Categories
ଅପରାଧ ଆଜିର ଖବର ରାଜ୍ୟ ଖବର

୩ ଦିନ ହେବ ନିଖୋଜ ଥିବା ବୃଦ୍ଧଙ୍କ ଝୁଲନ୍ତା ଅବସ୍ଥାରେ ମୃତ ଦେହ ଉଦ୍ଧାର

କନ୍ଦର୍ପ ବେହେରା

ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲ ଏନଏସି ଅନ୍ତର୍ଗତ ରଥତଇଲା ଗ୍ରାମ ନିକଟ ଜଙ୍ଗଲରେ ଏକ ଅଭାବନୀୟ ଘଟଣା ଘଟିଛି। ତିନି ଦିନ ତଳେ ନିଖୋଜ ଥିବା ଜଣେ ୬୫ ବର୍ଷିୟ ବୃଦ୍ଧଙ୍କ ମୃତଦେହ ଉଦ୍ଧାର ହୋଇଛି। ରେଢ଼ାଖୋଲ ପୋଲିସ ଝୁଲନ୍ତା ଅବସ୍ଥାରେ ବୃଦ୍ଧଙ୍କ ମୃତ ଦେହ ଉଦ୍ଧାର କରିଛି।

ରେଢ଼ାଖୋଲ କଲେଜ ଛକ ନିକଟ ଅଞ୍ଚଳର ଜଣେ କାଠ ବିକାଳି ବିଟା ପ୍ରଧାନ (୬୫) ପାରିବାରିକ କଳହରୁ ତିନି ଦିନ ଧରି ନିଖୋଜ ଥିଲେ। ଆଜି ରଥତଇଲା ଗାଁ ନିକଟ ଜଙ୍ଗଲରୁ ଏକ ଗଛରେ ତାଙ୍କର ମୃତ ଦେହ ଝୁଲନ୍ତା ଅବସ୍ଥାରେ ଥିବା ଦେଖି ଗାଁ ଲୋକ ପରିବାର ଲୋକଙ୍କୁ ଖବର ଦେଇଥିଲେ। ରେଢ଼ାଖୋଲ ପୋଲିସ ଘଟଣା ସ୍ଥଳକୁ ପହଞ୍ଚି ମୃତ ଦେହ ଜବତ କରି ତଦନ୍ତ ଆରମ୍ଭ କରିଛନ୍ତି। ହତ୍ୟା ନା ଆତ୍ମହତ୍ୟା ତଦନ୍ତ ପରେ ଜଣାପଡ଼ିବ ବୋଲି ପୋଲିସ ପ୍ରକାଶ କରିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବାଣପୁର: ବିଲ ଭିତରୁ ସନ୍ଦେହଜନକ ଅବସ୍ଥାରେ ବ୍ୟକ୍ତିଙ୍କ ମୃତ ଦେହ ଉଦ୍ଧାର

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ବାଲିପଦର ଗ୍ରାମ ମୁହଁରେ ଥିବା ବିଲ ଭିତରୁ ଜଣେ ମୃତ ଶରୀରକୁ ସନ୍ଦେହଜନକ ଅବସ୍ଥାରେ ଉଦ୍ଧାର କରିଛି ପୋଲିସ। ମୃତକ ଜଣକ ହେଉଛନ୍ତି ମଙ୍ଗରାଜପୁର ଗ୍ରାମର ସୁକାନ୍ତ ପଲାଇଙ୍କ ପୁତ୍ର କାଶୀନାଥ ପଲାଇ। ତାଙ୍କ ଶ୍ୱଶୁର ଘର ବାଲିପଦର ଗ୍ରାମ ତାରିଣୀ ସାହି ହୋଇଥିବା ବେଳେ ଉକ୍ତ ଗ୍ରାମ ସମ୍ମୁଖରୁ ମୃତ ଦେହ ଉଦ୍ଧାର ହେବା ସାଧାରଣରେ ବହୁ ସନ୍ଦେହ ସୃଷ୍ଟି କରିଛି। ତାଙ୍କର ଏକମାତ୍ର ପୁତ୍ର ଥିବା ଜଣାପଡିଛି।

