Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ଦୁର୍ଗା ପୂଜାରେ ଅବହେଳା!: ପଶ୍ଚିମବଙ୍ଗରେ ଦ୍ୱିଗୁଣିତ ହେଲା କରୋନା ମାମଲା

କୋଲକାତା: ଦେଶରେ ପୁଣି ଥରେ କରୋନା ଭାଇରସ ହେବାର ଆଶଙ୍କା ବଢିପାରେ। ସ୍ୱାସ୍ଥ୍ୟ ବିଭାଗ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ପଶ୍ଚିମବଙ୍ଗରେ ୮୪୬ ଟି ନୂଆ କରୋନା ମାମଲା ଚିହ୍ନଟ ହୋଇଛି। ଏହି ସମୟରେ ୧୨ ଜଣ ସଂକ୍ରମିତ ମଧ୍ୟ ମୃତ୍ୟୁ ବରଣ କରିଛନ୍ତି। ଏଥି ସହିତ ରାଜ୍ୟରେ ସକରାତ୍ମକତା ହାର ମଧ୍ୟ ଦ୍ରୁତ ଗତିରେ ବୃଦ୍ଧି ପାଉଛି। ବଙ୍ଗଳାରେ, ଯେଉଁଠାରେ ଅଗଷ୍ଟ ୨୦ ତାରିଖରେ କରୋନା ପଜିଟିଭିଟି ହାର ମାତ୍ର ୧.୬ ପ୍ରତିଶତ ଥିଲା, ସେପ୍ଟେମ୍ବର ୨୦ ତାରିଖରେ ଏହା ୧.୯ ପ୍ରତିଶତ ଏବଂ ଅକ୍ଟୋବର ୨୦ ତାରଖରେ ୨.୪ ପ୍ରତିଶତକୁ ବୃଦ୍ଧି ହୋଇଛି।

ଏହା ବ୍ୟତୀତ କୋଲକାତାରେ ଦୁର୍ଗା ପୂଜା ପର୍ବ ଶେଷ ହେବା ପରେ ସଂକ୍ରମିତ ଗ୍ରାଫ ଦ୍ରୁତ ଗତିରେ ବୃଦ୍ଧି ପାଇଛି। ରାଜ୍ୟରେ କରୋନା ମାମଲା ବାଢୁଥିବାରୁ ପୁଣି ଥରେ ସହରର କ୍ଵାରେଣ୍ଟିନ୍ କେନ୍ଦ୍ର ଖୋଲା ଯାଉଛି। ରାଜ୍ୟ ପ୍ରକାଶ କରିଥିବା ତଥ୍ୟ ଅନୁଯାୟୀ ଶୁକ୍ରବାର ଦିନ କୋଲକାତାରେ ୨୪୨ ନୂତନ ସଂକ୍ରମିତ ଚିହ୍ନଟ ହୋଇଥିବା ଜଣାପଡିଛି। ପୂର୍ବରୁ ଏହି ସଂଖ୍ୟା ୧୨୭ ଥିଲା। ନୂତନ ସଂକ୍ରମିତଙ୍କ ମଧ୍ୟରୁ ୧୫୦ ଜଣଙ୍କୁ ଉଭୟ ଟିକା ଦିଆଯାଇଥିବା ବେଳେ ୧୫ ଜଣ ପ୍ରଥମ ଡୋଜ ନେଇଛନ୍ତି।

