Tag: ବ୍ରହ୍ମପୁର

ଭୁବନେଶ୍ବର: ସ୍ୱତନ୍ତ୍ର ସହାୟକ ଉପକରଣ ଆବଶ୍ୟକ ଥିବା ଦିବ୍ୟାଙ୍ଗ ଶିକ୍ଷାର୍ଥୀଙ୍କ ପାଇଁ ସମଗ୍ର ଶିକ୍ଷା ଗଞ୍ଜାମ ତରଫରୁ ସହାୟକ ଉପକରଣ ବଂଟନ କାର୍ଯ୍ୟକ୍ରମ ଜିଲ୍ଲାର ବିଭିନ୍ନ ସ୍ଥାନରେ ଅନୁଷ୍ଠିତ ହୋଇଯାଇଛି। ଚଳିତ ମାସ ୧୮ ତାରିଖରେ ବ୍ରହ୍ମପୁର ସ୍ଥିତ କ୍ୱିନ୍ ମିସନ୍ ହାଇସ୍କୁଲ, ୧୯ ତାରିଖରେ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଭଞ୍ଜନଗର, ୨୦ ତାରିଖରେ ହିଞ୍ଜିଳିକାଟୁ ବ୍ଲକ ଅନ୍ତର୍ଗତ ବୃନ୍ଦାବନ ବିଦ୍ୟାପ୍ଥଙ୍ଖ ଓ ୨୧ ତାରିଖ ଅର୍ଥାତ୍ ଆଜି ଛତ୍ରପୁର ସ୍ଥିତ ଜିଲ୍ଲା ପ୍ରକଳ୍ପ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଥିଲା।

ଏହି କାର୍ଯ୍ୟକ୍ରମରେ ମୋଟ ୧୮୫ ଜଣ ମସ୍ତିଷ୍କ ପକ୍ଷାଘାତ ଓ ଚଳନ ବାଧିତ ଦିବ୍ୟାଙ୍ଗ ଶିକ୍ଷାର୍ଥୀଙ୍କୁ କାଲିପର୍ ଯୋତା ଓ ୫୩୦ ଜଣ ଶବଚ୍ଚ ବାଧିତ ଦିବ୍ୟାଙ୍ଗ ଶିକ୍ଷାର୍ଥୀଙ୍କୁ ଶ୍ରବଣ ଯନ୍ତ୍ର ପ୍ରଦାନ କରାଯାଇଥିଲା। ଭାରତ ସରକାରଙ୍କଅଧୀନ କୃତ୍ରିମ ଅଙ୍ଗ ପ୍ରସ୍ତୁତକାରୀ ସଂସ୍ଥା ଭୁବନେଶ୍ୱର ଅଡିଓ ଲୋଜିଷ୍ଟ ଡା.ଦୀପକ କୁମାର ଜେନା ଓ କୃତ୍ରିମ ଅଙ୍ଗ ପ୍ରସ୍ତୁତକାରୀ ବିଶେଷଜ୍ଞ ରାଜେଶ କୁମାର ନନ୍ଦ ଓ ତାଙ୍କର ସହଯୋଗୀ ଉପସ୍ଥିତ ରହି ଉପକରଣ ପ୍ରସ୍ତୁତିରେ ସହଯୋଗ କରିଥିଲେ।