ତେବେ ମୃତ ଶରୀର ନିକଟରେ ସ୍କୁଲ ଖାତାପତ୍ର ଭର୍ତ୍ତି ଏକ ବ୍ୟାଗ ମଧ୍ୟ ପଡିଥିବାର ଦେଖାଯାଇଛି। ବାଣପୁର ମେଡିକାଲରେ ଡାକ୍ତର ତାଙ୍କୁ ମୃତ ଘୋଷଣା କଲା ପରେ ବର୍ତ୍ତମାନ ପୋଲିସ ମୃତ ଶରୀରକୁ ନିଜ ହେପାଜତକୁ ନେଇ ତଦନ୍ତ ଜାରି ରଖିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ନାଚୁଣୀ: ସନ୍ଦେହଜନକ ଅବସ୍ଥାରେ ମହିଳାଙ୍କ ମୃତ ଦେହ ଉଦ୍ଧାର

ସୀତାରାମ ଅଗ୍ରୱାଲ

ନାଚୁଣୀ: ଖୋର୍ଦ୍ଧା ଜିଲ୍ଲା ୧୬ ନମ୍ବର ଜାତୀୟ ରାଜପଥ ନାଚୁଣୀ ଫାଣ୍ଡି ଅନ୍ତର୍ଗତ ଜଙ୍ଗଲକୁଦା ନିକଟରେ ଆଜି ସକଳେ ଜଣେ ମହିଳାଙ୍କ ସନ୍ଦେହଜନକ ଅବସ୍ଥାରେ ମୃତ ଦେହ ପଡ଼ିରହିଛି। ମହିଳା ଜଣକ ହେଲେ ହରିକୁଣ୍ଡବରଡ଼ି ଅଞ୍ଚଳର ମୃତ ବିଜୟ ବରାଳଙ୍କ ପତ୍ନୀ ରମା ଦେଇ (୬୦)। ଖବର ପାଇ ବର୍ତ୍ତମାନ ନାଚୁଣୀ ଫାଣ୍ଡି ଏଏସଆଇ ହାଡିବନ୍ଧୁ ନାୟକ ସଦଳବଳେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଦେଇଛସନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ବାଣପୁର: କେନାଲରେ ଭାସୁଛି ନବଜାତ ଶିଶୁର ମୃତ ଦେହ

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ପାରିନୂଆଗାଁ କେନାଲରେ ଆଜି ସକାଳେ ଏକ ନବଜାତ ଶିଶୁର ମୃତ ଦେହ ଭାସୁଥିବାର ଦେଖିବାକୁ ମିଳିଛି।

ସୂଚନା ମୁତାବକ ଆଜି ସକାଳୁ ଗ୍ରାମବାସୀମାନେ କେନାଲକୁ ଶୌଚ ହେବା ନିମନ୍ତେ ଯାଇଥିବା ବେଳେ ଏକ ନବଜାତ ଶିଶୁ ପାଣିରେ ଭାସୁଥିବାର ଦେଖିବାକୁ ପାଇଥିଲେ।  ହେଲେ ଶିଶୁଟି ମୃତ ବୋଲି ଜଣାପଡିଛି। ତେବେ କିଏ ଏବଂ କଣ ପାଇଁ ଶିଶୁକୁ କେନାଲରେ ଭସେଇଲା ତାହା ଏଯାଏଁ ଜଣାପଡ଼ିନାହିଁ।

Categories
ଆଜିର ଖବର ରାଜ୍ୟ ଖବର

ପିଟାନାଳି ଗ୍ରାମ ଜଙ୍ଗଲରୁ ନବ ଜନ୍ମିତ ହାତୀ ଛୁଆର ମୃତ ଦେହ ଉଦ୍ଧାର

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ବନଖଣ୍ଡ ଲୁହାପଙ୍କ ସେକ୍ସନ ଅଂଚଳରେ ଏକ ନବ ଜନ୍ମିତ ହାତୀ ଛୁଆର ମୃତ ଦେହକୁ ବନ ବିଭାଗ ଉଦ୍ଧାର କରିଛି।

