Categories
ଆଜିର ଖବର ରାଜ୍ୟ ଖବର

କଟକ ମହାନଗର ନିଗମ ନିର୍ବାଚନ ଫାଳଫଳ: ବିଜେଡି ପ୍ରାର୍ଥୀ ସୁଵାଷ ସିଂହଙ୍କ ବିପୁଳ ବିଜୟ

ଭୁବନେଶ୍ବର: କଟକ ମହାନଗର ନିଗମ ନିର୍ବାଚନର ଫାଳଫଳ ଘୋଷଣା ହୋଇଛି। ଶାସକ ବିଜୁ ଜନତା ଦଳର ପ୍ରାର୍ଥୀ ସୁବାସ ସିଂହ ବିଜୟ ଲାଭ କରିଛନ୍ତି। ଦ୍ଵିତୀୟ ସ୍ଥାନରେ କଂଗ୍ରେସ ଥିବା ବେଳେ ବିଜେପି ତୃତୀୟ ସ୍ଥାନରେ ରହିଛି। ବିଜେଡି ପ୍ରାର୍ଥୀ ସୁଵାଷ ସିଂହ ମୋଟ ୧ ଲକ୍ଷ ୧୩ ହଜାର ୫୬୨ ଭୋଟ ପାଇ ବିଜୟୀ ହୋଇଥିବା ବେଳେ ତାଙ୍କର ନିକଟତମ ପ୍ରତିଦ୍ବନ୍ଦୀଙ୍କ କଂଗ୍ରେସର ଗିରିବାଳା ଵେହେରାଙ୍କ ଠାରୁ ୪୫ ହଜାର ୨୦୬ଭୋଟରେ ଜିତିଛନ୍ତି। ଗିରିବାଳା ୬୮ହଜାର ୩ଶହ ୫୬ ଖଣ୍ଡ ଭୋଟ ପାଇଛନ୍ତି। ସେହିଭଳି ଵିଜେପି ପ୍ରାର୍ଥୀ ଶ୍ରୀତମ ଦାସ ୪୯ ହଜାର ୨ଶହ ୨୩ଖଣ୍ଡ ଭୋଟ ପାଇଛନ୍ତି।

ତେବେ କଟକ ମହାନଗର ନିଗମର ୫୯ଟି ଓ୍ଵାର୍ଡରୁ ବିଜେଡ଼ି ୩୮ ଟି ଓ୍ଵାର୍ଡ ଜିତି ସିଏମସି ଦଖଲ କରିଛି। ସେହିଭଳି କଂଗ୍ରେସ ୮ଟି, ବିଜେପି ୭ଟି ଓ୍ଵାର୍ଡ ଏବଂ ୬ଟି ଓ୍ଵାର୍ଡ ସ୍ଵାଧୀନ ପ୍ରାର୍ଥୀ ଜିତିଛନ୍ତି।

Categories
ଆଜିର ଖବର ଜାତୀୟ ଖବର

ୟୁପି ନିର୍ବାଚନରେ ​​ବିଜେପିର ବିପୁଳ ବିଜୟ, କିନ୍ତୁ ଉପ-ମୁଖ୍ୟମନ୍ତ୍ରୀଙ୍କ ସମେତ ହାରିଲେ ଏହି ୧୧ ମନ୍ତ୍ରୀ

ଲକ୍ଷ୍ନୌ: ଉତ୍ତରପ୍ରଦେଶ ବିଧାନସଭା ନିର୍ବାଚନରେ ​​ଭାରତୀୟ ଜନତା ପାର୍ଟିର ପ୍ରଭାବଶାଳୀ ପ୍ରଦର୍ଶନ ସତ୍ତ୍ୱେ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟଙ୍କ ସମେତ ରାଜ୍ୟର ୧୧ ଜଣ ମନ୍ତ୍ରୀ ପରାଜୟର ସମ୍ମୁଖୀନ ହୋଇଛନ୍ତି। ନିର୍ବାଚନ ଆୟୋଗଙ୍କ ଅନୁଯାୟୀ, ବିଜେପି ପ୍ରାର୍ଥୀ କେଶବ ପ୍ରସାଦ ମୌର୍ଯ୍ୟ ସମାଜବାଦୀ ପାର୍ଟି ସମର୍ଥିତ ଡା. ପଲ୍ଲଭି ପଟେଲଙ୍କ ଠାରୁ ୭ ହଜାର ୩୩୭ ଭୋଟରେ ପରାସ୍ତ ହୋଇଛନ୍ତି। ପଲ୍ଲବୀ ପଟେଲ ହେଉଛନ୍ତି ଅପନା ଦଳର ଜାତୀୟ ଉପାଧ୍ୟକ୍ଷ।