ଏଥି ସହିତ, ଅଧିକାରୀମାନେ ବିଶ୍ଵାସ କରନ୍ତି ଯେ କରୋନା ବଢୁଥିବା ମାମଲା ପଛରେ ସବୁଠାରୁ ବଡ କାରଣ ହେଉଛି ଉତ୍ସବର ଆଗମନ। ଗତ ସପ୍ତାହରେ ଦୁର୍ଗା ପୂଜା ଉତ୍ସବରେ ଲୋକମାନେ ସୁରକ୍ଷା ପ୍ରୋଟୋକଲ ପ୍ରତି ଧ୍ୟାନ ଦେଇନଥିଲେ। କୋଲକାତା ମ୍ୟୁନିସିପାଲ କର୍ପୋରେସନ ସ୍ୱାସ୍ଥ୍ୟ ଦାୟିତ୍ୱରେ ଥିବା ଅତିନ ଘୋଷ କହିଛନ୍ତି ଯେ, “ଦୁର୍ଗା ପୂଜାକୁ ଉପଭୋଗ କରିବା ପାଇଁ ରାସ୍ତାରେ ବହୁ ସଂଖ୍ୟକ ଲୋକଙ୍କୁ ଦେଖିବା ପରେ ସମସ୍ତ ସ୍ୱାସ୍ଥ୍ୟ ବିଭାଗର କର୍ମଚାରୀଙ୍କ ଛୁଟି ବାତିଲ କରାଯାଇଥିଲା। ସେ କହିଛନ୍ତି ଯେ, ଏହି ଉତ୍ସବରେ ଅନେକ ଲୋକ ଅଂଶଗ୍ରହଣ କରିଥିଲେ। ଆମେ ବର୍ତ୍ତମାନ ପରିସ୍ଥିତିକୁ ଅନୁଧ୍ୟାନ କରୁଛୁ ଏବଂ ପୁଣି ଥରେ ନିୟମ କଡାକଡି କରିବାକୁ ଚେଷ୍ଟା କରୁଛୁ। ”

ଉଲ୍ଲେଖ ଯୋଗ୍ୟ ଯେ, ରାଜ୍ୟରେ ସାତ ଦିନ ମଧ୍ୟରେ ୪୫୧ ରୁ ୮୩୩ ପର୍ଯ୍ୟନ୍ତ ଦୈନିକ ସଂକ୍ରମଣର ସଂଖ୍ୟା ପହଞ୍ଚିଛି।

Categories
DurgaPuja2021 ଆଜିର ଖବର ଜାତୀୟ ଖବର

ଦୁର୍ଗା ପୂଜା ପାଇଁ ନିର୍ଦ୍ଦେଶନାମା ଜାରି କଲା ପଶ୍ଚିମବଙ୍ଗ ସରକାର

କୋଲକୋତା: ପଶ୍ଚିମବଙ୍ଗ ସରକାର ଦୁର୍ଗା ପୂଜା ପାଇଁ ନିର୍ଦ୍ଦେଶନାମା ଜାରି କରିଛନ୍ତି। ଦୂର୍ଗା ମଣ୍ଡପକୁ ସବୁ ଦିଗରୁ ଖୋଲା ରଖିବା ଉଚିତ ବୋଲି କୁହାଯାଇଛି। କୌଣସି ପ୍ରକାରର ସାଂସ୍କୃତିକ କାର୍ଯ୍ୟକ୍ରମ ଅନୁମୋଦିତ ନୁହେଁ। ପର୍ବ ସମୟରେ ସ୍ୱାସ୍ଥ୍ୟ ଏବଂ ନିରାପତ୍ତାର ଯତ୍ନ ନେବା ଆବଶ୍ୟକ ବୋଲି ନିର୍ଦ୍ଦେଶାବଳୀରେ କୁହାଯାଇଛି।

ନିର୍ଦ୍ଦେଶାବଳୀରେ କ’ଣ କୁହାଯାଇଛି?:

– ପେଣ୍ଡାଲର ଚତୁଃପାର୍ଶ୍ଵ ଖୋଲା ରହିବ
– ପେଣ୍ଡାଲ ଭିତରେ ସାମାଜିକ ଦୂରତା ରହିବ
– ଅଲଗା ପ୍ରବେଶ ଏବଂ ପ୍ରସ୍ଥାନ ଫାଟକ ରହିବ
– ପେଣ୍ଡାଲରେ ମାସ୍କ ଏବଂ ହାତ ସାନିଟାଇଜେସନ୍ ବ୍ୟବସ୍ଥା ବାଧ୍ୟତାମୂଳକ
– ପର୍ଯ୍ୟାପ୍ତ ସଂଖ୍ୟକ ସ୍ୱେଚ୍ଛାସେବୀ ରହିବେ
– ପ୍ରସାଦ ବଣ୍ଟନ ଏବଂ ସିନ୍ଦୁର ଖେଳ କମ ସଂଖ୍ୟକ ଲୋକଙ୍କୁ ନେଇ କରାଯିବ
– ପେଣ୍ଡାଲ ଭିତରେ ସାଂସ୍କୃତିକ କାର୍ଯ୍ୟକ୍ରମ ଅନୁମତି ନାହିଁ
– ଜନସଚେତନତା ପାଇଁ ସୋସିଆଲ ମିଡିଆ ବ୍ୟବହାର କରାଯିବ

