ନୂଆ ଦିଲ୍ଲୀ, କେନ୍ଦ୍ର ଅର୍ଥମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ ନୂଆଦିଲ୍ଲୀରେ ଆଗାମୀ ୟୁନିୟନ ବଜେଟ୍ 2021-22 ସଂପର୍କରେ ଷଷ୍ଠ ପ୍ରାକ-ବଜେଟ୍ ବୈଠକରେ ସାମାଜିକ କ୍ଷେତ୍ରର ଅଂଶୀଦାରଙ୍କ ସହ ପରାମର୍ଶ କରିଛନ୍ତି।
Tag: ଅର୍ଥମନ୍ତ୍ରୀ ନିର୍ମଳା ସୀତାରମଣ
ନୂଆଦିଲ୍ଲୀ, ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ଏକ ଦୀପାବଳୀ ଭେଟି ଦେବାର ସମ୍ଭାବନା ରହିଛି। କାରଣ ଆଜି ଅର୍ଥମନ୍ତ୍ରୀ ନିର୍ମାଳା ସୀତାରମଣ 12ଟା 30 ମିନିଟରେ ଏକ ସାମ୍ବାଦିକ ସମ୍ମିଳନୀ ଡାକିଛନ୍ତି। ଏଥିରେ ସେ ପୁଣି କେତେକ କ୍ଷେତ୍ର ପାଇଁ ପ୍ୟାକେଜ ଘୋଷଣା କରିବେ ବୋଲି ଜଣାପଡ଼ିଛି। ସୁତ୍ର ଅନୁସାରେ ସୀତାରମଣ ଏଥର ଏକ ବଡ ଘୋଷଣା କରିବାର ସମ୍ଭାବନା ରହିଛି।
ବର୍ତ୍ତମାନ କରୋନା ପାଇଁ ଦେଶରେ ଯେପରି ଆର୍ଥିକ ସ୍ଥିତି ବିପଦରେ ରହିଛି ତାହାର ପୁନଃଉଦ୍ଧାର ପାଇଁ ଏଥରେ କିଛି ରହିବ ବୋଲି କୁହାଯାଉଛି। ସୁତ୍ର ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ , ଅର୍ଥମନ୍ତ୍ରୀ ସୀତାରମଣ ଏବଂ ଅନ୍ୟ ବରିଷ୍ଠ ଅଧିକାରୀ ଗତ କିଛି ଦିନ ଧରି ବାରମ୍ବାର ବୈଠକ କରିଛନ୍ତି। ସେଥିରୁ ଅନୁମାନ କରାଯାଉଛି ଯେ, ଆଜି କିଛି ବଡ ଘୋଷଣା କରାଯାଇପାରେ।
ଏହାର ସିଧା ପ୍ରସାରଣ ଦେଖିବା ପାଇଁ ସମୀକ୍ଷା ଫେସବୁକ ପେଜକୁ ଲାଇକ କରନ୍ତୁ
ନୂଆଦିଲ୍ଲୀ, ଅର୍ଥମନ୍ତ୍ରୀ ନିର୍ମଳା ସୀତାରମଣ ରାଜ୍ୟଗୁଡିକ ପାଇଁ ସ୍ବତନ୍ତ୍ର ପ୍ୟାକେଜ ବ୍ୟବସ୍ଥା ଘୋଷଣା କରିଛନ୍ତି। ସେ କହିଛନ୍ତି ଯେ କେନ୍ଦ୍ର ସରକାର ଏକ ସ୍ୱତନ୍ତ୍ର ସୁଧମୁକ୍ତ ୫୦ ବର୍ଷିଆ ଋଣ ପ୍ରଦାନ ଯୋଜନା ରାଜ୍ୟମାନଙ୍କ ପାଇଁ ପ୍ରବର୍ତ୍ତନ କରିବାକୁ ଯାଉଛନ୍ତି। ଏଥିରେ ମୋଟ ୧୨୦୦୦ କୋଟି ଟଙ୍କା ରାଜ୍ୟମାନଙ୍କୁ ଯୋଗାଇ ଦିଆଯିବ ।
