Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ଖାଲିସ୍ତାନୀ ଆତଙ୍କବାଦୀ ପନ୍ନୁ ବିରୋଧରେ ବଡ କାର୍ଯ୍ୟାନୁଷ୍ଠାନ, ଚଣ୍ଡିଗଡ଼ ଏବଂ ଅମୃତସରରେ ସମ୍ପତ୍ତି ଜବତ କଲା ଏନଆଇଏ

ନୂଆଦିଲ୍ଲୀ: ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ଖାଲିସ୍ତାନ ସମର୍ଥକ ତଥା ନିଷିଦ୍ଧ ସଂଗଠନ ଶିଖ୍ ଫର ଜଷ୍ଟିସ୍ ନେତା ଗୁରୁପତବନ୍ତ ସିଂ ପନ୍ନୁଙ୍କ ବିରୋଧରେ ବଡ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଚଣ୍ଡିଗଡ଼ ଏବଂ ଅମୃତସରରେ ଏନଆଇଏ ତାଙ୍କ ସମ୍ପତ୍ତି ଜବତ କରିଛି। ପନ୍ନୁ ଅମୃତସରର ବାସିନ୍ଦା ଏବଂ ଏନଆଇଏ ମଧ୍ୟ ତାଙ୍କ ଉପରେ ପୁରସ୍କାର ଘୋଷଣା କରିଛି।

କାନାଡାରେ ରହୁଥିବାବେଳେ ପନ୍ନୁ ଭାରତ ବିରୋଧୀ କାର୍ଯ୍ୟକଳାପରେ ଜଡିତ ରହିଛନ୍ତି। ଭାରତରେ ପନ୍ନୁଙ୍କ ବିରୋଧରେ ରାଷ୍ଟ୍ର ବିରୋଧୀ ଷଡଯନ୍ତ୍ର ସମେତ ମୋଟ ୭ ଟି ମାମଲା ପଞ୍ଜିକୃତ ହୋଇଛି, ଯାହାର ସବିଶେଷ ତଥ୍ୟ ଦିଆଯାଇଛି। ପନ୍ନୁଙ୍କ ଅପରାଧ ବିଷୟରେ କାନାଡାକୁ ଅନେକ ଥର ସୂଚନା ଦିଆଯାଇଛି କିନ୍ତୁ ଆତଙ୍କବାଦୀଙ୍କ ବିରୋଧରେ କାନାଡା କୌଅନାସି ପଦକ୍ଷେପ ନେଇନାହିଁ।

Categories
ଅପରାଧ ଆଜିର ଖବର ଜାତୀୟ ଖବର

ପାକିସ୍ତାନୀ ଡ୍ରୋନକୁ ଗୁଳି କରି ଖସାଇଲେ ଯବାନ: ୩.୫ କିଲୋ ହେରୋଇନ ଜବତ, ଜଣେ ଗିରଫ

ନୂଆଦିଲ୍ଲୀ: ପଞ୍ଜାବର ଅମୃତସରରେ ସୀମା ସୁରକ୍ଷା ବାହିନୀ ପାକିସ୍ତାନୀ ଚୋରା ଚାଲାଣକାରୀଙ୍କ ଦୁଇଟି ଉଦ୍ୟମକୁ ପଣ୍ଡ କରିଛି। ବିଏସ୍ଏଫ୍ ଯବାନମାନେ ଅମୃତସର ସେକ୍ଟରର ଦୁଇଟି ସ୍ଥାନରୁ ପାକିସ୍ତାନରୁ ଡ୍ରୋନ୍ ମାଧ୍ୟମରେ ପଠାଯାଇଥିବା ହେରୋଇନ୍ ସାମଗ୍ରୀ ଜବତ କରିଛନ୍ତି। ଅନ୍ୟପକ୍ଷରେ ଡ୍ରୋନ୍‌କୁ ଖସାଇବା ଏବଂ ଜଣେ ଭାରତୀୟ ଚୋରା ଚାଲାଣକାରୀଙ୍କୁ ବିଏସଏଫ ଯବାନମାନେ ଧରିବାରେ ମଧ୍ୟ ସଫଳତା ହାସଲ କରିଛନ୍ତି।

