ମୁମ୍ବାଇ: ମରାଠା ସଂରକ୍ଷଣ କାର୍ଯ୍ୟକର୍ତ୍ତା ମନୋଜ ଜରାଙ୍ଗେ ତାଙ୍କର ୯ ଦିନର ଆମରଣ ଅନଶନ ସମାପ୍ତ କରିଛନ୍ତି। ଦୁଇ ମାସ ମଧ୍ୟରେ ମରାଠା ସଂରକ୍ଷଣ ସମସ୍ୟାର ସମାଧାନ କରିବାକୁ ସେ ସରକାରଙ୍କୁ କହିଛନ୍ତି। ଅନଶନ ବନ୍ଦ କରିବାକୁ ମହାରାଷ୍ଟ୍ର ସରକାରଙ୍କ ମନ୍ତ୍ରୀମାନେ ପ୍ରବର୍ତ୍ତାଇବା ପରେ ସେ କହିଛନ୍ତି ଯେ ସମସ୍ତ ମରାଠା ସଂରକ୍ଷଣ ନ ପାଇବା ପର୍ଯ୍ୟନ୍ତ ସେ ତାଙ୍କ ଘରେ ପ୍ରବେଶ କରିବେ ନାହିଁ।
ଶ୍ରୀ ଜରାଙ୍ଗେ କହିଛନ୍ତି ଯେ, ଯଦି ଦୁଇ ମାସ ମଧ୍ୟରେ କୌଣସି ନିଷ୍ପତ୍ତି ନିଆ ନ ଯାଏ, ତେବେ ସେ ମୁମ୍ବାଇରେ ମରାଠା ସଂରକ୍ଷଣ ଆନ୍ଦୋଳନର ନେତୃତ୍ୱ ନେବେ। ଆଜି ମହାରାଷ୍ଟ୍ରର ଚାରିଜଣ ମନ୍ତ୍ରୀ ମନୋଜ ଜରାଙ୍ଗେଙ୍କୁ ଭେଟିଥିଲେ। ତାଙ୍କ ନିବେଦନ ଉପରେ ମନୋଜ ନିଜର ଆମରଣ ଅନଶନ ଶେଷ କରିବାକୁ ନିଷ୍ପତ୍ତି ନେଇଥିଲେ।