ଏହି ଋଣ ପ୍ରଦାନକୁ ୩ଟି ଭାଗରେ ବିଭକ୍ତ କରାଯାଇଛି
୧: ପଚାଶ ବର୍ଷିଆ ସୁଧମୁକ୍ତ ସ୍ୱତନ୍ତ୍ର ଋଣ ସହାୟତା ଯୋଜନାରେ ୮ଟି ଉତ୍ତର ପୂର୍ବାଞ୍ଚଳ ରାଜ୍ୟ ପ୍ରତ୍ୟେକ ୨୦୦ କୋଟି ଟଙ୍କା ଲେଖାଏଁ ଋଣ ପାଇବେ । ଏ ବାବଦରେ ଏହି ୮ ରାଜ୍ୟକୁ ୧୬୦୦ କୋଟି ଟଙ୍କା ଯୋଗାଇ ଦିଆଯିବ । ସେହିଭଳି ପାହାଡିଆ ରାଜ୍ୟ ଉତ୍ତରାଖଣ୍ଡ ଓ ହିମାଚଳ ପ୍ରଦେଶ ପ୍ରତ୍ୟେକ ୪୫୦ କୋଟି ଟଙ୍କା ଲେଖାଏଁ ମୋଟ ୯୦୦ କୋଟି ଟଙ୍କା ପାଇବେ।
୨: ଏହି ଯୋଜନାରେ ଅବଶିଷ୍ଟ ରାଜ୍ୟଗୁଡିକୁ ପଞ୍ଚଦଶ ଅର୍ଥ କମିସନଙ୍କ ସମ୍ବଳ ବଣ୍ଟନ ସୂତ୍ରରେ ୭୫୦୦ କୋଟି ଟଙ୍କା ଋଣ ଆକାରରେ ବିନା ସୁଧରେ ୫୦ ବର୍ଷ ପାଇଁ ଯୋଗାଇ ଦିଆଯିବ । ଅର୍ଥମନ୍ତ୍ରୀ କହିଛନ୍ତି ଯେ ଉଭୟ ଭାଗ-୧ ଓ ଭାଗ-୨ ସୁଧମୁକ୍ତ ଋଣ ବାବଦ ଅର୍ଥକୁ ସଂପୃକ୍ତ ରାଜ୍ୟମାନଙ୍କୁ ୨୦୨୧ ମାର୍ଚ୍ଚ ୩୧ ତାରିଖ ସୁଦ୍ଧା ଖର୍ଚ୍ଚ କରିବାକୁ ପଡିବ । ଏଥିପାଇଁ ୫୦ ଭାଗ ଅର୍ଥ ପ୍ରାରମ୍ଭିକ ଅବସ୍ଥାରେ ଯୋଗାଇ ଦିଆଯିବ । ଅବଶିଷ୍ଟ ୫୦ ଭାଗ ଅର୍ଥ ପ୍ରଥମ ଦଫାରେ ଦିଆଯାଇଥିବା ଅର୍ଥର ବିନିଯୋଗ ଭିତ୍ତିରେ ପ୍ରଦାନ କରାଯିବ ।
୩: ଏହି ଯୋଜନାରେ ରାଜ୍ୟମାନଙ୍କୁ ମୋଟ ୧୨୦୦୦ କୋଟି ଟଙ୍କାର ସୁଧମୁକ୍ତ ଋଣ ଯୋଗାଇ ଦିଆଯିବ। ଆତ୍ମନିର୍ଭର ଭାରତ ପ୍ୟାକେଜରେ ଘୋଷଣା ହୋଇଥିବା ୪ଟି ସଂସ୍କାର ମଧ୍ୟରୁ ଯେଉଁ ରାଜ୍ୟମାନେ ୩ଟି ପୂରଣ କରିଥିବେ ସେମାନଙ୍କୁ ପ୍ରତ୍ୟେକ ୨୦୦୦ କୋଟି ଟଙ୍କା ଲେଖାଏଁ ଏହି ଋଣ ମିଳିବ । ଯେଉଁ ରାଜ୍ୟମାନେ ଏହି ସର୍ତ୍ତ ପୂରଣ କରିଥିବେ ସେମାନଙ୍କୁ ଅନ୍ୟାନ୍ୟ ଋଣ ସୀମା ବାହାରେ ଏହି ଅତିରିକ୍ତ ୨୦୦୦ କୋଟି ଟଙ୍କା ସୁଧମୁକ୍ତ ବ୍ୟବସ୍ଥାରେ ଯୋଗାଇ ଦିଆଯିବ।
