମିତ ରହିଥିଲା। ଯାହାଫଳରେ ଭ୍ରମଣକାରୀ ଇଂଲଣ୍ଡ ଦଳ ୨୨୭ ରନ ବ୍ୟବଧାନରେ ବିଜୟ ଲାଭ କରିଛି।

ଭାରତ ପକ୍ଷରୁ ଅଧିନାୟକ ବିରାଟ କୋହଲୀ ସର୍ବାଧିକ ୭୨ ରନ କରିଥିବା ବେଳେ ଶୁବମାନ ଗିଲ ୫୦ ରନ ସଂଗ୍ରହ କରିଥିଲେ। ଏହି ଦୁଇ ଜଣଙ୍କ ବ୍ୟତୀତ ଅନ୍ୟ କୌଣସି ଖେଳାଳି ଭଲ ଖେଳ ପ୍ରଦର୍ଶନ କରିବାରେ ସକ୍ଷମ ହୋଇପାରିନଥିଲେ।

ଇଂଲଣ୍ଡ ପକ୍ଷରୁ ଜ୍ୟାକ ଲିଚ ସର୍ବାଧିକ ୪ ଟି ୱିକେଟ ନେଇଥିବା ବେଳେ ଜେମ୍ସ ଆଣ୍ଡର୍ସନ ୩ ଟି ଏବଂ ଯୋଫ୍ରା ଆର୍ଚର, ଡମ ବେସ ଏବଂ ବେନ ଷ୍ଟ୍ରୋକ୍ସ ୧ ଟି ଲେଖାଏଁ ୱିକେଟ ଅକ୍ତିଆର କରିଥିଲେ।

Categories
ଆଜିର ଖବର ଜାତୀୟ ଖବର

ଅଗଷ୍ଠ 10 ତାରିଖରୁ ଛୋଟ ଛୋଟ ଧର୍ମ ଅନୁଷ୍ଠାନ ଖୋଲିବା ପାଇଁ ମୁଖ୍ୟମନ୍ତ୍ରୀ ଦେଲେ ନିର୍ଦ୍ଦେଶ

ଚେନ୍ନାଇ, ଦୀର୍ଘ ଦିନ ଧରି ଧର୍ମ ଅନୁଷ୍ଠାନ ବନ୍ଦ ରହିବା ପରେ ଏବେ ତାମିଲନାଡୁ ସରକାର ନୂଆ ଘୋଷଣା କରିଛନ୍ତି। ତାହା ହେଲା ଆସନ୍ତା 10 ତାରିଖରୁ ରାଜ୍ୟରେ ଥିବା ଛୋଟ ଛୋଟ ଧର୍ମ ଅନୁଷ୍ଠାନ ପୂଜା ପାଇଁ ଖୋଲାଯିବ।ଏହା କହିଛନ୍ତି ତାମିଲନାଡୁ ମୁଖ୍ୟମନ୍ତ୍ରୀ କେ. ପିଲାନିସ୍ବାମୀ। ଏକ ପ୍ରେସ ବିଜ୍ଞପ୍ତିରେ କୁହାଯାଇଛି ଯେ, ଯେଉଁ ଧର୍ମ ଅନୁଷ୍ଠାନର ବାର୍ଷକ ଆୟ 10 ହଜାରରୁ କମ ହୋଇଥିବ ସେହି ଅନୁଷ୍ଠାନ ଖୋଲାଯିବ।

କୋଭିଡ19 ସଂକ୍ରାମଣ ଭୟରେ ସବୁ ରାଜ୍ୟ ସରକାରଙ୍କ ପରି ତାମିଲନାଡୁ ସରକାର ମଧ୍ୟ ସବୁ ଧର୍ମାନୁଷ୍ଠାନ ବନ୍ଦ କରିଥିଲେ। ତେବେ ଏତେଦିନ ଧରି ପୂଜାପାଠ ବନ୍ଦ ରହିବା ଯୋଗୁଁ ବିଭିନ୍ନ ସ୍ଥାନରେ ଅସନ୍ତୋଷ ସୃଷ୍ଟି ହେଲା। ତାହାକୁ ନଜରରେ ରଖି ସରକାର ଏହି ପଦକ୍ଷେପ ନେଇଛନ୍ତି। ବଡ ମନ୍ଦିର ଖୋଲାଗଲେ ସେଠାରେ ଭିଡ ହେବାର ସମ୍ଭାବନା ଥିବାରୁ ସରକାର ପ୍ରଥମେ ଏହି ଛୋଟଛୋଟ ଧର୍ମ ଅନୁଷ୍ଠାନ ଖୋଲିବା ପାଇଁ ନିର୍ଦ୍ଦେଶ ଦେଇଛନ୍ତି।