Tag: ଆନ୍ତର୍ଜାତିକ ମହିଳା ଦିବସ

ନୂଆଦିଲ୍ଲୀ: କିଶୋରୀ ବାଳିକା, ଗର୍ଭବତୀ ମହିଳା, ସ୍ତନ୍ୟପାନକରାଉଥିବା ମାଆ ଏବଂ ୦-୬ ବର୍ଷ ବୟସର ପିଲାମାନଙ୍କ ପୁଷ୍ଟି ଓ ନିରାମୟକୁ ଗୁରୁତ୍ୱାରୋପ କରି ୨୦୧୮ ମସିହାର ଆନ୍ତର୍ଜାତିକ ମହିଳା ଦିବସ ଅବସରରେ ଆରମ୍ଭ କରାଯାଇଥିଲା ପୋଷଣ ଅଭିଯାନ। ଏହି ଅଭିଯାନକୁ ୭ ବର୍ଷ ପୂରିଛି। ଏହି ସମୟ ଭିତରେ ନିରନ୍ତର ପ୍ରୟାସ ଓ ସରକାରୀ ପ୍ରୋତ୍ସାହନରେ ଆଜି  ଗାଁରୁ ସହର ସବୁ କ୍ଷେତ୍ରରେ ମହିଳା ଓ ଶିଶୁମାନଙ୍କ ସ୍ୱାସ୍ଥ୍ୟ ରକ୍ଷା କରି ଏକ ସୁସ୍ଥ ଭାରତ ଗଠନରେ ସହାୟକ ହେଉଛି ଏହି ଅଭିଯାନ।

ରାଜସ୍ଥାନର ଝୁନଝୁନୁ ଜିଲ୍ଲାରୁ ପ୍ରଧାନମନ୍ତ୍ରୀଙ୍କ ଦ୍ୱାର ଆରମ୍ଭ ହୋଇଥିବା ଏହି ପୋଷଣ ଅଭିଯାନ ଆଜି ଦେଶର ପ୍ରତି କୋଣରେ ମହିଳା, ଶିଶୁ ଓ ଗର୍ଭବତୀ ମହିଳାଙ୍କୁ ସହାୟକ ହୋଇଛି। କମ୍‍ ଓଜନର ଶିଶୁ ଜନ୍ମ, ପୁଷ୍ଟି ଅଭାବ, ରକ୍ତହୀନତା ଏବଂ ବୟସ ଅନୁସାରେ ଶିଶୁଶଙ୍କ ଓଜନ ହ୍ରାସ ଆଦି ସମସ୍ୟାକୁ ଏହି ଅଭିଯାନ ମାତ୍‍ ଦେବାରେ ସକ୍ଷମ ହୋଇଛି।

ଏହି ଅଭିଯାନର ମୁଖ୍ୟ ଉଦ୍ଦେଶ୍ୟଗୁଡ଼ିକ ହେଉଛି: ଶୂନରୁ ୬ ବର୍ଷ ବୟସର ପିଲାମାନଙ୍କ ମଧ୍ୟରେ  ଓଜନ ହ୍ରାସ ରୋକିବା। ଦ୍ୱିତୀୟରେ ୬ରୁ ୫୯ ମାସର ଶିଶୁଙ୍କ କ୍ଷେତ୍ରରେ ରକ୍ତହୀନତା ହାରକୁ କମାଇବା। ୧୫-୪୯ ବର୍ଷ ବୟସ ବର୍ଗର ମହିଳା ଏବଂ କିଶୋରୀ ବାଳିକାମାନଙ୍କ ମଧ୍ୟରେ ରକ୍ତହୀନତା ହ୍ରାସ କରିବା ପ୍ରଭୃତି ଏହି ଯୋଜନାର ମୂଳ ଲକ୍ଷ୍ୟ।

