ଭୁବନେଶ୍ଵର: ପୂର୍ବତଟ ରେଳପଥ ମହିଳା କଲ୍ୟାଣ ସଂଗଠନ (ଇକୋରୋ) ପକ୍ଷରୁ ପରିଚାଳିତ ଫୁଲୱାରୀ ବିଦ୍ୟାଳୟରେ ଶିଶୁଦିବସ ପାଳିତ ହୋଇଯାଇ ଅଛି। ଏହି ଅବସରରେ ଯୋଗଦାନ କରି ପୂର୍ବତଟ ରେଳପଥ ମହିଳା କଲ୍ୟାଣ ସଂଗଠନର ସଭାପତି ଦିବ୍ୟା ଶର୍ମା କହିଛନ୍ତି ଯେ, ପ୍ରତ୍ୟେକ ଶିଶୁ ଅନନ୍ୟ _ ବିଭିନ୍ନ କାର୍ଯ୍ୟକଳାପ, ଅଭିଜ୍ଞତା ଏବଂ ଶିକ୍ଷଣ ସୁଯୋଗ ମାଧ୍ୟମରେ ସେମାନଙ୍କୁ ଜଡିତ କରି ସେମାନଙ୍କର ଅନ୍ତର୍ନିହିତ ଗୁଣ ପରିପ୍ରକାଶ କରିବା ଆବଶ୍ୟକ। ଏହା ସେମାନଙ୍କୁ ଆତ୍ମ ସମ୍ମାନ, ଆତ୍ମବିଶ୍ୱାସ ଏବଂ ସୃଜନଶୀଳତା ବ୍ୟତୀତ ସେମାନଙ୍କର ସାମର୍ଥ୍ୟକୁ ଦୃଢ କରିବାରେ ସାହାଯ୍ୟ କରିବ।
ଶ୍ରୀମତୀ ଶର୍ମା ସଂଗଠନର ଅନ୍ୟ ସଦସ୍ୟଙ୍କ ଉପସ୍ଥିତିରେ ପିଲାମାନଙ୍କୁ ଉପହାର ମଧ୍ୟ ବଣ୍ଟନ କରିଥିଲେ। ଏହି ଅବସରରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ବିଦ୍ୟାଳୟର ପିଲାମାନେ ପରିବେଷଣ କରିଥିଲେ।