Categories
ଆଜିର ଖବର ଜାତୀୟ ଖବର

ବିହାରର ପ୍ରସିଦ୍ଧ ବିଲଡର ଗବୁ ସିଂଙ୍କ ଅନେକ ସ୍ଥାନରେ ଚଢାଉ, ଜେଡ଼ିୟୁ ଅଧ୍ୟକ୍ଷ ଲଲନ ସିଂଙ୍କ ଘନିଷ୍ଠ

ପାଟନା: ବିହାରରେ ସିବିଆଇ, ଇଡି, ଆୟକର ଦ୍ୱାରା ଦୁର୍ନୀତିଗ୍ରସ୍ତଙ୍କ ବିରୋଧରେ ନିରନ୍ତର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ପାଟନାରେ ପୁଣି ଥରେ ଇନକମ ଟ୍ୟାକ୍ସ ବିହାରର ପ୍ରସିଦ୍ଧ ବିଲଡର ତଥା ବ୍ୟବସାୟୀ ଗବୁ ସିଂଙ୍କ ଘରେ ଚଢାଉ କରିଛି। ଏହି ଚଢାଉ ଅନେକ ସ୍ଥାନରେ ଏକାସାଙ୍ଗରେ କରାଯାଉଛି। ଗବୁ ସିଂ ମଧ୍ୟ ବିହାରର ଅନେକ ଶାସକ ଦଳର ନେତାଙ୍କ ସହ ଅତି ନିକଟତର ବୋଲି କୁହାଯାଉଛି। ଗବୁ ସିଂଙ୍କର ମଧ୍ୟ ଏକ ରାଜନୈତିକ ପୃଷ୍ଠଭୂମି ରହିଛି।

ବିଲଡର ତଥା ବ୍ୟବସାୟୀ ଗବୁ ସିଂଙ୍କ ଘର ପାଟଣାର ଶିବପୁରୀ ଅଞ୍ଚଳରେ। କୁହାଯାଉଛି ଯେ, ଏହି ଆୟକର ଚଢାଉ ବିଳମ୍ବିତ ରାତି ପର୍ଯ୍ୟନ୍ତ ହୋଇପାରେ। ଏହି କାର୍ଯ୍ଯାନୁଷ୍ଠାନ ପାଇଁ ଆୟକର ଦଳ ସକାଳେ ପହଞ୍ଚିଛନ୍ତି। ବର୍ତ୍ତମାନ ଚଢାଉ ଜାରି ରହିଛି। ସୂଚନା ମୁତାବକ ଝାଡଖଣ୍ଡ ଆୟକର ବିଭାଗର ଦଳ ମଧ୍ୟ ପାଟନାରେ ପହଞ୍ଚିଛି।

କୁହାଯାଉଛି ଯେ ଗବୁ ସିଂ ଜେଡିୟୁର ରାଷ୍ଟ୍ରୀୟ ସଭାପତି ଲଲନ ସିଂଙ୍କ ସହ ଅତି ନିକଟତର। ଗବୁ ସିଂ ଜେଡିୟୁ ସହିତ ଜଡିତ। ପାଟଣାର ବୋରିଙ୍ଗ ରୋଡରେ ଥିବା ଗବୁ ସିଂଙ୍କ କାର୍ଯ୍ୟାଳୟ ଗୋବିନ୍ଦା କଂଷ୍ଟ୍ରକସନରେ ଚଢାଉ କରାଯାଇଛି। ଲଲନ ସିଂଙ୍କ ନିକଟତର ହେବା ପ୍ରସଙ୍ଗରେ ତାଙ୍କ ପକ୍ଷରୁ କୌଣସି ପ୍ରତିକ୍ରିୟା ନାହିଁ।

Categories
ଆଜିର ଖବର ଜାତୀୟ ଖବର

ଆଜି ଶପଥ ଗ୍ରହଣ: ସାତୋଟି ଦଳର ନେତୃତ୍ଵ ନେବେ ନୀତୀଶ କୁମାର

ପାଟନା: ଜେଡିୟୁ ନେତା ନୀତୀଶ କୁମାର ଆଜି ଅଷ୍ଟମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ଆରଜେଡି ନେତା ତେଜସ୍ୱୀ ଯାଦବ ଉପ-ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିପାରନ୍ତି। ଅପରାହ୍ନ ୨ ଟାରେ ରାଜ ଭବନରେ ଏହି ଶପଥ ଗ୍ରହଣ ସମାରୋହ ଅନୁଷ୍ଠିତ ହେବ। ପରେ ଦୁଇ ସଦସ୍ୟ ବିଶିଷ୍ଟ କ୍ୟାବିନେଟରେ ଅଧିକ ମନ୍ତ୍ରୀଙ୍କୁ ଅନ୍ତର୍ଭୁକ୍ତ କରାଯିବ ବୋଲି ସୂତ୍ରରୁ ପ୍ରକାଶ। ବିଜେପି ନେତୃତ୍ୱାଧୀନ ଏନଡିଏ ଛାଡି କୁମାର ଅଷ୍ଟମ ଥର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ। ସେ ସାତୋଟି ଦଳର ଏକ ମିଳିତ ମେଣ୍ଟର ନେତୃତ୍ୱ ନେବେ।