ନୂଆ କିମ୍ବା ପ୍ରଚଳିତ ପୁଞ୍ଜି ପ୍ରକଳ୍ପ ଯେଉଁଠି ଅର୍ଥର ଆବଶ୍ୟକତା ରହିଛି ସେ ବାବଦରେ ଏହି ଅର୍ଥ ଖର୍ଚ୍ଚ ହୋଇପାରିବ। ଏସବୁ ପ୍ରକଳ୍ପରେ କଣ୍ଟ୍ରାକ୍ଟରଙ୍କ ଦେୟ ପ୍ରଦାନ ଓ ଯୋଗାଣକାରୀଙ୍କ ପ୍ରାପ୍ୟ ପ୍ରଦାନରେ ମଧ୍ୟ ଏହି ଅର୍ଥ ଖର୍ଚ୍ଚ ହୋଇପାରିବ। ୨୦୨୧ ମାର୍ଚ୍ଚ ୩୧ ତାରିଖ ସୁଦ୍ଧା ଏହି ଅର୍ଥ (କ୍ୟାପେକ୍ସ)କୁ ବିନିଯୋଗ କରିବାକୁ ହେବ।
ରାଜ୍ୟମାନେ ଏବେ ଯେଉଁସବୁ ଋଣ ସୁବିଧା ପାଇଛନ୍ତି ତା ବାହାରେ ଅତିରିକ୍ତଭାବେ ଏହି ଋଣ ଯୋଗାଣ ବ୍ୟବସ୍ଥା କରାଯାଇଛି । ଏ ବାବଦ ଋଣ ୫୦ ବର୍ଷ ପରେ ରାଜ୍ୟମାନଙ୍କୁ ଶୁଝିବାକୁ ପଡିବ। ଏହି ୫୦ ବର୍ଷ ମଧ୍ୟରେ ସେମାନଙ୍କୁ କୌଣସି ସୁଧ କେନ୍ଦ୍ର ସରକାରଙ୍କୁ ଦେବାକୁ ପଡିବ ନାହିଁ ।
ଅଧିକ ବଜେଟ ବ୍ୟବସ୍ଥା
ଅର୍ଥମନ୍ତ୍ରୀ କହିଛନ୍ତି ଯେ ସଡକ, ପ୍ରତିରକ୍ଷା, ଜଳଯୋଗାଣ, ସହରାଞ୍ଚଳ ବିକାଶ ଏବଂ ଘରୋଇଭାବେ ଉତ୍ପାଦିତ ମୂଳଧନୀ ସାମଗ୍ରୀ ଆଦି କ୍ଷେତ୍ର ପାଇଁ ଚଳିତବର୍ଷ ବଜେଟରେ ଯେଉଁ ୪.୧୩ ଲକ୍ଷ କୋଟି ଟଙ୍କାର ଅତିରିକ୍ତ ବ୍ୟୟବରାଦ ହୋଇଥିଲା ତାହାକୁ ଛାଡି ପୁଞ୍ଜି ବ୍ୟୟ ବଢାଇବାକୁ ବଜେଟରେ ୨୫୦୦୦ କୋଟି ଟଙ୍କାର ଅତିରିକ୍ତ ବ୍ୟୟ ବରାଦ କରାଯାଇଛି।
ସରକାରୀ ବ୍ୟାପାରକୁ ସୁରୁଖୁରୁରେ ସଂପାଦିତ କରିବା ପାଇଁ ଆଗାମୀ ସଂଶୋଧିତ ବଜେଟ ଆକଳନରେ ଏହି ଅର୍ଥ ବରାଦ କରାଯିବ। ଏଥିପାଇଁ ବିଭିନ୍ନ ମନ୍ତ୍ରଣାଳୟ ସହ ଆଲୋଚନା କରି ଅର୍ଥ ମନ୍ତ୍ରଣାଳୟ ଚୂଡାନ୍ତ ନିଷ୍ପତ୍ତି ନେବ।