ମୌର୍ଯ୍ୟଙ୍କ ବ୍ୟତୀତ ରାଜ୍ୟ ସରକାରଙ୍କ ଆଖୁ ମନ୍ତ୍ରୀ ସୁରେଶ ରାଣା ୧୦ ହଜାରରୁ ଅଧିକ ଭୋଟରେ ଏସପି ସମର୍ଥିତ ରାଷ୍ଟ୍ରୀୟ ଲୋକ ଦଳର ଅଶ୍ରଫ ଅଲି ଖାନଙ୍କ ଠାରୁ ପରାସ୍ତ ହୋଇଇଛନ୍ତି। ଏଥି ସହିତ ବରେଲି ଜିଲ୍ଲାର ବହେଡି ବିଧାନସଭା ଆସନରୁ ରାଜ୍ୟ ମନ୍ତ୍ରୀ ଛତ୍ରପାଲ ସିଂ ଗାଙ୍ଗୱାର ୩ ହଜାର ୩୫୫ ଭୋଟରେ ସମାଜବାଦୀ ପାର୍ଟିର ଉଟାଉରହମାନଙ୍କ ଠାରୁ ପରାସ୍ତ ହୋଇଛନ୍ତି। ଯୋଗୀ ନେତୃତ୍ୱାଧୀନ ସରକାରରେ ଗ୍ରାମ୍ୟ ଉନ୍ନୟନ ମନ୍ତ୍ରୀ ରାଜେନ୍ଦ୍ର ପ୍ରତାପ ସିଂ ପଟ୍ଟି ବିଧାନସଭା ଆସନରୁ ୨୨ ହଜାର ୫୧ ଭୋଟରେ ସମାଜବାଦୀ ପାର୍ଟିର ରାମ ସିଂଙ୍କ ଠାରୁ ପରାସ୍ତ ହୋଇଛନ୍ତି। ଚିତ୍ରକୋଟ ଆସନରେ ରାଜ୍ୟ ମନ୍ତ୍ରୀ ଚନ୍ଦ୍ରିକା ପ୍ରସାଦ ଉପାଧ୍ୟାୟ ଏସପିର ଅନିଲ କୁମାରଙ୍କ ଠାରୁ ୨୦ ହଜାର ୮୭୬ ଭୋଟରେ ପରାଜିତ ହୋଇଛନ୍ତି।

ସମାଜସେବୀ ପାର୍ଟିର ଜୟପ୍ରକାଶ ଅଞ୍ଚଳଙ୍କ ଠାରୁ ରାଜ୍ୟ ମନ୍ତ୍ରୀ ଆନନ୍ଦ ସ୍ୱରୂପ ଶୁକ୍ଲା ୧୨ ହଜାର ୯୫୧ ଭୋଟରେ ପରାସ୍ତ ହୋଇଛନ୍ତି। କ୍ରୀଡା ମନ୍ତ୍ରୀ ଉପେନ୍ଦ୍ର ତିୱାରୀଙ୍କୁ ସମାଜବାଦୀ ପାର୍ଟି ପ୍ରାର୍ଥୀ ସାଙ୍ଗରାମ ସିଂ ୧୯ ହଜାର ୩୫୪ ଭୋଟରେ ହରାଇଛନ୍ତି।

