Tag: ଟିକିରା ନଦୀ

କନ୍ଦର୍ପ ବେହେରା
ରେଢ଼ାଖୋଲ: ନାକଟିଦେଉଳ ଥାନା ବାଟଗାଁ ଗ୍ରାମରେ ଜଣେ ମହିଳା ନିଜ ସ୍ବାମୀଙ୍କ ପାଖକୁ ଭାତ ନେଇ ଯାଉଥିବା ବେଳେ ଟିକିରା ନଦୀରେ ବୁଡ଼ି ମୃତ୍ୟୁବରଣ କରିଥିବା ଜଣା ପଡ଼ିଛି।

ପ୍ରକାଶ ଯେ, ନାକଟିଦେଉଳ ଥାନା ବାଟଗାଁ ଗ୍ରାମର ଉମା ମୁଖୀ (୬୦) ସ୍ବାମୀ ଗାଈ ଚରାଉଥିବା ଟିକିରା ନଦୀର ଅପରପାର୍ଶ୍ବକୁ ନଦୀ ପାର ହୋଇ ଭାତ ଧରି ଯାଉଥିବା ବେଳେ ନଦୀରେ ବୁଡ଼ି ପ୍ରାଣ ହରାଇଥିଲେ। ଗତ କାଲି ପରିବାର ଲୋକେ ବହୁ ଖୋଜା ଖୋଜି ପରେ ମହିଳାଙ୍କୁ ପାଇ ନ ଥିଲେ। ଆଜି ମୃତକ ମହିଳାଙ୍କୁ ଟିକିରା ନଦୀରୁ ଉଦ୍ଧାର କରାଯାଇଥିଲା।  ପୋଲିସ୍ ଶବ ଜବତ କରି ବ୍ୟବଚ୍ଛେଦ ପାଇଁ ରେଢ଼ାଖୋଲ ପଠାଇଥିବା ଜଣା ପଡ଼ିଛି।

କନ୍ଦର୍ପ ବେହେରା
ରେଢାଖୋଲ: ଆଜି ଭୋରରୁ ବାଟଗାଁ ନିକଟସ୍ଥ ଟିକିରା ନଦୀରେ ସ୍ନାନ କରୁଥିବା ବେଳେ ଜଣେ ଯୁବକ ମୃତ୍ୟୁବରଣ କରଥିବା ଜଣା ପଡିଛି।

ପ୍ରକାଶ ଯେ, ନାକଟିଦେଉଳ ଥାନା ବାଟଗାଁ ଗ୍ରାମର ଝସକେତନ ଦେହୁରୀ (୩୦) ନାମକ ଯୁବକ କୁଞାମୁରା ଶିବ ମନ୍ଦିର ରେ ମନସ୍କାମନା ପୂରଣ ପାଇଁ କିଛି ଦିନ ହେଲା ଅଧିଆ ପଡିଥିଲେ। ଆଜି ଭୋରରୁ ସେ ସ୍ନାନ କରିବା ପାଇଁ ଟିକିରା ନଦୀ କୂଳକୁ ଯାଇଥିବା ବେଳେ ନଦୀରେ ଭାସି ଯାଇଥିଲେ। ଗାଁ ଲୋକେ ସଙ୍ଗେ ସଙ୍ଗେ ପୋଲିସ, ଦମକଳ ବାହିନୀକୁ ଖବର ଦେଇଥିଲେ। ପୋଲିସ୍ ଓ ଦମକଳ ବାହିନୀ ଯାଇ ଶବ କୁ ଉଦ୍ଧାର କରିଥିଲେ।