ବିଏସଏଫ ଅନୁଯାୟୀ, ବାଟାଲିୟନ ୨୨ ର ଯବାନମାନେ ଅଟ୍ଟାରୀ ସୀମା ନିକଟ ପୁଲ ମୋରାରେ ପାଟ୍ରୋଲିଂ କରୁଥିଲେ। ଏହି ସମୟରେ, ପ୍ରାୟ ରାତି ୯.୩୫ ସମୟରେ ଡ୍ରୋନର ଆଗମନର ଶବ୍ଦ ଶୁଣାଗଲା। ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଯବାନମାନେ ଗୁଳି ଚଳାଇବା ଆରମ୍ଭ କରିଥିଲେ। କିଛି ମିନିଟ ମଧ୍ୟରେ ଡ୍ରୋନର ଶବ୍ଦ ବନ୍ଦ ହୋଇଗଲା। ସମୟ ନଷ୍ଟ ନକରି ଯବାନମାନେ ସେହି ଅଞ୍ଚଳକୁ ସିଲ୍ କରି ଖୋଜାଖୋଜି ଆରମ୍ଭ କଲେ। କ୍ଷେତରେ ଏକ ଡିଜେଆଇଇ ମ୍ୟାଟ୍ରିସ୍ RTK ୩୦୦ ଡ୍ରୋନ୍ ଜବତ କରାଯାଇଥିଲା। କିନ୍ତୁ ସେଥିରୁ କୌଣସି ହେରୋଇନ୍ ସାମଗ୍ରୀ ବନ୍ଧା ହୋଇନଥିଲା। ଯବାନମାନେ ନିଜେ ରାତିରେ ଆଖପାଖ ଅଞ୍ଚଳରେ ଖୋଜିବାକୁ ଲାଗିଲେ।

ସେମାନଙ୍କ ଆଖି ଜଣେ ବ୍ୟକ୍ତିଙ୍କ ଉପରେ ପଡିଥିଲା। ଯବାନମାନେ ତାଙ୍କୁ ଗୋଡ଼ାଇ ତୁରନ୍ତ ଧରିଥିଲେ। ତାଙ୍କ ହାତରେ ହେରୋଇନ୍ ର ଏକ ସାମଗ୍ରୀ ଥିଲା, ଯାହା ଡ୍ରୋନ୍ ସହିତ ଆସିଥିଲା। ଅଭିଯୁକ୍ତ ଚୋରା ଚାଲାଣକାରୀ ତୁରନ୍ତ ଧରାପଡିଥିଲେ। ଯେତେବେଳେ ସାମଗ୍ରୀ ଯାଞ୍ଚ କରାଯାଇଥିଲା, ଏହାର ମୋଟ ଓଜନ ୩.୫ କିଲୋଗ୍ରାମ ଥିଲା। ବିଏସଏଫ ଅଧିକାରୀମାନେ ଚୋରା ଚାଲାଣକାରୀଙ୍କୁ ପଚରାଉଚରା ଆରମ୍ଭ କରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ବିକ୍ଷୋଭ ପ୍ରଦର୍ଶନ ବେଳେ ଶିବସେନା ନେତା ସୁଧୀର ସୁରୀଙ୍କୁ ଗୁଳି କରି ହତ୍ୟା

ଅମୃତସର: ପଞ୍ଜାବର ଅମୃତସର ସହରରେ ଆଜି ଅପରାହ୍ନରେ ଶିବସେନା ନେତା ସୁଧୀର ସୁରୀଙ୍କୁ ଗୁଳି କରି ହତ୍ୟା କରାଯାଇଛି। ସୂଚନାନୁସାରେ, ଏକ ପ୍ରଦର୍ଶନ ସମୟରେ ସୁରୀଙ୍କୁ ରାସ୍ତାରେ ଗୁଳି କରାଯାଇଛି। ସେ ଏକ ମନ୍ଦିର ବାହାରେ ବିକ୍ଷୋଭ ପ୍ରଦର୍ଶନ କରୁଥିଲେ। ଆକ୍ରମଣ ସମୟରେ ଅନେକ ରାଉଣ୍ଡ ଗୁଳି ଚଳାଇବାର ଚର୍ଚ୍ଚା ହେଉଛି। ସୂଚନାନୁସାରେ, ପରିଚାଳନା ବିବାଦକୁ ନେଇ ସ୍ଥାନୀୟ ଶିବସେନା ନେତା ସୁରୀ ଏକ ବିକ୍ଷୋଭ ପ୍ରଦର୍ଶନ କରୁଥିବାବେଳେ ଜଣେ ଦୋକାନୀ ତାଙ୍କୁ ଅତି କମରେ ପାଞ୍ଚଟି ଗୁଳି ଚଳାଇଥିଲା। ଯଦିଓ ସେ ପୋଲିସର ସୁରକ୍ଷା ଥିଲା, ତଥାପି ଆକ୍ରମଣକାରୀ ତାଙ୍କୁ ଟାର୍ଗେଟ କରିବାରେ ସଫଳ ହୋଇଥିଲା। ଡାକ୍ତରଖାନାରେ ପହଞ୍ଚିବା ପୂର୍ବରୁ ସୁରୀଙ୍କର ମୃତ୍ୟୁ ହୋଇଥିଲା