ଅର୍ଥମନ୍ତ୍ରୀଙ୍କ ଏହି ଘୋଷଣା ଅବସରରେ ବିଭାଗୀୟ ରାଷ୍ଟ୍ରମନ୍ତ୍ରୀ ଅନୁରାଗ ସିଂହ ଠାକୁର, ଅର୍ଥ ସଚିବ ଡ. ଅଜୟଭୂଷଣ ପାଣ୍ଡେ, ବିତ୍ତୀୟ ସେବା ସଚିବ ଦେବାଶିଷ ପଣ୍ଡା ଏବଂ ଅର୍ଥ ବ୍ୟାପାର ବିଭାଗ ସଚିବ ତରୁଣ ବଜାଜ ପ୍ରମୁଖ ଉପସ୍ଥିତ ଥିଲେ ।
ଭୁବନେଶ୍ୱର, ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ ଗତକାଲି ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ସାକ୍ଷତ କରିଛନ୍ତି। ଏହି ଅବସରରେ ଅପରାଜିତା 3ଟି ଆସୋସିଏସନ Odisha-UCO Bank Retirees, EPF Pensioners and NABARD Retired employees, ର ବିଭିନ୍ନ ସମସ୍ୟା ବିଷୟରେ ବିଶେଷ ଆଲୋଚନା କରିଛନ୍ତି। ଏମାନଙ୍କୁ ସାହାର୍ଯ୍ୟ କରିବା ପାଇଁ ଅପରାଜିତା ସୀତାରମଣଙ୍କୁ ଅନୁରୋଧ କରିଥିଲେ। ବିତ୍ତ ମନ୍ତ୍ରଣାଳୟ ଏହି ସମସ୍ୟା ଗୁଡିକ ସମାଧାନ ଦିଗରେ ଆବଶକୀୟ ପଦକ୍ଷେପ ନେବ ବୋଲି ଅପରାଜିତା ଆଶା ରଖିଛନ୍ତି।
ନୂଆଦିଲ୍ଲୀ : କରୋନା ସ୍ଥିତିର ମୁକାବିଲା ପାଇଁ ପ୍ରଧାନମନ୍ତ୍ରୀ ଘୋଷଣା କରିଥିବା 20 ଲକ୍ଷ କୋଟି ଟଙ୍କାର ପ୍ୟାକେଜର ତୃତୀୟ ପର୍ଯ୍ୟାୟ ଘୋଷଣା କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ଆଜି କୃଷି, ଗୋପାଳନ, ମତ୍ସ୍ୟ ଚାଷ ଆଦିକୁ ଗୁରୁତ୍ବ ଦିଆଯାଇଛି ।
ଆଜି 11ଟି କ୍ଷେତ୍ରରେ ବଡ ଘୋଷଣା କରାଯାଇଛି । ସେଥିମଧ୍ୟରୁ 8ଟି ବିଭିନ୍ନ ବିଭାଗର ଭିତ୍ତିଭୂମି ପାଇଁ ହୋଇଥିବାବେଳେ ଅନ୍ୟଟ ତିନୋଟି ଶାସନ ଏବଂ ପ୍ରଶାସନିକ ସଂସ୍କାର ପାଇଁ ଘୋଷଣା ହୋଇଛି ।
