Tag: ଆୟୁଷ ମନ୍ତ୍ରଣାଳୟ

ଦିଲ୍ଲୀ: ଅଗଷ୍ଟ ୩୧, ୨୦୨୪ରେ ଗୁଜରାଟର ଗାନ୍ଧୀନଗରସ୍ଥିତ ମହାତ୍ମା ମନ୍ଦିରରେ ଆରମ୍ଭ ହୋଇଥିବା ସପ୍ତମ ରାଷ୍ଟ୍ରୀୟ ପୋଷଣ ମାହରେ ଉନ୍ନତ ଶାସନ ପାଇଁ ଟେକ୍ନୋଲୋଜି ସହିତ ରକ୍ତ ହୀନତା, ଅଭିବୃଦ୍ଧି ତଦାରଖ, ପରିପୂରକ ଆହାର ଏବଂ ପୋଷଣ ଭି , ପଢାଇ ଭି’ ଭଳି ଗୁରୁତ୍ୱପୂର୍ଣ୍ଣ ବିଷୟବସ୍ତୁ ଉପରେ ଗୁରୁତ୍ୱ ଦିଆଯାଇଛି। ଏହି ଅଭିଯାନ ଏକ ପେଡ୍ ମା କେ ନାମ କାର୍ଯ୍ୟକ୍ରମ ମାଧ୍ୟମରେ ପରିବେଶ ନିରନ୍ତରତା ଉପରେ ଗୁରୁତ୍ୱାରୋପ କରେ , ଯେଉଁଥିରେ ସମସ୍ତ କାର୍ଯ୍ୟକ୍ଷମ ୧୩.୯୫ ଲକ୍ଷ ଅଙ୍ଗନୱାଡି କେନ୍ଦ୍ରରେ ବୃକ୍ଷରୋପଣକୁ ପ୍ରୋତ୍ସାହିତ କରାଯାଏ।

ଦେଶବ୍ୟାପୀ ଏହି ଉତ୍ସବର ଷଷ୍ଠ ଦିନ ସୁଦ୍ଧା ୩୫ ଟି ରାଜ୍ୟ / କେନ୍ଦ୍ରଶାସିତ ଅଞ୍ଚଳର ୭୫୨ଟି ଜିଲ୍ଲାରୁ ୧.୩୭ କୋଟି କାର୍ଯ୍ୟକ୍ରମ ରିପୋର୍ଟ କରାଯାଇଛି। ବିହାର, ମଧ୍ୟପ୍ରଦେଶ, ମହାରାଷ୍ଟ୍ର, ତାମିଲନାଡୁ, ଗୁଜରାଟ, ଆନ୍ଧ୍ରପ୍ରଦେଶ ଏବଂ ଉତ୍ତର ପ୍ରଦେଶ ଏ ପର୍ଯ୍ୟନ୍ତ ସର୍ବାଧିକ ଯୋଗଦାନକାରୀ ରାଜ୍ୟ ମଧ୍ୟରେ ରହିଛନ୍ତି।

ଥିମ୍ (ବା ମୁଖ୍ୟ ବିଷୟ) ଦୃଷ୍ଟିରୁ, ବର୍ତ୍ତମାନ ସୁଦ୍ଧା ରକ୍ତହୀନତା ଉପରେ ୩୯ ଲକ୍ଷରୁ ଅଧିକ କାର୍ଯ୍ୟକ୍ରମ, ଅଭିବୃଦ୍ଧି ନିରୀକ୍ଷଣ ଉପରେ ୨୭ ଲକ୍ଷରୁ ଅଧିକ କାର୍ଯ୍ୟକ୍ରମ, ପରିପୂରକ ଆହାର  ଉପରେ ପାଖାପାଖି ୨୦ ଲକ୍ଷ କାର୍ଯ୍ୟକ୍ରମ, ପୋଷଣ ଭି ପଢ଼ାଇ ଭି’ ରେ ୧୮.୫ ଲକ୍ଷରୁ ଅଧିକ କାର୍ଯ୍ୟକ୍ରମ ଏବଂ ଏକ ପେଡ୍ ମା କେ ନାମ ମାଧ୍ୟମରେ ପରିବେଶ ନିରନ୍ତରତା ଉପରେ ୮ ଲକ୍ଷ କାର୍ଯ୍ୟକ୍ରମ କରାଯାଇଛି । ଟେକ୍ନୋଲୋଜି ଫର ବେଟର ଗଭର୍ଣ୍ଣାନ୍ସ (ଉନ୍ନତ ଶାସନ ପାଇଁ ପ୍ରଯୁକ୍ତି) ନାମକ ଏକ ପ୍ରମୁଖ ଫୋକସ୍ କ୍ଷେତ୍ର ଡବ୍ଲ୍ୟୁସିଡିର ମନୋନୀତ କର୍ମକର୍ତ୍ତାମାନଙ୍କୁ ୧୦ ଲକ୍ଷରୁ ଅଧିକ କାର୍ଯ୍ୟକଳାପ ଚିହ୍ନିତ କରିବାକୁ ଉତ୍ସାହିତ କରିଛି ଯାହାର ଉଦ୍ଦେଶ୍ୟ ଆଇସିଟି ଆପ୍ଲିକେସନ୍ ପୋଷଣ ଟ୍ରାକର ସହିତ ଜଡିତ ପୋଷଣ ସୂଚକାଙ୍କ ଏବଂ କାର୍ଯ୍ୟକ୍ରମଗତ କ୍ଷେତ୍ର ଗୁଡ଼ିକର ପ୍ରଭାବଶାଳୀ ରୂପାୟନ ଏବଂ ତଦାରଖରେ ସାହାଯ୍ୟ କରିବା ।