ବନବିଭାଗ ସୂତ୍ରରୁ ପ୍ରକାଶ ଯେ, ସମ୍ବଲପୁର ଜିଲ୍ଲା ରେଢାଖୋଲ ବନଖଣ୍ଡ ଲୁହାପଙ୍କଲ ସେକ୍ସନ ଅନ୍ତର୍ଗତ ପିଟାନାଳି ଗ୍ରାମ ନିକଟସ୍ଥ ଜଙ୍ଗଲରୁ ଏକ ନବ ଜନ୍ମିତ ହାତୀ ଛୁଆ ମୃତ୍ୟୁ ବରଣ କରିଥିବା ବନବିଭାଗ ଖବର ପାଇଥିଲା। ମା ହାତୀ ସୋମବାର ବିଳମ୍ବିତ ରାତ୍ରିରେ ଛୁଆ ଜନ୍ମ ଦେଇଥିଲା। ଯାହା ଅନୁମାନ କରାଯାଉଛି ହାତୀମାନଙ୍କର ଦଳା ଚକଟାରେ ହାତୀ ଛୁଆଟିର ମୃତ୍ୟୁ ହୋଇଥାଇ ପାରେ ବୋଲି ବନ ବିଭାଗ ପ୍ରକାଶ କରିଛି। ମୃତ ହାତୀ ଛୁଆର ଶବକୁ ବ୍ୟବଚ୍ଛେଦ କରାଯାଇ ବନବିଭାଗ ପୋତି ଦେଇଥିବା ଜଣା ପଡିଛି।

ଦିନକୁ ଦିନ ରେଢାଖୋଲ ବନଖଣ୍ଡରେ ହାତୀ ଓ ହାତୀ ଛୁଆମାନଙ୍କର ମୃତ୍ୟୁ ଯୋଗୁଁ ହାତୀ ବଂଶ ଲୋପ ପାଇଯିବାର ଆଶଙ୍କା ରହିଛି। ବେଳେ ବେଳେ ବାଣୁଆମାନେ ମଧ୍ୟ ହାତୀମାନଙ୍କର ଦାନ୍ତ ସଂଗ୍ରହ ପାଇଁ ବନ୍ଧୁକ ସାହାଯ୍ୟରେ ମାରି ପକାଉଥିବା ଏକ ଚିନ୍ତାର କାରଣ ହୋଇଛି। ବନବିଭାଗ ଏ ଦିଗରେ ସଚେତନ ହେବାର ଆବଶ୍ୟକତା ରହିଛ।

Categories
ଆଜିର ଖବର ରାଜ୍ୟ ଖବର

କୋଠ ଘରୁ ବୃଦ୍ଧଙ୍କର ମୃତ ଦେହ ଉଦ୍ଧାର କଲା ପୋଲିସ୍

କନ୍ଦର୍ପ ବେହେରା
ରେଢାଖୋଲ: ଆଜି ନାକଟିଦେଉଳ ଥାନା ହିତସରା ଗ୍ରାମର ଏକ କୋଠ ଘରୁ ଜଣେ ବୃଦ୍ଧଙ୍କର ମୃତ ଦେହକୁ ନାକଟିଦେଉଳ ପୋଲିସ୍ ଜବତ କରିଥିବା ଜଣାପଡିଛି।

ସୂଚନା ଅନୁଯାୟୀ, ନାକଟିଦେଉଳ ଥାନା ବାଟଗାଁ ପଂଚାୟତର କୁଞାମୁରା ଗ୍ରାମର ଭୁକ୍ଲା ବେହେରା ଏକ ଦେବୀ ପ୍ରତିମା ଧରି ଗାଁ ଗାଁ ବୁଲି ଭିକ୍ଷା ବୃତ୍ତି କରୁଥିଲା। ପ୍ରତ୍ୟେକ ଦିନ ପରି ଗତକାଲି ମଧ୍ୟ ସେମିତି ଢଙ୍ଗରେ ଭିକ୍ଷା ବୃତ୍ତି କରି ସାରିବା ପରେ ହିତସରା ଗ୍ରାମର ଦାଶରଥି ମୁଣ୍ଡା ସାହିରେ ଥିବା କୋଠ ଘରେ ରାତ୍ରିଯାପନ କରିଥିଲା।