ତେବେ ପଶ୍ଚିମବଙ୍ଗର ମହାଳୟ ଅବସରରେ ବୁଧବାର ଦିନ ଲକ୍ଷ ଲକ୍ଷ ଲୋକଙ୍କ ତର୍ପଣ ପରେ ଦୁର୍ଗା ପୂଜା ଆରମ୍ଭ ହୋଇଥିଲା। କୋଭିଡ -୧୯ ମହାମାରୀ ମଧ୍ୟରେ ସାରା ରାଜ୍ୟରେ ଲୋକମାନେ ହୁଗୁଲି ସମେତ ବିଭିନ୍ନ ନଦୀ ଓ ଜଳ କୂଳରେ ସେମାନଙ୍କ ପୂର୍ବପୁରୁଷଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସକାଳେ ‘ମହିଷାସୁର ମର୍ଦ୍ଦିନୀ ସ୍ତୋତ୍ର’ ଅଲ ଇଣ୍ଡିଆ ରେଡିଓରେ ପ୍ରସାରିତ ହୋଇଥିଲା। ଆକାଶବାଣୀରେ ମହିଷାସୁର ମର୍ଦ୍ଦିନୀ ସ୍ତୋତ୍ରର ପ୍ରସାରଣ ୧୯୩୦ ଦଶକରେ ଆରମ୍ଭ ହୋଇଥିଲା ଏବଂ ସେବେଠାରୁ ଏହା ମହାଳୟ ସକାଳେ ପ୍ରସାରିତ ହୋଇଆସୁଛି। ଏହି ସ୍ତୋତ୍ର ଦେବୀ ଦୁର୍ଗାଙ୍କୁ ସମର୍ପିତ।

କୌଣସି ଅଘଟଣକୁ ଏଡାଇବା ପାଇଁ ହୁଗଲି ନଦୀ କୂଳରେ ନଦୀ ଟ୍ରାଫିକ ପୋଲିସ ତୀକ୍ଷ୍ଣ ନଜର ରଖିଛି। କୋଲକାତାର ୧୮ ଘାଟରେ କଡା ସୁରକ୍ଷା ବ୍ୟବସ୍ଥା କରାଯାଇଛନ୍ତି, ଯେଉଁଠାରେ ଲୋକମାନେ ତର୍ପଣ ଦେଉଛନ୍ତି।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ଦୁର୍ଗାପୂଜା ପୂର୍ବରୁ ପୂଜାରୀଙ୍କ କରୋନା ପରୀକ୍ଷା ପାଇଁ ଅନୁରୋଧ କଲେ ସରକାର, ହେଲେ ଏହାକୁ ନେଇ ଅସନ୍ତୋଷ

ଗୌହାଟୀ, ଆସାମ ସରକାର ରାଜ୍ୟର ପୁରୋହିତ ବା ପୂଜାରୀଙ୍କୁ ଦୁର୍ଗା ପୂଜା ପୂର୍ବରୁ ସେମାନଙ୍କର କରୋନା ପରୀକ୍ଷା କରିବାକୁ ଅନୁରୋଧ କରିଛନ୍ତି। କାରଣ ହେଲା ଯଦି ସେମାନେ କରୋନା ଆକ୍ରାନ୍ତ ହୋଇଥିବେ ତେବେ ଭକ୍ତମାନଙ୍କୁ ତାହା ସଂକ୍ରାମିତ କରିବ। ସେଥିପାଇଁ ସମସ୍ତ ପୂଜାରୀ ବା ପୁରୋହିତଙ୍କୁ ଏହି ପରୀକ୍ଷା କରିବା ପାଇଁ ଅନୁରୋଧ କରାଯାଇଛି।

ତେବେ କେତେକ ଜିଲ୍ଲାରେ ପୁରୋହିତମାନେ ଏହି ପରୀକ୍ଷା କରିବାକୁ ରୋକଠୋକ ମନା କରି ଦେଇଛନ୍ତି। ତେବେ ରାଜ୍ୟ ସ୍ବାସ୍ଥ୍ୟ ବିଭାଗ ସେମାନଙ୍କୁ ପରୀକ୍ଷା କରିବା ପାଇଁ ବୁଝାଉଥିବାର ପରିଲକ୍ଷିତ ହୋଇଛି।