ଏହି ଲକ୍ଷ୍ୟକୁ ସମୟଭିତ୍ତିରେ ହାସଲ କରିବା ଲାଗି ଅଭିଯାନରେ ୪ଟି କ୍ଷେତ୍ରକୁ ବିଶେଷ ଧ୍ୟାନ ଦିଆଯାଇଛି। ପ୍ରଥମରେ ଗୁଣାତ୍ମକ ସେବା ମାଧ୍ୟମରେ ସମସ୍ୟାକୁ ବୁଝିବା ଏବଂ ପ୍ରତିକାର କରିବା। ସମନ୍ୱିତ ଶିଶୁ ବିକାଶ ଯୋଜନା, ଜାତୀୟ ସ୍ୱାସ୍ଥ୍ୟ ମିଶନ ଏବଂ ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା ଭଳି ଯୋଜନା ମାଧ୍ୟମରେ ଅତ୍ୟାବଶ୍ୟକ ସ୍ୱାସ୍ଥ୍ୟ ସେବା ପ୍ରଦାନ କରାଯାଉଛି। ବିଶେଷକରି ଶିଶୁ ଜୀବନର ପ୍ରଥମ ୧୦୦୦ ଦିନ ମଧ୍ୟରେ ଏହି କାର୍ଯ୍ୟକ୍ରମ ପ୍ରଣୟନ କରାଯାଉଛି।

ଦ୍ୱିତୀୟ କାର୍ଯ୍ୟକ୍ରମ ହେଉଛି କ୍ରସ୍-ସେକ୍ଟରାଲ୍ କନଭର୍ଜେନ୍ସ। ସ୍ୱଚ୍ଛ ଭାରତ ମିଶନ ଅଧୀନରେ ଜଳ ଏବଂ ପରିମଳ ଏବଂ ଜାତୀୟ ପାନୀୟ ଜଳ ମିଶନ ମାଧ୍ୟମରେ ପାନୀୟ ଜଳ ପ୍ରବେଶ ସମେତ ବହୁବିଧ ମନ୍ତ୍ରଣାଳୟ ମଧ୍ୟରେ ପ୍ରୟାସର ସମନ୍ୱୟ କରାଯାଉଛି।

ସେହିପରି  ପ୍ରଯୁକ୍ତିବିଦ୍ୟାର ଉପଯୋଗ କରି ପୁଷ୍ଟିହୀନତାକୁ ରୋକିବା ଲାଗି ପ୍ରୟାସ କରାଯାଉଛି। ପୋଷଣ ଟ୍ରାକର ଆପ୍ଲିକେସନ ଭଳି ଉପକରଣଗୁଡ଼ିକ ପ୍ରକୃତ-ସମୟ ତଥ୍ୟ ସଂଗ୍ରହ ଏବଂ ହସ୍ତକ୍ଷେପକୁ ସକ୍ଷମ କରାଯାଇଛି।

ଚତୁର୍ଥ ଓ ଶେଷ ସ୍ତମ୍ଭ ହେଉଛି ଜନ ଭାଗିଦାରୀ। ଜନସଚେତନତା  ଏବଂ ପୁଷ୍ଟିସାର ସମ୍ବନ୍ଧୀୟ ଆଚରଣଗତ ପରିବର୍ତ୍ତନକୁ ଉତ୍ସାହିତ କରିବା ପାଇଁ ଜନ ଭାଗିଦାରୀ ଅନେକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।

ପୋଷଣ ଅଭିଯାନକୁ ଅଧିକ ବଳ ଦେବା ଲାଗି ଭାରତ ସରକାର “ମିଶନ ସକ୍ଷମ ଅଙ୍ଗନୱାଡି ଏବଂ ପୋଷଣ 2.0″କୁ ମଞ୍ଜୁର କରିଛନ୍ତି। ଏହା ଅନ୍ୟ ଭାଷାରେ ଯାହାକୁ ମିଶନ ପୋଷଣ 2.0 ଭାବରେ ମଧ୍ୟ ପରିଚିତ। ସ୍ୱାସ୍ଥ୍ୟ, ନିରାମୟ ଏବଂ କୁପୋଷଣରୁ ପ୍ରତିରୋଧକ ଶକ୍ତି ବୃଦ୍ଧି କରିବା ପାଇଁ ମିଶନ ମୋଡରେ ଏହାକୁ କାର୍ଯ୍ୟକାରୀ କରାଯାଉଛି। 36ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳ ଏବଂ 781ଟି ଜିଲ୍ଲାରେ କାର୍ଯ୍ୟ କରୁଥିବା 14,00,117 ଅଙ୍ଗନୱାଡି କେନ୍ଦ୍ର ସହାୟତାରେ ଏହି ମିଶନ ପରିଚାଳିତ ହେଉଛି।  ଲକ୍ଷ୍ୟ ରହିଛି ଶିଶୁ, କିଶୋରୀ ଝିଅ, ଗର୍ଭବତୀ ମହିଳା ଏବଂ ସ୍ତନ୍ୟପାନକରାଉଥିବା ମା’ମାନଙ୍କର ସ୍ୱାସ୍ଥ୍ୟ, ନିରାମୟ ଏବଂ ପ୍ରତିରୋଧକ ଶକ୍ତି ବୃଦ୍ଧି କରିବା। 13,30,966 ଅଙ୍ଗନୱାଡି କର୍ମୀଙ୍କ ଦ୍ୱାରା ଏହା 10,08,89,775 ଯୋଗ୍ୟ ହିତାଧିକାରୀଙ୍କ ପାଖରେ ପୁଷ୍ଟିକର ଲାଭ ପହଞ୍ଚାଯାଉଛି। ଭିତ୍ତିଭୂମି ଉନ୍ନତି ମଧ୍ୟରେ 6,77,843 ଅଙ୍ଗନୱାଡି କେନ୍ଦ୍ରର ନିଜସ୍ୱ କୋଠା, 10,07,635 କାର୍ଯ୍ୟକ୍ଷମ ଶୌଚାଳୟ ଏବଂ 12,43,472 ପାନୀୟ ଜଳ ଯୋଗାଣ ସୁବିଧା ଅନ୍ତର୍ଭୁକ୍ତ ରହିଛି।