ଆଜି ସକାଳୁ ସକାଳୁ ଭୁକୁଲା ମରି ପଡିଥିବା ଗାଁ ଲୋକମାନେ ଦେଖିବାକୁ ପାଇଥିଲେ। ସଙ୍ଗେ ସଙ୍ଗେ ନାକଟିଦେଉଳ ଥାନାକୁ ଖବର ଦେଇଥିଲେ ଗ୍ରାମବାସୀ। ନାକଟିଦେଉଳ ପୋଲିସ୍ ହିତସରା ଗ୍ରାମକୁ ଯାଇ ଭୁକୁଲାର ଶବକୁ ଜବତ କରିଥିଲା। ନାକଟିଦେଉଳ ପୋଲିସ୍ ଏକ ଅପମୃତ୍ୟୁ ମାମଲା ରୁଜୁ କରିଥିବା ବେଳେ ଆସନ୍ତା କାଲି ଶବ ବ୍ୟବଚ୍ଛେଦ କରାଯିବ ବୋଲି ନାକଟିଦେଉଳ ଥାନାଧିକାରୀ ବିଧୂଭୂଷଣ ମିଶ୍ର ପ୍ରକାଶ କରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଚିଲିକାରେ ଅଘଟଣ: କୂଅରୁ ସନ୍ଦେହଜନକ ଅବସ୍ଥାରେ ଯୁବକଙ୍କ ମୃତ ଦେହ ଉଦ୍ଧାର

ସୀତାରାମ ଅଗ୍ରୱାଲ

ଚିଲିକା: ଖୋର୍ଦ୍ଧା ଜିଲ୍ଲା ନାଚୁଣୀ ଫାଣ୍ଡି ଅନ୍ତର୍ଗତ ବଉଳାବନ୍ଧ ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। କୂଅରେ ପଡି ଜଣେ ଯୁବକଙ୍କ ମୃତ୍ୟୁ ହୋଇଥିବାର ଅଭିଯୋଗ ହୋଇଛି।

ସୂଚନା ମୁତାବକ ଟାଙ୍ଗୀ ଥାନା ନିମୁନା ଗ୍ରାମର ରାଜକିଶୋର ନାୟକଙ୍କ ପୁତ୍ର ଅଶୋକ ନାୟକ (୩୨)ଙ୍କୁ ଆଜି ସକାଳ ୭ ଘଟିକା ସମୟରେ ବଉଳାବନ୍ଧ ଗ୍ରାମର ଏକ କୂଅରେ ବୁଡି ପଡିଥିବାର ଦେଖିବାକୁ ପାଇଥିଲେ ଗ୍ରାମବାସୀ। ଏ ନେଇ ଗଙ୍ଗାଧରପୁର ଅଗ୍ନିଶମ ବାହିନୀକୁ ଖବର ଦେବାରୁ ଅଗ୍ନିଶମ ବାହିନୀ କୂଅରୁ ଅଶୋକଙ୍କ ମୃତ ଦେହକୁ ଉଦ୍ଧାର କରି ନାଚୁଣୀ ଫାଣ୍ଡି ପୋଲିସକୁ ଖବର ଦେଇଥିଲେ।

ଘଟଣାସ୍ଥଳରେ ନାଚୁଣୀ ଫାଣ୍ଡି ଅଧିକାରୀ ଉମାକାନ୍ତ ସାହୁ ସଦଳବଳେ ପହଞ୍ଚି ତଦନ୍ତ ଜାରି ରଖିଛନ୍ତି। ପ୍ରାଥମିକ ତଦନ୍ତରୁ ଏହା ଆତ୍ମହତ୍ୟା ହୋଇଥାଇପାରେ ବୋଲି ପୋଲିସ ସନ୍ଦେହ କରୁଛି। ଏହି ଘଟଣାରେ ଆଜି ବାଣପୁର ଥାନାରେ ୟୁଡି କେସ ନମ୍ବର ୧୦/୨୧ ରେ ଏକ ଅପମୃତ୍ୟୁ ମାମାଲା ରୁଜୁ କରାଯାଇଛି। ତେବେ ମୃତ ବ୍ୟକ୍ତିଙ୍କ ଡ଼ାଏଟମ ଟେଷ୍ଟ ହେବା ସହ ଶବ ବ୍ୟବଚ୍ଛେଦ ରିପୋର୍ଟ ଆସିଲାପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ଫାଣ୍ଡି ଅଧିକାରୀ ଶ୍ରୀ ସାହୁ ସୂଚନା ଦେଇଛନ୍ତି।

