ଭୁବନେଶ୍ବର: ଆସନ୍ତା ମଙ୍ଗଳବାର 13 ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତିନିଦିନିଆ ମୁମ୍ବାଇ ଗସ୍ତରେ ଯିବେ। ଏ ନେଇ ସମସ୍ତ ପ୍ରକାରର ପ୍ରସ୍ତୁତି ଶେଷ ହୋଇଛି। ସେ ମୁମ୍ବାଇରେ ଆୟୋଜିତ ଇନଭେଷ୍ଟର ମିଟ୍ ରେ ଯୋଗ ଦେବେ। ଆସନ୍ତା ମେକ ଇନ ଓଡିଶା କାର୍ଯ୍ୟକ୍ରମରେ ଯୋଗଦେବା ପାଇଁ ମୁଖ୍ୟମନ୍ତ୍ରୀ ଶିଳ୍ପପତିଙ୍କୁ ଅନୁରୋଧ କରିବେ।
ମୁଖ୍ୟମନ୍ତ୍ର ମଙ୍ଗଳବାରରେ ମୁମ୍ବାଇରେ ପହଁଚିବେ। ଏହାପରେ ବୁଧବାର ଦିନ ହେବ ଇନଭେଷ୍ଟର ମିଟ। ଏଥିରେ ଯୋଗଦେବା ପରେ ସେ ଗୁରୁବାର ଦିନ ଭୁବନେଶ୍ବର ଫେରିବେ। ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ସେଠାରେ ଶିଳ୍ପବିଭାଗର ପ୍ରମୁଖ ସଚିବ ହେମନ୍ତ ଶର୍ମା ଯାଇଛନ୍ତି। ଫିକି ସହିତ ସାମିଲ ହୋଇ ଏହି କାର୍ଯ୍ୟକ୍ରମ କରାଯିବ। ଏଥିରେ ମୁଖ୍ୟଶାସନ ସଚିବ ସୁରେଶ ମହାପାତ୍ର ମଧ୍ୟ ଯୋଗଦେବେ।