ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ନାଚୁଣୀ ପଞ୍ଚାୟତର ଜୀବନଦେଇପୁର ଶାସନ ଗ୍ରାମର ମା’ ସର୍ବମଙ୍ଗଳା ମନ୍ଦିରରୁ ଚୋରି ହୋଇଛି। ମିଳିଥିବା ସୂଚନା ଅନୁଯାୟୀ ଗତକାଲି ସକାଳେ ଉକ୍ତ ମନ୍ଦିରକୁ ଭକ୍ତ ମାନେ ଯାଇଥିବା ସମୟରେ ମନ୍ଦିର ବାହାରେ ଥିବା ହୁଣ୍ଡୀ ବାକ୍ସକୁ ଭଙ୍ଗାଯାଇଥିବାର ଦେଖିବାକୁ ପାଇଥିଲେ। ସଙ୍ଗେ ସଙ୍ଗେ ଉକ୍ତ ଖବର ମନ୍ଦିର ଟ୍ରଷ୍ଟିଙ୍କୁ ଜଣାଇବା ପରେ ଟ୍ରଷ୍ଟ ପକ୍ଷରୁ ନାଚୁଣୀ ଫାଣ୍ଡିରେ ଏକ ଏତଲା ଦିଆଯାଇଥିଲା। ତେବେ ଉକ୍ତ ହୁଣ୍ଡିରୁ ପାଖାପାଖି ୧୮ ହଜାର ରୁ ଉର୍ଦ୍ଧ୍ଵ ଟଙ୍କା ଥିବାର ଏତଲାରେ ଉଲ୍ଲେଖ ଅଛି। ପୋଲିସ ବର୍ତ୍ତମାନ ଉକ୍ତ ମାମଲାର ତଦନ୍ତ ଜାରି ରଖିଛି।
ସୂଚନା ଥାଉକି ଗତ ବର୍ଷ ମଧ୍ୟ ଉକ୍ତ ମନ୍ଦିରରୁ ଲକ୍ଷାଧିକ ଟଙ୍କାର ଅଳଙ୍କାର ଏବଂ ହୁଣ୍ଡୀ ବାକ୍ସ ଭାଙ୍ଗି ଚୋରି ହୋଇଥିଲା। ବିଗତ ୬ ବର୍ଷ ମଧ୍ୟରେ ଏହା ସପ୍ତମ ଚୋରି ବୋଲି ଟ୍ରଷ୍ଟ ସଭ୍ୟ କହିଛନ୍ତି। ତେବେ ଲୁଟରେ ସମ୍ପୃକ୍ତ ଥିବା ଦୁର୍ବୁତ୍ତଙ୍କୁ ଯଥାଶୀଘ୍ର ଗିରଫ ପାଇଁ ଦାବି ହେଉଛି।