ଭୁବନେଶ୍ୱର : ମୁମ୍ବାଇରେ ୧୦ଲକ୍ଷ ଓଡ଼ିଆ ବାସ କରନ୍ତି । କେହି ନିଜ ରୋଜଗାର ପାଇଁ ତ କେହି ଚକିତ୍ସା ପାଇଁ ମୁମ୍ବାଇ ଯାଇଥାନ୍ତି । ପ୍ରତିଦିନ ଓଡ଼ିଶାବାସୀ ଟ୍ରେନ୍ ଯୋଗେ ଯିବା ଆସିବା କରନ୍ତି । ସେହିପରି କର୍କଟ ରୋଗର ଚିକିତ୍ସା ପାଇଁ ଟାଟା ମୋରିଆଲ୍ ହସ୍ପିଟାଲ ଆସିଥାନ୍ତି । ଏଥି ପାଇଁ ଟ୍ରେନ୍ରେ ଶତକଡ଼ା ୯୫ଭାଗ ଲୋକ ନିର୍ଭର କରନ୍ତି । ତେବେ ମୁମ୍ବାଇ-ଓଡ଼ିଶା ଟ୍ରେନ୍ ଯିବା ଆସିବା ସମସ୍ୟା ଲାଗି ରହିଥିବାରୁ ବମ୍ବେ ଓଡ଼ିଆ ମହାସଂଘ ପକ୍ଷରୁ କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।
ମୁମ୍ବାଇ ଓଡ଼ିଆ ମହାସଂଘର ସଭାପତି ଡ଼ ବିପିନ ବିହାରୀ ମିଶ୍ର, ଉପ ସଭାପତି ବିଜୟ ପାଣିଗ୍ରାହୀ, କୋଷାଧ୍ୟକ୍ଷ ତଥା ଅବସରପ୍ରାପ୍ତ ପ୍ରଶାସକ ଗୋପାଳ ଚନ୍ଦ୍ର ତ୍ରିପାଠୀ ପ୍ରମୁଖ ଦାବି ଜଣାଇଛନ୍ତି । ସେମାନେ ଦାବିପତ୍ରରେ ଉଲ୍ଲେଖ କରିଛନ୍ତି ଯେ, ମୁମ୍ବାଇରୁ ଭାଇଜାଗ୍ ଆସୁଥିବା ଟ୍ରେନ୍ (ଟ୍ରେନ୍ ନଂ ୧୮୫୨୦/୧୮୫୧୯) ଭୁବନେଶ୍ୱର ପର୍ଯ୍ୟନ୍ତ ଯିବା ଆସିବା କରିବା ଆବଶ୍ୟକ ହେଉଛି । ସେହିପରି ମୁମ୍ବାଇରୁ ପୁନେକୁ ଆସୁଥିବା ଟ୍ରେନ୍ ଏହି ଟ୍ରେନ୍ ଭୁବନେଶ୍ୱର ପ୍ରତିଦିନ ଆସିବାକୁ ଦାବି କରିଛନ୍ତି ।
ସେହିପରି ଭୁବନେଶ୍ୱରରୁ ମୁମ୍ବାଇ ଯାଉଥିବା କୋଣାର୍କ ଏକ୍ସପ୍ରେସ ଟ୍ରେନ୍ (ଟ୍ରେନ୍ ନଂ ୧୧୦୧୯/୧୧୦୨୦) ମୁମ୍ବାଇରେ ରାତି ୪ଟାରେ ପହଂଚୁଛି ଓ ଉକ୍ତ ଟ୍ରେନ୍ ଭୁବନେଶ୍ୱରରେ ରାତି ୧୧ରେ ପଂହଚୁଛି । ଯାହା ଫଳରେ ଲୋକଙ୍କୁ ନାନା ସମସ୍ୟା ହେଉଛି। ଏଥିପାଇଁ ମନ୍ତ୍ରୀ ଶ୍ରୀଯୁକ୍ତ ବିଶ୍ୱାସ ବିହିତ ପଦକ୍ଷେପ ନେବାକୁ ଦାବି କରାଯାଇଛି । ଏହି ଦାବିପତ୍ରର ନକଲ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ ପ୍ରେରଣ କରାଯାଇଛି । ଏହି ଟ୍ରେନ୍ ଗୁଡ଼ିକ ଚାଲିଲେ ବହୁ ଓଡ଼ିଆ ଉପକୃତ ହେବେ ବୋଲି ସେ ଜଣାଇଛନ୍ତି ।