୨୦୧୮ ମସିହାରେ ଦେଶର ପ୍ରଥମ ପୋଷଣ କେନ୍ଦ୍ରିତ ଜନ ଆନ୍ଦୋଳନ ଆରମ୍ଭ ହେବା ପରଠାରୁ ମନ୍ତ୍ରଣାଳୟ / ବିଭାଗ ଗୁଡ଼ିକ ସହିତ ସମନ୍ୱୟ ସର୍ବଦା ଜନ ଆନ୍ଦୋଳନର ମୂଳ ଆଧାର ରହି ଆସିଛି । ସମନ୍ୱୟ ବିଭିନ୍ନ ଦର୍ଶକଙ୍କ ନିକଟରେ ବିଶେଷ କରି ତୃଣମୂଳ ସ୍ତରରେ ପହଞ୍ଚିବାରେ ସହାୟକ ହୋଇଥାଏ । ବର୍ତ୍ତମାନ ସୁଦ୍ଧା, ଚଳିତ ପୋଷଣ ମାହରେ ଶୀର୍ଷ ଯୋଗଦାନକାରୀ ମନ୍ତ୍ରଣାଳୟଗୁଡ଼ିକ ହେଉଛନ୍ତି , ୧.୩୮ ଲକ୍ଷ କାର୍ଯ୍ୟକଳାପ ସହିତ ଶିକ୍ଷା ମନ୍ତ୍ରଣାଳୟ (ଏମଓଇ), ୧.୧୭ ଲକ୍ଷ କାର୍ଯ୍ୟକଳାପ ସହିତ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ (ଏମ୍‌ଓଏଚ୍ ଆଣ୍ଡ ଏଫ୍ଡବ୍ଲ୍ୟୁ), ୧.୦୭ ଲକ୍ଷ କାର୍ଯ୍ୟକଳାପ ସହିତ ଗ୍ରାମୀଣ ଉନ୍ନୟନ ମନ୍ତ୍ରଣାଳୟ (ଏମଓଆରଡି), ୬୯ ହଜାର କାର୍ଯ୍ୟକଳାପ ସହିତ ଆୟୁଷ ମନ୍ତ୍ରଣାଳୟ ଏବଂ ୬୪ ଲକ୍ଷ କାର୍ଯ୍ୟକଳାପ ସହିତ ପଞ୍ଚାୟତିରାଜ ମନ୍ତ୍ରଣାଳୟ (ଏମଓପିଆର) ପୋଷଣ ମାହ ୨୦୨୪ର ଗୋଟିଏ କିମ୍ବା ଅନ୍ୟ ବିଷୟବସ୍ତୁକୁ ସମର୍ଥନ କରି କାର୍ଯ୍ୟ କରୁଛନ୍ତି ।