ପୋଲିସ କମିଶନରଙ୍କ କହିବାନୁସାରେ, ଆକ୍ରମଣକାରୀଙ୍କୁ ଗିରଫ କରାଯାଇଛି ଏବଂ ଅପରାଧରେ ବ୍ୟବହୃତ ପିସ୍ତଲ ଜବତ କରାଯାଇଛି। ପୋଲିସ ବର୍ତ୍ତମାନ ଅଭିଯୁକ୍ତଙ୍କୁ ଜେରା କରୁଛି।

Categories
ଆଜିର ଖବର ଜାତୀୟ ଖବର

ପାକିସ୍ତାନୀ ଡ୍ରୋନ୍ କୁ ଗୁଳି କରି ତଳକୁ ଖସାଇଲେ ବିଏସ୍ଏଫ୍ ଯବାନ: ସର୍ଚ୍ଚ ଅପରେସନ୍ ଜାରି

ନୂଆଦିଲ୍ଲୀ: ପଞ୍ଜାବର ଅମୃତସର ନିକଟ ଅଜନାଲା ଠାରେ ବିଏସ୍ଏଫ୍ ଯବାନମାନେ ପାକିସ୍ତାନୀ ଡ୍ରୋନ୍ ଜବତ କରିଛନ୍ତି। ଭାରତ-ପାକିସ୍ତାନ ସୀମାରେ ଅଜନାଲା ଅବସ୍ଥିତ। ମିଳିଥିବା ସୂଚନା ଅନୁଯାୟୀ, ବିଏସ୍ଏଫ୍ ଯବାନମାନେ ରାମଦାସର ବିଓପି ଶାହାପୁରରେ ବିଳମ୍ବିତ ରାତିରେ ଭାରତରେ ପ୍ରବେଶ କରୁଥିବା ଡ୍ରୋନର ଶବ୍ଦ ଶୁଣିଥିଲେ। ଡ୍ରୋନର ଶବ୍ଦ ଶୁଣି ଯବାନମାନେ ଗୁଳି ଚଳାଇବା ଆରମ୍ଭ କଲେ ଯେଉଁଥିପାଇଁ ଏହି ଡ୍ରୋନ୍ ଭୂମିରେ ପଡିଯାଇଥିଲା।

ବର୍ତ୍ତମାନ ବିଏସଏଫ କର୍ମଚାରୀମାନେ ଏହି ଡ୍ରୋନକୁ ନିଜ ଅଧୀନରେ ନେଇଛନ୍ତି ଏବଂ ଆଖପାଖ ଅଞ୍ଚଳରେ ସର୍ଚ୍ଚ ଅପରେସନ ଚାଲିଛି। କୁହାଯାଉଛି ଯେ, ଖସାଯାଇଥିବା ଡ୍ରୋନରେ ଡ୍ରଗ୍ସ କିମ୍ବା ଅସ୍ତ୍ରଶସ୍ତ୍ର ମଧ୍ୟ ରହିପାରେ। ଏହି ଡ୍ରୋନ୍ ଚାଇନାରେ ନିର୍ମିତ ଏବଂ ଏହା ସହିତ ୧୦ କିଲୋଗ୍ରାମ ଓଜନ ବହନ ଉଠାଇ ଉଡିପାରେ। ସର୍ଚ୍ଚ ଅପରେସନ୍ ଚାଲିଛି, ବର୍ତ୍ତମାନ ସୁଦ୍ଧା ସର୍ଚ୍ଚ ଅପରେସନରେ କୌଣସି ସାମଗ୍ରୀ ଉଦ୍ଧାର କରାଯାଇ ନାହିଁ।

Categories
ଆଜିର ଖବର ଖେଳ ଜାତୀୟ ଖବର

ଅମୃତସରର ଗୁରୁ ନାନକଦେବ ବିଶ୍ୱବିଦ୍ୟାଳୟର କ୍ରୀଡ଼ାବିତ୍‌ମାନଙ୍କୁ ସମ୍ମାନିତ କଲେ କେନ୍ଦ୍ର ମନ୍ତ୍ରୀ