Categories
ଆଜିର ଖବର ରାଜ୍ୟ ଖବର

ରାଜଧାନୀରେ ସ୍କୁଲ ବସରୁ ମିଳିଲା ମୃତ ଦେହ: ଏଯାଏଁ ମିଳିନି ମୃତକଙ୍କ ପରିଚୟ

ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଛିଡା ହୋଇଥିବା ଏକ ସ୍କୁଲ ବସ ମଧ୍ୟରୁ ମୃତ ଦେହ ଉଦ୍ଧାର କରାଯାଇଛି। ଲକଡାଉନ ଯୋଗୁଁ ନୂଆପଲ୍ଲୀରେ ବସଟି ଛିଡା ହୋଇ ରହିଥିଲା। ମୃତ୍ୟୁକଙ୍କ ପରିଚୟ ମିଳିନଥିବା ବେଳେ ମୃତ୍ୟୁର କାରଣ ଏଯାଏଁ ସ୍ପଷ୍ଟ ହୋଇନି। ବର୍ତ୍ତମାନ ଘଟଣା ସ୍ଥାନରେ ପୋଲିସ ପହଞ୍ଚି ତଦନ୍ତ ଜାରି ରଖିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଇନ୍ଦ୍ରାବତୀ କେନାଲରୁ ଯୁବକର ମୃତ ଦେହ ଉଦ୍ଧାର, ହତ୍ୟା ଅଭିଯୋଗ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲା ଜୟପାଟଣା ଥାନା ମତୁଆଲଗୁଡା ନିକଟରେ ଇନ୍ଦ୍ରାବତୀ କେନାଲ ରେ ଜଣେ ଯୁବକର ଶବ ଭାସୁଥିବାର ଖବର ପାଇଁ ବଡକୁଟ୍ରୁ ପୋଲିସ ଘଟଣାସ୍ଥଳରେ ପହଂଚି ଶବ ଉଦ୍ଧାର କରିଥିବା ଜଣାପଡିଛି।

ଶନିବାର ରାତିରେ ମୁଖିଗୁଡା ଠାରେ ପରିବାର ସହ ରହୁଥିବା ସୀମାଂଚଳ ମହାପାତ୍ର ସାନ ଭାଇ ସହ ବ୍ୟବସାୟ କାର୍ଯ୍ୟରେ ବଡକର୍ଲାକୋଟ ଯାଇ ରାତିରେ ଫେରିନଥିଲେ। ଏସଂପର୍କରେ ପରିବାର ଲୋକେ ଚିନ୍ତିତ ଥିବା ବେଳେ ବଡକୁଟ୍ରୁ ପୋଲିସ ପକ୍ଷରୁ ଶବ ଉଦ୍ଧାର ବିଷୟ ଜାଣିପାରି ସୀମାଂଚଳ ପରିବାର ଲୋକେ ଘଟଣାସ୍ଥଳକୁ ଯାଇ ଚିହ୍ନଟ କରିଥିଲେ। ରାତିରେ ପ୍ରାୟ ନଅଟା ସମୟରେ ବିଲମ୍ବ ହେତୁ ଘରକୁ ଯାଇନପାରୁ ଜୟପାଟଣାରେ ରହିଯାଉଥିବା ଫୋନ କରିଥିବା ପରିବାର ଲୋକ ପ୍ରକାଶ କରିଥିଲେ।