ସମାଜବାଦୀ ପାର୍ଟିର ଉଷା ମୌର୍ଯ୍ୟ ବିଜେପି ପ୍ରାର୍ଥୀ ତଥା ରାଜ୍ୟ ମନ୍ତ୍ରୀ ରଣଭେନ୍ଦ୍ର ସିଂ ଧୁନିଙ୍କୁ ୨୫ ହଜାର ୧୮୧ ଭୋଟରେ ପରାସ୍ତ କରିଛନ୍ତି। ରାଜ୍ୟ ମନ୍ତ୍ରୀ ଲାଖନ ସିଂ ରାଜପୁତ ମାତ୍ର ୪୭୩ ଭୋଟ ବ୍ୟବଧାନରେ ସମାଜବାଦୀ ପାର୍ଟିର ପ୍ରଦୀପ କୁମାର ଯାଦବଙ୍କ ଠାରୁ ପରାସ୍ତ ହୋଇଛନ୍ତି। ବିଧାନସଭାର ପୂର୍ବତନ ବାଚସ୍ପତି ତଥା ସମାଜବାଦୀ ପାର୍ଟି ପ୍ରାର୍ଥୀ ମାତା ପ୍ରସାଦ ପାଣ୍ଡେ ମୌଳିକ ଶିକ୍ଷା ମନ୍ତ୍ରୀ ସତୀଶ ଚନ୍ଦ୍ର ଦ୍ୱିବେଦୀଙ୍କୁ ୧ ହଜାର ୬୬୨ ଭୋଟରେ ପରାସ୍ତ କରିଛନ୍ତି। ଗାଜୀପୁର ଆସନରେ ରାଜ୍ୟ ମନ୍ତ୍ରୀ ସଂଗୀତ ବଲୱନ୍ତ ୧ ହଜାର ୬୯୨ ଭୋଟ ବ୍ୟବଧାନରେ ସମାଜବାଦୀ ପାର୍ଟିର ଜୟକିଶାନଙ୍କ ଠାରୁ’ ପରାସ୍ତ ହୋଇଛନ୍ତି।

Categories
ଆଜିର ଖବର ଜାତୀୟ ଖବର

ପଞ୍ଜାବ ନିର୍ବାଚନ ଫଳାଫଳ: ବିପୁଳ ବିଜୟ ଆଡକୁ ଆମ ଆଦମି ପାର୍ଟି, ବହୁତ ପଛରେ କଂଗ୍ରେସ

ଚଣ୍ଡିଗଡ: ଆଜି ପଞ୍ଜାବ ବିଧାନସଭା ନିର୍ବାଚନର ଭୋଟ ଗଣତି ଜାରି ରହିଛି। ୧୧୭ ଆସନ ବିଶିଷ୍ଟ ବିଧାନସଭା ଆସନ ପାଇଁ ଭୋଟ ଗଣତି ଜାରି ରହିଛି। ବିପୁଳ ବିଜୟ ଆଡକୁ ଆମ ଆଦମି ପାର୍ଟି ଅଗ୍ରସର ହେଉଥିବା ବେଳେ କଂଗ୍ରେସ ଦ୍ଵିତୀୟ ସ୍ଥାନରେ ଅଛି। ସେହିଭଳି ଶିରୋମଣି ଅକାଳୀ ଦଳ ତୃତୀୟ ସ୍ଥାନରେ ଥିବା ବେଳେ ବିଜେପି ଚତୁର୍ଥ ସ୍ଥାନରେ ରହିଛି।

ପଞ୍ଜାବ ମୋଟ ଆସନ ୧୧୭/୧୧୭ (ଆଗୁଆ/ବିଜୟୀ):

ଆମ ଆଦମି ପାର୍ଟି- ୯୦

କଂଗ୍ରେସ- ୧୮

ଅକାଳୀ ଦଳ+- ୦୬

ବିଜେପି+- ୦୨

ଅନ୍ୟ- ୦୧

Categories
ଆଜିର ଖବର ଜାତୀୟ ଖବର

ତ୍ରିପୁରା ମ୍ୟୁନିସିପାଲିଟି ନିର୍ବାଚନରେ ବିଜେପିର ବିପୁଳ ବିଜୟ, ୨୨୨ଟି ମଧ୍ୟରୁ ଜିତିଛି ୨୧୭ ଟି ଆସନ