ନୂଆଦିଲ୍ଲୀ: କେନ୍ଦ୍ର ସୂଚନା ଏବଂ ପ୍ରସାରଣ ତଥା ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରୀ ଅନୁରାଗ ସିଂହ ଠାକୁର ଆଜି ଅମୃତସରସ୍ଥିତ ଗୁରୁ ନାନକ ଦେବ ବିଶ୍ୱବିଦ୍ୟାଳୟର କ୍ରୀଡ଼ାବିତ୍‌ମାନଙ୍କ (ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ, ଅଖିଳ ଭାରତ ଆନ୍ତଃ- ବିଶ୍ୱବିଦ୍ୟାଳୟ ଚାମ୍ପିଅନସିପ୍ ଏବଂ ଖେଲୋ ଇଣ୍ଡିଆ ଯୁବ କ୍ରୀଡ଼ାରେ ସ୍ଥାନ ପ୍ରାପ୍ତ କରିଥିବା ଖେଳାଳୀମାନଙ୍କ ସମେତ ୨୫ଜଣ ଅନ୍ତରାଷ୍ଟ୍ରୀୟ କ୍ରୀଡ଼ାବିତ୍‌)ଙ୍କୁ ସମ୍ମାନିତ କରିଛନ୍ତି। ଅମୃତସରସ୍ଥିତ ବିଶ୍ୱବିଦ୍ୟାଳୟ ପରିସରରେ ଆୟୋଜିତ ୫୨ତମ ବାର୍ଷିକ ଖେଳ ପୁରସ୍କାର ବିତରଣ ସମାରୋହ ଅବସରରେ ଅନ୍ତରାଷ୍ଟ୍ରୀୟ, ଖେଲୋ ଇଣ୍ଡିଆ ଏବଂ ଅଖିଳ ଭାରତୀୟ ଆନ୍ତଃ- ବିଶ୍ୱବିଦ୍ୟାଳୟ ସ୍ତରରେ ବିଭିନ୍ନ କ୍ରୀଡ଼ା ସ୍ପର୍ଦ୍ଧାରେ ବିଶ୍ୱବିଦ୍ୟାଳୟର ନାମ ଉଜ୍ଜ୍ୱଳ କରିଥିବା ତଥା ସର୍ବଶ୍ରେଷ୍ଠ ପ୍ରଦର୍ଶନ କରିଥିବା କଲେଜଗୁଡ଼ିକୁ ୨.୦୦ କୋଟି ଟଙ୍କାରୁ ଅଧିକ ନଗଦ ରାଶି ପୁରସ୍କାର ଏବଂ ଟ୍ରଫି ବିତରଣ କରାଯାଇଥିଲା।

ଏହି କାର୍ଯ୍ୟକ୍ରମରେ ଶ୍ରୀ ଅନୁରାଗ ସିଂହ ଠାକୁର ମୁଖ୍ୟ ଅତିଥି ଭାବେ ଯୋଗଦାନ କରିଥିଲେ। କାର୍ଯ୍ୟକ୍ରମକୁ ସମ୍ବୋଧିତ କରି ସେ କହିଲେ ଯେ ଗୁରୁ ନାନକ ଦେବ ବିଶ୍ୱବିଦ୍ୟାଳୟର ପ୍ରତିଷ୍ଠା, ସ୍ୱୟଂ ବିଶ୍ୱବିଦ୍ୟାଳୟ ଠାରୁ ମଧ୍ୟ ପୂର୍ବରୁ ହୋଇଥିଲା ଏବଂ ଏହା ଦେଶର ପ୍ରମୁଖ ବିଶ୍ୱବିଦ୍ୟଳୟଗୁଡ଼ିକ ମଧ୍ୟରୁ ଅନ୍ୟତମ। ଯେତେବେଳେ ଆମେ ଏକ ଖେଳ ସଂସ୍କୃତିର ବିକାଶ କରିବା କଥା ଆଲୋଚନା କରୁ, ସେତେବେଳେ ଏହା ସେହିସବୁ ବିଶ୍ୱବିଦ୍ୟାଳୟଗୁଡ଼ିକ ମଧ୍ୟରୁ ଅନ୍ୟତମ ଯାହା ଏଭଳି ଲକ୍ଷ୍ୟ ସାକାର କରିବା ନିମନ୍ତେ ଆଧାର ପ୍ରସ୍ତୁତ କରିଥାଏ। ଗୁରୁ ନାନକ ଦେବ ବିଶ୍ୱବିଦ୍ୟାଳୟ ପ୍ରତିଷ୍ଠା ସ୍ୱୟଂ ସୂଚୀତ କରିଥାଏ, କାରଣ ଏହା ରେକର୍ଡ ୨୩ଥର ପ୍ରତିଷ୍ଠିତ ମୌଲାନା ଅବୁଲ କାଲାମ ଆଜାଦ (ଏମଏକେଏ) ଟ୍ରଫି ବିଜୟୀ ହୋଇଛି। କେବଳ ଅବୁଲ କାଲାମ ଆଜାଦ ଟ୍ରଫିମାନ ନୁହେଁ, ବରଂ ୩୪ଟି ଅର୍ଜୁନ, ୨ଟି ଦ୍ରୋଣାଚାର୍ଯ୍ୟ ଏବଂ ୬ଟି ପଦ୍ମଶ୍ରୀ ପୁରସ୍କାର ବିଜେତା ମଧ୍ୟ ଏହି ବିଶ୍ୱବିଦ୍ୟାଳୟରୁ ସୃଷ୍ଟି ହୋଇଛନ୍ତି। କେନ୍ଦ୍ର ମନ୍ତ୍ରୀ ଶ୍ରୀ ଠାକୁର କହିଲେ ଯେ ମହିଳା କ୍ରୀଡ଼ାବିତ୍‌ମାନଙ୍କ ଉପରେ ଧ୍ୟାନ କେନ୍ଦ୍ରିତ କରିବ ନିମନ୍ତେ ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରଣାଳୟ ନଅଗୋଟି ବିଭାଗ – ହକି, ତୀରନ୍ଦାଜ, ଭାରୋତ୍ତୋଳନ, ସାଇକେଲ ଚାଳନା, ମୁଷ୍ଟିଯୁଦ୍ଧ, ଅସିଚାଳନା, କୁସ୍ତି, ଭଲିବଲ୍ ଏବଂ ଜୁଡ଼ୋରେ ଖେଲୋ ଇଣ୍ଡିଆ ଲିଗ୍‌ର ଆୟୋଜନ କରାଯାଉଛି। ଏହିସବୁ ପ୍ରତିଯୋଗିତାରେ ୨୩,୦୦୦ରୁ ଅଧିକ ମହିଳା କ୍ରୀଡ଼ାବିତ୍ ଅଂଶଗ୍ରହଣ କରିବେ।