କାର୍ଯ୍ୟକ୍ରମକୁ ଜିଲ୍ଲା ଶିକ୍ଷାଧୀଶ ତଥା ଜିଲ୍ଲା ପ୍ରକଳ୍ପ ସଂଯୋଜକ ଅମିତା ପଟ୍ଟନାୟକ ଶୁଭ ଉଦ୍‌ଘାଟନ କରିଥିବା ବେଳେ ଅନ୍ତର୍ନିବେଶୀ ଶିକ୍ଷା ସଂଯୋଜକ ତପନ କୁମାର ସାହୁଙ୍କ ସହିତ କାର୍ଯ୍ୟାଳୟର ସମସ୍ତ କର୍ମକର୍ତା ଉପସ୍ଥିତ ଥିଲେ। ସମ୍ବଳ ଶିକ୍ଷକ ହେମନ୍ତ କୁମାର ନନ୍ଦ, ଅଶ୍ୱିନୀ କୁମାର ପାଇକରାୟ, ପ୍ରଣବ କୁମାର ଶତପଥୀ, ବିଜୟ କୁମାର ବେହେରା, ଅଜୟ କୁମାର ସାହୁ ପ୍ରମୁଖ ପୂର୍ଣ୍ଣ ସହଯୋଗ କରିଥିବା ବେଳେ କୁକୁଡାଖଣ୍ଡି ବ୍ଲକର ସମ୍ବଳ ଶିକ୍ଷକ ଏମ୍‌.ଡମ୍ବୁରୁ ଦୋରା କାର୍ଯ୍ୟକ୍ରମ ପରିଚାଳନା କରିଥିଲେ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ଜେଲ୍ ନିକଟସ୍ଥ ରେଳ ଧାରଣାରୁ ହିଞ୍ଜିଳି ଥାନା ଅର୍ନ୍ତଗତ ଦୁରୁପଡା ଗ୍ରାମର ଦିଲ୍ଲୀପ କୁମାର ଭୂୟାଁ ନାମକ ଜଣେ ଯୁବକଙ୍କ ମୃତ ଦେହକୁ ରେଳବାଇ ପୋଲିସ ଉଦ୍ଧାର କରିଛି। ଦିଲୀପଙ୍କ ଭାଇ ମିଥୁନ ଠାରୁ ଜଣାପଡିଛି ଯେ, ଗତ ସୋମବାର ସକାଳେ ମୃତ ଦିଲୀପ ପାରିବାରିକ ଅଶାନ୍ତିକୁ ନେଇ ଘରୁ ପଳିଆସିଥିଲା।

କିନ୍ତୁ ଦିନ ସାରା ଘରକୁ ନ ଫେରିବାରୁ ଘର ଲୋକ ଖୋଜାଖୋଜି କରିଥିଲେ। କିନ୍ତୁ ପରେ ବ୍ରହ୍ମପୁରରେ ରେଳବାଇ ପୋଲିସ ଉଦ୍ଧାର କରିଥିବା ମୃତଦେହକୁ ଯାଇ ଭାଇ ମିଥୁନ ଚିହ୍ନଟ କରିଥିଲେ। ଏ ନେଇ ରେଳବାଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଖଲ୍ଲିକୋଟ ଥାନା ଅନ୍ତର୍ଗତ କମଳାପଦର ଗ୍ରାମରେ ଘଟିଥିବା ଅଗ୍ନି ବିପନ୍ନ ପରିବାର ଲୋକଙ୍କ ସମସ୍ୟା ବିଷୟରେ ଖବର ପାଇ ବ୍ରହ୍ମପୁର ଅଗ୍ରଣୀ ସେବା ଅନୁଷ୍ଠାନ କାହ୍ନା ଚାରିଟେବୁଲ ଟ୍ରଷ୍ଟ ତତକ୍ଷଣାତ୍ ସାହାଯ୍ୟର ହାତ ବଢ଼ାଇଛ। ଟ୍ରଷ୍ଟ ସଭାନେତ୍ରୀ ରଞ୍ଜନା ମିଶ୍ରଙ୍କ ନେତୃତ୍ୱରେ ଆଜି ଏହି ଅଗ୍ନି ବିପନ୍ନ ୪ଟି ପରିବାରକୁ ଏକ ମାସର ରାସନ୍ ସାମଗ୍ରୀ ସହ ଶୁଖିଲା ଖାଦ୍ୟ , ନୂତନ ବସ୍ତ୍ର ଓ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ବଣ୍ଟନ କରାଯାଇଥିଲା। ସର୍ବହରା ଅଗ୍ନି ବିପନ୍ନ ପରିବାର ର ସଦସ୍ୟ ସଦସ୍ୟା ଙ୍କ ଦୈନିକ ଖର୍ଚ୍ଚ ପାଇଁ କିଛି ଆର୍ଥିକ ସହାୟତା କରାଯାଇଥିଲା। ଏଥି ସହ ସ୍ଥାନୀୟ ଗ୍ରାମ ବାସୀ ମାନଙ୍କ ଉପସ୍ଥିତି ରେ ଏବଂ ଗଣ ମାଧ୍ୟମ ପ୍ରତିନିଧି ମାନଙ୍କ ଜରିଆ ରେ ଏହି ସର୍ବହରା ପରିବାର ମାନଙ୍କୁ ସରକାରୀ ଯୋଜନାରେ ଥଇଥାନ କରିବା ପାଇଁ ଅନୁରୋଧ କରାଯାଇଥିଲା।

