ନୂଆଦିଲ୍ଲୀ: ଗତ ୬ ଦିନ ଧରି ଦେଶରେ ପେଟ୍ରୋଲ-ଡିଜେଲ ଦାମରେ କୌଣସି ପରିବର୍ତ୍ତନ ହୋଇନାହିଁ। ମାର୍ଚ୍ଚ ୩୦ ତାରିଖରେ ପେଟ୍ରୋଲ ଦାମରେ ୨୨ ପଇସା ଏବଂ ଡିଜେଲ ଦାମରେ ୨୩ ପଇସା ହ୍ରାସ ହୋଇଥିବା ବେଳେ ତୈଳ କମ୍ପାନୀ ଆଜି ଯାଏଁ କୌଣସି ପରିବର୍ତ୍ତନ କରିନାହିଁ। ଏହା ପୂର୍ବରୁ କ୍ରମାଗତ ୨୪ ଦିନ ଧରି ତୈଳ ଦର ସୀମିତ ରହିଥିଲା। ଦେଶରେ ପ୍ରତ୍ୟେକ ଦିନ ସକାଳ ୬ ଟାରେ ତୈଳ ଦରରେ ସଂଶୋଧନ ହୋଇଥାଏ। କାରଣ କ୍ରୂଡ଼ ଅଏଲ ଏବଂ ବିଦେଶୀ ମୁଦ୍ରାର ଦାମ ଆଧାରରେ ପ୍ରତ୍ୟେକ ଦିନ ତୈଳ ଦରରେ ପରିବର୍ତ୍ତନ ହୋଇଥାଏ। ସକାଳ ୬ ଟାରେ ନୂଆ ଦାମ ଦେଶର ପ୍ରତ୍ୟେକ ପେଟ୍ରୋଲ ପମ୍ପରେ ଲାଗୁ ହୋଇଥାଏ।
ଏମିତି ଚେକ୍ କରିପାରିବେ ଆପଣଙ୍କ ସହରର ତୈଳ ଦର:
ଗୋଟିଏ ଏସଏମଏସ (SMS) ମାଧ୍ୟମରେ ଆପଣ ନିଜ ଫୋନରେ ପେଟ୍ରୋଲ-ଡିଜେଲ ଦର ଜାଣିପାରିବେ। ଏଥିପାଇଁ ଇଣ୍ଡିଆନ ଅଏଲ ଏସଏମଏସ ସେବା ଅନୁଯାୟୀ, RSP<ସ୍ପେସ> ପେଟ୍ରୋଲ ପମ୍ପର ଡିଲର କୋଡ ଲେଖି ୯୨୨୪୯୯୨୨୪୯ ନମ୍ବରରେ ଏସଏମଏସ କରିପାରିବେ।