ଗତ ଦୁଇ ମାସରେ 74, 300 କୋଟିର ଦ୍ରବ୍ୟ ଚାଷୀଙ୍କ ଠାରୁ କିଣାଯାଇଛି। ବିଭିନ୍ନ ଉତ୍ପାଦିତ ଦ୍ରବ୍ୟକୁ ସର୍ବନିମ୍ନ ସହାୟକ ମୂଲ୍ୟରେ କିଣାଯାଇଛି। ଗତ 2 ମାସ ମଧ୍ୟରେ 18, 700 କୋଟି ଟଙ୍କା ଡିବିଟିରେ ଦିଆଯାଇଛି ବୋଲି ଅର୍ଥମନ୍ତ୍ରୀଙ୍କ ଘୋଷଣାକରିଛନ୍ତି ।
ପ୍ରାଥମିକତା ସମବାୟ ସମିତି, କୃଷକ ସମିତି ପାଇଁ 1 ଲକ୍ଷ କୋଟି ସହାୟତାର ଘୋଷଣା କରିଛନ୍ତି ଅର୍ଥମନ୍ତ୍ରୀ । ଭିତ୍ତିଭୂମି ନିର୍ମାଣ, କୃଷିଜାତ ଦ୍ରବ୍ୟ ସଂରକ୍ଷଣ, ଶୀତଳ ଭଣ୍ଡାର, ଗୋଦାମ ନିର୍ମାଣ ପାଇଁ 1 ଲକ୍ଷ କୋଟି ଖର୍ଚ୍ଚ ହେବ ବୋଲି କହିଛନ୍ତି ଅର୍ଥମନ୍ତ୍ରୀ । କୃଷି କ୍ଲଷ୍ଟର ନିର୍ମାଣ ପାଇଁ 10 ହଜାର କୋଟି ଖର୍ଚ୍ଚ ହେବ ବୋଲି କହିଛନ୍ତି ଅର୍ଥମନ୍ତ୍ରୀ । ବିଭିନ୍ନ ଅଞ୍ଚଳର ଉତ୍ପାଦନ ହେଉଥିବା ଦ୍ରବ୍ୟକୁ ନେଇ କ୍ଲଷ୍ଟର ନିର୍ମାଣ ହେବ । ସ୍ଥାନୀୟ ଉତ୍ପାଦକୁ ଅଗ୍ରାଧିକାର ଦେବାକୁ 10 ହଜାର କୋଟିର ଅନୁଦାନ ଦିଆଯାଇଛି ।
ସେହିପରି ମାଛ ଚାଷକୁ ପ୍ରୋତ୍ସାହନ ଦେବା ପାଇଁ ସ୍ବତନ୍ତ୍ର ଘୋଷଣା କରାଯାଇଛି । ପ୍ରଧାନମନ୍ତ୍ରୀ ମତ୍ସ୍ୟ ସମ୍ପଦ ଯୋଜନା ପାଇଁ 20 ହଜାର କୋଟି ଟଙ୍କାର ଘୋଷଣା କରାଯାଇଛି। ମତ୍ସ୍ୟ ଚାଷ ପାଇଁ 11 ହଜାର କୋଟି ଟଙ୍କା ଅନୁଦାନ ପ୍ରଦାନ କରାଯିବ । ସେହିପରି ଫିସିଂ ହାର୍ବର, ମାର୍କେଟ୍ ମଣ୍ଡି ନିର୍ମାଣ ପାଇଁ 9 ହଜାର କୋଟି ଦିଆଯିବ । ଆଗାମୀ 5 ବର୍ଷରେ ଅତିରିକ୍ତ 70 ଲକ୍ଷ ଟନ୍ ମାଛ ଉତ୍ପାଦନ ଲକ୍ଷ୍ୟ ରଖାଯାଇଛି । ଏହା ଦ୍ବାରା ଅତିରିକ୍ତ 55 ଲକ୍ଷ ଲୋକଙ୍କୁ କର୍ମନିଯୁକ୍ତି ମିଳିବ ବୋଲି କହିଛନ୍ତି ସୀତାରମଣ ।
ପଶୁଙ୍କ ଟୀକାକରଣ ପାଇଁ 13 ହଜାର 343 କୋଟିର ପ୍ୟାକେଜ୍ ଘୋଷଣା କରାଯାଇଛି । ଏହି ପ୍ୟାକେଜ୍ ଜରିଆରେ 53 କୋଟି ଗୋରୁ ଗାଈ ମଇଁଷିଙ୍କୁ ଟୀକାକରଣ କରାଯିବ ।