ଅନ୍ୟପକ୍ଷରେ ବଡକର୍ଲାକୋଟ ଠାରୁ ଜୟପାଟଣା ରାସ୍ତାରେ ପୁଳାପୁଳା ରକ୍ତ ପଡିଥିବା ଦେଖି ଲୋକେ ପୋଲିସକୁ ଜଣାଇବା ପରେ ପୋଲିସ ଘଟଣାର ଛାନଭିନ କରି ସେଠାରୁ ସୀମାଂଚଲର ଡଟପେନ, ବେଙ୍କ କାଗଜାତ ଇତ୍ୟାଦି ସମେତ ରକ୍ତଲଗା କଟୁରୀ ପୋଲିସ ନଜରକୁ ଆସିଥିବା ପ୍ରକାଶ। ସୀମାଂଚଳକୁ ସେଠାରେ ହତ୍ୟା କରାଯାଇ ସୁଦୂର କେନାଲ ରେ ପକାଇ ଦିଆଯାଇଥିବା ପରିବାର ଲୋକେ ଅଭିଯୋଗ କରୁଛନ୍ତି। ସୀମାଂଚଳର ବାଇକ କୁ ମଧ୍ୟ ପୋଲିସ ଜବତ କରିଥିବା ଜଣାପଡିଛି।

ଏହାର କାରଣ ସ୍ପଷ୍ଟ ହୋଇନଥିବା ବେଳେ ପୋଲିସ ପ୍ରାଥମିକ ପର୍ଯ୍ୟାୟରେ ୟୁଡି କେଶ ନଂ.୮/୨୦୨୧ ରେ ଏକ କେଶ ରୁଜ୍ଜୁ କରି ତଦନ୍ତ ଜାରି ରଖିଥିବା ପ୍ରକାଶ।

Categories
ଆଜିର ଖବର ରାଜ୍ୟ ଖବର

ନିଖୋଜ ଦୋକାନୀର ମୃତ ଦେହ ଉଦ୍ଧାର

କନ୍ଦର୍ପ ବେହେରା
ରେଢାଖୋଲ: ତିନିଦିନ ତଳେ ନିଖୋଜ ଥିବା ରେଢାଖୋଲର ଅଣ୍ଡା ଦୋକାନୀର ମୃତଦେହକୁ ଆଜି ସକାଳୁ ରେଢାଖୋଲ ପୋଲିସ୍ ଡଳଖମଣରୁ ଉଦ୍ଧାର କରିଛି।

ପୋଲିସ୍ ସୂତ୍ରରୁ ପ୍ରକାଶ ଯେ, ରେଢାଖୋଲର ଖଗେଶ୍ୱର ସେଠୀ(୫୦) ରେଢାଖୋଲ କଲେଜ ଛକରେ ଅଣ୍ଡା ଦୋକାନ ଦେଇ ନିଜର ଗୁଜୁରାଣ ମେଂଟାଉଥିଲେ। ତିନିଦିନ ତଳେ ସେ ନିଖୋଜ ଥିବା ପୋଲିସ୍ କହିଛି। ଏପରିକି ସେ ମାରକି ରୋଗରେ ଆକ୍ରାନ୍ତ ଥିଲେ। ଯାହା ଜଣା ପଡୁଛି ସେ ମାରକି ରୋଗରେ ମୃତୁବରଣ କରିଥାଇ ପାରନ୍ତି। ସେ ଅବିବାହିତ ଥିଲେ ବୋଲି ଜଣା ପଡିଛି। ପୋଲିସ୍ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ରେଢାଖୋଲ ପୋଲିସ୍ ଏକ ଅପମୃତ୍ୟୁ ମାମଲା ରୁଜୁ କରିଛି।

Categories
ଆଜିର ଖବର ରାଜ୍ୟ ଖବର

ହତ୍ୟା ନା ଆତ୍ମହତ୍ୟା: ଟାଙ୍ଗୀରେ ରେଲ୍‌ୱେ ଟ୍ରାକ୍‌ରୁ ମା’ ଝିଅର ମୃତ ଦେହ ଉଦ୍ଧାର

ଖୋର୍ଦ୍ଧା: ରେଲ୍‌ୱେ ଟ୍ରାକ୍‌ରୁ ମା ଆଉ ଝିଅର ମୃତ ଦେହ ଉଦ୍ଧାର କରାଯାଇଛି। ଜଣେ ମହିଳା ଓ ତାଙ୍କ ବର୍ଷକର ଶିଶୁକନ୍ୟାର ମୃତଦେହ ଉଦ୍ଧାର କରିଛି ଟାଙ୍ଗୀ ପୋଲିସ। ଉଭୟଙ୍କ ମୃତଦେହ ଟାଙ୍ଗୀ ଥାନା ଅନ୍ତର୍ଗତ ଅଭିମାନପୁର ଗାଁ ନିକଟରେ ଥିବା ରେଲ୍‌ୱେ ଟ୍ରାକ୍‌ରୁ ପଡ଼ିଥିଲା।