ପୁଷ୍ଟି ଅଭିଯାନ ଭାରତର କୁପୋଷଣ ବିରୁଦ୍ଧରେ ଲଢ଼େଇରେ ଏକ ଐତିହାସିକ ପଦକ୍ଷେପ। ପ୍ରଯୁକ୍ତିବିଦ୍ୟା, କ୍ରସ୍-ସେକ୍ଟରାଲ୍ ସହଯୋଗ ଏବଂ ସମ୍ପ୍ରଦାୟ-ଚାଳିତ ପ୍ରୟାସକୁ ଏକୀକୃତ କରି, ଏହି କାର୍ଯ୍ୟକ୍ରମ ମାତୃ ଏବଂ ଶିଶୁ ପୁଷ୍ଟିସାର ଉନ୍ନତିରେ ଗୁରୁତ୍ୱପୂର୍ଣ୍ଣ ଅଗ୍ରଗତି କରିଛି। ଏହି ମିଶନର ସଫଳତା ସେବା ପ୍ରଦାନ, ଆଚରଣଗତ ପରିବର୍ତ୍ତନ ଏବଂ ନୀତିଗତ ନବସୃଜନରେ ନିରନ୍ତର ପ୍ରୟାସ ଉପରେ ନିର୍ଭର କରେ। ନିରନ୍ତର ସରକାରୀ ସମର୍ଥନ ଏବଂ ସକ୍ରିୟ ସମ୍ପ୍ରଦାୟ ଅଂଶଗ୍ରହଣ ସହିତ, ପୋଷଣ ଅଭିଯାନ ଭାରତର ମହିଳା ଏବଂ ଶିଶୁମାନଙ୍କ ପାଇଁ ଏକ ସୁସ୍ଥ ଏବଂ ଅଧିକ ପୁଷ୍ଟିକର ଭବିଷ୍ୟତ ସୃଷ୍ଟି କରିବାକୁ ପ୍ରସ୍ତୁତ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି କି, ନମୋ ଆପ୍ ଓପନ୍ ଫୋରମରେ ଅନେକ ଜୀବନଯାତ୍ରାକୁ ସେୟାର କରାଯିବା ପ୍ରେରଣାଦାୟକ। ପ୍ରଧାନମନ୍ତ୍ରୀ ଘୋଷଣା କରିଛନ୍ତି କି ମାର୍ଚ୍ଚ ୮ ତାରିଖ ଆନ୍ତର୍ଜାତିକ ମହିଳା ଦିବସ ଅବସରରେ କିଛି ନିର୍ଦ୍ଦିଷ୍ଟ ମହିଳାଙ୍କୁ ତାଙ୍କ ଡିଜିଟାଲ ସୋସିଆଲ ମିଡିଆ ଆକାଉଣ୍ଟ ପରିଚାଳନା କରିବାକୁ ସୁଯୋଗ ମିଳିବ। ଏହିଭଳି ଆହୁରି ପ୍ରେରଣାଦାୟକ ଜୀବନଯାତ୍ରାକୁ ଅନ୍ୟମାନେ ସେୟାର କରିବାକୁ ପ୍ରଧାନମନ୍ତ୍ରୀ ଆଗ୍ରହ ପ୍ରକାଶ କରିଛନ୍ତି।