ପୁଣି ଏହାକୁ ନେଇ ପୂଜା ଆୟୋଜକମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।  ସେମାନେ କହିଛନ୍ତି ଯେ କମିଟି ଯେଉଁ ପୁରୋହିତଙ୍କୁ ଠିକ୍ କରିଥିବେ ଯଦି ତାଙ୍କର ପଜେଟିଭ ବାହାରିଲା ତେବେ ପୁଣି ଜଣେ ହଠାତ ମିଳିବା କଷ୍ଟକର ହେବ। ସେଥିପାଇଁ ସରକାର ପୂର୍ବରୁ ପରୀକ୍ଷା କରାଇ ନିଅନ୍ତୁ ବୋଲି ପୂଜା କମିଟଗୁଡିକ ଅନୁରୋଧ କରିଛନ୍ତି।

ଆସାମ ସରକାର ସମସ୍ତ ପୂଜାପୀଠକୁ ରାତି 9:30 ରେ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। କିନ୍ତୁ ପୂଜା ତଥା ଅନ୍ୟାନ୍ୟ ପରମ୍ପରାକୁ ଦୃଷ୍ଟିରେ ରଖି ଏହି ସମୟ ସୀମା ବୃଦ୍ଧି କରାଯିବ ବୋଲି ମଧ୍ୟ ନିଷ୍ପତି କରାଯାଇଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର ସଂସ୍କୃତି

୫୮ ବର୍ଷ ପରେ ଏଥର ନବରାତ୍ରରେ ଘଟିବ ଏକ ବିରଳ ସଂଯୋଗ, ଆସନ୍ତାକାଲି ସକାଳେ ଘଟିବ ଏହି ଘଟଣା

କୋଲକାତା, ଆଦିଶକ୍ତି ମା ଦୁର୍ଗାଙ୍କୁ ପୂଜା କରିବାର ପବିତ୍ର ପର୍ବ ୧୭ ଅକ୍ଟୋବର ଶନିବାର ଠାରୁ ଆରମ୍ଭ ହେବ। ଯାହାକୁ କୁହାଯାଏ ନବରାତ୍ର ପୂଜା। ଏହା ସହିତ ଏହି ଦିନ ମଳମାସର ମଧ୍ୟ ସମାପ୍ତ ହେବ। ଏଥର ନବରାତ୍ର ପୂଜା ଏକ ଦୁର୍ଲଭ ସଂଯୋଗରୁ ଶୁଭାରମ୍ଭ ହେବ। ତେଣୁ ଗ୍ରହ ଦୃଷ୍ଟିକୋଣରୁ ଏଥର ଶାରଦୀୟ ନବରାତ୍ରୀ ପୂଜା ବେଶ୍ ଶୁଭ ଏବଂ କଲ୍ୟାଣଦାୟକ ହେବ। ଦେଶର ପ୍ରତିଷ୍ଠିତ ଜ୍ୟୋତିଷ ଗଣନା କରି ଏହା ପ୍ରକାଶ କରିଛନ୍ତି। ନବରାତ୍ରୀ ସମୟରେ ଭକ୍ତମାନେ ନଅ ଦିନ ଘରେ କିମ୍ବା ମନ୍ଦିରରେ ପୂଜା କରି ଦେବୀ ଭଗବତୀଙ୍କ ଆଶୀର୍ବାଦ ଗ୍ରହଣ କରିବେ।