ଟ୍ରେନ୍‌ରେ କଟି ଉଭୟଙ୍କ ମୃତ୍ୟୁ ହୋଇଥିବା କୁହାଯାଉଥିବା ବେଳେ ଏହା ହତ୍ୟା କି ଆତ୍ମହତ୍ୟା ତାହା ସ୍ପଷ୍ଟ ହୋଇପାରି ନାହିଁ।

ତେବେ ପାରିବାରିକ କଳହ କାରଣରୁ ମହିଳା ଜଣଙ୍କ ଆତ୍ମହତ୍ୟା କରିଥିବା ତାଙ୍କ ଶ୍ଵଶୁର କହିଛନ୍ତି। ସେପଟେ ମହିଳାଙ୍କ ବାପା ତାଙ୍କ ଝିଅକୁ ହତ୍ୟା କରି ରେଲ୍‌ୱେ ଟ୍ରାକ୍‌ ରେ ଫିଙ୍ଗି ଦେଇଛନ୍ତି ବୋଲି ଅଭିଯୋଗ କରିଛନ୍ତି। ବର୍ତ୍ତମାନ ମୃତ ମହିଳାଙ୍କ ପରିବାର ଲୋକଙ୍କୁ ଅଟକ ରଖି ପୋଲିସ ପଚରା ଉଚରା କରୁଛି ବୋଲି ଜଣାପଡିଛି।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ଜଳ ପ୍ରପାତରେ ପଡି ଯୁବକଙ୍କ ମୃତ୍ୟୁ: ଦୁଇ ଦିନ ପରେ ଉଦ୍ଧାର ହେଲା ମୃତ ଦେହ

କଳାହାଣ୍ଡି: କଳାହାଣ୍ଡି ଜିଲ୍ଲା ଥୂଆମୁଳ ରାମପୁର ବ୍ଲକ ପାଡେପଦର ଗ୍ରାମ ପଞ୍ଚାୟତର ଖମାରପଦର ଗ୍ରାମର ଭୁତଗୁଡା ଠାରେ ଥିବା ଜଳ ପ୍ରପାତରେ ପଡି ଯୁବକଙ୍କ ମୃତ୍ୟୁ ଘଟିଛି।  ଯୁବକ ଜଣକ ଭୁତଗୁଡା ପଡାର ସାନ୍ ଟିବୁ ମାଝୀ ଙ୍କ ପୁଅ ସୋଭା ମାଝୀ ବୋଲି ଜଣାପଡିଛି। ଗତ ତା, ୨୨ ତାରିଖ ଦିନ ସକାଳ ପ୍ରାୟ ୧୦ ଘଣ୍ଟିକା ସମୟରେ ଘର ଠାରୁ ବାହାରି ଜଗଂଲ କୁ ଯାଇ ଫେରି ନଥିଲେ। ସଂଧ୍ୟାରେ ଖୋଜାଖୋଜି କଲାପରେ ମଧ୍ୟ କୌଣସି ପତ୍ତା ମିଳିନଥିବା ବେଳେ ସାନ୍ ଟିବୁ ମାଝୀ ମହୁଲପାଟଣା ପୋଲିସ୍ ପାଂଣ୍ଡି ରେ ପୁଅର ମୃତ୍ୟୁ ବିଷୟରେ ଲିଖିତ ଏତାଲା ଦେଇଥିଲେ।

