ଭୁବନେଶ୍ବର, ସାଇକେଲ ଚାଳନାର କଣ ରହିଛି ଉପକାରିତା ସେ ନେଇ ଆସନ୍ତାକାଲି ଭୁବନେଶ୍ବରରେ ହେବ ସାଇକେଲଗିରି। ଭୁବନେଶ୍ବର ସ୍ମାଟସିଟି ତରଫରୁ ଏହିପରି ଏକ ଅଭିନବ ପଦକ୍ଷେପ ଆରମ୍ଭ ହେବାକୁ ଯାଉଛି। ଏଥିରେ ସକାଳ 6ଟାରୁ ପ୍ରାୟ ଏକଶହ ସାଇକେଲ ଯାତ୍ରୀ ଭୁବନେଶ୍ବରର ଶିଶୁ ଭବନ ଛାକରୁ ବାହାରି ଧଉଳି ଯିବେ। ଏହି ରାସ୍ତାରେ ସେମାନେ ସାଇକେଲ ଚାଳନାର ଉପକାରିତା ବାର୍ତ୍ତା ଦେବେ। ପ୍ରତି ଶୁକ୍ରାବର ସାଇକେଲ ଦିବସ ଭାବେ ପାଳନ କରାଯିବ ବୋଲି ନିଷ୍ପତି କରାଯାଇଛି। ଏହି କାର୍ଯ୍ୟକ୍ରମ ଆସନ୍ତା ଡିସେମ୍ବର 14 ତାରିଖ ପର୍ଯ୍ୟନ୍ତ ଚାଲିବ।
ସ୍ମାଟ ସିଟି ତରଫରୁ ରାଜଧାନୀରେ ସ୍ବାସ୍ଥ୍ୟ ସଚେତନତା ପାଇଁ ଆରମ୍ଭ ହୋଇଥିଲା ଆପ ମାଧ୍ୟମରେ ମୋ ସାଇକେଲ ଯୋଜନା। ହେଲେ ତାହା ଲୋକପ୍ରିୟ ହୋଇପାରିଲା ନାହିଁ। ଏହାକୁ ପରିଚାଳନା କରୁଥିଲେ କ୍ରୁଟ। ହେଲେ ସେହି ସଂସ୍ଥା ଫେଲ ହେବା ପରେ ବର୍ତ୍ତମାନ ସ୍ମାର୍ଟ ସିଟି ଲିମିଟେଡ୍ ସିଧା ଏହା ତଦାରଖ କରିବ। ପ୍ରଥମ ପଦକ୍ଷେପ ସ୍ବରୁପ ଏହି ସାଇକେଲଗିରି କରାଯିବ ବୋଲି ନିଷ୍ପତି ନିଆଯାଇଛି।