ପ୍ରତ୍ୟେକ ବିଷୟଗତ କ୍ଷେତ୍ରରେ ଉଲ୍ଲେଖ ହୋଇଥିବା କାର୍ଯ୍ୟକଳାପ ବ୍ୟତୀତ, ଯଦିଓ ରାଜ୍ୟ/ କେନ୍ଦ୍ରଶାସିତ ଅଞ୍ଚଳଗୁଡ଼ିକ ସେମାନଙ୍କ ସ୍ଥାନୀୟ ପରିବେଶରେ ସର୍ବୋତ୍ତମ ଉପଯୁକ୍ତ ଅନ୍ୟାନ୍ୟ ସମ୍ବେଦନଶୀଳ କାର୍ଯ୍ୟକଳାପ ଗ୍ରହଣ କରିବାକୁ ସ୍ୱାଧୀନ ଅଟନ୍ତି, ତଥାପି ବର୍ତ୍ତମାନ ପର୍ଯ୍ୟନ୍ତ ରିପୋର୍ଟ ହୋଇଥିବା ଶୀର୍ଷ କାର୍ଯ୍ୟକଳାପଗୁଡ଼ିକ ମଧ୍ୟରେ ଶିଶୁମାନଙ୍କ ପାଇଁ ରକ୍ତହୀନତା ଶିବିର, କିଶୋରୀମାନଙ୍କ ପାଇଁ ରକ୍ତହୀନତା ଶିବିର (୧୪ – ୧୮ ବର୍ଷ), ଅଭିବୃଦ୍ଧି ତଦାରଖ ପ୍ରୋତ୍ସାହନ ଉପରେ ସମ୍ବେଦନଶୀଳତା ଅଧିବେଶନ, ଅଭିବୃଦ୍ଧି ମାପ ଯାଞ୍ଚ, ମହିଳାମାନଙ୍କ ପାଇଁ ପ୍ରଜନନ ବୟସରେ ରକ୍ତହୀନତା ଶିବିର, ଅଭିବୃଦ୍ଧି ମାପ ଅଭିଯାନ (ସାମ୍ / ଏମଏଏମ ଯାଂଚ), ପରିପୂରକ ଖାଦ୍ୟ ଉପରେ କାର୍ଯ୍ୟକଳାପ / ଶିବିର (୬ ମାସରେ ସୁରକ୍ଷିତ, ପର୍ଯ୍ୟାପ୍ତ ଏବଂ ଉପଯୁକ୍ତ ପରିପୂରକ ଖାଦ୍ୟ), ସହରାଞ୍ଚଳ ବସ୍ତି ଭିତ୍ତିକ ରକ୍ତହୀନତା ଶିବିର ତଥା ବ୍ୟାପକ କାର୍ଯ୍ୟକଳାପ, ସ୍ଥାନୀୟ ଖାଦ୍ୟ ସାମଗ୍ରୀ ମାଧ୍ୟମରେ ପରିପୂରକ ଖାଦ୍ୟ ପ୍ରସ୍ତୁତି ଉପରେ ପ୍ରଦର୍ଶନ ଅଧିବେଶନ, ଏସଏଚଜି, ଏନଏସଏସ / ଏନୱାଇକେ ଇତ୍ୟାଦି ରକ୍ତହୀନତା ସମ୍ବନ୍ଧୀୟ ପ୍ରଚାର କାର୍ଯ୍ୟକଳାପ, ପରିପୂରକ ଖାଦ୍ୟରେ ଖାଦ୍ୟ ବିବିଧତା ପାଇଁ ସଚେତନତା ଶିବିର, ଶିକ୍ଷା ଚୌପାଲ ବିଶେଷ କରି ଏଡବ୍ଲ୍ୟୁସିରେ ଇସିସିଇ ଶିକ୍ଷଣ କର୍ଣ୍ଣରକୁ ପ୍ରୋତ୍ସାହିତ କରିବା, ଏକ୍ ପେଡ୍ ମା କେ ନାମ – ପରିବେଶ ସୁରକ୍ଷା ଉପରେ ପ୍ରତିଶ୍ରୁତି ସହିତ ବୃକ୍ଷରୋପଣ, ଦେଶୀ ଖେଳନାକୁ ପ୍ରୋତ୍ସାହିତ କରୁଥିବା ଖେଳ ଭିତ୍ତିକ ଶିକ୍ଷା ଉପରେ ପିଲା ଏବଂ ଅଭିଭାବକଙ୍କ ପାଇଁ ପ୍ରଦର୍ଶନ ଅଧିବେଶନ / କାର୍ଯ୍ୟକଳାପ ପ୍ରଦର୍ଶନ ଅଧିବେଶନ / କାର୍ଯ୍ୟକଳାପ, ସହରାଞ୍ଚଳ ବସ୍ତି ଭିତ୍ତିକ ଅଭିବୃଦ୍ଧି ମାପ ଅଭିଯାନ (ସାମ୍ / ଏମଏଏମ୍ ଯାଂଚ), ଟୟାଥନ୍ – ଡିଆଇୱାଇ / ଏଡବ୍ଲ୍ୟୁମାନଙ୍କ ସହିତ ସ୍ୱଦେଶୀ ଖେଳନା ନିର୍ମାଣ କର୍ମଶାଳା, ଖେଳନା ଭିତ୍ତିକ ଏବଂ ଖେଳ ଭିତ୍ତିକ ଶିକ୍ଷାକୁ ପ୍ରୋତ୍ସାହିତ କରିବା ପାଇଁ ଗୋଷ୍ଠୀ କେନ୍ଦ୍ରିକ ଖେଳ ଏବଂ ପଢ଼ କାର୍ଯ୍ୟକ୍ରମ, ଗର୍ଭବତୀ ମହିଳାଙ୍କ ଓଜନ ବୃଦ୍ଧି ପାଇଁ ମାପ ଅଭିଯାନ (ଗର୍ଭାବସ୍ଥାର ଓଜନ ବୃଦ୍ଧି) ଏବଂ ପୋଷଣ ଟ୍ରାକରରେ ଏହାର ତଥ୍ୟକୁ ଉଲ୍ଲେଖ କରିବା, ଗାଁ ସୀମା ମଧ୍ୟରେ ଉପଲବ୍ଧ ବିଭିନ୍ନ ଖାଦ୍ୟ ଉପରେ ଆଲୋକପାତ କରିବା ପାଇଁ ଏଡବ୍ଲ୍ୟୁସିର ଫ୍ଲୋରରେ ଫୁଡ୍ ରିସୋର୍ସ ମ୍ୟାପିଂ ଏବଂ ସମ୍ପୃକ୍ତ ବିଶେଷଜ୍ଞଙ୍କ ସହ ପରିବେଶ ସୁରକ୍ଷା ଉପରେ ବ୍ୟାପକ କାର୍ଯ୍ୟକଳାପ ସମୁଦାୟ ଅଂଶଗ୍ରହଣ ଏବଂ ସରକାରୀ ସହଯୋଗକୁ ନେଇ ଦେଶବ୍ୟାପୀ ସମନ୍ୱିତ ଆଭିମୁଖ୍ୟ ସହିତ ଚାଲିଥିବା ପୋଷଣ ମାହ ଦେଶର ଦୁର୍ଗମ ଅଂଚଳରେ ପହଂଚି “ସୁପୋଷିତ କିଶୋରୀ ସଶକ୍ତ ନାରୀ” ବିଷୟରେ ଆଲୋଡନ ସୃଷ୍ଟି କରୁଛି ଏବଂ ପୋଷଣ କେନ୍ଦ୍ରିକ ଜନ ଆନ୍ଦୋଳନ ମାଧ୍ୟମରେ ପ୍ରତ୍ୟେକ ବ୍ୟକ୍ତିଙ୍କୁ ନିୟୋଜିତ ଏବଂ ସଚେତନ କରୁଛି।

