ମୁମ୍ବାଇ, ସାମ୍ବାଦିକତା କ୍ଷେତ୍ରରେ ଶ୍ରେଷ୍ଠତା ପାଇଁ ରିପବ୍ଲିକ ଟିଭିର ମୁଖ୍ୟ ଅର୍ଣ୍ଣବ ଗୋସ୍ବାମୀଙ୍କୁ ଚପଲ ଉପହାର ଦେବା ପାଇଁ ତାଙ୍କ ଟିଭି ଅଫିସରେ ପହଁଚିଲେ ଦୁଇ ଜଣ ବ୍ୟକ୍ତି। ଜଣେ ହେଉଛନ୍ତି ୟୁଟ୍ୟୁବ ଚ୍ୟାନେଲରେ ବେଶ ଲୋକପ୍ରିୟତା ଅର୍ଜନ କରିଥିବା ଷ୍ଟାଣ୍ଡ ଅପ୍ କମେଡିଆନ୍ କୁନାଲ କାମ୍ରା। ଆଉ ଜଣେ ହେଉଛନ୍ତି ଚଳଚିତ୍ର ବ୍ୟକ୍ତିତ୍ବ ଅନୁରାଗ କାଶ୍ୟପ। ଦୁହେଁ ଏକ ଫ୍ରେମ ଭିତରେ ଗୋଟିଏ ଚପଲ ଥିବା ପୁରସ୍କାର ନେଇ ଅର୍ଣ୍ଣବଙ୍କ ରିପବ୍ଲିକ ଟିଭି ଅଫିସରେ ପହଁଚିଥିଲେ। ହେଲେ ସେଠାରେ ଦୁହିଁଙ୍କୁ ସୁରକ୍ଷା କର୍ମି ଛାଡି ନ ଥିଲେ। ପରେ ସେମାନେ ତାଙ୍କ ଅଫିସ ଆଗରେ ଛିଡା ହୋଇ ପୁରସ୍କାର ଧରି ଫଟୋ ଉଠାଇଥିଲେ। ଉଭୟଙ୍କର ଏହା ଥିଲା ଅର୍ଣ୍ଣବଙ୍କୁ ଏକ ଭିନ୍ନ ଢଙ୍ଗରେ ସମାଲୋଚନା କରିବା।