ଶ୍ରୀ ମୋଦୀ ଏକ୍ସରେ ଏକ ପୋଷ୍ଟରେ କହିଛନ୍ତି:

“ନମୋ ଆପ୍ ଓପନ୍ ଫୋରମରେ ବହୁତ ପ୍ରେରଣାଦାୟକ ଜୀବନଯାତ୍ରା ସେୟାର କରାଯାଉଥିବା ମୁଁ ଦେଖିବାକୁ ପାଉଛି। ଏହା ମଧ୍ୟରୁ କିଛି ମହିଳାଙ୍କୁ ମାର୍ଚ୍ଚ ୮ ତାରିଖରେ ମୋ ଡିଜିଟାଲ ସୋସିଆଲ ଆକାଉଣ୍ଟ ପରିଚାଳନା କରିବାର ଦାୟିତ୍ୱ ଦେବାକୁ ଚୟନ କରାଯିବ। ଏହିଭଳି ଆହୁରି ପ୍ରେରଣାଦାୟକ ଜୀବନଯାତ୍ରା ଅନ୍ୟମାନେ ସେୟାର କରିବାକୁ ଅନୁରୋଧ କରୁଛି।”

ଭୁବନେଶ୍ୱର: ଚଳିତ ବର୍ଷ ଆନ୍ତର୍ଜାତିକ ମହିଳା ଦିବସ ଅବସରରେ ରିଲାଏନ୍ସ ଫାଉଣ୍ଡେସନର ପ୍ରତିଷ୍ଠାତା-ଅଧ୍ୟକ୍ଷା ନୀତା ଅମ୍ବାନି ‘ଦି ହର୍ ସର୍କଲ୍‌, ଏଭ୍ରିବଡି’ ପ୍ରକଳ୍ପର ଶୁଭାରମ୍ଭ କରିଛନ୍ତି। ଏହି ପ୍ରକଳ୍ପର ଲକ୍ଷ୍ୟ ହେଉଛି ଆକାର, ବୟସ, ରଙ୍ଗ, ଧର୍ମ କିମ୍ବା ଶାରିରୀକ ଗଠନ ଭିନ୍ନ ସମସ୍ତଙ୍କୁ ସମାନ ଢଙ୍ଗରେ ଗ୍ରହଣ କରିବା ଲାଗି ଶରୀର-ସକାରାତ୍ମକ ଭାବର ପ୍ରସାର କରିବା। ଏକ କରୁଣା ଓ ପ୍ରାକ୍‌-ଅନୁମାନର ଗ୍ରହଣୀୟତାର ଏକ ବଳୟ ସୃଷ୍ଟି କରିବା ହେଉଛି ଏହି ଅଭିଯାନର ଲକ୍ଷ୍ୟ। ମହିଳମାନଙ୍କ ଲାଗି ଏକ ସୁରକ୍ଷିତ, ଅନ୍ତର୍ଭୁକ୍ତୀକରଣ, ଅଭିବୃଦ୍ଧି କୈନ୍ଦ୍ରୀକ ଡିଜିଟାଲ ମଂଚ ସୃଷ୍ଟି କରିବା ଲାଗି ୨୦୨୧ରେ ଶ୍ରୀମତୀ ନୀତା ଅମ୍ବାନି ହର୍ ସର୍କଲ୍‌ର ଶୁଭାରମ୍ଭ କରିଥିଲେ। ଦ୍ୱିତୀୟ ବାର୍ଷିକୀରେ ଏହି ମଂଚ ୩୧୦ ନିୟୁତରୁ ଅଧିକ ମହିଳାଙ୍କ ପାଖରେ ପହଂଚି ମହିଳାମାନଙ୍କ ଲାଗି ଭାରତର ସର୍ବବୃହତ ଡିଜିଟାଲ୍ ମଂଚରେ ପରିଣତ ହୋଇଛି। ଅନ୍ତର୍ଭୁକ୍ତୀକରଣର ପ୍ରମୁଖ ଲକ୍ଷ୍ୟକୁ ହାସଲ କରିବା ଲାଗି ଏହି ଅଭିଯାନରେ ସାମିଲ ହେବାକୁ ଶ୍ରୀମତୀ ଅମ୍ବାନି ସମସ୍ତ ମହିଳାଙ୍କୁ ଏହି ଅବସରରେ ଆହ୍ୱାନ ଦେଇଥିଲେ।