ନୂଆଦିଲ୍ଲୀ: ଅଗରତାଲା ମ୍ୟୁନିସିପାଲିଟି କର୍ପୋରେସନ୍ ଏବଂ ତ୍ରିପୁରାର ୧୩ ଟି ମ୍ୟୁନିସିପାଲିଟି ସଂସ୍ଥାରେ ୨୨୨ ଟି ଆସନର ଭୋଟ ଗଣତି ଶେଷ ହୋଇଛି। ଏଥିରେ ବିଜେପି ବିପୁଳ ବିଜୟ ହାସଲ କରିଛି। ମୋଟ ୨୨୨ ଟି ଆସନ ମଧ୍ୟରୁ ୨୧୭ଟି ଆସନ ଜିତି ବିଜେପି ବିରୋଧୀ କଂଗ୍ରେସ, ତୃଣମୂଳ କଂଗ୍ରେସ ଏବଂ ଅନ୍ୟମାନଙ୍କୁ ପରାସ୍ତ କରିଛି। ଯଦି ନିର୍ବିରୋଧ ​​ନିର୍ବାଚିତ ଆସନଗୁଡିକ ଅନ୍ତର୍ଭୂକ୍ତ କରାଯାଏ, ତେବେ ୩୩୪ ଟି ଆସନ ମଧ୍ୟରୁ ୩୨୯ ଟି ବିଜେପିକୁ ଯାଇଛି।

Categories
ଆଜିର ଖବର ଜାତୀୟ ଖବର

ପଶ୍ଚିମବଙ୍ଗ ହିଂସା: ଶପଥ ନେବା ପରେ ଛୋଟ ଭଉଣୀ କହି ମୁଖ୍ୟମନ୍ତ୍ରୀ ମମତାଙ୍କୁ ଏଭଳି କହିଲେ ରାଜ୍ୟପାଳ

କଲିକତା: ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଟିଏମସିର ବିପୁଳ ବିଜୟ ହୋଇଛି। ଦଳର ସୁପ୍ରିମୋ ମମତା ବାନାର୍ଜୀ ଆଜି ତୃତୀୟ ଥର ଲାଗି ମୁଖ୍ୟମନ୍ତ୍ରୀ ପାଇଁ ଶପଥ ଗ୍ରହଣ କରିଛନ୍ତି।

ତେବେ ଶପଥ ଗ୍ରହଣ ପରେ ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡ ମୁଖ୍ୟମନ୍ତ୍ରୀଙ୍କୁ କିଛି ପରାମର୍ଶ ଦେଇଛନ୍ତି। ନିର୍ବାଚନ ଫଳାଫଳ ପରେ ଘଟିଥିବା ହିଂସାକୁ ନେଇ ରାଜ୍ୟପାଳ ଚିନ୍ତା ପ୍ରକଟ କରିଛନ୍ତି। ଆଇନ ଏବଂ ସ୍ୱାସ୍ଥ୍ୟ ବ୍ୟବସ୍ଥା ଉପରେ ତୁରନ୍ତ ପଦକ୍ଷେପ ନେବା ପାଇଁ ମୁଖ୍ୟମନ୍ତ୍ରୀଙ୍କୁ ରାଜ୍ୟପାଳ କହିଛନ୍ତି। ଆଶା କରାଯାଉଛି, ବର୍ତ୍ତମାନ ପରିସ୍ଥିତିକୁ ଭଲଭାବରେ ଅନୁଧ୍ୟାନ କରି ମୋ ଛୋଟ ଭଉଣୀ ମମତା ନିରପେକ୍ଷତାର ସହ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ରାଜ୍ୟପାଳ କହିଛନ୍ତି।

ଅପରପକ୍ଷେ ରାଜ୍ୟରେ କରୋନାକୁ ପ୍ରତିହିତ କରିବା ପାଇଁ ପ୍ରଥମ ପ୍ରୟାସ ରହିବ ବୋଲି ମମତା କହିଛନ୍ତି। ସେହିଭଳି ଆଇନ ବ୍ୟବସ୍ଥାକୁ ସମ୍ଭାଳିବା ପାଇଁ ନୂତନ ଅଧିକାରୀଙ୍କୁ ନିଯୁକ୍ତି କରାଯିବ ବୋଲି ସେ କହିଛନ୍ତି। ଶପଥ ଗ୍ରହଣ ପରେ ରାଜ୍ୟର ସମସ୍ତ ରାଜନୈତିକ ଦଳକୁ ଶାନ୍ତି ସ୍ଥାପନ କରିବା ପାଇଁ ମୁଖ୍ୟମନ୍ତ୍ରୀ ମମତା ଅପିଲ କରିଛନ୍ତି।