ଆଜିର ଉକ୍ତ କାର୍ଯ୍ୟକ୍ରମରେ ଟ୍ରଷ୍ଟ ସଭାନେତ୍ରୀ ରଞ୍ଜନା ମିଶ୍ର ଙ୍କ ପ୍ରୋତ୍ସାହନ ରେ ଏବଂ ଟ୍ରଷ୍ଟ ସଦସ୍ୟ/ ସଦସ୍ୟା ଯଥା ସୋନମ୍ ଦାସ, ସୁଜାତା ଆଚାର୍ଯ୍ୟ, ମୁରଲୀ ମୋହନ ଆଚାର୍ଯ୍ୟ, ଅଲେଖ ପାଳ ଓ ଅଶୋକ ମିଶ୍ର ପ୍ରମୁଖ ଉପସ୍ଥିତ ଥିଲେ। କାହ୍ନା ଚାରିଟେବୁଲ ଟ୍ରଷ୍ଟ ପକ୍ଷରୁ ଏହି ଭଳି ସହାୟତା ନିମନ୍ତେ ଅଞ୍ଚଳ ବାସିନ୍ଦା ଙ୍କ ତରଫରୁ କୃତଜ୍ଞତା ଜ୍ଞାପନ କରିଛନ୍ତିି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ସଦର ଥାନା ଅନ୍ତର୍ଗତ ବାଉଁଶିଆ ପଲ୍ଲୀ ଗ୍ରାମରେ ସଦର ଥାନା ଅଧିକାରୀଙ୍କ ନେତୃତ୍ୱରେ ଏକ ଗୁଟଖା କାରଖାନା ଉପରେ ଚଢାଉ କରାଯାଇଛି। ଚଢାଉ ସମୟରେ ୬ ପ୍ରକାର କମ୍ପାନୀର ଗୁଟଖା ଓ ପାନ ମସଲା ସମେତ ବହୁ ମେସିନ ଓ ପୁଡିଆ ଜରି ଜବତକରାଯାଇଛି।

ଏହି ସମୟରେ ଜିଲ୍ଲା ଖାଦ୍ୟ ସୁରକ୍ଷା ଅଧିକାରୀ ଚିନ୍ମୟୀ ପାଢ଼ୀ ଓ ଜି ଏସ୍ ଟି ଅଧିକାରୀ ମାନେ ଉପସ୍ଥିତ ଥିଲେ ଓ ନକଲି କାରଖାନା ମାଲିକ ନରେନ୍ଦ୍ର ସାହୁଙ୍କୁ ଘଟଣାସ୍ଥଳରୁ ଉଠେଇ ଆଣି ଥାନାରେ ଅଟକ ରଖି ପଚରାଉଚରା କରୁଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ପାଟପୁର ଥାନା ତପ୍ତପାଣି ମା’ କନ୍ଧୁଣି ଦେବୀଙ୍କ ମନ୍ଧିର ନିକଟରେ ଆଜି ସକାଳୁ ରାସ୍ତା କଡରେ ଥିବା ଗଛକୁ ଧକ୍କା ଦେଇଛି ଯାତ୍ରୀବାହୀ ବସ୍। ଧକ୍କା ଦେବା ଫଳରେ ଅଳ୍ପକେ ବର୍ତ୍ତିଲେ ୪୦ ରୁ ଉର୍ଦ୍ଧ୍ଵ ଯାତ୍ରୀ।

ସୂଚନା ମୁତାବକ ଆଜି ଭୋରୁ ଗଜପତି ଜିଲ୍ଲାରୁ ବ୍ରହ୍ମପୁର ଅଭିମୁଖେ ଆସୁଥିବା “ପଦ୍ମାଳୟା” ନାମକ ଏକ ଯାତ୍ରୀବାହୀ ବସ୍ କନ୍ଧୁଣୀ ଦେବିଙ୍କ ମନ୍ଦିର ନିକଟରେ ଗାଡି ଚାଳକ ଭାରସାମ୍ୟ ହରାଇ ରାସ୍ତା କଡରେ ଥିବା ଏକ ଗଛକୁ ଧକ୍କା ଦେଇଥିଲା। କିନ୍ତୁ ବସ୍ ରେ ବସିଥିବା ଯାତ୍ରୀମାନେ ସୁରକ୍ଷିତ ଥିବା ଜଣାପଡ଼ିଛି।