ମନ୍ତ୍ରୀ ଶ୍ରୀ ଠାକୁର କ୍ରୀଡ଼ା କ୍ଷେତ୍ରରେ ଗୁରୁ ନାନକ ଦେବ ବିଶ୍ୱବିଦ୍ୟାଳୟ ଏବଂ କଲେଜ ଦ୍ୱାରା କରାଯାଉଥିବା କାର୍ଯ୍ୟାବଳୀକୁ ପ୍ରଶଂସା କରି କହିଲେ ଯେ ଗୁରୁ ନାନକ ଦେବ ବିଶ୍ୱବିଦ୍ୟାଳୟ ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସରେ ୧୪ଟି ସ୍ୱର୍ଣ୍ଣ ପଦକ ସହିତ ମୋଟ ୪୨ଟି ପଦକ ହାସଲ କରି ପ୍ରଶଂସନୀୟ ଚତୁର୍ଥ ସ୍ଥାନ ହାସଲ କରିଛି। ସେ କହିଲେ ଯେ ସରକାରଙ୍କ ଦୃଷ୍ଟିକୋଣ ନାଗରିକ କୈନ୍ଦ୍ରିକ ଏବଂ ଆମେ ସଭିଏଁ ନାଗରିକମାନଙ୍କ ଜୀବନରେ ସୁଗମତା ଆଣିବାକୁ ପ୍ରୟାସୀ। ସେ କହିଲେ ଯେ ଦେଶବ୍ୟାପୀ ଖେଳ ସଂସ୍କୃତିର ବିକାଶ ଘଟାଯିବାର ଆବଶ୍ୟକତା ରହିଛି ଏବଂ ସରକାର ଏହି ପ୍ରୟାସ ନିମନ୍ତେ ପ୍ରତିବଦ୍ଧ। ସେ କହିଲେ ଯେ ଖେଳ ସୁବିଧା ନିମନ୍ତେ ସକଳ ପ୍ରକାର ସାହାଯ୍ୟ ଏବଂ ସହାୟତା ପ୍ରଦାନ କରିବା ନିମନ୍ତେ ସରକାର ଆଶ୍ୱାସନ ପ୍ରଦାନ କରନ୍ତି।