ନୂଆଦିଲ୍ଲୀ: ସୂଚନା ଓ ପ୍ରସାରଣ ମନ୍ତ୍ରଣାଳୟ ଏବଂ ଆୟୁଷ ମନ୍ତ୍ରଣାଳୟ ଆନ୍ତର୍ଜାତିକ ଯୋଗ ଦିବସ (ଆଇଡିୱାଇ) ୨୦୨୪ ଆୟୋଜନ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ସୂଚନା ଓ ପ୍ରସାରଣ ମନ୍ତ୍ରଣାଳୟ (ଆଇ ଆଣ୍ଡ ବି) ସଚିବ ଶ୍ରୀ ସଞ୍ଜୟ ଜାଜୁ ଏବଂ ଆୟୁଷ ମନ୍ତ୍ରଣାଳୟର ସଚିବ ବୈଦ୍ୟ ରାଜେଶ କୋଟେଚା ଆଜି ଜୁନ୍ ୨୧ ତାରିଖରେ ପାଳନ କରାଯାଉଥିବା ଆଗାମୀ ଆଇଡିୱାଇ ୨୦୨୪ ପାଇଁ ଗଣମାଧ୍ୟମ ଏବଂ ପ୍ରସାରଣ କାର୍ଯ୍ୟକଳାପର ସମୀକ୍ଷା କରିଛନ୍ତି ।

ସୂଚନା ଓ ପ୍ରସାରଣ ମନ୍ତ୍ରଣାଳୟର ମିଡିଆ ୟୁନିଟ୍ ଗୁଡ଼ିକ ଯୋଗ ଅଭ୍ୟାସର ଉପକାରିତା ବିଷୟରେ ସଚେତନତା ସହିତ ସାଧାରଣ ଯୋଗ ପ୍ରୋଟୋକଲ୍ (ସିୱାଇପି) ବିଷୟରେ ସଚେତନତା ସୃଷ୍ଟି କରିବା ନିମନ୍ତେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରିବାକୁ ପ୍ରସ୍ତୁତ ହେଉଛନ୍ତି । ପତ୍ର ସୂଚନା କାର୍ଯ୍ୟାଳୟ, ପ୍ରସାର ଭାରତୀ, ନ୍ୟୁ ମିଡିଆ ୱିଙ୍ଗ୍ ସମେତ ବିଭିନ୍ନ ଗଣମାଧ୍ୟମ ୟୁନିଟ୍‌ଗୁଡିକ ପ୍ରମୁଖ କାର୍ଯ୍ୟକ୍ରମ ଆୟୋଜନ କରିବା ପାଇଁ ଯୋଜନା କରୁଛନ୍ତି ।

ସାର୍ବଜନିନ ପ୍ରସାରକ , ପ୍ରସାର ଭାରତୀ ଦୂରଦର୍ଶନ (ଡିଡି) / ଅଲ ଇଣ୍ଡିଆ ରେଡିଓ (ଏଆଇଆର) ନେଟୱାର୍କ ମାଧ୍ୟମରେ ବିଭିନ୍ନ କାର୍ଯ୍ୟକ୍ରମର ପ୍ରସାରଣ କରିବ । ଦୂରଦର୍ଶନ ଯୋଗ ବିଶେଷଜ୍ଞଙ୍କ ସହ କାର୍ଯ୍ୟକ୍ରମ/ ସାକ୍ଷାତକାର ପ୍ରସାରଣ କରିବା ସହିତ ସ୍ୱତନ୍ତ୍ର ସକାଳ କାର୍ଯ୍ୟକ୍ରମର ସିଧା ପ୍ରସାରଣ କରିବ ।

ଆୟୁଷ ମନ୍ତ୍ରଣାଳୟ ଅଧୀନରେ ଥିବା ସ୍ୱୟଂଶାସିତ ଅନୁଷ୍ଠାନ ‘ମୋରାରଜୀ ଦେଶାଇ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଯୋଗ’ର ସହଯୋଗରେ ଆକାଶବାଣୀ ଯୋଗକୁ ଜୀବନଶୈଳୀ ଭାବରେ ପ୍ରୋତ୍ସାହିତ କରିବା ଏବଂ ଲୋକଙ୍କ ସାମଗ୍ରିକ କଲ୍ୟାଣ ପାଇଁ ଉଦ୍ଦିଷ୍ଟ କାର୍ଯ୍ୟକ୍ରମ ପ୍ରସାରଣ କରିବ । ଆୟୁଷ ମନ୍ତ୍ରଣାଳୟ ଏକ ‘ଯୋଗ ଗୀତ’ ପ୍ରସ୍ତୁତ କରିଛି , ଯାହାକୁ ସମସ୍ତ ଗଣମାଧ୍ୟମ ପ୍ଲାଟଫର୍ମରେ ପ୍ରସାରଣ କରାଯିବ ।

ସୂଚନା ଓ ପ୍ରସାରଣ ମନ୍ତ୍ରଣାଳୟ ଅର୍ନ୍ତରାଷ୍ଟ୍ରୀୟ ଯୋଗ ଦିବସ ଗଣମାଧ୍ୟମ ସମ୍ମାନ (ଏୱାଇଡିଏମ୍‌ଏସ୍‌) ମାଧ୍ୟମରେ ଘରୋଇ ଗଣମାଧ୍ୟମ ସଂସ୍ଥାଗୁଡ଼ିକୁ ପ୍ରୋତ୍ସାହିତ କରିବାର ପ୍ରୟାସ ଜାରି ରଖିବ । ସୂଚନା ଓ ପ୍ରସାରଣ ମନ୍ତ୍ରଣାଳୟ ଯୋଗର ବାର୍ତ୍ତା ପ୍ରଚାର ପ୍ରସାରରେ ଛାପା ଗଣମାଧ୍ୟମ, ଟିଭି ଏବଂ ରେଡିଓ ଗଣମାଧ୍ୟମ ସଂସ୍ଥା /କମ୍ପାନୀର ଅବଦାନକୁ ସ୍ୱୀକୃତି ଦେବା ପାଇଁ ୨୦୨୩ ଜୁନ୍ ୯ ତାରିଖରେ ଅର୍ନ୍ତରାଷ୍ଟ୍ରୀୟ ଯୋଗ ଦିବସ ମିଡିଆ ସମ୍ମାନ (ଏୱାଇଡିଏମଏସ) ପ୍ରତିଷ୍ଠା କରିଥିଲା । ବିଭିନ୍ନ ବର୍ଗରେ, ଯଥା :’ସମ୍ବାଦପତ୍ରରେ ଯୋଗରେ ଶ୍ରେଷ୍ଠ ଗଣମାଧ୍ୟମ ପ୍ରକାଶନ’, ‘ବୈଦ୍ୟୁତିକ ଗଣମାଧ୍ୟମ (ଟିଭି) ରେ ଯୋଗରେ ଶ୍ରେଷ୍ଠ ଗଣମାଧ୍ୟମ ପ୍ରସାରଣ, ବୈଦ୍ୟୁତିକ ଗଣମାଧ୍ୟମ (ରେଡିଓ)’ ରେ ଯୋଗରେ ଶ୍ରେଷ୍ଠ ଗଣମାଧ୍ୟମ ପ୍ରସାରଣ ପାଇଁ ଏହି ପୁରସ୍କାର ପ୍ରଦାନ କରାଯାଉଛି । ଚଳିତ ବର୍ଷର ଉତ୍ସବ ଶେଷ ହେବା ପରେ ପରବର୍ତ୍ତୀ ସମୟରେ ଗତବର୍ଷର ପୁରସ୍କାର ସହ ଚଳିତ ବର୍ଷର ପୁରସ୍କାର ପ୍ରଦାନ କରାଯିବ ।

ନ୍ୟୁ ମିଡିଆ ୱିଙ୍ଗ୍ (ଏନ୍‌ଏମ୍‌ଡବ୍ଲ୍ୟୁ) ସୂଚନା ଓ ପ୍ରସାରଣ ମନ୍ତ୍ରଣାଳୟର ସୋସିଆଲ ମିଡିଆ ଆକାଉଣ୍ଟ୍ ଜରିଆରେ ‘ପରିବାର ସହିତ ଯୋଗ’ ପ୍ରତିଯୋଗିତା ଭଳି କାର୍ଯ୍ୟକ୍ରମ ଆୟୋଜନ କରିବ, ଯେଉଁଥିରେ ପରିବାରଗୁଡ଼ିକ ପାଇଁ ଏକାଠି ଯୋଗ କରିବା ଏବଂ ଯୋଗ ଗୀତ ବ୍ୟବହାର କରି ରିଲ୍ ଅପଲୋଡ୍ କରିବା ପାଇଁ ଚ୍ୟାଲେଞ୍ଜ ରହିବ । ଏକ ‘ଯୋଗ କୁଇଜ୍ – ଗେସ୍ ଦି ଆସନ’ (ଆସନକୁ ଚିହ୍ନଟ କର) ମଧ୍ୟ ଆୟୋଜନ କରାଯିବ । ଆଇଡିୱାଇ ୨୦୨୪ ପଡ୍‌କାଷ୍ଟ ମୁକ୍ତିଲାଭ କରିବ ।

ଏହାବ୍ୟତୀତ, ସୂଚନା ଓ ପ୍ରସାରଣ ମନ୍ତ୍ରଣାଳୟର ବିଭିନ୍ନ ମିଡିଆ ୟୁନିଟ୍ ଏବଂ ସଂଗଠନ ଆଇଡିୱାଇର ଅଗ୍ରଣୀ ଭାବରେ ଯୋଗ ଉପରେ ଅଧିବେଶନ / କର୍ମଶାଳା ଆୟୋଜନ କରିବେ । କର୍ମଚାରୀଙ୍କ ମଧ୍ୟରେ ଯୋଗ ଓ କଲ୍ୟାଣକୁ ପ୍ରୋତ୍ସାହିତ କରିବା ପାଇଁ ଚଳିତ ବର୍ଷ ଯୋଗ ଶିବିର, ସେମିନାର ଇତ୍ୟାଦି ଆୟୋଜନ କରାଯିବ ।

ଜୁନ୍ ୨୧କୁ ‘ଅର୍ନ୍ତରାଷ୍ଟ୍ରୀୟ ଯୋଗ ଦିବସ’ ଭାବେ ମାନ୍ୟତା ମିଳିବା ପର ଠାରୁ ପ୍ରତିବର୍ଷ ଆଇଡିୱାଇ ପାଳନର ଆକାର ଓ ସ୍ତର ବୃଦ୍ଧି ପାଇବାରେ ଲାଗିଛି । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଯୋଗକୁ ବିଶ୍ୱରେ ପହଞ୍ଚାଇବା ପାଇଁ ସରକାରଙ୍କ ପ୍ରୟାସରେ ଅଗ୍ରଣୀ ଭୂମିକା ଗ୍ରହଣ କରିଛନ୍ତି । ନବମ ଅର୍ନ୍ତରାଷ୍ଟ୍ରୀୟ ଯୋଗ ଦିବସ ୨୦୨୩ ଅବସରରେ ପ୍ରଧାନମନ୍ତ୍ରୀ ୨୦୨୩ ମସିହାରେ ଜାତିସଂଘ ମୁଖ୍ୟାଳୟରେ ଏହି ଉତ୍ସବର ନେତୃତ୍ୱ ନେଇଥିଲେ ଯେଉଁଥିରେ ୧୩୫ଟି ଦେଶର ପ୍ରତିନିଧି ଯୋଗ ଦେଇଥିଲେ । ଯୋଗ ଉତ୍ସବରେ ୧୩୫ଟି ଦେଶ ଅଂଶଗ୍ରହଣ କରି ଗିନିଜ୍ ୱାର୍ଲ୍ଡ ରେକର୍ଡ ସ୍ଥାପନ କରିଥିଲେ । ନୂଆ ନୂଆ ପଦକ୍ଷେପ ସହ ଏହି କାର୍ଯ୍ୟକ୍ରମକୁ ବ୍ୟାପକ ଭାବେ ପାଳନ କରାଯାଇଥିଲା । ମଧ୍ୟପ୍ରଦେଶର ଜବଲପୁର ଠାରେ ଆୟୋଜିତ ମୁଖ୍ୟ ଜାତୀୟ କାର୍ଯ୍ୟକ୍ରମରେ ଉପରାଷ୍ଟ୍ରପତି ଶ୍ରୀ ଜଗଦୀପ ଧନଖଡଙ୍କ ଉପସ୍ଥିତିରେ ୧୫,୦୦୦ରୁ ଅଧିକ ଉତ୍ସାହୀ ପ୍ରତିଯୋଗୀ ସାଧାରଣ ଯୋଗ ପ୍ରୋଟୋକଲ୍ (ସିୱାଇପି) ପ୍ରଦର୍ଶନ କରିଥିଲେ ।

ଏହାବ୍ୟତୀତ ‘ଓସେନ୍ ରିଙ୍ଗ୍ ଅଫ୍ ଯୋଗ’ ରେ ପ୍ରତିରକ୍ଷା, ବୈଦେଶିକ ବ୍ୟାପାର ମନ୍ତ୍ରଣାଳୟ ଏବଂ ବନ୍ଦର, ଜାହାଜ ଚଳାଚଳ ଏବଂ ଜଳପଥ ମନ୍ତ୍ରଣାଳୟ ସହାୟତାରେ ୩୪ଟି ଦେଶର ୧୯ଟି ଜାହାଜର ନୌସେନା କର୍ମଚାରୀ ଯୋଗ ପ୍ରଦର୍ଶନରେ ଅଂଶଗ୍ରହଣ କରିଥିଲେ । ଭାରତର ଗବେଷଣା କେନ୍ଦ୍ର ହିମାଦ୍ରି ଓ ଭାରତୀ ସମେତ ଆର୍କଟିକ୍ ରୁ ଆଣ୍ଟାର୍କଟିକା ପର୍ଯ୍ୟନ୍ତ ଯୋଗ ପ୍ରଦର୍ଶନ କରାଯାଇଥିଲା । ଭାରତୀୟ ସଶସ୍ତ୍ର ବାହିନୀ ‘ଯୋଗ ଭାରତମାଳା’ ସୃଷ୍ଟି କରିଥିଲେ ଏବଂ ଉପକୂଳବର୍ତ୍ତୀ ପ୍ରଦର୍ଶନକୁ ‘ଯୋଗ ସାଗରମାଳା’ ବୋଲି କୁହାଯାଇଥିଲା ।

ତୃଣମୂଳ ସ୍ତରରେ ‘ହର ଆଙ୍ଗନ ଯୋଗ’ ( ପ୍ରତି ଅଗଣାରେ ଯୋଗ) କାର୍ଯ୍ୟକ୍ରମ ଗ୍ରାମୀଣ ସମ୍ପ୍ରଦାୟ ସହ ଯୋଡ଼ି ହୋଇ ପଞ୍ଚାୟତ, ଅଙ୍ଗନବାଡ଼ି କେନ୍ଦ୍ର ଓ ବିଦ୍ୟାଳୟରେ ଯୋଗ ଅଧିବେଶନର ଆୟୋଜନ କରିଛି, ଯାହା ପ୍ରାୟ ୨,୦୦,୦୦୦ ସ୍ଥାନକୁ ବ୍ୟାପିଛି । ଆଇଡିୱାଇ ୨୦୨୩ରେ ଆନୁମାନିକ ଅଂଶଗ୍ରହଣ ୨୩.୪ କୋଟି ଥିଲା ।

ନୂଆଦିଲ୍ଲୀ: ଆୟୁଷ ମନ୍ତ୍ରଣାଳୟ ପ୍ରଧାନମନ୍ତ୍ରୀ ଯୋଗ ପୁରସ୍କାର 2022 ପାଇଁ ନାମାଙ୍କନ ଆମନ୍ତ୍ରିତ କରିଛନ୍ତି। ବିଜେତାମାନଙ୍କର ନାମର ଘୋଷଣା ଅନ୍ତର୍ଜାତୀୟ ଯୋଗ ଦିବସ 21 ଜୁନ୍ 2022 ରେ କରାଯିବ।

ବର୍ଷ 2022 ପାଇଁ ଆବେଦନ ପ୍ରକ୍ରିୟାଟି ବର୍ତ୍ତମାନ ମାଇଁ ଗଭ୍ ପ୍ଲାଟଫର୍ମ (https://innovateindia.mygov.in/pm-yoga-awards-2022/) ରେ ଚାଲୁ ରହିଛି। ଆବେଦନ /ନାମାଙ୍କନ ପ୍ରକ୍ରିୟାକୁ କେବଳ ଅନଲାଇନ୍ ଭାବରେ ଦାଖଲ କରାଯାଇପାରିବ। ହାର୍ଡ଼ କପି ପଠାଇବାର ଆବଶ୍ୟକତା ନାହିଁ। ଏଥିରେ ଭାରତୀୟ ବ୍ୟକ୍ତି/ ସଂସ୍ଥା ପକ୍ଷରୁ ଦୁଇଟି ଜାତୀୟ ବର୍ଗରେ ଆବେଦନ କରା ଯାଇ ପାରିବ। ଏହା ବ୍ୟତୀତ ବିଦେଶୀ ବ୍ୟକ୍ତି/ ସଂସ୍ଥାଙ୍କ ପାଇଁ ମଧ୍ୟ ଦୁଇଟି ଅନ୍ତର୍ଜାତୀୟ ବର୍ଗ ରହିଛି। ଏହି ପୁରସ୍କାର ସେହି ଆବେଦକ/ ନୋମିନିଙ୍କୁ ପ୍ରଦାନ କରାଯିବ, ଯେଉଁମାନେ ଯୋଗରେ ଉଲ୍ଲେଖନୀୟ ଯୋଗଦାନ ଦେଇଛନ୍ତି ତଥା ଯାହାଙ୍କର ଯୋଗରେ ଗଭୀର ଜ୍ଞାନ ରହିଛି।

ଯେଉଁ ବ୍ୟକ୍ତି ଏବଂ ସଂସ୍ଥା ଏଥିରେ ଅଂଶଗ୍ରହଣ କରିବାକୁ ଚାହୁଁଛନ୍ତି, ସେମାନେ ପିଏମୱାଇଏ ର ପେଜ୍ https://innovateindia.mygov.in/pm-yoga-awards-2022/ କୁ ଯାଇ ନାମାଙ୍କନ ପ୍ରକ୍ରିୟାକୁ ବୁଝି ପାରିବେ ତଥା ଏଥିରେ ଅଂଶଗ୍ରହଣ କରିପାରିବେ। ନାମାଙ୍କନ ପ୍ରକ୍ରିୟା ଚଳିତ ବର୍ଷ 28 ମାର୍ଚ୍ଚ 2022 ରେ ଆରମ୍ଭ କରାଯାଇଛି ତଥା ପ୍ରବେଶିକା ଜମା କରିବାର ଅନ୍ତିମ ତାରିଖ ହେଉଛି 27 ଏପ୍ରିଲ୍ 2022।

ପୁରସ୍କାର ପ୍ରକ୍ରିୟାରେ ଭାଗ ନେବା ପାଇଁ ଆବେଦକ ମଧ୍ୟ ପ୍ରତ୍ୟକ୍ଷ ଭାବରେ ମଧ୍ୟ ଆବେଦନ ଦାଖଲ କରିପାରିବେ ବା ଯୋଗ କ୍ଷେତ୍ରରେ କାମ କରୁଥିବା କୌଣସି ପ୍ରମୁଖ ବ୍ୟକ୍ତି ବା ସଙ୍ଗଠନ ଦ୍ବାରା ନାମାଙ୍କିତ ହୋଇ ପାରିବେ। ଆବେଦକ ଏକ ନିର୍ଦ୍ଦିଷ୍ଟ ବର୍ଷରେ ଜାତୀୟ ବା ଆନ୍ତର୍ଜାତୀୟ ପୁରସ୍କାର କ୍ଷେତ୍ରରେ ଗୋଟିଏ ପୁରସ୍କାର ବର୍ଗ ପାଇଁ ନାମାଙ୍କନ କରିପାରିବେ ବା ନିଜେ ନାମାଙ୍କିତ ହୋଇ ପାରିବେ।

ଚୟନ ପ୍ରକ୍ରିୟା ଏକ ବହୁତ ଶୃଙ୍ଖଳିତ ପ୍ରକ୍ରିୟା ଅଟେ ଯେଉଁଥିପାଇଁ ଆୟୁଷ ମନ୍ତ୍ରଣାଳୟ, ଭାରତ ସରକାର ଦୁଇଟି କମିଟିର ଗଠନ କରିଛନ୍ତି – ଯାଞ୍ଚ କମିଟି ଓ ମୂଲ୍ୟାଙ୍କନ କମିଟି ଯେଉଁମାନେ ପୁରସ୍କାର ପାଇଁ ବିଜେତାଙ୍କ ନାମକୁ ଚୂଡ଼ାନ୍ତ ରୂପ ପ୍ରଦାନ ପାଇଁ ଚୟନ ଓ ମୂଲ୍ୟାଙ୍କନ କରିବେ। ମୂଲ୍ୟାଙ୍କନ ସମିତିର ଅଧ୍ୟକ୍ଷତା କ୍ୟାବିନେଟ୍ ସେକ୍ରେଟାରି କରିବେ।

ଯୋଗ ମାନବତାକୁ ଶାରିରୀକ ଓ ମାନସିକ ଆରୋଗ୍ୟର ବାର୍ତ୍ତା ପ୍ରଦାନ କରିଥାଏ। କୋଭିଡ୍ -19 ମହାମାରୀ ସମୟରେ ଏହି ବାର୍ତ୍ତା ଅତ୍ୟନ୍ତ ସାର୍ଥକ ପ୍ରମାଣିତ ହୋଇଛି। ସମଗ୍ର ବିଶ୍ବର ଲୋକମାନେ ସୁସ୍ଥ ରହିବା ଏବଂ ଶକ୍ତିର ସଞ୍ଚାର କରିବା ପାଇଁ ଯୋଗକୁ ନିଜର ଜୀବନରେ ସାମିଲ୍ କରିଛନ୍ତି। ଆନ୍ତର୍ଜାତୀୟ ସ୍ତରରେ ଯୋଗକୁ ମିଳୁଥିବା ପରିଚୟ ଏବଂ ତାହାକୁ ଗ୍ରହଣ କରିବାର ଭାବନା ସେହି ସମୟରେ ଅଧିକ ବ୍ୟାପକ ହୋଇ ପାରିଲା ଯେତେବେଳେ ଜାତି ସଂଘ ବର୍ଷ 2014 ରେ ପ୍ରସ୍ତାବ 69/131 ମାଧ୍ୟମରେ 21 ଜୁନକୁ ଆନ୍ତର୍ଜାତୀୟ ଯୋଗ ଦିବସ ରୂପେ ଘୋଷଣା କରିଛନ୍ତି।

ଚଳିତ ବର୍ଷ ଆନ୍ତର୍ଜାତୀୟ ଯୋଗ ଦିବସ 2022 ର କାଉଣ୍ଟଡାଉନ୍ ଆରମ୍ଭ ହୋଇ ଯାଇଛି। ଏହି ପରିପ୍ରେକ୍ଷୀରେ 13 ମାର୍ଚ୍ଚ 2022 ଠାରୁ ଅଭିଯାନ ମଧ୍ୟ ଆରମ୍ଭ କରି ଦିଆଯାଇଛି। ଶହେ ଦିନର ଏହି କାଉଣ୍ଟ ଡାଉନ୍ 100 ଟି ସହରର 100 ଟି ଅନୁଷ୍ଠାନକୁ ସାମିଲ୍ କରିବ। ଏହି ପ୍ରକ୍ରିୟା 21 ଜୁନ୍ 2022 ପର୍ଯ୍ୟନ୍ତ ଜାରି ରହିବ। ଆଜାଦୀ କି ଅମୃତ ମହୋତ୍ସବ ପାଳନ ଅବସରରେ ଯୋଗାଭ୍ୟାସର ପ୍ରଦର୍ଶନ 21 ଜୁନ୍ 2022 କୁ 75 ଟି ପ୍ରମୁଖ ସାଂସ୍କୃତିକ ସ୍ଥାନରେ ମଧ୍ୟ କରାଯିବ। ଉପରୋକ୍ତ 100 ଦିନରେ ଅନ୍ୟ କାର୍ଯ୍ୟକ୍ରମରେ ଯୋଗ ପ୍ରଦର୍ଶନ, କର୍ମଶଳା ଏବଂ ସେମିନାରର ମଧ୍ୟ ଆୟୋଜନ କରାଯିବ। ମନ୍ତ୍ରଣାଳୟ ବିଶ୍ବ ସ୍ବାସ୍ଥ୍ୟ ସଙ୍ଗଠନର ଏମୟୋଗା ଆପ୍, ନମସ୍ତେ ଆପ୍, ୱାଇ-ବ୍ରେକ୍ ଆପ୍ଲିକେସନ ତଥା ବିଭିନ୍ନ ଲୋକାଭିମୁଖୀ କାର୍ଯ୍ୟକ୍ରମ ମାଧ୍ୟମରେ ଯୋଗର ଲାଭକୁ ପ୍ରସାରିତ କରିବେ। ମାଇଁ ଗଭ୍ ପ୍ଲାଟଫର୍ମରେ ଚାଲୁ ରହିଥିବା କାର୍ଯ୍ୟକ୍ରମରେ ଫଟୋ ପ୍ରତିଯୋଗୀତା, କ୍ବିଜ୍, ଆଲୋଚନା, ଶପଥ, ସର୍ବେକ୍ଷଣ, ଜିଙ୍ଗିଲ୍ ଆଦି ସାମିଲ୍ ରହିଛି।