୫୮ ବର୍ଷ ପରେ ଏଥର ନବରାତ୍ରରେ ହେଉଛି ଏକ ବିରଳ ସଂଯୋଗ

ଜ୍ୟୋତିଶାଚାର୍ଯ୍ୟ ଧର୍ମଶ୍ରୀ ଶାସ୍ତ୍ରୀଙ୍କ ଅନୁଯାୟୀ, ଏଥର କେତେକ ଗ୍ରହ ଆଧାରରେ ନବରାତ୍ରରେ ବିଶେଷ ସମନ୍ୱୟ ସୃଷ୍ଟି ହେଉଛି। ତାହା ହେଉଛି, ଅକ୍ଟୋବର ୧୭ ତାରିଖରେ ୫୮ ବର୍ଷ ପରେ, ‘ଶନି ମକର ରାଶିରେ’ ଏବଂ ‘ଗୁରୁ ଧନୁ ରାଶିରେ’ ରହିବେ। ଆସନ୍ତାକାଲି ସକାଳ ୯:୪୫ ରେ ଏହି ବିରଳ ଘଟଣା ଘଟିବ। ଏହା ପୂର୍ବରୁ ଏପରି ସଂଯୋଗ ୧୯୬୨ ମସିହାରେ ସଂଗଠିତ ହୋଇଥିଲା। ଏପରି ସଂଯୋଗ ଦ୍ବାରା ଏଥର ନବରାତ୍ରୀ ପର୍ବର କଲ୍ୟାଣ କରିବ ବୋଲି ଜ୍ୟୋର୍ତିବିଦ୍ କହିଛନ୍ତି।

ନବରାତ୍ରୀର କଳସ ସ୍ଥାପନାର ପାଇଁ ଶୁଭ ସମୟ

ଜ୍ୟୋତିଶାଚାର୍ଯ୍ୟ ନାରାୟଣ ଦ୍ୱିବେଦୀଙ୍କ ଅନୁଯାୟୀ ପ୍ରତିପଦା ଅକ୍ଟୋବରରୁ ୧୬ ତାରିଖ ରାତି ୧:୫୦ ରେ ଆରମ୍ଭ ହେବ, ଯାହାକି ୧୭ ଅକ୍ଟୋବର ଶନିବାର ଦିନ ପର୍ଯ୍ୟନ୍ତ ରହିବ। ନବରାତ୍ରର କଳସ ସ୍ଥାପନର ଶୁଭ ସମୟ ସୂର୍ଯ୍ୟୋଦୟ ଠାରୁ ସକାଳ ୯:୪୫ ମଧ୍ୟରେ କରିବାକୁ ପରାମର୍ଶ ଦିଆଯାଇଛି।

Categories
ଆଜିର ଖବର ରାଜ୍ୟ ଖବର

କଟକ ଦୁର୍ଗାପୂଜାକୁ ଅନୁମତି ଦେଲେ ଜିଲ୍ଲାପାଳ

କଟକ: ବହୁ ବାଦବିବାଦ ପରେ କଟକରେ ଚଳିତ ବର୍ଷ ଦୁର୍ଗା ପୂଜା ଅନୁଷ୍ଠିତ ହେବ। ଆଜି କଟକ ଜିଲ୍ଲାପାଳଙ୍କ ପକ୍ଷରୁ ଏହାକୁ ଅନୁମତି ପ୍ରଦାନ କରାଯାଇଛି। ତେବେ ବିନା ଶ୍ରଦ୍ଧାଳୁରେ ପୂଜା କରିବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି। ସମସ୍ତ କଟକଣା ମାନି ପେଣ୍ଡାଲରେ କେବଳ ମୂର୍ତ୍ତି ରଖି ବିନା ଶ୍ରଦ୍ଧାଳୁରେ ପୂଜା କରାଯିବା ନେଇ ନିର୍ଦ୍ଦେଶ ଦିଆଯାଇଛି। ତେବେ ସାର୍ବଜନୀନ ପୂଜାକୁ ଅନୁମତି ପ୍ରଦାନ କରାଯାଇ ନାହିଁ। ଉଲ୍ଲେଖଯୋଗ୍ୟ ଯେ, ଗତକାଲି କଟକର ଏକ ପୂଜା କମିଟି ଦୁର୍ଗାପୂଜା କରିବା ପାଇଁ ଅନୁମତି ମାଗି କୋର୍ଟଙ୍କ ଦ୍ୱାରସ୍ଥ ହୋଇଥିଲେ। ତେବେ କୋର୍ଟଙ୍କ ନିର୍ଦ୍ଦେଶକୁ ଏବେ ଅପେକ୍ଷା କରାଯାଇଛି। କଟକରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇଥିବାବେଳେ ସମାବେଶ, ପୂଜା ପାର୍ବଣରେ କଟକଣା ଜାରି କରାଯାଉଛି।