ଗୋପାଳନ ଡାଏରୀ ପାଇଁ 15 ହଜାର କୋଟି ଖର୍ଚ୍ଚ ହେବ । ଦୁଗ୍ଧ ପ୍ରୋସେସିଂ ପ୍ଲାଣ୍ଟ, ଗୋଖାଦ୍ୟ କାରଖାନା ଆଦି ସ୍ଥାପନ ହେବ ।
ଔଷଧୀୟ ବୃକ୍ଷ ରୋପଣ ପାଇଁ 4 ହଜାର କୋଟିର ପ୍ୟାକେଜ୍ର ଘୋଷଣା କରାଯାଇଛି । ମହୁଚାଷକୁ ପ୍ରାେତ୍ସାହନ ପାଇଁ 500 ଶହ କୋଟିର ସ୍ବତନ୍ତ୍ର ଯୋଜନା ପ୍ରସ୍ତୁତ କରାଯାଇଛି ।
ନୂଆଦିଲ୍ଲୀ, ଆଜି ଅପରାହ୍ନରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ସାମ୍ବାଦିକ ସମ୍ମିଳନୀ ଡାକିଛନ୍ତି। ଏହି ସମ୍ମିଳନୀରେ ସେ ଘୋଷଣା ହୋଇଥିବା 20 ଲକ୍ଷ କୋଟି ଟଙ୍କା କିପରି ଖର୍ଛ ହେବ ତାହା ଅବଗତ କରାଇବେ। ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ସମ୍ବୋଧୀତ କରିବା ବେଳେ 20 ଲକ୍ଷ କୋଟି ଟଙ୍କାର ପ୍ୟାକେଜ ଘୋଷଣା କରିଥିଲେ। ସେତେବେଳେ ସେ କହିଥିଲେ ଯେ, ଏହାର ବିସ୍ତୁତ ବିବରଣୀ ଅର୍ଥମନ୍ତ୍ରଣାଳୟ ଦେବ। ସେହି ଅନୁସାରେ ନିର୍ମଳା ଆଜି ଅପରାହ୍ନ 4ଟା ବେଳେ ଏହି ସାମ୍ବାଦିକ ସମ୍ମିଳନୀ ଡାକିଛନ୍ତି।
କୋଭିଡ19 ଯୋଗୁଁ ବର୍ତ୍ତମାନ ଦେଶର ଅର୍ଥନୀତି ସଂପୂର୍ଣ୍ଣ ଭୁଷୁଡି ପଡିଛି। ବିଭିନ୍ନ କଳକାରଖାନାରୁ ଛଟେଇ ଆରମ୍ଭ ହୋଇଯାଇଛି। ଏହା ଦିନକୁ ଦିନ ବିସ୍ପୋରକ ରୂପ ନେବାର ସମ୍ଭାବନା ରହିଛି। ସେଥିପାଇଁ କେନ୍ଦ୍ର ସରକାର ଏହି ବଡ ପ୍ୟାକେଜ ଘୋଷଣା କରିଛନ୍ତି। ପୂର୍ବରୁ ପ୍ରଧାନମନ୍ତ୍ରୀଙ୍କ ମୁଖ୍ୟମନ୍ତ୍ରୀମାନଙ୍କ ସହିତ ହୋଇଥିବା ଭିଡିଓ ସମ୍ମିଳନୀରେ ମଧ୍ୟ ଏହି ଦାବୀ ଉଠିଥିଲା। କେତେକ ରାଜ୍ୟର ମୁଖ୍ୟମନ୍ତ୍ରୀମାନେ ରାଜ୍ୟକୁ ଆର୍ଥିକ ପ୍ରୋତ୍ସାହନ ଯୋଗାଇ ଦିଆଯାଉ ବୋଲି ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଥିଲେ।