Categories
ଜାତୀୟ ଖବର ନିର୍ବାଚନ ଖବର ବିଶେଷ ଖବର ରାଜ୍ୟ ଖବର

ରୁବେନଙ୍କୁ ଚ୍ୟାଲେଞ୍ଜ କଲେ ଅରୁଣ ସାହୁ, କହିଲେ ଅଣ୍ଡିରା ପୁଅ ତ ବିଜେପି ବିରୋଧରେ ଲେଖିକି ଦେଖାଅ

ଭୁବନେଶ୍ବର: ବର୍ତ୍ତମାନ ଜାତୀୟ ସ୍ତରର ବରିଷ୍ଠ ସାମ୍ବାଦିକ ରୁବେନ ବାନାର୍ଜୀଙ୍କ ଲିଖିତ ପୁସ୍ତକକୁ ନେଇ ରାଜ୍ୟ ରାଜନୀତିରେ ବେଶ ଚର୍ଚ୍ଚା ଚାଲିଛି। ରୁବେନ ତାଙ୍କ ଲିଖିତ ‘ନବୀନ ପଟ୍ଟନାୟକ’ ପୁସ୍ତକର ନିର୍ବାଚନ ପରର ବିଷୟକୁ ଯୋଡି ଏକ ନୂଆ ସଂସ୍କରଣ ପ୍ରକାଶ କରିଛନ୍ତି। ଯେଉଁଥିରେ ସେ ବିଜେଡି ବିଜେପି ମେଣ୍ଟ ପାଣ୍ଡିଆନ ଚାହୁଁଥିଲେ ବୋଲି ଉଲ୍ଲେଖ କରିଛନ୍ତି।

ସେତିକି ନୁହେଁ ପାଣ୍ଡିଆନଙ୍କ ଚକ୍ରାନ୍ତ, ବିଜେପି ଦିଲ୍ଲୀ ନେତୃତ୍ବଙ୍କ ସହିତ ବାରମ୍ବାର କଥାବାର୍ତ୍ତା କରିବା। ଚ୍ୟାଟର ଫ୍ଲାଇଟରେ ଯିବା ଆସିବା କରିବା ସଂପର୍କରେ ରୁବେନ ସେହି ପୁସ୍ତକରେ ଉଲ୍ଲେଖ କରିଛନ୍ତି। ପାଣ୍ଡିଆନ ନିଜର ସୁରକ୍ଷା ପାଇଁ ଏପରି ମେଣ୍ଟ କରିବାକୁ ଚାହୁଁଥିଲେ ବୋଲି ରୁବେନ କହିଛନ୍ତି। ହେଲେ ପରବର୍ତ୍ତି ସମୟରେ ଓଡିଶା ବିଜେପି ତରଫରୁ ମେଣ୍ଟ ବିରୋଧରେ ପ୍ରବଳ ସ୍ବର ଉଠିଲା। ଶେଷରେ ଦିଲ୍ଲୀରେ ବିଜେପି ନେତୃତ୍ବ ଏହି ମେଣ୍ଟରୁ ଓହରିଗଲେ।

ଏହାକୁ ନେଇ ବିଜେଡି ତରଫରୁ ତୀବ୍ର ପ୍ରତିକ୍ରିୟା ପ୍ରକାଶ କରାଯାଇଛି। ବିଜେଡି ବିଧାୟକ ଅରୁଣ ସାହୁ ସାମ୍ବାଦିକ ରୁବେନ ବାନାର୍ଜୀଙ୍କୁ ଚ୍ୟାଲେଞ୍ଜ କରିଛନ୍ତି। ସେ କହିଛନ୍ତି ଯେ, ରୁବେନ ହେଉଛନ୍ତି ବିରୋଧୀ ବିଜେପି ଦଳର ସମର୍ଥକ। ସେ ଦୀର୍ଘ ବର୍ଷ ଧରି ବିଜେପି ନେତାଙ୍କ ଇସାରାରେ ବିଜେଡି ବିରୋଧରେ କହିଆସୁଛନ୍ତି। କାହିଁ ସେ ଯଦି ଅଣ୍ଡିରା ପୁଅ ବିଜେପି ବିରୋଧରେ ଗୋଟିଏ ଧାଡି ଲେଖିକି ଦେଖାନ୍ତୁ ବୋଲି ଅରୁଣ ଚ୍ୟାଲେଞ୍ଜ କରିଛନ୍ତି।

ଅରୁଣ କହିଛନ୍ତି ଯେ, ମୁଁ ଜାଣିବାରେ ରୁବେନ ଆମର ନେତା ନବୀନ ପଟ୍ଟନାୟକଙ୍କ ଦୀର୍ଘ ବର୍ଷ ଧରି ଦେଖା କରି ନାହାଁନ୍ତି। ଏପରିକି ସେ ଦୀର୍ଘ ବର୍ଷ ଧରି କେବେ କଥା ମଧ୍ୟ ହୋଇ ନାହାଁନ୍ତି। ଜଣଙ୍କ ସଂପର୍କରେ କିଛି ଲେଖିବା ପୂର୍ବରୁ ତାଙ୍କ ସହିତ ଆଲୋଚନା କରିବାର ଆବଶ୍ୟକ ରହିଛି। ତାଙ୍କ ବିରୋଧରେ କିଛି ତଥ୍ୟ ଦେବା ପୂର୍ବରୁ ତାଙ୍କର ମନ୍ତବ୍ୟ ଉପସ୍ଥାପିତ କରିବା ଦରକାର। ହେଲେ ସେ ଏକପାଖିଆ କରି ସେ ବିଜେପିର ମତକୁ ଉପସ୍ଥାପିତ କରିଛନ୍ତି।