ମନ୍ତ୍ରୀ ଶ୍ରୀ ଠାକୁର ନାନକ ଦେବ ବିଶ୍ୱବିଦ୍ୟାଳୟରେ ଛାତ୍ର ଥିବାବେଳେ ସେହି ସମୟର ସ୍ମୃତିକୁ ସ୍ମରଣ କରି ସୂଚାଇଥିଲେ ଯେ ଏହା ତାଙ୍କର ଦାୟିତ୍ୱ ଯେ ଖେଳର ଭିତ୍ତିଭୂମିକୁ ସୁଦୃଢ଼ କରିବା ତଥା ଏହାର ବୃଦ୍ଧି ନିମନ୍ତେ ଆବଶ୍ୟକ ଖେଳ ସୁବିଧା ଏବଂ ପରିଯୋଜନାମା ପ୍ରଦାନ କରିବାକୁ ସେ ପ୍ରତିଶ୍ରୁତିବଦ୍ଧ। ଏହି ବିଶ୍ୱବିଦ୍ୟାଳୟର ପ୍ରାକ୍ତନ ଛାତ୍ର ହୋଇଥିବାରୁ ସେ ନିଜକୁ ଗର୍ବ ଅନୁଭବ କରନ୍ତି ବୋଲି ସୂଚାଇଥିଲେ। ଆଜି ଏହି ବିଶ୍ୱବିଦ୍ୟାଳୟର କ୍ରୀଡ଼ା ବ୍ୟତୀତ ଅନ୍ୟାନ୍ୟ ଅନେକ କ୍ଷେତ୍ରରେ ଦେଶ ବିଦେଶରେ ଏହାର ସୁଖ୍ୟାତି ରହିଛି। ସେ କହିଲେ ଯେ ଦେଶରେ ଖେଳ ସଂସ୍କୃତିର ବିକାଶ ଏବଂ ସମୃଦ୍ଧ ହୋଇପାରିବ ଏବଂ ବ୍ୟକ୍ତି, ପରିବାର, ସମାଜ ଓ କର୍ପୋରେଟ୍ ସ୍ତରରେ ସମସ୍ତଙ୍କୁ ଖେଳ ସଂସ୍କୃତି ପ୍ରତି ସକଳ ପ୍ରକାର ସହଯୋଗ ପ୍ରଦାନ କରିବାର ଦାୟିତ୍ୱ ନିହିତ।

ମୁଖ୍ୟ ଅତିଥି ଏବଂ ଅନ୍ୟ ଅତିଥିମାନଙ୍କୁ ସ୍ୱାଗତ କରି କୁଳପତି ପ୍ରଫେସର ଯଶପାଲ ସିଂହ ସନ୍ଧୁ କହିଲେ ଯେ ଏହି ବିଶ୍ୱବିଦ୍ୟାଳୟକୁ ଖେଳର ଭିତ୍ତିଭୂମି ଢାଂଚାକୁ ମଜଭୁତ କରିବା ନିମନ୍ତେ ଅନେକ ପରିଯୋଜନାର ଆବଶ୍ୟକତା ରହିଛି। ପ୍ରଫେସର ସନ୍ଧୁ ଆହୁରି କହିଲେ ଯେ ବିଶ୍ୱବିଦ୍ୟାଳୟକୁ ଅଷ୍ଟ୍ରୋଟର୍ଫ ପ୍ରତିସ୍ଥାପନା, ସିନ୍ଥେଟିକ୍ ଟ୍ରାକ୍‌ର ସ୍ଥାପନା, ସନ୍ତରଣ ପୁଷ୍କରିଣୀର ବିକାଶ ତଥା ଅନ୍ୟାନ ସୁବିଧା ସଂନର୍କରେ ଅନୁଦାନ ଏବଂ ପରିଯୋଜନାର ଆବଶ୍ୟକତା ରହିଛି।

ଇତି ପୂର୍ବରୁ କୁଳସଚିବ ଡକ୍ଟର କରନଜିତ ସିଂହ କହଲୋଁ ଅତିଥିମାନଙ୍କୁ ସ୍ୱାଗତ ଜଣାଇଥିଲେ ଏବଂ କ୍ରୀଡ଼ା କାର୍ଯ୍ୟାଳୟର ଶାରୀରିକ ଶିକ୍ଷା ବିଭାଗ (ଏ.ଟି.) ନିର୍ଦ୍ଦେଶକ ପ୍ରଭାରୀ ଡକ୍ଟର କମ୍ବର ମନଦୀପ ସିଂହ ଖେଳକୁଦର ମହତ୍ତ୍ୱପୂର୍ଣ୍ଣ ଉପଲବ୍ଧ ଉପରେ ଏକ ରିପୋର୍ଟ ଉପସ୍ଥାପନ କରିଥିଲେ। ଛାତ୍ର କଲ୍ୟାଣ ଡିନ୍ ପ୍ରଫେସର ଅନୀଶ ଦୁଆ କାର୍ଯ୍ୟକ୍ରମ ସଂଚାଳନ କରିଥିଲେ। ଏହି ଅବସରରେ ଜିଏନଡିୟୁ ଖେଳ ସମିତି (ପୁରୁଷ), ଜିଏନଡିୟୁ ଖେଳ ସମିତି (ମହିଳା), ବିଶ୍ୱବିଦ୍ୟାଳୟର କୀଡ଼ାରେ ସର୍ବାଧିକ ଯୋଗଦାନ ପ୍ରଦାନ କରିଥିବା ମହାବିଦ୍ୟାଳୟଗୁଡ଼ିକର ଅଧ୍ୟକ୍ଷ ଏବଂ ବିଭାଗାଧ୍ୟକ୍ଷ ତଥା ଅନ୍ୟ ଅଧିକାରୀ ଏବଂ ପ୍ରଶିକ୍ଷକମାନେ ଉପସ୍ଥିତ ଥିଲେ।

କେନ୍ଦ୍ର ମନ୍ତ୍ରୀ ‘ଖେଲୋ ଇଣ୍ଡିଆ’ ଯୋଜନା ଅଧୀନରେ ଖେଳ ଛାତ୍ରବାସଗୁଡ଼ିକର ମଧ୍ୟ ଉଦ୍‌ଘାଟନ କରିଥିଲେ ଏବଂ ସେ ବିଶ୍ୱବିଦ୍ୟାଳୟ ପରିସରରେ ଥିବା ଖେଳ ସୁବିଧାମାନ ବୁଲି ଦେଖିଥିଲେ। ଏହି ଅବସରରେ ମୁଖ୍ୟ ଅତିଥି ବିଭାଗୀୟ ମୁଖ୍ୟ, ଶାରୀରିକ ଶିକ୍ଷା ବିଭାଗର ବିଭାଗାଧ୍ୟକ୍ଷ ତଥା ପ୍ରମୁଖ କ୍ରୀଡ଼ାବିତ୍‌/ ପ୍ରଶିକ୍ଷକମାନଙ୍କୁ ମଧ୍ୟ ସମ୍ମାନିତ କରିଥିଲେ।

Categories
ଅପରାଧ ଆଜିର ଖବର ଜାତୀୟ ଖବର

ବିଏସଏଫ ଯବାନଙ୍କ ମେସରେ ଗୁଳି ବିନିମୟ, ଅଭିଯୁକ୍ତଙ୍କ ସମେତ ପାଞ୍ଚଜଣ ସୈନିକଙ୍କ ମୃତ୍ୟୁ

ଅମୃତସର: ପଞ୍ଜାବର ଅମୃତସରରେ ନିୟୋଜିତ ସୀମା ସୁରକ୍ଷା ବଳ (ବିଏସଏଫ) ର ଏକ ମେସରେ ଗୁଳି ବିନିମୟ ହେବାର ଖବର ରହିଛି। ଏହି ଦୁର୍ଘଟଣାରେ ୫ ଜଣ ସୈନିକଙ୍କର ମୃତ୍ୟୁ ହୋଇଥିବାବେଳେ ଜଣେ ଯବାନ ଗୁରୁତର ଆହତ ହୋଇଛନ୍ତି। ଆହତ ଯବାନଙ୍କ ଅବସ୍ଥା ଚିନ୍ତାଜନକ ରହିଛି। ଏହି ଦୁର୍ଭାଗ୍ୟଜନକ ଘଟଣା ଆଜି ଅମୃତସରର ଖାସା ଠାରେ ଥିବା ୧୪୪ ତମ ବାଟାଲିୟନର ମୁଖ୍ୟାଳୟରେ ଘଟିଥିଲା, ଯେତେବେଳେ କନଷ୍ଟେବଳ ସତ୍ତାପ୍ପା ହଠାତ୍ ଗୁଳି ଚଳାଇଥିଲେ। ଏହି ଘଟଣାରେ ଅଭିଯୁକ୍ତ କନଷ୍ଟେବଳ ସତ୍ତାପ୍ପାଙ୍କ ସମେତ ୫ ଜଣ ସୈନିକ ପ୍ରାଣ ହରାଇଛନ୍ତି।

ଏହି ଘଟଣାରେ ଆହତ ଯବାନଙ୍କ ଅବସ୍ଥା ଗୁରୁତର ରହିଛି ବୋଲି ସୀମା ସୁରକ୍ଷା ବଳର ଅଧିକାରୀ ସୂଚନା ଦେଇଛନ୍ତି। ଗୁଳି ବିନିମୟର କାରଣ ଜାଣିବା ପାଇଁ ଏକ କୋର୍ଟ ଅଫ୍ ଇନକ୍ୱାରୀକୁ ନିର୍ଦ୍ଦେଶ ଦିଆଯାଇଛି। ଏହି ଘଟଣାରେ ମୃତ୍ୟୁବରଣ କରିଥିବା ସୈନିକମାନଙ୍କ ମଧ୍ୟରେ ହେଡ କନଷ୍ଟେବଳ ଡିଏସ ତୋରାସାକର, ହେଡ କନଷ୍ଟେବଳ ବଲଜିନ୍ଦର କୁମାର, କନଷ୍ଟେବଳ ରତନ ଚାନ୍ଦ ମଧ୍ୟ ଅଛନ୍ତି।