ଦୁର୍ଘଟଣାର ସମ୍ମୁଖୀନ ବସ୍ ର ଯାତ୍ରୀମାନେ ଅନ୍ୟ ବସ୍ ରେ ଗନ୍ତବ୍ୟ ସ୍ଥଳକୁ ଯାଇଥିବା ବେଳେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ଉପକଣ୍ଠ ଶିତଳାପଲୀ ସ୍ଥିତ ପାରଳା ମହାରାଜା ଯାନ୍ତ୍ରିକ ମହାବିଦ୍ୟାଳୟରେ ଗୋମାଂସ ରୋଷେଇକୁ ନେଇ ଚାପା ଉତ୍ତେଜନା ଦେଖାଦେଇଛି। ଛାତ୍ରାବାସ ଭିତରେ କିଛି ଅଣ ହିନ୍ଦୁ ଛାତ୍ର ଗୋମାଂସ ରୋଷେଇ କରିଛନ୍ତି। ଏହା ଜଣାପଡ଼ିବା ପରେ ଛାତ୍ରଛାତ୍ରୀ ମହଲରେ କଡା ନିନ୍ଦା କରାଯାଇଛି। ବିଶ୍ବ ହିନ୍ଦୁ ପରିଷଦ ଓ ବଜରଙ୍ଗ ଦଳର କର୍ମକର୍ତ୍ତାମାନେ ମହାବିଦ୍ୟାଳୟରେ ପ୍ରବଳ ବିରୋଧ କରିଛନ୍ତି।

ଗତକାଲି ମଧ୍ୟାହ୍ନରେ ଏହି ଘଟଣା ହୋଇଥିବା ବେଳେ ଦୁଇଦିନ ହେବ ଏହି ଘଟଣା ଚର୍ଚ୍ଚ।ର ପରିସରକୁ ଆସିଛି। କିଛି ଅଣହିନ୍ଦୁ ଛାତ୍ରମାନେ ଛାତ୍ରାବାସ ରୁମ୍ ଭିତରେ ଗୋମାଂସ ରୋଷେଇ କରିଥିଲେ। ରୋଷେଇ ବେଳେ ଏହାର ବାସ୍ନା ଚାରିଆଡ଼େ ଖେଳିଯିବା ପରେ ରୁମରେ ବିଭିନ୍ନ ସ୍ପ୍ରେ ଆଦି ମଧ୍ୟ ବ୍ୟବହାର କରିଥିଲେ। ଏହା ଗୋମାଂସ ବୋଲି ଜାଣି ଅନ୍ୟ ହିନ୍ଦୁ ଛାତ୍ରମାନେ ଏହାକୁ ପ୍ରବଳ ବିରୋଧ କରିଥିଲେ। ଏନେଇ କଲେଜ କର୍ତ୍ତୃପକ୍ଷଙ୍କୁ ଜଣାଇଥିଲେ।

ଏହି ଭଳି ପରିସ୍ଥିତିରେ ଗୁରୁବାର ପାରଳା ମହାରାଜା କଲେଜକୁ ବିଶ୍ବ ହିନ୍ଦୁ ପରିଷଦ ଓ ବଜରଙ୍ଗ ଦଳର କର୍ମକର୍ତ୍ତା ପହଞ୍ଚି ଏହାକୁ ବିରୋଧ କରିବା ସହ ଏଇଭଳି ଛାତ୍ରଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି ସହ ପ୍ରଶାସନ ସହ ଆଲୋଚନା କରିଥିଲେ।

ରେଢ଼ାଖୋଲ (କନ୍ଦର୍ପ ବେହେରା ): କଥାରେ ଅଛି ରଖେ ହରି ତ ମାରିବ କିଏ? ରେଢ଼ାଖୋଲ ରେଳ ଷ୍ଟେସନ ଠାରୁ ୪କିମି ଦୂର ଅଙ୍ଗାରପୁଡ଼ା ଗ୍ରାମରେ ବିଳମ୍ବିତ ରାତିରେ ଟ୍ରେନରୁ ପାଞ୍ଚ ବର୍ଷର ଶିଶୁ ଖସି ପଡିଥିଲା। କିନ୍ତୁ ରାତିରେ ଶିଶୁକୁ ଆର ପି ଏଫ ସୁରକ୍ଷିତ ଉଦ୍ଧାର କରିଥିଲା।