ରୁବେନ ସେହି ପୁସ୍ତକରେ ଯାହା ଉଲ୍ଲେଖ କରିଛନ୍ତା ତାହା ହେଉ ପାନ ଦୋକାନ, ଚା ଦୋକାନରେ ଗୁଲିଖଟି କରାଯାଉଥିବା ତଥ୍ୟ। ତାହାକୁ ସେ ସୁନ୍ଦର ଭାବେ ଉପସ୍ଥାପିତ କରି ନିଜକୁ ବହୁତ ବଡ ବୋଲି ଭାବୁଛନ୍ତି। ସେ ପ୍ରକାରର ପୁସ୍ତକକୁ ଆମେ ପ୍ରତ୍ୟାଖାନ କରୁଛି। ତାହାକୁ ଆମେ ବ୍ୟାନ କରୁଛୁ ଏବଂ ରାଜ୍ୟବାସୀ ମଧ୍ୟ ଏହି ପୁସ୍ତକକୁ ପ୍ରତ୍ୟାଖାନ କରିବେ ବୋଲି କହିଛନ୍ତି ଅରୁଣ ସାହୁ। ତେବେ ରୁବେନ ବାନାର୍ଜୀଙ୍କ ଏହି ପୁସ୍ତକକୁ ନେଇ ସାରା ରାଜ୍ୟରେ ବେଶ ଚର୍ଚ୍ଚା ଚାଲିଛି।

Categories
ଆଜିର ଖବର ଜାତୀୟ ଖବର

ବରିଷ୍ଠ ସାମ୍ବାଦିକ ରୁବେନ ବାନାର୍ଜି ଏବେ ଆସିବେ ୟୁଟ୍ୟୁବ ଚ୍ୟାନେଲରେ, ଯାହାର ନାମ ରହିଛି..

ଭୁବନେଶ୍ବର: ଦେଶର ବରିଷ୍ଠ ସାମ୍ବାଦିକ ରୁବେନ ବାନାର୍ଜି ଏବେ ୟୁଟ୍ୟୁବ ଚ୍ୟାନେଲରେ ଆସିବେ। ସେଥିପାଇଁ ସେ ନିଜେ କରିଛନ୍ତି ଏକ ୟୁଟ୍ୟୁବ ଚ୍ୟାନେଲ ଯାହାର ନାମ ରହିଛି ‘ମୁଁ ରୁବେନ କହୁଛି।’ ଓଡିଆରେ ପ୍ରସାରଣ ହେବାକୁ ଥିବା ଏହି ଚ୍ୟାନେଲରେ ଓଡିଶା ରାଜନୀତି ଉପରେ ବିଶେଷ ଭାବେ ପ୍ରସାରଣ କରାଯିବ। ପୂର୍ବରୁ ବିଭିନ୍ନ ପ୍ରସଂଗରେ ଓଡିଶା ରାଜନୀତି ଉପରେ ନିଜର ମତ ଦେଇ ରୁବେନ ଚର୍ଚ୍ଚାରେ ଅଛନ୍ତି।

ନୂଆଦିଲ୍ଲୀରେ ରହୁଥିବା ରୁବେନ ଓଡିଶାରେ ଦୀର୍ଘ ବର୍ଷ ଧରି ସାମ୍ବାଦିକତା କରିଛନ୍ତି। ସେ ଏକଦା ନବୀନ ପଟ୍ଟନାୟକଙ୍କ ସହିତ ବେଶ ଘନିଷ୍ଠ ଥିଲେ। ସେହି ସମୟର ସଂପର୍କକୁ ନେଇ ସେ ନବୀନ ପଟ୍ଟନାୟକଙ୍କ ଉପରେ ଏକ ପୁସ୍ତକ ମଧ୍ୟ ଲେଖିଛନ୍ତି। ବହୁ ବର୍ଷ ତଳେ ସେ ଓଡିଶାରେ ଇଣ୍ଡିଆ ଟୁଡେର ରିପୋର୍ଟର ଭାବେ କାର୍ଯ୍ୟ ଆରମ୍ଭ କରିଥିଲେ। ଏହାପରେ ସେ ଅନ୍ତର୍ଜାତୀୟ ନ୍ୟୁଜ ଚ୍ୟାନେଲ ‘ଅଲ ଜରଜିରା’, ‘ହିନ୍ଦୁସ୍ଥାନ ଟାଇମସ’ ଏବଂ ଶେଷରେ ‘ଆଉଟ ଲୁକ’ ପରି ପତ୍ରିକାର ସଂପାଦକ ଭାବେ କାର୍ଯ୍ୟ କରିଛନ୍ତି।

ବର୍ତ୍ତମାନ ଓଡିଶାରେ ବରିଷ୍ଠ ସାମ୍ବାଦିକ ନୀବନ ଦାସ, ସତ୍ୟପ୍ରକାଶ ନାୟକ, ସନ୍ଦୀପ ସାହୁ ପରି ଅନେକ ନିଜର ୟୁଟ୍ୟୁବ ଚ୍ୟାନେଲ କରି ନିଜର ମତ ରଖୁଛନ୍ତି। ଯାହା ଦର୍ଶକଙ୍କ ଦ୍ବାରା ବେଶ ଆଦୃତ ହେବାରେ ଲାଗିଛି। ସେହିପରି କ୍ଷେତ୍ରରେ ରୁବେନଙ୍କ ଏହି ଚ୍ୟାନେଲ ମଧ୍ୟ ବେଶ ଆଦୃତ ହେବ ବୋଲି ସେ ନିଜେ ଆଶାବାଦୀ ଅଛନ୍ତି। ଏନେଇ ରୁବେନ ଏକ ପ୍ରମୋ ଭିଡିଓ ୟୁଟ୍ୟୁବରେ ଛାଡିଛନ୍ତି।