ଭାରତ-ପାକିସ୍ଥାନ ଅନ୍ତର୍ଜାତୀୟ ସୀମା ନିକଟ ଅଟ୍ଟାରୀ-ୱାଘା ସୀମାଠାରୁ ପ୍ରାୟ ୨୦ କିଲୋମିଟର ଦୂରରେ ଥିବା ଖାସା ଅଞ୍ଚଳରେ ଥିବା ଫୋର୍ସର ଭୋଜନାଳୟରେ ଏହି ଘଟଣା ଘଟିଛି।

Categories
ଆଜିର ଖବର ଜାତୀୟ ଖବର

୧୬୯ ଦିନ ପରେ କୃଷକ ସଂଗଠନର ଧାରଣା ଶେଷ: ଆରମ୍ଭ ହେଲା ଟ୍ରେନ ସେବା

ନୂଆଦିଲ୍ଲୀ: ବିଗତ ତିନି ମାସରୁ ଉର୍ଦ୍ଧ୍ଵ ଦିନ ଧରି ଦିଲ୍ଲୀ ସୀମାରେ କୃଷକ ଆନ୍ଦୋଳନ ଜାରି ରହିଛି। ଏହା ଭିତରେ ପଞ୍ଜାବରୁ ଏକ ଆଶ୍ବସ୍ତିକର ଖବର ମିଳିଛି। ପଞ୍ଜାବର ଅମୃତସରରେ କୃଷି ଆଇନକୁ ନେଇ ରେଳ ଧାରଣାରେ କୃଷକ ଆନ୍ଦୋଳନରେ ବସିଥିଲେ। ଯାହାଫଳରେ ସେହି ରୁଟରେ ଯାଉଥିବା ସମସ୍ତ ଟ୍ରେନର ଯାତାୟତା ଉପରେ ବାଧା ସୃଷ୍ଟି ହୋଇଥିଲା। ଯାହାକୁ ଆଜି ଆନ୍ଦୋଳନରତ କୃଷକମାନେ ରେଳ ଧାରଣା ଖାଲି କରିଛନ୍ତି।

ସୂଚନା ଅନୁଯାୟୀ, ଟ୍ରେନ ରଦ୍ଦ ହେବା କାରଣରୁ ଚାଷୀ ଏବଂ ବ୍ୟବସାୟୀମାନଙ୍କୁ ବେଶୀ କ୍ଷତି ହେଉଥିଲା। ସେଥିପାଇଁ ୧୬୯ ଦିନ ପରେ ଏହି ଧାରଣାକୁ ସମାପ୍ତ କରିବା ପାଇଁ ନିଷ୍ପତ୍ତି ନିଆଗଲା।

ସେପଟେ ଦିଲ୍ଲୀ ସୀମାରେ ଆନ୍ଦୋଳନ ଜାରି ରହିଛି। ଏହି ଆନ୍ଦୋଳନ ଆସନ୍ତା ୨୬ ତାରିଖକୁ ୪ ମାସରେ ପହଞ୍ଚିବ। ତେଣୁ ନୂଆ କୃଷି ଆଇନ ବିରୋଧରେ ଆସନ୍ତା ୨୬ ତାରିଖରେ କୃଷକ ସଂଗଠନ ଭାରତ ବନ୍ଦ ଡାକରା ଦେଇଛି।

କୃଷକ ନେତା ବୁଟା ସିଂହଙ୍କ କହିଛନ୍ତି ଯେ, ଏହା ପୂର୍ବରୁ ମାର୍ଚ୍ଚ ୧୫ ତାରିଖରେ କୃଷକ ଏବଂ ବ୍ୟବସାୟୀ ସଂଘ ମିଶି ପେଟ୍ରୋଲ-ଡ଼ିଜେଲର ଦାମ ବୃଦ୍ଧି ଏବଂ ରେଳବାଇକୁ ଘରୋଇକରଣ ବିରୋଧରେ ପ୍ରତିବାଦ କରିବ। ସେଥିପାଇଁ ଦେଶର ସବୁ ରେଲୱେ ଷ୍ଟେସନରେ ପ୍ରତିବାଦ କରାଯିବ ବୋଲି ବୁଟା ସିଂହ କହିଛନ୍ତି।