ପୋଲିସ୍ ଏକ ଅପମୃତ୍ୟୁ ମାମଲା ରୁଜୁ କରିବା ସହ ଶବ ବ୍ୟବଚ୍ଛେଦ ପାଇଁ ରେଢାଖୋଲ ଡାକ୍ତରଖାନାକୁ ପଠାଇଥିବା ଜଣା ପଡିଛି। ମୃତ ପରିବାରକୁ ସରକାରଙ୍କ ତରଫରୁ କ୍ଷତିପୂରଣ ଦେବାକୁ ଗ୍ରାମବାସୀ ଦାବୀ କରିଛନ୍ତି। ସେପଟେ ନାକଟିଦେଉଳ ତହସିଲ୍‌ଦାର ପଚାରିବାରୁ ମୁଁ ଏହାର ତଦନ୍ତ ଆର.ଆଇକୁ କରିବାକୁ କହିଛି ଏବଂ ମୁଁ ଏହାର ତଦନ୍ତ କଲାପରେ ସରକାରଙ୍କ ନିୟମ ଅନୁଯାୟୀ ସହଯୋଗ ମିଳିବ ବୋଲି ତହସିଲ୍‌ଦାର ସୁକାନ୍ତ ନାଏକ ପ୍ରକାଶ କରିଛନ୍ତି।

କନ୍ଦର୍ପ ବେହେରା
ରେଢାଖୋଲ: ନାକଟିଦେଉଳ ଥାନା ବାଟଗାଁ ପଂଚାୟତ କେଲୋବେନି ଗ୍ରାମର ଜନୈକ ଯୁବକ ସାଙ୍ଗ ମାନଙ୍କ ସହ ଭୋଜି କରିବାକୁ ଯାଇ ପାଣିରେ ବୁଡିବା ଭଳି ଘଟଣା ଖବର ହସ୍ତଗତ ହୋଇଛି।

ପ୍ରକାଶ ଯେ, ସମ୍ବଲପୁର ଜିଲ୍ଲା ନାକଟିଦେଉଳ ଥାନା ବାଟଗାଁ ପଂଚାୟତର କେଲୋବେନୀ ଗ୍ରାମର ଧନୁ ଧଳଙ୍କ ପୁତ୍ର ଅମିତ ଧଳ(୨୧) ଦୁଇଜଣ ସାଙ୍ଗମାନଙ୍କ ସହ ନିକଟସ୍ଥ ଟିକିରା ନଦୀକୁଳକୁ ଭୋଜିକରିବାକୁ ଯାଇଥିଲେ। ଭୋଜିଭାତ ରାନ୍ଧିସାରିବା ପରେ ଦୁଇଜଣ ସାଙ୍ଗ ସହ ଟିକିରା ନଦୀରେ ଗାଧୋଇବାକୁ ଯାଇ ସେ ନିଖୋଜ ହୋଇଯାଇଥିବା ଜଣା ପଡିଛି।
ପରିବାର ଲୋକେ ଓ ଗ୍ରାମବାସୀ ବହୁସମୟ ଖୋଜାଖୋଜି କରିଥିଲେ ମଧ୍ୟ ନିଖୋଜ ଅମିତକୁ ପାଇ ନ ଥିଲେ। ନାକଟିଦେଉଳ ଦମକଳ ବାହିନୀ ମଧ୍ୟ ଘଟଣା ସ୍ଥଳକୁ ଯାଇ ସଂଧ୍ୟା ପର୍ଯ୍ୟନ୍ତ ଖୋଜା ଖୋଜି କରିଥିଲେ ହେଲେ କୌଣସି ସନ୍ଧାନ ପାଇ ନ ଥିଲେ। ରାତି ହୋଇଯିବାରୁ ଟିକିରା ନଦୀରେ ଖୋଜିବା ସଂଭବ ନ ହେବାରୁ ଦମକଳ ବାହିନୀ ଫେରିଆସିଥିଲା। ଆସନ୍ତା କାଲି ପୁଣି ନିଖୋଜ ଯୁବକକୁ ଗ୍ରାମବାସୀ ଓ ଦମକଳ ବାହିନୀ ଖୋଜିବେ ବୋଲି ଜଣା ପଡିଛି।