Categories
ଆଜିର ଖବର ଜାତୀୟ ଖବର

ବିଜେପିରେ ଯୋଗଦେଲେ ଜେଡିୟୁ ନେତା କେସି ତ୍ୟାଗୀଙ୍କ ପୁଅ ଅମ୍ରିଶ

ନୂଆଦିଲ୍ଲୀ: ଜନତା ଦଳ ୟୁନାଇଟେଡ (ଜେଡିୟୁ) ର ଜାତୀୟ ସାଧାରଣ ସମ୍ପାଦକ କେସି ତ୍ୟାଗୀଙ୍କ ପୁଅ ଅମ୍ରିଶ ତ୍ୟାଗୀ ଆଜି ଉତ୍ତରପ୍ରଦେଶ ଉପମୁଖ୍ୟମନ୍ତ୍ରୀ ଦୀନେଶ ଶର୍ମା ଏବଂ ଦଳର ଅନ୍ୟ ବରିଷ୍ଠ ନେତାଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଛନ୍ତି। ଭାରତୀୟ ଜନତା ପାର୍ଟିର ସଦସ୍ୟତା ଗ୍ରହଣ କରିବା ପରେ ଅମ୍ରିଶ କହିଛନ୍ତି ଯେ, ତାଙ୍କ ଦଳର ‘ସବକା ସାଥ, ସବକା ବିକାଶ, ସବକା ବିଶ୍ଵାସର ମୂଳ ମନ୍ତ୍ର ଉପରେ ବିଶ୍ୱାସ ରହିଛି।

“ମୋ ବାପାଙ୍କ ଦଳ ଜେଡି (ୟୁ) ବିଜେପି ନେତୃତ୍ୱାଧୀନ ନ୍ୟାସନାଲ ଡେମୋକ୍ରାଟିକ୍ ଆଲାଏନ୍ସ (ଏନଡିଏ) ର ଏକ ଅଂଶ। ତେଣୁ ମୁଁ ଯଦି ମୋ ବାପାଙ୍କ ପାର୍ଟିରେ ଯୋଗ ଦେଇଥାନ୍ତି, ତେବେ ପରିବାରବାଦର ଅଭିଯୋଗ ହୋଇଥାନ୍ତା। ସେଥିପାଇଁ ମୁଁ ବିଜେପିକୁ ବାଛିଲି। ”ଅମ୍ରିଶ କହିଛନ୍ତି ଯେ, ସେ ନିଜେ ବିଜେପିରେ ଯୋଗଦେବା ପାଇଁ ନିଷ୍ପତ୍ତି ନେଇଛନ୍ତି। ଏଥିପାଇଁ ତାଙ୍କ ପିତା ନିଜେ ଅନୁମତି ଦେଇଛନ୍ତି।

ଅମ୍ରିଶଙ୍କ ସହ ଅନେକ ନେତା ମଧ୍ୟ ବିଜେପିରେ ଯୋଗ ଦେଇଛନ୍ତି। ଏଥିମଧ୍ୟରେ ସମାଜବାଦୀ ପାର୍ଟି (ଏସପି) ଏବଂ ବାହୁଜନ ସମାଜ ପାର୍ଟି (ବିଏସପି) ର କିଛି ନେତା ଅଛନ୍ତି।

ଉଲ୍ଲେଖ ଯୋଗ୍ୟ ଯେ, ଅମ୍ରିଶ ଦିଲ୍ଲୀ ବିଶ୍ୱବିଦ୍ୟାଳୟର ଶ୍ୟାମା ପ୍ରସାଦ ମୁଖାର୍ଜୀ ମହାବିଦ୍ୟାଳୟର ଛାତ୍ର ସଂଗଠନର ସଭାପତି ମଧ୍ୟ ରହିଛନ୍ତି। ସେ ଓଭଲିନୋ ବିଜନେସ୍ ଇଣ୍ଟେଲିଜେନ୍ସ ପିଭି ଲି ର ଏମଡି ଅଛନ୍ତି। ସେ ବିଭିନ୍ନ ଦଳ ସହିତ ମିଶି ନିର୍ବାଚନ ରଣନୀତି ପ୍ରସ୍ତୁତ କରିବାର କାର୍ଯ୍ୟ ମଧ୍ୟ କରନ୍ତି।