ହର୍ ସର୍କଲ୍ ଏଭ୍ରିବଡି ପ୍ରକଳ୍ପର ଶୁଭାରମ୍ଭ ଅବସରରେ ନୀତା ଅମ୍ବାନି କହିଛନ୍ତି ଯେ, “ହର୍ ସର୍କଲ୍ ହେଉଛି ଭଗୀନିତ୍ୱ ଓ ଏକତାର ପ୍ରତୀକ। ଏକ ଏକତା ଯାହା ସମାନତା, ଅନ୍ତର୍ଭୁକ୍ତୀକରଣ ଓ ସମସ୍ତଙ୍କ ପାଇଁ ସମ୍ମାନ ଉପରେ ପର୍ଯ୍ୟବେସିତ। ଏହା ହିଁ ଆମ ନୂଆ ପ୍ରକଳ୍ପ –ହର୍ ସର୍କଲ୍ ଏଭ୍ରିବଡି ପ୍ରକଳ୍ପର ମୂଳରେ ରହିଛି। ସୋସିଆଲ ମିଡିଆରେ ହେଉଥିବା ଟ୍ରୋଲିଂକୁ ବିଷୟରେ ଆମେ ସମସ୍ତେ ଅବଗତ। ଲୋକମାନେ ଲଢ଼ୁଥିବା ଲଢ଼େଇ ବିଷୟରେ କିଛି ବି ନଜାଣି ସେମାନେ ମତାମତ ଦିଅନ୍ତି। ଲୋକମାନେ ମେଡିକାଲ୍ ସମସ୍ୟା ଏବଂ ଜେନେଟିକ୍‌୍ ସମସ୍ୟା ଦେଇ ଗତି କରୁଥାଇପାରନ୍ତି। ତଥାପି ସେମାନଙ୍କୁ ଟ୍ରୋଲିଂ ଓ ଉପହାସର ଶିକାର ହେବାକୁ ପଡ଼ୁଛି। ଏହା ବିଶେଷ କରି ଯୁବପିଢ଼ି ପାଇଁ କ୍ଷତିକାରକ। ଆମେ ଆଶା କରୁଛୁ ଯେ ଆମର ଏହି ଅଭିଯାନ ବିଭିନ୍ନ ଉପାୟରେ ଏହାର ମୁକାବିଲା କରିବ ଏବଂ ଲୋକମାନେ ଯାହା ସେମାନେ ତାହା ହୋଇରହିବା ଲାଗି ସେମାନଙ୍କୁ ବିଶ୍ୱାସ ଓ ସ୍ୱାଧୀନତା ପ୍ରଦାନ କରିବ।’’

ଏହି ନୂଆ ଅଭିଯାନର ଶୁଭାରମ୍ଭ ସହିତ ଶ୍ରୀମତୀ ଅମ୍ବାନି ହର ସର୍କଲ୍‌ର ଦ୍ୱିତୀୟ ବାର୍ଷିକୀକୁ ଏହାର ବାର୍ଷିକ ସ୍ୱତନ୍ତ୍ର ଡିଜିଟାଲ୍ କଭରରେ ସ୍ଥାନିତ ହୋଇ ଏବଂ ଏକ ସ୍ୱତନ୍ତ୍ର ସାକ୍ଷାତକାର ଦେଇ ପାଳନ କରିଥିଲେ।

ଏହି ଅବସରରେ ବାର୍ତା ଦେଇ ନୀତା ଅମ୍ବାନି କହିଥିଲେ ଯେ, “ହର୍ ସର୍କଲ୍‌କୁ ଗଠନ କରିଥିବା ସମଗ୍ର ଟିମ୍ ଓ ନିୟୁତାଧିକ ମହିଳାଙ୍କୁ ଅଭିନନ୍ଦନ ଜଣାଉଛି। ଏହା ଏକ ଚିନ୍ତାଧାରା ଭାବେ ଆରମ୍ଭ ହୋଇଥିଲା। ଆମେ ଏହାକୁ ସମସ୍ତ ମହିଳାଙ୍କ ଲାଗି ଏକ ଆନ୍ଦୋଳନରେ ପରିଣତ କରିବାକୁ ଚାହୁଛୁ। ଲକଡାଉନ୍‌ରେ ଥିବା ବେଳେ ମହାମାରୀ ସମୟରେ ଆମେ ହର୍ ସର୍କଲ୍‌ର ଶୁଭାରମ୍ଭ କରିଥିଲୁ ଏବଂ ଗତ ଦୁଇ ବର୍ଷରେ ଆମେ ଅନେକ ଦୂର ଯାତ୍ରା କରିଛୁ ଏବଂ ଏହା ହେଉଛି ଏକ ଆରମ୍ଭ ମାତ୍ର।’’