ପରେ ଗ୍ରାମର କିଛି ଲୋକ ସୋଭା ମାଝୀର ମୃତ ଦେହ ସିନ୍ଦେର ଝରଣା ଜଳ ପ୍ରପାତରେ ଭାସୁଥିବାର ଦେଖିଥିଲେ ଓ ମହୁଲପାଟଣା ପୋଲିସ୍ ପାଂଣ୍ଡି ଅଧିକାରୀଙ୍କୁ ଜଣାଇବା ପରେ ଫାଣ୍ଡି ଅଧିକାରୀ ଘଟଣାସ୍ଥଳରେ ପହଞ୍ଚି ଥିଲେ। କିନ୍ତୁ ସଂଧ୍ୟା ସମୟ ବୋଲି ଶବକୁ ଉଦ୍ଧାର କରିନଥିଲେ ପୋଲିସ୍। ତା’ପର ଦିନ ଥୂଆମୁଳ ରାମପୁର ପୋଲିସ୍ ଥାନା ଅଧିକାରୀ ଅଗ୍ନିଶମ ବାହିନୀ ସହିତ ଘଟଣା ସ୍ଥଳରେ ପହଞ୍ଚିଥିଲେ। କିନ୍ତୁ ଶବ ତିନି ଶହ ଫୁଟରୁ ଅଧିକ ତଳେ ଥିବାରୁ ମୃତ ଦେହ ପାଖକୁ ପୋଲିସ୍ ପହଞ୍ଚି ପାରିନଥିଲେ। ପରେ ସ୍ଥାନୀୟ ଗ୍ରାମ ବାସୀ ଶବ ଉଦ୍ଧାର କରି ପୋଲିସ୍ କୁ ହସ୍ତାନ୍ତର କରିଥିଲେ।  ପରେ ଥୂଆମୁଳ ରାମପୁର ଥାନା ଭାର ପ୍ରାପ୍ତ ଅଧିକାରୀ ମନୋରଞ୍ଜନ କୁମ୍ଭାର ୟୁଡି କେସ୍ ନଂ ୧୧ ୨୫/୧୦/୨୦୨୦ ରେ ଏକ ଅପମୃତ୍ଯୁ ମାମଲା ରୁଜୁ କରି ଶବ ବ୍ୟବେଚ୍ଛେଦ କରି ତଦନ୍ତ ଜାରି ରଖିଛନ୍ତି।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ରେଢାଖୋଲ ଥାନା ମାହାଲିଙ୍ଗ ଗ୍ରାମ ବିଲମାଳରୁ ଯୁବକଙ୍କ ମୃତ ଦେହ ଉଦ୍ଧାର: ହତ୍ୟା  ସନ୍ଦେହ

କନ୍ଦର୍ପ ବେହେରା

ରେଢାଖୋଲ: ଆଜି ସକାଳୁ ରେଢାଖୋଲ ଥାନା  ମାହାଲିଙ୍ଗ ଗ୍ରାମର ବିଲମାଳରୁ ଜନୈକ ଯୁବକର ମୃତ ଦେହ କୁ ରେଢାଖୋଲ ପୋଲିସ୍ ଜବତ କରିଥିବା ଜଣା ପଡିଛି।

ପୋଲିସ୍ ସୂତ୍ରରୁ ପ୍ରକାଶ ଯେ, ରେଢାଖୋଲ ଥାନା ଲୁହାପଙ୍କ ପଂଚାୟତ ବଡଦଫଲା ଗ୍ରାମର ବିରଂଚି ମୁଣ୍ଡା(୪୧) ନାମକ ଯୁବକର ମୃତ ଦେହକୁ ଚାଷ ଜମିରୁ ସକାଳୁ ସକାଳୁ ଗ୍ରାମବାସୀ ଦେଖି ପୋଲିସ୍ କୁ ଖବର ଦେଇଥିଲେ। ରେଢାଖୋଲ ପୋଲିସ୍ ମହାଲିଙ୍ଗ ଗ୍ରାମକୁ ଯାଇ ମୃତ ଦେହକୁ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଥିବା ଜଣାପଡିଛି। ଏହା ଏକ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଥିବା ଜଣା ପଡିଛି। ଦେହର ବିଭିନ୍ନ ସ୍ଥାନରେ କ୍ଷତ ଚିହ୍ନ ମଧ୍ୟ ଦେଖିବାକୁ ମିଳିଛି। ପାରିପାର୍ଶିକ ସ୍ଥିତିରୁ ଯାହା ଜଣା ପଡୁଛି ଏହା ଏକ ହତ୍ୟାକାଣ୍ଡ ବୋଲି ସନ୍ଦେହ କରୁଛନ୍ତି ଗ୍ରାମବାସୀ। ପୋଲିସ୍ ଏହାର ତଦନ୍ତ କରୁଛି।