ଖବରରୁ ପ୍ରକାଶ ଯେ, ବ୍ରହ୍ମପୁର ନିବାସୀ ମାନସ ହୋତା ସପରିବାର ଭୁବନେଶ୍ୱର ଦୁର୍ଗ-ପୁରୀ ଏକ୍ସପ୍ରେସରେ ଭୁବନେଶ୍ୱର ଯାଉଥିଲେ। ସାଙ୍ଗରେ ପାଞ୍ଚ ବର୍ଷର ପୁଅ ପ୍ରିତିଶ ପ୍ରଜ୍ଞ୍ୟା ହୋତା ମଧ୍ୟ ଥିଲେ। ହେଲେ ରାତି ପାଖା ପାଖି ୨ଟା ସମୟରେ ଶିଶୁଟି ରେଢ଼ାଖୋଲ ଠାରୁ ଚାରି କିଲୋମିଟର ଦୂର ଅଙ୍ଗାରପୁଡା ଗ୍ରାମରେ ଶିଶୁଟି ପଡିଯାଇଥିଲା। ଶିଶୁଟିର ପିତା ମାତା ପୁଅ ଟ୍ରେନ ତଳକୁ ପଡିବା ସମ୍ପର୍କରେ ଆଦୌ ଜାଣିପାରି ନ ଥିଲେ। ଟ୍ରେନ ଟି ଅନୁଗୋଳ ପହଁଚିଲା ବେଳକୁ ପୁଅ ଟିକୁ ନ ପାଇ ପିତା ମାନସ ହୋତା ରେଳ ବିଭାଗ କୁ ଫୋନ୍ କରିଥିଲେ। ଏହା ଭିତରେ ଏକ ମାଲ ବାହି ଟ୍ରେନ ସେଇ ରୁଟ ଦେଇ ଯାଉଥିବା ବେଳେ ଏକ ମୃତ ଦେହ ପଡ଼ିଥିବା ରେଢ଼ାଖୋଲ ଷ୍ଟେସନକୁ ସୂଚନା ଦେବା ପରେ ରେଢ଼ାଖୋଲ ଆର ପି ଏଫ ପହଂଚି ମୃତ ବଦଳରେ ଶିଶୁଟିକୁ ଜୀବନ୍ତ ଉଦ୍ଧାର କରି ରେଢ଼ାଖୋଲ ଡାକ୍ତରଖାନାରେ ଭର୍ତ୍ତି କରିଥିଲେ।

ଟ୍ରେନ ଟି ଢେଙ୍କାନାଳ ପହଁଚିଲା ବେଳକୁ ପୁଅ ରେଢ଼ାଖୋଲ ରେ ଥିବା ଜାଣି ପାରି ଥିଲେ ଶିଶୁଟିର ପିତାମାତା। ଶିଶୁ ଟି ରାତି ତମାମ ଟ୍ରାକ ପାଖରେ ପଡି ରହିଥିଲା। ମୁହଁ ରେ ସାମାନ୍ୟ ଆଘାତ ଲାଗିଛି। ବେକରେ ଏକ ଲକେଟ ପିନ୍ଧି ଥିବାରୁ ଭଗବାନ ତାକୁ ବଞ୍ଚାଇଦେଲେ ବୋଲି କୁହାଯାଉଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): କନିଷିରୁ ବ୍ରହ୍ମପୁର ଆସୁଥିବା ବେଳେ ଦୁର୍ଗା ପ୍ରସାଦ ଶତପଥୀ ଓ ଚିନ୍ମୟୀ ଶତପଥୀ ନାମକ ଦମ୍ପତି ଦୁହେଁ ମୃତ୍ୟୁ ବରଣ କରିଛନ୍ତି। ଉଭୟେ ମୋଟରସାଇକେଲ ଯୋଗେ ଆସୁଥିବା ବେଳେ ଜାତୀୟ ରାଜପଥ ଲାଞ୍ଜିପଲ୍ଲୀ ମାର୍କଣ୍ଡେଶ୍ଵର ମନ୍ଦିର ସାମ୍ନାରେ ଆନ୍ଧ୍ର ପଟୁ ଆସୁଥିବା ଏକ ଟ୍ରକ୍ ପଛପଟୁ ଧକ୍କା ଦେବାରୁ ପ୍ରଥମେ ସ୍ତ୍ରୀ ଚିନ୍ମୟୀଙ୍କ ଘଟଣାସ୍ଥଳରେ ମୃତ୍ୟୁବରଣ ହୋଇଥିବା ବେଳେ ଚିକିତ୍ସା ସମୟରେ ସ୍ଵାମୀ ଦୁର୍ଗା ଶତପଥୀ ଙ୍କର ରାସ୍ତାରେ ମୃତ୍ୟୁ ଘଟିଛି।

ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଟ୍ରକକୁ ପୋଲିସ ଜବତ କରି ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।