ହର୍ ସର୍କଲ୍‌ରେ ୨,୨୦,୦୦୦ରୁ ଅଧିକ ମହିଳା ପଂଜୀକୃତ ହୋଇଛନ୍ତି ଯେଉଁମାନଙ୍କ ମଧ୍ୟରୁ ଅଧିକାଂଶ ହେଉଛନ୍ତି ମହିଳା ଉଦ୍ୟୋଗୀ ଯେଉଁମାନେ ନିରନ୍ତର ଭାବେ ମହିଳାମାନଙ୍କୁ ପେସାଦାର ଓ ସାମାଜିକ ଭାବେ ଯୋଡ଼ିହେବା ଲାଗି ଉତ୍ସାହିତ କରୁଛନ୍ତି। ହର୍ ସର୍କଲ୍ ଏଭ୍ରିବଡି ପ୍ରକଳ୍ପ ହେଉଛି ଏକ ବର୍ଷବ୍ୟାପୀ ଲମ୍ବା ଅଭିଯାନ ଯାହା ସୋସିଆଲ ମିଡିଆ ଯୁଗରେ ମହିଳାମାନଙ୍କ ଅସଲି ଜୀବନ କାହାଣୀ ଓ କ୍ଷୁଦ୍ର ସିନେମା ଜରିଆରେ ଶରୀରର ଗଠନରେ ବିବିଧତାର ପ୍ରସାର କରିବ।

ହର୍ ସର୍କଲ୍‌ରେ ମହିଳାମାନେ ଏକ ସୋସିଆଲ ମିଡିଆ ପ୍ଲାଟଫର୍ମରେ ପରସ୍ପର ସହ ଯୋଡ଼ିହୋଇଛନ୍ତି। ସେଥିରେ ସେମାନେ ଜୀବନ, ୱେଲନେସ୍‌, ଫାଇନାନ୍ସ, କାର୍ଯ୍ୟ, ବ୍ୟକ୍ତିତ୍ୱ ବିକାଶ, ଗୋଷ୍ଠୀ ସେବା, ସୌନ୍ଦର୍ଯ୍ୟ ଫେସନ, ମନୋରଂଜନ, ନିଜକୁ ଅଭିନବ ଢଙ୍ଗରେ ଉପସ୍ଥାପନ କରିବା ଆଦି ଉପରେ ଭିଡିଓକୁ ଦେଖିପାରୁଛନ୍ତି ଓ ନିବନ୍ଧ ପଢ଼ିପାରୁଛନ୍ତି। ବର୍ତ୍ତମାନ ହିନ୍ଦୀ ଓ ଇଂରାଜୀ ଭାଷାରେ ଏହା ଉପଲବ୍ଧ ହେଉଛି। ରିଲାଏନ୍ସର ଅଭିଜ୍ଞ ବିଶେଷଜ୍ଞ କମିଟିଠାରୁ ମହିଳାମାନେ ବିଭିନ୍ନ ବିଷୟ ଉପରେ ପରାମର୍ଶ ହାସଲ କରିପାରୁଛନ୍ତି।

ମାଷ୍ଟରକ୍ଲାସ୍ ଜରିଆରେ ଡିଜିଟାଲ୍ କୋର୍ସ କରିବାର ସୁଯୋଗ ରହିଛି। ଏହା ହେଉଛି ସମ୍ପୂର୍ଣ୍ଣ ବ୍ୟକ୍ତିଗତ, ସୁହାଇବା ଭଳି ଏବଂ ସୁରକ୍ଷିତ। ହର୍ ଗୁଡ୍ ହାବିଟ୍ ଆପ୍ ମଧ୍ୟ ଏହାର ଏକ ଅଂଶ। ହର୍ ସର୍କଲ୍ ୱେବସାଇଟ୍ ସହିତ ଏକ ମାଗଣା ଆପ୍ ଭାବେ ଗୁଗୁଲ୍ ପ୍ଲେ ଷ୍ଟୋର୍ ଓ ଆଇଓଏସ୍ ଆପ୍ ଷ୍ଟୋର୍‌ରେ ଉପଲବ୍ଧ।